رسائل للاجيال القادمة، هذه بعض أزماتنا القائمة الآن!

Quote: د. انور تحايا انا لم اتعدى على خصوصيتك. طلب العون المادى (الشحدة) موجود على موقع على الانترنت مفتوح للغاشى والماشى، حتى الداير يجدع ليك بنس او بنسين ممكن بكل سهولة عن طريق الباى بال فى ذاك الموقع. أملنا كان فيك كبير خاصة بعد رجوعك للسودان والعمل فيه بعد نهاية نيلك لدرجة الدكتوراة. ولو صبرت لذهبت الى امريكا بضراعك وبامكانياتك المادية وليس بتلفيق الاكاذيب لنيل اللجوء. اكيد هناك ظلم وتعذيب بس كمان ما سمعنا بيك اعتقلوك او عذبوك فى بيوت اشباح. متجدع فى جامعة غاردن ستى لغاية ما طلعت من السودان معزز مكرم. دة ما انتهاك لخصوصية. لا. دة حماية لمئات وربما الاف الشباب الذين يتابعونك ويتابعون انشطتك اول باول وربما يرون فيك قدوة. وبكدة نفقدهم وبين ليلة وضحاها نجدهم فى امريكا طالبى لجوء واى واحد فيهم مادى قرعته، -تلويث لسمعة السودانين. انا قاعد جوة السودان طلعت منه بس لنيل التخصص (حال التخصص فى السودان يغنى عى السؤال) وبمجرد ما اتخصصت رجعت السودان. علشان كدة نحن من نكتوى ينيران الساسة والنشطاء اكثر. هبة سبتمبر والدماء التى جرت انهارا رأينا دمائهم رأى العين ومن رأى ليس كمن سمع. كل من حرض للخروج فى تلك الهبة ثم خرج والتجأ لدنيا يصيبها فلقد خان تلك الدماء الطاهرة. ما تقول لى طالع يناضل بكيبورده. كل المنافقين من مر بهذا البوست سقطوا فى نظر الشارع قبل سنوات منذ ان سموهم معارضى الفنادق والضل البارد. الداير يناضل بالجد يحزم حقائبه ويرجع السودان وما ينظر لينا ويحرض اولادنا للخروج للشارع لمواجهة الرصاص الحى واولاده فى هارفارد واكسفورد. لن نكون سذجا بعد الان. انا طبيب اخصائى واتخصصت خارج السودان- اعمل الان داخل السودان ولا امتلك سيارة وراضى والوضع يمكن التأقلم عليه فقط نصبر ونضحى نحن لنصنع للاجيال القادمة وطنا مستقرا به رخاء ورقى وما يصفونا بالجبن والهروب والتسول. نصيحة: امسح من ارشيفك كل شئ عن تلك المساعدة المادية بس علشان الاجيال القادمة ما يقولوا جدنا مد قرعته للخواجات. :-)