الدور الخبيث لاثيوبيا فى ازمة الجنوب

Quote: يا زكريا.. انا مقتنع انو الحاصل في الجنوب ده.. صنع في الخرطوم بالكامل.. الكلام ده كان واضح شدديد في حديث البشير في جوبا.. قال انو نحن جربنا دعم المعارضة المسلحة في (اثيوبيا، وتشاد، وارتريا، وافريقيا الوسطي، ويوغندا، لقينا مافي فائدة).. الكلام ده في الظاهركلام جيد وا وا عليهو غبار كانو بيقول انو الخرطوم تابت من حكاية دعم المعارضة المسلحة في الدول المجاورة\ ..وانو النظام في الشمال ما عندو يد في البحصل في الجنوب.. الا لكن لو قريناهو بصورة مختلفة، وربطناهو مع الاحداث التي تجري علي الارض بنلقي او الكلام ده فيهو عدة رسائل موجهة خصيصا للرئيس سلفا كيير.. 1- قدم نصيحة للرئيس سلفا.. بيقول ليهو بص شوف حال الدول الكانت بتدعم المعارضة المسلحة عندنا (ابدأ من اثيوبيا قسمناها بلدين، وخلينا كل قبيلة فيها شايلة ليها سلاح) وبقت معانا سمن علي عسل.. وعندك افورقي.. الحركة بتاعتكم دي + التحالف+ التجمع.. اهو شوف في الاخر افورقي قرب ياخد الجنسية السودانية.. وعندك ادريس دبي .. كم مرة قرب يتلحس لو ما فرنسا.. وشوف افريقيا الوسطي خلينها جايطة.. وقبل ده وديك.. عندك كينيا.. خلينا الارهابيين كل يوم والتاني تفجيرات من زمن السافارة الامريكية.. 2- زمان كنت حركة مسلحة ما عندك التزامات تجاه شعبك وبلدك، دلوكت بقي عندك ما تخسروا.. 3- بيقول ليهو نحنا دايرين نحسم قطاع الشمال والجبهة الثورية.. دحين خليك في تولا دي.. عشان نجضم عملنا.. غايتو الواحد بقي متأكد انو جماعتنا ديل درسوا كتاب (الامير) لميكيافيلي دراسة دقيقة، وقاعدين يطبقوا فيه حرفيا.. الله يحفظ الشعب السوداني جنوب وشمال.. ويعجل بالفرج مودتي