|
Re: الشيوعيون وتاريخهم القذر الملطخ بالدماء: مجازر بشرية أكثر من 90 مليون قتيل (Re: Mohamed E. Seliaman)
|
دكتور محمد E سليمان
تحية وتقدير ,,,,,,,,,
وين الوحشية يادكتور ......... الحزب الشيوعي السوداني من أكثر الاحزاب الشيوعية وداعه في العالم لانوا أساسا ظروفوا ما مهلتو يبدع ولا يقدم تاريخ دموي في السودان حكم مؤتلف مع جنرالات مايو 1969 م وحكم منفرد من ظهيرة 19 يوليو 1971 ولمدة 72 ساعة فقط ومشي لذمة التاريخ .........................
الأحزاب الشيوعية ما قبل سقوط الاتحاد السوفيتي بداية التسعينات بعد مراجعات قورباتشوف مختلفة كليا عن التجارب الجديدة لاحزاب شيوعية جديدة شفنا تجاربة في امريكا الجنوبية يعني شافيز الله يرحموا نموذج مختلف عن الملازم دانيال اورتيغا في الثمانينات أو الثنائي المدهش فيدل كاسترو وجيفارا في الستينات .....
ماظن الاقتباس جاب جديد في تقديري تجارب شيوعية كتيره بتبرهن على وحشية ودموية الاحزاب الشيوعية لكين ما حتصلح لو كان الكلام عن الحزب الشيوعي السوداني _ البهمنا من كل الاحزاب الشيوعية _
في رأى هسه المسألة في السودان محتاجة لشوية إشتراكية وبشدّة التجربة برهنت ما عندنا القدرة الكافية لنظام اجتماعي البخلى الدولة تتخلى عن كل واجباته ومهامه في الصحة والتعليم وووووو وتخلى المجتمع يقدر يسد الحته دي كقطاع خاص
فما نقدر نقول الاشتراكية شر مطلق ونحنه عايشين واقع مرير ......... اللهم لو كتاباتك دي مقصود بيها هجمات لاجل الهجمات على الشيوعية كنظم وايدلوجية ( حضارات سادت ثم بادت )
قد حملت البندقية هاتفا عندي قضية سحق حزب الماركسية أنه حزب ضلالى كان الكيزان زمان عندهم نشيد زي ده .............. ( برضوا تقدر تقول وحشية ما عادية تقابل الفكر بالبندقية )
أو أجمالا كل الاسلاميين عندهم مرضه أسمه مكافحة الشيوعية .......................زيهم وزي الـ CIA بوقت ما
*** وأكيد التقدير و الود
|
|
![Edit](https://sudaneseonline.com/db/icon_edit.gif)
|
|
|
|