تحية يازول ياززول بقدر هذا الجمال ياله من زمن رائع وجميل فعلاً
أذكر في مرة من المرات وجدت أناس يدفرون في سيارة وبشهامة السودانيين وطباعهم المعروفة لزيت معاهم ادفرك أدفرك بعد صعوبة السيارة دورت والله العظيم العرق سال من وجوهنا لحدت واطاة الله دي الدنيا كانت سخانة شديدة والسائق بعد أن دورت سيارته نزل بكل أدب وسلم علينا واحد واحد وشكرنا كثيرا سالتهم ياجماعة دا منو ؟؟ تصدق هذا الانسان البسيط كان { أبيل ألير نائب رئيس الجمهورية } !!!!!!!!
علي بالطلاق قبل فترة جاء واحد ومعاهو { مرة } حجم عائلي والراجل ماشي بسرعة بالجيب اللاندكروزر والله نزلت ليه من الشارع عشان سيادتو يمشي سالنا قالوا دي { زوجة { المعتمد والسواق بتاعو !!! دنيا المهلة تضوقا ست النفر الهنية ورضية
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
ابوحراز
فيس بوك
تويتر
انستقرام
يوتيوب
بنتيريست