|
متى سيتخلص السودان مِن هؤلاء البشر.. متى؟!
|
Quote: أعلن سليمان عبدالرحمن المفوض العام للعون الإنساني إنه لن يتم استضافة اللاجئين الفارين من القتال بجنوب السودان في معسكرات لجوء، بل سيتم التعامل معهم كمواطنين إنفاذاً لتوجيهات رئيس الجمهورية المشير عمر البشير الذي تعهد بذلك خلال قمة عقدها بجوبا الاثنين الماضي.وقال سليمان إن أي مواطن يعبر حدود دولته إلى دولة أخرى فراراً أو خوفاً من الحرب يسمى «لاجئاً». |
المصدر: http://akhirlahza.info/akhir/index.php/2011-04-10-12-12-32/3...-r-------------.html
أن تُعامِل الخُرطوم الجنوسودانيين كمُواطِنين، فهذِه سذاجة لا يستطيعُها المرء إلا بِعَونٍ مِن الله تعالى.. والله صحي نُطالِب بِغلق الحُدود، ومنع أي جهة دُولِية بِالتواجُد على الحُدود المُشتركة بِعله "المُساعدات الإنسانِية"، كَيف نرضى بِحزب يحكُم دَولة "الحركة الشعبِية" وهو مُهدِد لِبلادِنا بِلاحقة في مُسماه تُريد "تحرير السودان". لن تهدأ دَولة جنوب السودان أبدًا، فمُكَونها مُتنافِر.. مُتناقِض.. عنصُرِيون.. بينهُم مرارات وإحن تاريخِية.. يسْتعبِدون بعضهم البعض، لِذا يجِب أن نصُد عنا هذا العنت بِغلق الحُدود تمامًا وإجبارهم بشطب لاحِقة "تحرير السودان" مِن مُسمى حزبهم الحاكِم
|
|
|
|
|
|
|
|
Re: متى سيتخلص السودان مِن هؤلاء البشر.. متى؟! (Re: عزام حسن فرح)
|
Quote: نُطالِب بِغلق الحُدود، ومنع أي جهة دُولِية بِالتواجُد على الحُدود المُشتركة بِعله "المُساعدات الإنسانِية" |
سلام يا عزام،
هل سمعت بقصـة المرأة التى دخلت النار بسبب قطـة لم تطعمها ولم تتركها تأكل من حشاش الأرض؟
أما قرار السيــد الرئيس عمر حسن أحمـد البشيـر فى معاملـة الأخوة الجنوبيين، فهو قرار حكيم وإنسانى.. والجنوبيون مشكورون ما طالبوا بالخرطوم لأنها بلد أجدادهـم قبل ان يتحولوا الى هنود حمر بعـد دخول العرب الســودان.
| |
|
|
|
|
|
|
Re: متى سيتخلص السودان مِن هؤلاء البشر.. متى؟! (Re: أيمن محمود)
|
ابو الريش سلام وتحية
Quote: لأنها بلد أجدادهـم قبل ان يتحولوا الى هنود حمر بعـد دخول العرب الســودان. |
اثبت لهم هذا الحق تاريخياً حتى نصدقك لنخرج لهم من بلدهم ونطالب بحقوقنا في بلادنا التي تتدعون اننا جئنا منها
ياخي حرام عليكم والله
كلامك هذا لا أساس له من الصحة نهائياً
| |
|
|
|
|
|
|
Re: متى سيتخلص السودان مِن هؤلاء البشر.. متى؟! (Re: الصادق صديق سلمان)
|
أيمن محمود
Quote: حقوق اللاجئين معروفة |
نعم حقوق اللاجئ معروفة.. بس أنا بتكلم عن جعولِية الإنقاذ الفاتت الحق المعروف ودايرا تسوي اللاجئ مُواطِن
وبرضو مِن الحقوق إني كدولة ما أشعُر بتهديد مِن دَولة جاره، ومُسمى الحزب الحاكِم بِدَولة جنوب السودان بِقول بِتحرير السودان [الحركة الشعبِية لِتحرير السودان] دي مالك عملت منها رايِح؟!
| |
|
|
|
|
|
|
Re: متى سيتخلص السودان مِن هؤلاء البشر.. متى؟! (Re: أيمن محمود)
|
نرجو من السيد عزّام أن يفرِّق بين الحركة الشعبية لتحرير السودان وبين المواطن الجنوبي الذي وقع بين رحى الحرب بدون ذنب جناه. قابلت شلكاوي بمنطقتنا ونحن لنا معهم حدود. هو رجل بسيط ويعيش في دارنا منذ أن كان طفلاً. سألني يعني أنا ببقى شنو بعد إنفصال؟ أنا ببقى ما سوداني؟ قلت له: ستبقى سوداني ولكن من دولة جنوب السودان. قال: ودولة جنوب السودان دا شنو؟ ما ياهو سودان ذاتو؟ قلت له: نعم. يا زول أقعد قبلك ومافي زول جاييك. ما زال الرجل يعيش ولا يفهم أنه خارج السودان أو أنه مواطن من دولة أخرى! أقول للأخ عزّام أها دا بتختو وين في حساباتك؟ تحياتي.
كبـّاشي الصـّـافي .
| |
|
|
|
|
|
|
Re: متى سيتخلص السودان مِن هؤلاء البشر.. متى؟! (Re: عزام حسن فرح)
|
Quote: السلام عليكم يا عزام |
وعليكم السلام ورحمة الله تعالى وبركاته يا الدومة ادريس حنظل
Quote: لاتكون حاقدا للاجئين والمنكوبين من الحرب.....! |
أنا ما حاقِد على الجنوبيين.. أنا -بالإضافة إلى إني شمتااااان- بطلِب مِن دَولتنا السفيه دي إنها تشتغِل سِياسة ولو على سبيل التغيير، الكسب السِياسي أغلبو قائِم على مُفارقات، إستغلال الفُرص.. لو المُجتمع الدَولي الوقف بِشدة مع إنفِصال الجنوب ما دفع قُروش يسد بيها رمق اللاجئين ديل، الحدود تنقفِل، لو سلفاكير ما شطب لاحِقة "تحرير السودان" مِن مُسمى حركتو، الحدود تِنْقفِل
| |
|
|
|
|
|
|
Re: متى سيتخلص السودان مِن هؤلاء البشر.. متى؟! (Re: cantona_1)
|
ما قاله أبو الريش صحيح تاريخيا . فالخرطوم أساسا كان يسكنها الشلك وإسم الخرطوم دا ذاتو إسم بلغة الشلك قبل ان يتم تحويره إلى (خرطوم ) .
إنتو فاكرين السودانيين ديل شنو يا عنصريين ؟ أمة واحدة وعظيمة كانت تسمى بكوش وإمتداها كان خارج حدود السودان الحالية .
أمشوا أنكتوا تاريخ السودان الحقيقي بالله عليكم وأرحمونا من هذا الهراء . أو كل زول ناكر أصله ومتبري مننا أحسن يلم عفشه ويتخارج .
Quote: لن تهدأ دَولة جنوب السودان أبدًا، فمُكَونها مُتنافِر.. مُتناقِض.. عنصُرِيون.. بينهُم مرارات وإحن تاريخِية.. يسْتعبِدون بعضهم البعض، لِذا يجِب أن نصُد عنا هذا العنت بِغلق الحُدود تمامًا وإجبارهم بشطب لاحِقة "تحرير السودان" مِن مُسمى حزبهم الحاكِم |
كأنك تتحدث فى هذا المقتبس يا عزام عن شمال السودان .. هسه الفرق شنو بين البيحدث فى الجزء الشمالي من الخريطة المقسمة من الجزء الجنوبي من الخريطة ؟ هسه نحنا عايشين فى سلام ووئام ..وعنصرية وكراهية وإستعباد مافي يعني ؟!
قوم لف بلا يخمك يا أبو مخ عجين . الجنوبيين أسياد بلد ..يقعدوا ويقوموا على كيفهم فى أى حتة منه .. ولاااااا شكرا ولا منة لعمر البشير وللا عبد الزمبار .. وكل المواهيم مانحي صكوك الوطنية .
وصحي عشنا وشفنا .. جدادة الخلا العايزة تطرد جدادة البيت ..
| |
|
|
|
|
|
|
Re: متى سيتخلص السودان مِن هؤلاء البشر.. متى؟! (Re: AMNA MUKHTAR)
|
cantona_1
Quote: نرجو من السيد عزّام أن يفرِّق بين الحركة الشعبية لتحرير السودان وبين المواطن الجنوبي الذي وقع بين رحى الحرب بدون ذنب جناه. قابلت شلكاوي بمنطقتنا ونحن لنا معهم حدود. هو رجل بسيط ويعيش في دارنا منذ أن كان طفلاً. سألني يعني أنا ببقى شنو بعد إنفصال؟ أنا ببقى ما سوداني؟ قلت له: ستبقى سوداني ولكن من دولة جنوب السودان. قال: ودولة جنوب السودان دا شنو؟ ما ياهو سودان ذاتو؟ قلت له: نعم. يا زول أقعد قبلك ومافي زول جاييك. ما زال الرجل يعيش ولا يفهم أنه خارج السودان أو أنه مواطن من دولة أخرى! أقول للأخ عزّام أها دا بتختو وين في حساباتك؟ |
Quote: أقول للأخ عزّام أها دا بتختو وين في حساباتك؟ |
بخُتهُم يا سَيِد cantona_1 مع الـ98% الصوتوا للإنفِصال
| |
|
|
|
|
|
|
Re: متى سيتخلص السودان مِن هؤلاء البشر.. متى؟! (Re: عزام حسن فرح)
|
AMNA MUKHTAR
Quote: كأنك تتحدث فى هذا المقتبس يا عزام عن شمال السودان .. هسه الفرق شنو بين البيحدث فى الجزء الشمالي من الخريطة المقسمة من الجزء الجنوبي من الخريطة ؟ هسه نحنا عايشين فى سلام ووئام ..وعنصرية وكراهية وإستعباد مافي يعني ؟!
قوم لف بلا يخمك يا أبو مخ عجين . الجنوبيين أسياد بلد ..يقعدوا ويقوموا على كيفهم فى أى حتة منه .. ولاااااا شكرا ولا منة لعمر البشير وللا عبد الزمبار .. وكل المواهيم مانحي صكوك الوطنية .
وصحي عشنا وشفنا .. جدادة الخلا العايزة تطرد جدادة البيت .. |
أول حاجة، الشِمال النيلي في سلام ووئام.. دقيقة.. دقيقة بِالله إنتِ ما محسوبة تبع الشِمال النيلي إنتِ غرباوِية نشأت في شرق السودان، حسب عِلم التشريح السريري وكِده (توجد صورة)، إسْتعباد في الشِمال النيلي! الشِمال النيلي بشر أسياد وإنتِ عاااارفا إسْتعبدو منو وكيف وليه تاني حاجة، بِخُصوص اللف وكِده، أنا مُسْتقِر والحمدلله، إنتِ اللافا ليكِ سنين، ولِسه حتلِفي كِده لامِن الله يغفر ليكِ تالِت حاجة، البلا اليُخُمِك خم الكاكا رابِع حاجة، النقول الجنوبِيين ديل كانو في الخرطوم مِن بدء الخليقة لغاية محمد علي باشا، شنو يعني؟ خامِس حاجة، بِخصوص [جدادة الخلا العايزة تطرد جدادة البيت]، المثل ده ما بنْقال لِنوبي شِمالي نيلي، بس أنا بقدر أمنحِك مثل قاطعو هسسسسع دي مِن راسي ده، مثل بحكي عن وضعي ووضعِك وكِده، المثل بِقول: [الما بتكفيهو.. أكْفيهو] (الأولى مِن الكفاءة/الثانِية مِن الإنْكِفاء)
بختِك يا AMNA MUKHTAR إتكلمت معاكِ.. هيِصي
| |
|
|
|
|
|
|
Re: متى سيتخلص السودان مِن هؤلاء البشر.. متى؟! (Re: cantona_1)
|
يا عزام ياخي ديل اهلنا ،عشنا معا طوال العمر حين كانت الحرب هناك. باياديهم وايادينا ،،شيد ما هو قايم من السودان اليوم. مواطنين بسطاء ،يبحثون عن الحياة ولا علاقة لهم بحرب وثارات. حين اختاروا وطننا حلمو بحياة سعيدة. ولكن الامور تلخبطت،،ولا علاقة لهم بما يحدث. ياعزام ،،بل قل مرحبا بكم في بلادكم،،تقاسمو معهم لقمة العيش،،افتحو لهم القلوب والبيوت... انهم اخواننا،،ومن يدري لعل الوطن كله يتعافي ويسكن فيه النواح. مرحبا بهم يا اخي عزام،،والف مرحب،،في دارهم مواطنين حتي تنكشف الغمة.. سلام
| |
|
|
|
|
|
|
Re: متى سيتخلص السودان مِن هؤلاء البشر.. متى؟! (Re: عبدالعزيز عثمان)
|
أستاذة امنة مختار - سلام وتحية واحترام
Quote: ما قاله أبو الريش صحيح تاريخيا . فالخرطوم أساسا كان يسكنها الشلك وإسم الخرطوم دا ذاتو إسم بلغة الشلك قبل ان يتم تحويره إلى (خرطوم ) .
إنتو فاكرين السودانيين ديل شنو يا عنصريين ؟ أمة واحدة وعظيمة كانت تسمى بكوش وإمتداها كان خارج حدود السودان الحالية .
أمشوا أنكتوا تاريخ السودان الحقيقي بالله عليكم وأرحمونا من هذا الهراء .
أو كل زول ناكر أصله ومتبري مننا أحسن يلم عفشه ويتخارج . |
أرجو ألا ترمي كلامك جزافاً (وبس كدا) هسي كلامك الفوق دا زي كلام ابو الريش تماماً
من يزعم أن الخرطوم للجنوبيين فليأتينا بوثائق وحقائق تاريخية وإلا فيكون كلامه كلام عاطفي مبني على كره مرحلة ستمر من تاريخ السودان لأنه فقط ضد الحكومة
جيبوا لينا وثائق ونحن بنصدق كلامكم دا وحا نمشي الجزيرة العربية نفتش ارضنا واهلنا
ما اعرفه انا ومنذ دخول الاتراك انهم اصطدموا بالجعليين في المتمة وقبلهم بالشوايقة وهذا يعني لي أن هذه القبائل كانت تعيش هناك منذ مئات بل وآلاف السنين لذا دافعت عن ارضها ولم يحدث ان اصطدم الاتراك مع اي من قبائل الجنوب في طريقهم الى غرب السودان
ما يهمني هو الوثائق استاذة آمنة واستاذ ابو الريش
| |
|
|
|
|
|
|
Re: متى سيتخلص السودان مِن هؤلاء البشر.. متى؟! (Re: عزام حسن فرح)
|
Quote: اثبت لهم هذا الحق تاريخياً حتى نصدقك لنخرج لهم من بلدهم ونطالب بحقوقنا في بلادنا التي تتدعون اننا جئنا منها
ياخي حرام عليكم والله
كلامك هذا لا أساس له من الصحة نهائياً |
الأخ الصادق، سلام..
اولا لا اتحدث عن اشخاص بعينهم، ولكن حكاية تدعون اننا جئنا منها دى ما عرفتها.. هل تقصـد ان العرب لم يأتوا من الجزيرة العربيـة؟ ياخى فى ناس لسـه حافظين انسـابهم العربيـة ويتفاخروا بها. فأرجوك اشرح لينا ماذا تقصـد بأننا (ندعى)..
كلمة خرتوم نفسها شلكاوية، وتعنى ملتقى النيلين، لكن لا أتداخل فى هـذا البوست مرة اخرى، وحسبت مخطئا انه مكان للنقاش والاخذ والرد.
وسلام من الله يغشاك.
| |
|
|
|
|
|
|
Re: متى سيتخلص السودان مِن هؤلاء البشر.. متى؟! (Re: Abureesh)
|
Abureesh
يعني ما كُنت بتوحي بِحاجة سلبِية لامِن كتبت لي:
Quote: هل سمعت بقصـة المرأة التى دخلت النار بسبب قطـة لم تطعمها ولم تتركها تأكل من حشاش الأرض؟ |
ــــــــــــــــــــــــــــــــــــــ
Quote: والجنوبيون مشكورون ما طالبوا بالخرطوم لأنها بلد أجدادهـم قبل ان يتحولوا الى هنود حمر بعـد دخول العرب الســودان. |
جلبت ليك معلومة غريبة.. قُلنا ليك أثبِت وأو تكون كاذِب.. فلو أثبت فأنت لَيس بِكاذِب وإن لم تثبِت فأنت كاذِب وبتلقاهو بعدين ـــــــــــــــــــــــــــــــــــــــ
Quote: كلمة خرتوم نفسها شلكاوية، وتعنى ملتقى النيلين |
طَيِب [ أربجي ]* حقو النوبيين يِطالبو بيها على كِده.. وواوسي يِخلوها لِلدناقلة.. بِالله ده إثباتك على جنوبِية الخرطوم!
* ورد يوسف فضل في هامش كتاب الطبقات من أن "ارب " تعني عرب و " جي " تعني بلغة النوبة " مكان " والمعنى " مكان العرب " وقد كانت العاصمة التجارية للعبدلاب.
| |
|
|
|
|
|
|
Re: متى سيتخلص السودان مِن هؤلاء البشر.. متى؟! (Re: عبداللطيف خليل محمد على)
|
عبداللطيف خليل محمد على
Quote: يا جماعة جهدكم معانا كي يتخلص السودان من ( عزام حسن فرح ) ..
بسرعة بالله ..
لا تتوانوا ..
تخريمة :
الراجل دا أخطر من الانقاذ .. |
طَيِب مُمكِن وحياة أبوك أي إقتِراحات للجماعة بِخصوص تخلُص السودان مِن عزام فرح؟ وبسرعة دي شنو كمان.. يعني بتقصُد هسسسع دي الأحد 12 يناير 2014؟! طَيِب ما بنفع أسبوع إسبوعين كِده لغاية ما الجماعة يدبِروا أمرهُم وكِده؟! لأن زي ما إنت عارِف إنو في العجلة الندامة
| |
|
|
|
|
|
|
Re: متى سيتخلص السودان مِن هؤلاء البشر.. متى؟! (Re: بله محمد الفاضل)
|
ياعزام ،،نحن معهم ،،وهم اهلنا،،صادقناهم وخالطناهم ،في الدراسة والعمل والغربة،،،هذا موقفنا،،نتمني لو كنت معنا صلاة من اجل الجنوب الحبيب..عبدالعزيز عثمان
ايتها الارواح الطيبة التي ادمنت الهيام في الافاق.. هذا دم حرام.. ايها البسطاء كغيم اليف الصادقين كشمس ساطعة الجميلين كقمر بهي لم تخلقوا لهذا الليل الجنائزي الاسيف عمدوكم للافراح والمسرة نهارات الحقل والنضار الاكف الطاهرة تحن لمنجل وترس قلم وحقل هذا فصل بناه الشيطان اخرجو منه لحلمكم الجميل هذه ثارات ستشيب الولدان ستهلك الامل الاخضر وتحرق الارض العامرة بالخيرات ايها البهيين كالانهار المقدسة الشامخين كاشجار رحمانية مخضرين كسهوب مضيافة متوحدين ،بالارض الشجر والماء مالذي ادخل النار في روحكم حقنكم بهذا السم القاتل اما ارتوت الارض بالاف القرابين اما مللتم مشاوير التعب والضني اما اهلككم نزف السنين لماذا هذا الحنين الي الحريق ياارواح الاسلاف الطيبة اطفئي هذا الغضب الحارق هدئي النفوس المسخنة وطيري حمامات السلام في هذا الافق الجميل فان اهلي هنا يستحقون الفرح كلهم دفعوا قبلا فاتورة الحرب صلوا من اجل اهلي في الجنوب الحبيب.... ------- اسالكم بكل غالي،،،من اجلهم,, كلمة دعاء صلاة،،،فلقد اوجعتهم الحروب..
| |
|
|
|
|
|
|
Re: متى سيتخلص السودان مِن هؤلاء البشر.. متى؟! (Re: عبدالعزيز عثمان)
|
Quote: ما اعرفه انا ومنذ دخول الاتراك انهم اصطدموا بالجعليين في المتمة وقبلهم بالشوايقة وهذا يعني لي أن هذه القبائل كانت تعيش هناك منذ مئات بل وآلاف السنين لذا دافعت عن ارضها ولم يحدث ان اصطدم الاتراك مع اي من قبائل الجنوب في طريقهم الى غرب السودان
|
يا أخ الصادق سلام . كون الخرطوم أول من عمرها هم الشلك دي حقيقة تاريخية وبدهية كنت فاكرة إنو اى سوداني عارفها !!
وكون الجعليين والشايقية طول عمرهم عايشين فى الشمال دى أنا ما نكرتها فى البوست دا .
السؤال هو : الجعليين والشايقية ديل هم منو ..وأصلهم شنو ؟!! مرة تقولوا إنهم عايشين فى مناطقهم دى مئات بل آلاف من السنين ..يعني بالتالي ينحدروا من نفس الأعراق البينحدروا منها معظم السودانيين . ومرة تقولوا إنهم عرب وجدهم العباس !
أرسوا ليكم على بر بالله .. إنتو مننا وفينا ؟ وللا جايين من حتة تانية ؟
حيرتونا !!
______________
أما إنت يا عزام بختك ..خريف أبو السعن الخلى آمنة تدخل ليك بوست لأنك أصلا زول مشوش وما عندك موضوع و(كاره ذاتك ) على قول الأمير الكوشي . عشان كدا كنت بفطك وما بواخذك على خطرفاتك العنصرية المضحكة .
| |
|
|
|
|
|
|
Re: متى سيتخلص السودان مِن هؤلاء البشر.. متى؟! (Re: عزام حسن فرح)
|
Quote: قول باقان أموم + نِطيط المُنطِطين مِن الجنوسودانيين حين الإنفِصال: [إرْتحنا مِن وَسَخ الخرطوم] بتخلينا نشمت في الحاصِل ليهو والحاصِل ليهُم شماته السنين.
/QUOTE]
سلام يا عزام وال###### لم يرحل من الخرطوم بعد ###### لدرجة الصدى ال###### موجود ولا زال يتفنن في تشظي وتشرذم السودان ال###### موجود وعالق ولا تزال طائراته تقصف الابرياء والعزل لمجرد انهم رفضوا الخضوع لسلطان وسلطة تتصرف كما رجال العصابات ال###### موجود ولم يكنس بعد في فسادهم في تراخيهم من المحافظة على حدود البلاد في لهو السلطة وفجورها وبين بلاط قصورها واذا لم يستعد الشعب السوداني لنكسه لن يكون انفصال الجنوب خاتمة للمطاف بل دولة لدار فور واخرى بجنوب كردفان وجنوب الازرق وبشرقه وحتى شماله وعوضاً عن باقان سيكون هناك الف باقان ولن يجد هؤلاء الملاعيين غير بيوتهم ومنتفعيهم وازيالهم ليحكموهم نعم الحرب مشتعلة في بجنوب السودان وشعب جنوب السودان ليس استثناء من بقية المجتمع السوداني موروث ثقيل من الحروبات وعسكرة المجتمع ونشر كل اسباب الفرقة والحرب فهل تريد من شعب الجنوب الخلاص من كل هذا الموروث بين عشية وضحاها شعب الجنوب شعب كريم سوداني اصيل سترحب به قبائل التماس ولن يعتبرونهم حتى لاجئين بل اصحاب حق اصيل فمرحب بشعب الجنوب بكل بقاع السودان
| |
|
|
|
|
|
|
Re: متى سيتخلص السودان مِن هؤلاء البشر.. متى؟! (Re: الصادق صديق سلمان)
|
Quote: أمة واحدة وعظيمة كانت تسمى بكوش وإمتداها كان خارج حدود السودان الحالية .
أمشوا أنكتوا تاريخ السودان الحقيقي بالله عليكم وأرحمونا من هذا الهراء |
اها نكتناهو ولقيناهو كوش
نمرق نخليها ليهوم؟؟
الواحد يجيك بعد مليون سنه يقوليك امشو انكتو
كما قال اخونا فرح وباختصار هؤلاء الجنوبيين كانو مؤاذننا وقاعدين لينافي حلقناوساحبننا لي وري وماصدقنا قالو انفصال عايزين شنو تاني؟؟حنيه وعاطفه واخوه وشعب واحد وكلمات المجامله التجميليه الماجايبه همها دي انتهت بمجرد اختيارهم للانفصال ياكلو ناروم وباب وانسده ليتهم يحبونكم ويضمرون لكم الخير كما انتم
والله ايا من الجنوبيين لو لقي فرصه يحرق كل الشمال ماتواني لحظه
| |
|
|
|
|
|
|
Re: متى سيتخلص السودان مِن هؤلاء البشر.. متى؟! (Re: الصادق صديق سلمان)
|
تحياتي للجميع
اوكت رابنها بي جاي يا عزام فرح وبت مختار اهة هاكم ما تعملوا لينا دوشة شوفو الزول دة بقول في شنو
Quote: الأستاذة أمنة مختار
أيوا - بل نحن منكم وفيكم اكتر مما انتو مننا وفينا - أها رأيك شنو؟؟
|
تاني يا جماعة اصلا العرب ما جوة جديد هنا يعني دي حقيقة تاريخية حقو الناس ما تغالط فيها اصلا العرب العاربة ابوهم اسماعيل بن ابراهيم عليهما السلام و والدته هاجر النوبية زي ما بتقولو ( الكوشية ) رضي الله عنها اسماعيل عليه السلام .....كنعاني وهاجر رضي الله عنها ... نوبية زي بنقول ( الكوشية ) اسماعيل عليه السلام تزوج من قبيلة جرهم وهم من عرب اليمن ( من اصحاب رحلة الشتاء والصيف ) استقروا بمكة بعد ان جلبتهم الطيور الي موقع ماء زمزم ( حادثة مكان البيت وشعيرة الحج وماء زمزم المشهورة ) ومن اسماعيل جاءت العرب المستعربة يعني بأختصار العرب اصلا كانوا هنا يعني من عندنا من عندنا هنا وبعد ما مشوا ملوا هناك بعضهم جو راجعين لمطرحم ومكانم يعني قصة انو دي ما بلدم وما اصلهم دي وهمة ساسة ليس الا
| |
|
|
|
|
|
|
Re: متى سيتخلص السودان مِن هؤلاء البشر.. متى؟! (Re: الصادق الخالدى)
|
Quote: يعود تاريخ الخرطوم كمستوطنة بشرية إلى عصور سحيقة حيث أكدت المستحثات على أن الإنسان قد استوطن في موقع الخرطوم الحالي منذ سنة 400 قبل الميلاد، وتم العثور على أدوات تعود إلى العصر الحجري في منطقة خور أبو عنجة في مدينة أم درمان الحالية القريبة من الخرطوم، إضافة إلى بقايا أثرية لمستوطنات يرجع تاريخها إلى عهد مملكتي نبتة ومروي في الفترة من 750 قبل الميلاد إلى 350 بعد الميلاد.[14][15] وتقول مصادر أخرى ترجع في تاريخها إلى القرن السادس عشر الميلادي بأن المكان الذي تقوم عليه الآن الخرطوم كان عبارة عن أحراش وغابات، وكان يبعد عن مدينة سوبا عاصمة مملكة علوة، إحدى الممالك المسيحية القديمة في السودان، حوالي 24 كيلومتر (15 ميل). وفي القرن السادس عشر قام سكان جزيرة توتي التي تقع في مجري نهر النيل المقابل للمكان - وكانوا ينتمون إلى قبيلة (المحس) النوبية - بزراعة المكان، قبل أن يقيم فيه أحد فقهائهم ويدعى الشيخ أرباب العقائد مدرسة لتعليم القرآن ويتحول تدريجياً إلى منطقة سكنية |
| |
|
|
|
|
|
|
Re: متى سيتخلص السودان مِن هؤلاء البشر.. متى؟! (Re: ناصر المحسى)
|
كتبت AMNA MUKHTAR
Quote: Azzam Hassan Farah Mohammad الخمسة مليون سوداني الفي مصر ديل كلهم من الشمال ؟ فيهم جنوبيين وفيهم غرابة وبجا ونوبة ومن كل مناحي السودان . وبرضه مافي سوداني يقدر يقعد فى مصر إلا بإقامة ولا يدخل إلا بفيزا . مع إنهم إستثنوا النساء والأطفال من الفيزا لكن الإقامة لا يوجد إستثناء . وتاني ( قوم لف .. وبختك عشان عبرتك ..:)) . |
وبختك عشان عبرت وبختك عشان عبرت وبختك عشان عبرت وبختك عشان عبرت وبختك عشان عبرت
موباااالغة لاكين يا AMNA MUKHTAR
ههههههه.. الرسول.. النبي
Quote: أول حاجة، الشِمال النيلي في سلام ووئام.. دقيقة.. دقيقة بِالله إنتِ ما محسوبة تبع الشِمال النيلي إنتِ غرباوِية نشأت في شرق السودان، حسب عِلم التشريح السريري وكِده (توجد صورة)، إسْتعباد في الشِمال النيلي! الشِمال النيلي بشر أسياد وإنتِ عاااارفا إسْتعبدو منو وكيف وليه تاني حاجة، بِخُصوص اللف وكِده، أنا مُسْتقِر والحمدلله، إنتِ اللافا ليكِ سنين، ولِسه حتلِفي كِده لامِن الله يغفر ليكِ تالِت حاجة، البلا اليُخُمِك خم الكاكا رابِع حاجة، النقول الجنوبِيين ديل كانو في الخرطوم مِن بدء الخليقة لغاية محمد علي باشا، شنو يعني؟ خامِس حاجة، بِخصوص [جدادة الخلا العايزة تطرد جدادة البيت]، المثل ده ما بنْقال لِنوبي شِمالي نيلي، بس أنا بقدر أمنحِك مثل قاطعو هسسسسع دي مِن راسي ده، مثل بحكي عن وضعي ووضعِك وكِده، المثل بِقول: [الما بتكفيهو.. أكْفيهو] (الأولى مِن الكفاءة/الثانِية مِن الإنْكِفاء)
بختِك يا AMNA MUKHTAR إتكلمت معاكِ.. هيِصي |
| |
|
|
|
|
|
|
Re: متى سيتخلص السودان مِن هؤلاء البشر.. متى؟! (Re: عزام حسن فرح)
|
بدرالدين الأمير
Quote: حتى الناجى من المحرقة داير تحرقو ياعزام انت جاى من ياتو كوكب !!!! |
ولد ده الناجي مِن أتون حرب القبائِل الجنوسودانية، يدخُل السودان لاجئ ما أكتر مِن كِده، ولو المُجتمع الدولي ما دفع إنسانِياتو، اللاجئ ده يرجع مِحل ما جا.. يرجع أو يِلوذ بِكينيا أو يوغندا، كيف يلجأ لِمُعذِبو الأول.. مُسْتعبِدو.. مهمِشو.. مُش دي البِموجبا صَوت 98% مِن الجنوبِيين للإنفِصال بدرالدين الأمير شايفك بتحِب تشتغِل علاقات عامة في أعمدتي.. بتلمِع في هيكلك الصَدِئَ.. بقَت ليك أعمدتي حائِطك المبكي، تزرُف فيهو دموع آثامِك وتمشي بِوشك.. إنت يا بدرالدين أكتر مُسْتعرِب بعرفو في الدَوحة بتحتقِر الغرابا والجنوبِيين ونِكاتك فيهم نادِرة وحكاويك عنهم جديرة بِدراستك.. ما علينا.. لمِع يا خوي
| |
|
|
|
|
|
|
Re: متى سيتخلص السودان مِن هؤلاء البشر.. متى؟! (Re: ناصر المحسى)
|
Quote: يعني بأختصار العرب اصلا كانوا هنا يعني من عندنا من عندنا هنا وبعد ما مشوا ملوا هناك بعضهم جو راجعين لمطرحم ومكانم يعني قصة انو دي ما بلدم وما اصلهم دي وهمة ساسة ليس الا |
يا أخ الخالدي .. معلومة العرب من عندينا دى عارفنها وحافظنها من زماااان .. أمال الأمير الكوشي مسمي الجزيرة العربية بالجزيرة الكوشية ليه إنت قايل ؟
ياخي خلي العرب جزء كبير من الهنود من سلالة كوشية .. وكذلك أبورجنيز أستراليا .
لكن نعمل شنو مع عقدة العروبة المستفحلة دي .. آي النبي عربي ..وكلنا بنحب النبي ..لكن حبنا للنبي ما مفروض يخلينا نتبرأ ممن هم مننا وفينا ويخيلينا نسعر فى بعض سعر قدر دا !!
هى الدنيا دي ذاتها شنو .. مش آخرها كوم تراب ؟
______________
أما الأهطل المدعو توفيق عكاشة دا ما بضيع زمن معاهو .. خلى الإسمو عزام دا يتفرج عليهو ..أهو أصلو شبهو ..:)
| |
|
|
|
|
|
|
Re: متى سيتخلص السودان مِن هؤلاء البشر.. متى؟! (Re: AMNA MUKHTAR)
|
Quote: لكن نعمل شنو مع عقدة العروبة المستفحلة دي .. آي النبي عربي ..وكلنا بنحب النبي ..لكن حبنا للنبي ما مفروض يخلينا نتبرأ ممن هم مننا وفينا ويخيلينا نسعر فى بعض سعر قدر دا !!
هى الدنيا دي ذاتها شنو .. مش آخرها كوم تراب ؟ |
ربنا اديك العافية يا اختنا بت مختار وللاسف ديل الساسة الجهلاء الانتهازية وقعو بينا وشتتونا واستغلوا ضعفنا واثروا في تعاملنا و مواقفنا مع بعض وان حصل اي شي للجنوب ياهم اهلنا وجيرانا والبمسهم بمسنا بيتنا بيتم وبيتم بيتنا ربنا يلم الشمل ويكفينا كلنا شر الفتن والقتل
| |
|
|
|
|
|
|
Re: متى سيتخلص السودان مِن هؤلاء البشر.. متى؟! (Re: بدر الدين الأمير)
|
بدرالدين الأمير
Quote: ياعزام انت الطاقية ام قمبور الختيها في راسك دا جبتها من ياتوثقافة |
ثقافة سِري الإمام المهدي النوبي الدنقُلاوي، العَين جَدك أمير على ناسو وبقيت حايِم بِمُسمى وظيفتو "ود الأمير" هسِع لو ما سِري المهدي الإمام ده منح جَدك، أكان طعمو شنو عليك الله، حرّم غير يمسِك موية ويِكحِل أب عشرين ويفتح أب سِتة ويِحِش قشو ويُصُر بهمو ويِوَجِب شاتو ويقرع جملو ويِدُق بربندي لِحُمارو، أكان غير ديل شِن طعمو، ياخ يكفيني إنك بتفتخِر بِمُسمى وظيفة منحها سِري لِجدك، دي ثقافتي الظاهرا في الطاقِية أم قمبور
بِالمُناسبة يا بدرالدين إنت إسم أبوك وجَدك منو؟!
| |
|
|
|
|
|
|
Re: متى سيتخلص السودان مِن هؤلاء البشر.. متى؟! (Re: عزام حسن فرح)
|
اعتقد ان البشير صدق وهو كذوب ..اتمنى ان يصدق في قراره هذا فكما حزبه ليس هو الشعب السوداني كذلك من بحكمون الجنوب ليسو بشعب الجنوب فالحزبين الحاكمين في شمال وجنوب السودان ماهم الا مجموعة لصوص فاسدين احالوا البلاد الى خرابات وساحة حروب وقودها البسطاء وهم واسرهم منعمون بأموال البلاد وقصور ممتدة من ماليزيا وحتى استراليا ..نسأل الله ان يفك اسر الشعبين .
| |
|
|
|
|
|
|
Re: متى سيتخلص السودان مِن هؤلاء البشر.. متى؟! (Re: نيازي مصطفى)
|
سلام عزام نعم بحكم القوانين والمواثيق الدولية شعب الجنوب الهارب من اتون الحرب هو شعب لاجئ مثله مثل اي شعب دولة اخرى وهم نفسهم الذين اختاروا الانفصال ظنا منهم بانهم سيجدون مبتغاهم في دولتهم الوليدة ولكن هم من شاركونا افراحنا واتراحنا واخوتنا واهلنا لا تقل لي نحن ان الاهل بالضرورة تناسبو لانه فعلا كثير من الشمالين والشماليات تجمعهم روابط نسب مع الجنوب وعاشرنا منهم من عاشرنا ولا زلنا اعتقد ان قرار البشير قرار انساني وحكيم
| |
|
|
|
|
|
|
Re: متى سيتخلص السودان مِن هؤلاء البشر.. متى؟! (Re: عزام حسن فرح)
|
تحايا للجميع ،،،
على ما أعتقد أن موضوع البوست كما هو واضح من قرأتي له أن السودان دولة لها كيانها وسيادتها .. ويجب أن تعامل اللاجئين كما هو متعارف عليه دولياُ بابقائهم في معسكرات لاجئين لعدة اسباب منها ما هو أمني او لحصر اللاجئين ليتسني تقديم العون لهم وترحيلهم حال انفراج احوال بلدهم وأعتفد أن صاحب البوست معحق ولا غبار على رأيه فيما يتعلق بذلك وإن كان اللاجئون اخوة لنا في الجوار او العرق فهو معروف لايمكن مساواة اللاجيء بالمواطن على اية حال من الأحوال.
أما فيما يتعلق بمن هم أهل السودان الحقيقيين واصولهم فليس لي في الآمر شيء ، سوى أن اقول إن أراد أهل السودان التقدم فلينهضو من أجل دولة مدنية وهذه الخلافات ان لم تؤخر فلن تقدم السودان خطوة للأمام .
مع احترامي للجميع.
| |
|
|
|
|
|
|
Re: متى سيتخلص السودان مِن هؤلاء البشر.. متى؟! (Re: Shueib Medani)
|
Quote: ثقافة سِري الإمام المهدي النوبي الدنقُلاوي، العَين جَدك أمير على ناسو وبقيت حايِم بِمُسمى وظيفتو "ود الأمير" هسِع لو ما سِري المهدي الإمام ده منح جَدك، أكان طعمو شنو عليك الله، حرّم غير يمسِك موية ويِكحِل أب عشرين ويفتح أب سِتة ويِحِش قشو ويُصُر بهمو ويِوَجِب شاتو ويقرع جملو ويِدُق بربندي لِحُمارو، أكان غير ديل شِن طعمو، ياخ يكفيني إنك بتفتخِر بِمُسمى وظيفة منحها سِري لِجدك، دي ثقافتي الظاهرا في الطاقِية أم قمبور
بِالمُناسبة يا بدرالدين إنت إسم أبوك وجَدك منو؟! |
عزام سيدك الامام دا النصرو مين مش الغرابة الانت بتمتهن ادميتهم والطاقية ام قمبر دى هى حقت الانصار الغرابة ياداقس المعرفة
Quote: بِالمُناسبة يا بدرالدين إنت إسم أبوك وجَدك منو؟ |
ابوى اسمو محمد وجدى اسمو الامير لاقاتل مع المهدى ولافى حد امرو بالتامر على احد وجد جدى كان قاضى القضاة في المملكة السنارية ولسا الككر أي كرسى قضاى القضاة متوارث في اسرتنا الممتدة تتذكر قبل كم سنة حين احتدينا في حوار هنا جيت وسالتنى وقلت لى انا امى فلانة الفلانية انت امك منو ترفعت ولم اجب على هذا الهراء لكن ولمن واجهك ابن خالتى محمد عبدالرحمن عضو المنبر وقال لك هاجم بدرالدين زى ماداير لكن امو اى خالتى الدخلها شنو وانت قاصد شنو اعتذرت وقلت انا ماقاصد حاجة بس داير اغيظ الزول البارد دا اها ياعزام نحن من ناحية اصول ابى جدنا الكبير حمد ود ابو زيد البصيلابى المذكور في طبقات ود ضيف الله صاحب القبة العتيقة في اربجى التاريخية جاين من حضرموت في اليمن ومن ناحية زوجته نحنا بجا وجدى الامير زوجته التانية من الكرمك وعنده احفاد منها وبنتزاور ياعزام انا في النهاية سودانى وبس
| |
|
|
|
|
|
|
| |