|
|
 The art and science of كسره
|
الكسره أو (الكسرى) حد يجي يصحح لي بالله...
الموضوع ده شاغلني جداً لأسباب كتيرة... أهمها انه اولادي رغم اننا ما بنعمل كسره في البيت كتير، لكن بحبوها جداً .. لما يمشوا لبيت جدّهم في الامارات حبوبتهم بتعمل ليهم الكسره وملاح النعيمية في اول يوم وصولهم... وبعداك يومياً بتعوس ليهم... القصة بدأت بي محمود لما اكتشف الكسره عند حبوبة، وليلى لأنها بتحاكي محمود في اي شي، بقت تحبها برضو.. في السنين الفاتو كنا بنمّشي الحال بي كسره بنشتريها من سودانية فاضلة، بتعمل الكسره في بيتها... الله يديها العافية، نعفتنا كتير ... كنا نجيب الكسره كتيره في الويك اند، ونختها في الفريزر وبعداك نسخّن على قدر ما هم عايزين... انا على الرغم من اني بحب المطبخ شديد وبفتكر اني زولة بعرف دروبه كويس، وما حصل غلبتني وصفة (لحدي الان على اي حال)، لكن الكسره دي عندي منها عقدة... أمّى الله يديها العافية بتعوس باستمرار مما اتزوجت... واهم شي بتكون شايلاه معاها محل ما تمشي هو خمّار العجين بتاع أمها الله يرحمها، والقرقريبة (طوّرتها لأشكال تانية لما ما لقتها بتكلم عنها بعدين).. امي سافرت بريطانيا، الأردن، كندا، الامارات، قطر...في كل البلدان دي كانت بتعوس، وكانت بتكون الرائدة في محل ما تمشي وتشبّك الناس في الكسره بعد ما يكونوا قِنعوا منها.... اتذكر في الاردن لما مشينا كانت حدث كبير انه امنا بتعوس، وعلّمت السودانيات الهناك يعوسوا بعد ما كان ممشين الحال بي حاجه كده بتشبه الكسره عند الاردنيين اسمها خبز الشراك... أها أمي بي خبرتها الطويلة دي، مهارتها في عمل الكسره تعقّد (ما شاء الله)... وما حصل ضقته لي كسره زيّها...
من زمان من قبل ما اتزوج، ولأني كنت بحب ادخّل يدي في المطبخ كتير كنت مجنناها بي موضوع العواسه ده، وبقول ليها تخلي لي عجين في النهاية عشان اجي اجرّب... اعتقد اني الحركة بتاعت العواسة نفسها بعرفها، لكن موضوع الكسره ده اكبر بكتير من الحركة الcool دي على قول أخواني... فكّرت نناقش نقاط كتيره، ولقيت انه ده ممكن يكون موضوع بوست مفيد ولو طلع بنتائج من تجارب الناس، ممكن يكون تاريخي كمان!
في الفترة الفاتت اقنعني نادر انه بالممارسة ممكن اصل لكسره بشكل يرضيني، لي تقريبا تلاته اسابيع بعوس كل تلاته ايام.... اولادي وابوهم مبسوطين بي النتيجة، لكن انا نهائي ما راضية عنها... قاعده احاول اطوّر المخرجات، وملاحظة في تطوّر... بس برضه محتاجين نفهم الفن والعلم الورا القصة دي... المهارة براها بالنسبة لي ما كافية...
خلونا نبدا بي الفيديو ده، كان مرجع لي كتير في العواسه.. وفصفصتو كتير جداً عشان اقدر استخرج منها شويه من المواضيع الحأتكلم فيها في البوست ده، بما في ذلك قوام العجين (عايزين recipe يا جماعة!)، شكل القرقريبة أو أداة العواسه والخيارات الممكن نستخدمها (سمعت عن اكتر من طريقة)، الصاج وشنو الانواع المناسبة، درجة حرارة الصاج، متين نقدر نقول الكسره نجضت عشان نرفعها من الصاج، طرق مبتكرة ممكن نقترحها عشان نسهّل العواسة... وغيرها
|
|
  
|
|
|
|
|
| العنوان |
الكاتب |
Date |
| The art and science of كسره | مريم بنت الحسين | 02-07-14, 09:38 AM |
| Re: The art and science of كسره | عبدالحفيظ ابوسن | 02-07-14, 10:14 AM |
| Re: The art and science of كسره | عبدالعزيز عثمان | 02-07-14, 10:54 AM |
| Re: The art and science of كسره | سيف اليزل برعي البدوي | 02-07-14, 11:58 AM |
| Re: The art and science of كسره | مريم بنت الحسين | 02-07-14, 12:38 PM |
| Re: The art and science of كسره | أسامة العوض | 02-07-14, 12:01 PM |
| Re: The art and science of كسره | مريم بنت الحسين | 02-07-14, 12:10 PM |
| Re: The art and science of كسره | مريم بنت الحسين | 02-07-14, 12:23 PM |
| Re: The art and science of كسره | عبدالحفيظ ابوسن | 02-07-14, 03:54 PM |
| Re: The art and science of كسره | عبدالحفيظ ابوسن | 02-07-14, 03:57 PM |
| Re: The art and science of كسره | Abureesh | 02-07-14, 04:21 PM |
| Re: The art and science of كسره | عبدالحفيظ ابوسن | 02-07-14, 04:45 PM |
| Re: The art and science of كسره | malik_aljack | 02-07-14, 05:17 PM |
| Re: The art and science of كسره | smart_ana2001 | 02-07-14, 07:19 PM |
| Re: The art and science of كسره | مريم بنت الحسين | 02-08-14, 08:54 PM |
| Re: The art and science of كسره | مريم بنت الحسين | 02-08-14, 08:50 PM |
| Re: The art and science of كسره | مريم بنت الحسين | 02-08-14, 08:47 PM |
| Re: The art and science of كسره | مريم بنت الحسين | 02-08-14, 08:41 PM |
| Re: The art and science of كسره | مريم بنت الحسين | 02-08-14, 09:04 PM |
| Re: The art and science of كسره | عبدالحفيظ ابوسن | 02-09-14, 03:21 AM |
| Re: The art and science of كسره | مريم بنت الحسين | 02-11-14, 09:55 AM |
| Re: The art and science of كسره | مريم بنت الحسين | 02-11-14, 01:43 PM |
| Re: The art and science of كسره | مريم بنت الحسين | 02-11-14, 05:14 PM |
| Re: The art and science of كسره | مريم بنت الحسين | 02-11-14, 05:30 PM |
| Re: The art and science of كسره | alsngaq | 02-12-14, 09:43 AM |
| Re: The art and science of كسره | مريم بنت الحسين | 02-12-14, 07:16 PM |
| Re: The art and science of كسره | مريم بنت الحسين | 02-13-14, 09:29 PM |
| Re: The art and science of كسره | خالد عبدالوهاب | 02-13-14, 11:25 PM |
| Re: The art and science of كسره | مريم بنت الحسين | 02-14-14, 01:40 PM |
| Re: The art and science of كسره | خالد عبدالوهاب | 02-14-14, 06:06 PM |
| Re: The art and science of كسره | Abdalla Abbas | 02-14-14, 06:23 PM |
| Re: The art and science of كسره | مريم بنت الحسين | 02-14-14, 10:02 PM |
| Re: The art and science of كسره | مريم بنت الحسين | 02-14-14, 10:10 PM |
| Re: The art and science of كسره | مريم بنت الحسين | 02-15-14, 12:13 PM |
| Re: The art and science of كسره | مريم بنت الحسين | 02-16-14, 09:43 AM |
| Re: The art and science of كسره | مريم بنت الحسين | 02-16-14, 06:23 PM |
| Re: The art and science of كسره | مريم بنت الحسين | 02-21-14, 02:00 PM |
 Re: The art and science of كسره | مريم بنت الحسين | 02-21-14, 02:08 PM |
| Re: The art and science of كسره | مريم بنت الحسين | 02-21-14, 04:31 PM |
| Re: The art and science of كسره | smart_ana2001 | 02-21-14, 06:49 PM |
| Re: The art and science of كسره | خالد عبدالوهاب | 02-21-14, 07:04 PM |
| Re: The art and science of كسره | مريم بنت الحسين | 02-21-14, 08:51 PM |
| Re: The art and science of كسره | مريم بنت الحسين | 02-21-14, 09:03 PM |
| Re: The art and science of كسره | smart_ana2001 | 02-21-14, 09:07 PM |
 Re: The art and science of كسره | مريم بنت الحسين | 02-21-14, 09:11 PM |
| Re: The art and science of كسره | مريم بنت الحسين | 02-22-14, 11:47 AM |
|
| |
مريم بنت الحسين
فيس بوك
تويتر
انستقرام
يوتيوب
بنتيريست