حسا بالله وليد ترابي دا بعد ما ضرب (الشربوت بتاعه) واداها سيجارة اي كان؟ وسكت ما كان افضل من كلامه البيوتاتي دا في وضع مازوم يموت فيه الناس كالحشرات وهو يجئ يقول ليك ظلموا اهل امي وسجنوا عبد الرحمن ( مساعد رئيس جمهوريتهم السفاح بشير سخسيا) الذي الان بامكانه ان يبيد شعب السودان جميعا ولا عزاء؟ وقد يعتقل ابوك ايضا؟ اها انشاء الله حتدخل توش الغابة بتاع الخرطوم مع ان جانجويد ابوك الغابة ذاتها درشوها وتم بيعها مما يازم مشكلتك مع مستثمر عربي يطلعك وليد بلال ولا حفيد ابرهة عليك اللعنة؟ وبالتاكيد عبد الرحمن الان يجلس مع الذي انقلب على ابوه وابوك كمان والبزنس ماشي طبعا مما نسف اسبابك للزعل اساسا؟ اما شعب السودان فليحله الحلال ما تبقى منهم حيا طبعا؟
يعني دا وليد المفكر المزعوم الموهوم حسن الترابي وهو ما زال اسير العشائرية لينتج عقلية البيوتات والانتقام العشائري في داخل منزله؟فعبارة اقاوم او اعارض ما دام هناك ظلم فهو ابسط وانسب عبارة؟ ولكن منطق العشائر هو الانتقام طبعا؟ يعني معناه حرب قبلي عديل بس الله هون اصبح هو وليد بيوتات ساكد؟ ودا كيف ديل ما يرجعوا البلد الى القبلية؟ قال اهلي من قبل امي قال؟ بالله دا ولد استاذ ناظر المدرسة الابتدائي زمان اكثر قومية وطنية واحساس انساني والمام من هذا المتحجر البيوتاتي؟ وفوق هذا كله, بكل سذاجة وغباء عاوز يقنعنا بشهادته في ابوه العلطجي الاكبر حامل عفن الارهاب الاخوانجي الوافد؟ يا اخي من الذي اعتقل اهل امك بالضبط؟
وليه ما سالت ابوك ذاته الذي دخل السجن في اليوم الاول لانقلابه (للتمويه) وخرج ليدخل الاف الابرياء في السجون وببيوت الاشباح دون ادنى سبب؟ وكيف لنا ان نبرئ خالك ذاته المتداهب الاكبر ولا ولده بانهم لم يدخلوا السجن بذات السبب التمويه (التقية) وخالك حسب ما ورد من جانجويد ابوك قالوا لقوه لابس فركة وباروكا ومحنن دقنو ولا حلقو عديل؟ فمن هو صاحب مثل هذه الخطط المنحطة دا يا وليد موهوم زمانه؟
فلا اطن انه احد من قيادات المافيا كان وراء ما حدث والذي ايضا لا يعرفهم انذاك الا الانجلو-فرانكفوني ابوك وخالك ايضا؟ يعني لو كان الحصل دا من المافيا فعلا فابوك بالذات لو في مكة فهو المتهم الاول حتى يثبت برائته؟ وانا ماعارف البعمل فيكم دا كلو شنو؟ انتو عاوزين شنو بالضبط؟ بس عشان تعلقوا فوق رقاب الناس عبثا وخلاص؟ اعتقلوني زملوني ودوني...الخ ومعارض ليتم التشعلب فوق كل تغيير لهذا الشعب الصابر المغلوب على امره؟ وهكذا الدهر كله انتم وخلاص؟
يا اخي ما تحلو عن سماء شعب السودان ان شاء الله يختاروا ابليس ليحكمهم احرارا, الله لا جاب باقيكم يا اخي؟ وبصراحة الناس ديل الا نوديهم متاحف خاصة يكتب عليه: متحف حيوانات غريبة لا يفوتك المشاهدة والقاء نظرة للتامل؟ على الاقل نعوض منهم ولو اقل القليل مما نهبوه واهدروه وعبثوا به طيلة تاريخهم المديد؟ وبنفس القدر عبد الرحمن الصادق الذي لم اجد اجهل منه الا ابوريالة وبشير نفسه؟ ويا للغرابة البتشابهوا يسقطوا ايضا؟ دا ما عارف قدرنا السئ بحق دا جمعهم فينا كيف؟ طوالي تسجل الابلد الابله الابلد الابله الابلد: بشير ,عبد الرحيم, عبد الرحمن؟ وهكذا ابلد ابله تلاتة عساكر في تاريخ السودان كله يجتمعوا في حتة واحدة لصناعة القرار السياسي العالي للسودان الحضاري ونحن في القرن الواحد والعشرون؟
ودا معناه نحن رجعنا الى ماوراء اول مملكة في وادي النيل العظيم؟ اما وليد المرغنى فهو عبارة عن كوتة اخرى في القصة دا؟ دا فلم كامل براهو ولو اخذته ووضعته بجانب ابوالهول لطرشق ابوالهول حالا احتجاجا؟ ولهذا هو مؤهل تماما في ان يكون مساعدا لبشير في البزنس من مقر اقامته؟ ففي اول تصريح له بصفته مساعد بشير وفق صفقة تجارية مسجلة –المرغني- بشير وشركائهما- فصرح على الهواء مباشرة: ونامل ان يتوقف الحرب في جبال النوبة والنيل الابيض؟ بكل جدية كمان؟ ما عارف الحاصل شنو ذاته؟ وذات مرة قرات عنه انه قام بزيارة الى السودان من مقر اقامته وين كدا ما عارف؟
ووليد ترابي بذكرني بحدث في قلب لندن مع باقان اموم ايام ابكرشولة فتحدث باقان عن التحديات في الدولة الجديدة جنوب السودان وقضايا السلام ...الخ فقال نحن دخلنا تجربة حروب اهلية طويلة خسرنا فيها خمسة مليون انسان من الضحايا منذ الاستقلال. ولهذا فان السلام الداخلي والاقليمي مع الجوار في مقدمتهم السودان الشمالي هو خيارنا وهدف استراتيجي بالنسبة لنا؟ وكان ضمن الحضور طاقم سفارة المؤتمر الوطني في لندن الذين جاءوا الى الندوة بخطة محكمة تستهدف الهجوم على باقان الذي قراءهم جيدا ولم يترك لهم مجالا للقفز في شئ. فانهارت كل توقعاتهم وبخرات قراءاتهم قد طرشقت كالعادة؟
مما اضطر احدهم بالصراخ في الندوة انتم قتلة, قتلهم اخوي في ابكرشولا.؟ فسرعان ما اخذه الخواجات خارج المبنى؟ فشخص اعترف واقر بانهم خسروا خمسة مليون انسان في حروب انت تجئ تقول قتلتوا اخوي؟ ويا هو نفس منطق العشائري وليد ترابي وهو في الواقع اقل بكثير من ان يكون عشائريا وانما عقلية عائلية اسرية او ما يسمونهم بابناء البيوتات؟ يا هو عقلية البيوتات هو ثمار فقه الرجعي الفاشي حسن الترابي حتى في منزله فلم ينجب ويعلم من له ذرة احساس بمعاناة الاخر خارج اسرته الذين ايضا قسمهم نصفين اهلي من امي قال؟ ودا معناه اهل ابوه كانوا عال العال طبعا؟ فعلا انت وليد الفاشي حسن الترابي؟ شكرا استاذنا بشرى تحياتي
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة