سلام يغشاك ويلقاك كما تريد . حقيقة ساله عنك يا دكتور وبسأل عن اخر اخبارك وان شاء الله اتوفقت فيما سعيت ليهو ؟ ودعواتنا وقلوبنا معاك .
نرجع للموضوع .
Quote: يتحصل الضباط الذين يتقاعدون برتبة لواء على مبلغ مقطوع دفعة واحدة مقداره 40000 جنيه مصري (6670 دولار) و معاش شهري 3000 جنيه مصري (500 دولار)، لكنهم بعد تعيينهم في وظائف عليا يتحصلون على رواتب إضافية تتراوح بين مائة ألف و مليون جنيه مصري شهريا (16670 و 166670 دولار) في الشركات الحكومية الكبرى.
بمناسبة الجيش بالتحديد اي القوات النظامية السودانية بكل مسمياتها , فهي من زمااااااان يا دكتور معروفة عبارة عن موسسأت نهب مسلح للدولة وما بتمثل الا ثقل وارهاق اقتصادي للسودان , لكن زادات هذه الظاهرة بعد ما جات هذه الحكومة المدمرة لبنية الجيش في حد ذاتو وتشريدوا واكيد التعويضات كانت باهظة , وتعينها لي القوات النظامية كتعيين سياسي موالي للخدمة علي الحفاظ التنظيمي وليست الدفاع عن الوطن والدليل القوات النظامية السودانية مريحه نفسها من ناحية الدفاع عن الوطن وبتحارب في الشعب في جزء من مناطق الوطن وسايبة الباقي من بعض الاراضي السودانية تستعمر من قبل دول الجوار !! ومن الملاحظ في الجيش السوداني ارهاقوا للاقتصاد بيمتد للأسر يعني الواحد يا دابو ضابط لبس الكاكي وهاك يا بزار داير عربية لايهو وعربية لي اطفالوا للمدرسة معاها سواق عسكري ما يفوتك يا دكتور هنا برضو ارهاق صحي للعساكر الببقوا فجأة مراسلات لبيوت الضباط الصغار . والمرة ماشة الحنانة وجاية برضو دايرة ليها عربية خاصة ..... والخ من استغلال وتخلف قال ديل القوات النظامية قال !! في ذمتك يا دكتور امجد ترا انت برضو معنا هنا في دولة اوربية ولينا كمية من السنين هل صادفك واحد من قوات الجيش بالتحديد ؟ وبما انهم ما عندهم حروبات ولا عداء مع اي دولة لكن امانة الخدمة الحلفوا عليها القسم اكيد ما بالساهل خيانتها , ما زي الجهلة خقننا ديل الرئيس وقائد القوات المسلحة بحلف قسم بانه هو لونه فقط لون ترابط الوطن وهو كوز من اسؤا التنظيمات العالمية !!! عمومآ موضوع يستحق العودة , وبجي اقول ليك وجهة نظري في الجيش المصري . تحياتي للجميع وفي امان الله .. ولي قدام .
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة