|
Re: لندوة قامت .. الا نصره مافي !! (Re: محمد حيدر المشرف)
|
منعم سلامات .. هذه هي حكاية البوست تماما .. تماما !!!
Quote: في يوم ما من ايام المد الثوري، كنت في الحلة، طلعت لاقرب دكان لي بيتنا باكرا، الدكان اصلا لقريبي احمد الخريج من الجامعة قبل تماني سنوات ولم يتحصل على وظيفة بعد، واهو بطقطق... ومنتظر، وجدت اقربائي المعارضين جدا ... عاطف المفصول لتوه من وظيفته في المصفى، انور الخريج من سنوات وبلا دكان حتى، بابكر المفصول من الامن، جعفر اخو انور الاكبر، والمدرس الخصوصي، وعبدالقادر المزارع الذي هو اخو عاطف واصغر منه ومتزوج، ديل كلهم اصغر مني سنا، ومدثر دفعتي والمتزوج حديثا وسائق التراكتور، والشيخ الذي هو شرطي مرور ، كلهم، كلنا نتطقس اخبار المظاهرات في الخرطوم كيف، مع ان الخرطوم فركة كعب مننا، وكل واحد من هؤلاء قد يذهب للخرطوم ليفطر فطرة مدنكلة، ويجيب الجرايد، ويكسر زمن، لكن لانو في احتمال كركبة في الخرطوم، الليلة نركلس، كلهم دايرين التغيير اليوم قبل بكرة ، لكن لا فعل مباشر دي المشكلة....
|
|
|
|
|
|
|