|
Re: قرارات المملكة .... اختلال الموازين وبداية عهد المخبرين!!! (Re: الجنيد حمد)
|
Quote: الجنيد انت راس السوط وصلك والله شنو ؟؟؟ بطلوا جقلبه ايها الكيزان !! ثم لماذا يبقى الكيزان في الخليج ومشروعهم السياسي يتبوا مقاعد السلطه منذ خمس وعشرون عاماً ؟؟ لماذا لا يذهبون للعيش بين افراد الشعب السوداني ويتحملون نتائج سياسة برنامجهم السياسي سلبية كانت اويجابية ؟؟؟ الكلام لود الباوقة والشفيع وفرانكلي ومن لفه لفهم ؟؟؟ ليس هذا قوائم ولا يحزنون يا الجنيد القانون واضح وكل من يخالفه سينال جزاه اركزوا وبطلوا جرسه !! |
تحياتي / فيصل محمد احمد
ولا شنو ؟؟؟
هسي عليك النبي لو كنت كوز ولا مؤيد مجرد تاييد زي تاييد ودالباوقة ده الجابرني على دوام 14 ساعة شنو ما كان مشيت قعدت قدام القصر الجمهوري واقل من وزارة الشباب ما بقبل الماف شنو بس ناس ود الباوقة ضيعوا مستقبلهم في الخليج ساي (يعني مجرد ما قلنا تحذير طلعنا كيزان سبحان الكريم)
القانون واضح كما تفضلت وعلى كيزان السودان بالمملكة احترام قوانين الدولة او مغادرة اراضيها او تحمل ما يحدث لهم وايضاً على الاخرين عدم استخدام الغبائن الشخصية والقيام بالوشاية بمن يخالفونهم هنا او في اماكن اخرى (هسي الكلام ده فيه غلط )
......
Quote: الجنيد ما تخاف ما ببلغو عنك ... الكلام في ناس هيييع وكيييع البعملوها ظااهرة ديل والله غبيرة دي تبقى ضيقة تااني .. اي كوز يطلع شجرتووو .. وعاش خادم الحرمين ومخلص الشعوب .. |
تحياتي /مهند النجمي
ما تخاف دي طمنتني تب .....
ياحبيب لو افترضنا كده مجرد افتراض المملكة سجنت كل مؤيدي البشير والمتعاطفين معه هل ده بعني سقوط البشير في الخرطوم ...
من حق المملكة حماية نفسها وسن ما تراه مناسب من تشريعات لا احد يستطيع أن يقول غير ذلك وعلى من يقيم في ارضها احترام هذه القوانين
دول الخليج لديها امنها وقلقة جداً من اي مخاطر محتملة لذلك لا تتهاون في تشريعاتها (وده من حقها برضو)
الخائفين منو قصة غبيرة دي تبقى ضيقة ؟؟؟ شغل (البوليس كيس) البعملوه ناس الامن في السودان لو اتطبق ببقى كارثة ونتيجتو ما معروفة وده بدي المؤتمر الوطني في الخرطوم الحق في (سجن قتل ضرب اتهام ) كل من يقف ضده (وده كلو ما بساعد في حل المشكلة في السودان او اسقاط النظام )
........
تحياتي
وقليل من التفكير لا يضر
|
|
|
|
|
|
|
|
|