|
Re: أحب الوحدة ياخ واحب السودان الواحد wow يوجد فيديو (Re: Elmosley)
|
يا موصلي احبك ذاتك يا اخي
شكرا لك فقد عطرت صباحي هذا.
والله ابراهيم دينق راجل جميل وطيب و نموذج لانسان الجنوب المقبل علي ثقافات الاخرين
شوف الراجل ده قال كلام طيب كيف عن الراجل الشمالي الشايقي الشاله من الجنوب.
عارف يا موصلي
الجنوبين ديل اطيب منهم مافي رغم ما يبدو عليهم من شراسه
و الشمالين اطيب ما يكونوا كبشر بعيدا عن انتهازية الساسه.
انا شخصيا يا موصلي لما باركت استقلالهم
كنت فعلا احلم بوحده مجددا بارادتهم.
ولذا انا حزينه لما يحدث فلسنا نحن من نرغب للاحبه ان يعودوا مكسرين ومدشدين ومضرجين بدمائهم.
بل نرغب فيهم اصحاء و اقفين علي ارجلهم........فخورين بانفسهم.
ربك يجيب السلام يا غالي وشكرا لك. مجددا فقد اطربتني هذا الصباح.
| |
|
|
|
|
|
|
Re: أحب الوحدة ياخ واحب السودان الواحد wow يوجد فيديو (Re: Tragie Mustafa)
|
Quote: انا شخصيا يا موصلي لما باركت استقلالهم
كنت فعلا احلم بوحده مجددا بارادتهم.
ولذا انا حزينه لما يحدث فلسنا نحن من نرغب للاحبه ان يعودوا مكسرين ومدشدين ومضرجين بدمائهم.
بل نرغب فيهم اصحاء و اقفين علي ارجلهم........فخورين بانفسهم.
ربك يجيب السلام يا غالي وشكرا لك. مجددا فقد اطربتني هذا الصباح. |
ياسلام ياتراجي ده الكلام هل نحلم بمانديلا سوداني؟؟؟؟؟؟؟ يارييييييييييت ياخ والله كتير الايام دي لاقيت من اهلنا الجنوبيين شي في مطارات وشي في مؤتمرات وهاك يا احضان بدون اي معرفه سابقه وكآننا نعاتب بعض على خسران الوطن الواحد "وطن جون قرنق خليل فرح وغيرهم" ولسان حالنا يقول متى؟؟؟؟ كل الود عزيزتنا واختنا تراجي
| |
|
|
|
|
|
|
Re: أحب الوحدة ياخ واحب السودان الواحد wow يوجد فيديو (Re: Elmosley)
|
اخي الموصلي
ليتك كنت معي ليلة الكريسمس بواشنطون دي سي
فقد شددت الرحال اليهم و انا مثقله بالاحزان عن انفجار الاوضاع هنالك.
وذهبت اليهم بكل كنائسهم.....وتحدثت اليهم وشكرا لهم ان اتاحوا لي الحديث اليهم
وقرعتهم.....وعنفتهم وبكيت معهم و ابكيتهم.....عن كيف يسموا لانفسهم بان يرتكبوا ما حدث تجاه بعضهم البعض.
عارف يومها عانقوا كلهم (الشمال) في شخصي
وقالوا يا اختي سنينا زرعنا البؤس و الكراهيه بيننا
ووقت اشتعلت بلادنا لم نجد احد يبكي معنا ب(صدق) سواكم انتم يا شمالين.
شكروني كثيرا.....ورجوتهم ان يوقفوا الحرب
قلت لهم لا تفعلوا هذا بانفسكم انتم ناس رائعين ونحن نحبكم ونحب نجاحاتكم ونحزن لانهار الدماء ببلادكم فارجوكم ثم ارجوكم ان توقفوا الحرب.
وقد بكت نساء كثر لكلماتي.
يا موصلي.....محزن ما يحدث لشعبنا البقي شعبين
محزن جدا وقلبي ينزف ليل نهار.
وصيتي لك يا اخي
ادعوهم هذه الايام بمدنكم المختلفه
ابحثوا عنهم ضموهم اليكم انهم مثقوبين بالاحزان
وحدوا كلمتهم و ساعدهوم ان يصلوا لخلاصات جيده
لا تستمعوا لطرف واحد
كلهم طيبين وكلهم ضحايا الآن
لكن القتل يجب ان يقيف.
لا تحبط مهما سمعت من تشنج بينهم وواصل الصلوات لاجلهم
فانهم يستحقون السلام .
شكرا لك اخي.
| |
|
|
|
|
|
|
Re: أحب الوحدة ياخ واحب السودان الواحد wow يوجد فيديو (Re: وضاح عبدالرحمن جابر)
|
شوفى الزمن يا يما ودانى بعيد خلاس بصوت عبدالله دينق..
سالتو قالت ليهو: كدي أحكي لينا عن جلوسك تحت النخيل وعن رجوعك للأبنوس..ياالله!! روعة السؤال و روعة التجربة والأجابة.
شوف لما التبلدية تمشي توتيل ولما النيل يسقي الأبنوس والنخيل ياهو ده السودان، ياهو بلدنا يا الموصولي ياهو غرِبنا وياهو شرِقنا ياهو يالموصلي شمالنا وجنوبنا..
عندنا شنو غير وحدتنا؟ ونحنا نسوي شنوي غير وحدتنا؟
شكراً أستاذنا المُوصلي على لوحة السودان الموسيقية عافية وشول لييييك القومة يا وطنى نقيف نصفق ودموعنا تسيل نعاهد حتماً راجعين..ويد واحدة موحدين
عشان: وطن بالفيه حق للكل ولا بنسأل دي صورة مين
ليك الحية أستاذنا الكبير يوسف الموصلي
| |
|
|
|
|
|
|
Re: أحب الوحدة ياخ واحب السودان الواحد wow يوجد فيديو (Re: سيف اليزل سعد عمر)
|
Quote: شوفى الزمن يا يما ودانى بعيد خلاس بصوت عبدالله دينق..
سالتو قالت ليهو: كدي أحكي لينا عن جلوسك تحت النخيل وعن رجوعك للأبنوس..ياالله!! روعة السؤال و روعة التجربة والأجابة.
شوف لما التبلدية تمشي توتيل ولما النيل يسقي الأبنوس والنخيل ياهو ده السودان، ياهو بلدنا يا الموصولي ياهو غرِبنا وياهو شرِقنا ياهو يالموصلي شمالنا وجنوبنا..
عندنا شنو غير وحدتنا؟ ونحنا نسوي شنوي غير وحدتنا؟
شكراً أستاذنا المُوصلي على لوحة السودان الموسيقية عافية وشول لييييك القومة يا وطنى نقيف نصفق ودموعنا تسيل نعاهد حتماً راجعين..ويد واحدة موحدين
عشان: وطن بالفيه حق للكل ولا بنسأل دي صورة مين
ليك الحية أستاذنا الكبير يوسف الموصلي |
شكرا لكم عزيزي سيف اليزل ومازالت الروح تفرفر بحثا عن سلام الوطن الحبيب ودمت ذخرا له
| |
|
|
|
|
|
|
Re: أحب الوحدة ياخ واحب السودان الواحد wow يوجد فيديو (Re: Elmosley)
|
Quote: عزيزي وضاح الموصلي لا يهتم بما تقوله المذيعه ولكنه يهتم بما يحس به قلبه ويفهمه عقله فيحث الاخرين قولا وموسيقى بآنه يتمنى عودة الخرطوم وامدرمان وجوبا وابيي والفاشر والابيض وكسلا ودنقلا الخ الخ للسودان لك الود
|
استاذنا العزيز ... انا فهمت طبعا انو كلامك ناتج عن احساسك .. ومشاعرك وانت بتسمع فى ابراهيم ... ورسالتك انو الفن وسيله جميله .. لتوحيد القلوب قبل توحيد الحدود ..
لكن ... اصلا .. وفى الاساس يا استاذنا .. وقبل تقسيم الحدود ... هل كانت القلوب متوحده هل كانت الثقافة والفن فعلا جسرا للمحبه بين شعوب السودان حتى وان كانت النوايا طيبه ... فالسياسة على ما اعتقد تتحكم فى معظم العمل الثقافي فى السودان
لكن صدقنى ما اعتقد ده احساس الجنوبييين الصوتوا باغلبية ساحقة لتقسيم الحدود وما اعتقد ده احساس المثقف الجنوبي .. وهو ما شاف احتفاء بابداعات الجنوب الا اذا كانت زى ابداعات ابراهيم
هل عجبنا انو ابراهيم بغنى لينا فى اغانينا الشمالية ؟ انا لا ..
كان ممكن يعجبنى انو اسمع فنان جنوبي ... بابداع جنوبي ... ويكون فنوا وابداعو محتفى به فى الشمال كما هو ....
اعتقد والله اعلم .. انو احنا اصلا ما كنا .. متحدين .... ونفس المشكلة الان شايفها ... متواصله .. مع ابداعات وثقافات شعوب السودان المختلفة هل الفن البجاوي قادر على التواصل مع بقية شعوب السودان هل ثقافة المركز قادرة على هضم والتعامل مع هذه الثقافات وهل وهل وهل وهل ...
تحياتي
| |
|
|
|
|
|
|
Re: أحب الوحدة ياخ واحب السودان الواحد wow يوجد فيديو (Re: Elmosley)
|
Quote: الموصلي لا يهتم بما تقوله المذيعه ولكنه يهتم بما يحس به قلبه ويفهمه عقله فيحث الاخرين قولا وموسيقى بآنه يتمنى عودة الخرطوم وامدرمان وجوبا وابيي والفاشر والابيض وكسلا ودنقلا الخ الخ للسودان لك الود |
ان كان فى تالف القلوب املا فبامثالكم والحانكم ...
الموسيقى اللغة العالمية التى تؤلف القلوب ...
ما اجملك اخى الموصلى وما انقاك ...
التحية لكم ولجوقتكم الجميلة والحانكم واشعاركم الشجيه ..
| |
|
|
|
|
|
|
Re: أحب الوحدة ياخ واحب السودان الواحد wow يوجد فيديو (Re: عبداللطيف شريف على)
|
Quote: عزيزي وضاح الموصلي لا يهتم بما تقوله المذيعه ولكنه يهتم بما يحس به قلبه ويفهمه عقله فيحث الاخرين قولا وموسيقى بآنه يتمنى عودة الخرطوم وامدرمان وجوبا وابيي والفاشر والابيض وكسلا ودنقلا الخ الخ للسودان لك الود |
احساس عظيم لا يبنع ألأ من انسان ملان بحب الوطن الكبير ،، حتما سيعود الوطن من غربته القسرية زهاء الربع قرن
تحياتي يا فنان يا انسان
| |
|
|
|
|
|
|
Re: أحب الوحدة ياخ واحب السودان الواحد wow يوجد فيديو (Re: mustafa mudathir)
|
Quote: يا سلام يا موصلي! أعتقد أن الحيوية الي كتبت بها أنت هذا البوست أكبر دليل على أن السودان سيعود موّحداً وواحداً كما تقول أحسن التصوّرات له! ياخي هي قضية وجدان! يعني مثلاً كيف تشكل وجدان هذا الفنان ابراهيم دينق؟ وقس عليه كيف تشكل وجداننا نحن، كلنا!! مَن لا يجيد قراءة الوجدان (ذلك المتعصب) لن يفعل سوى أن يبعثرنا! |
حبيبنا واديبنا مصطفى مدثر وجودك في مثل هذه البوستات هو عامي دفع اكثر من رباعي تجاه المحبة تسلم
| |
|
|
|
|
|
|
Re: أحب الوحدة ياخ واحب السودان الواحد wow يوجد فيديو (Re: وضاحة)
|
تسلم اخي الموصلي
Quote: والله لو كنت عارفك جيتي كان جيت كعاك حسنا فعلتي تعرفي ياتراجي في حسناء صغيرة السن من الجنوب مثقفة حضرت معنا مؤتمر سابا وهو شمالي الهوية الا انها جعلت منه سوداني الهويه حينما تحدثت وقالت هذا مؤتمر سيكون للسودان كله وليس للسودان الشمالي فضجت القاعة بدموع الفرح على هذا الوعي الكبير فكتبت قصيده للتو عنها وقرآتها ففرح الجميع بها وهي كانت الاكثر غرحا بكره لما امشي المكتب بنزلها هنا لكن هسع اسمعي كويس سوداني والدنيا عارفاني
ياخي نحن بنحب السودان متماسكا والدكتاتوريات تطير عيشتها
|
امثالها كثر...أخي الموصلي....ومحزن ان فقدنا كل هذه الكفآت و الطاقات الواعده
ولنواصل الحلم ان يتحاح لنا تجبير كسرونا ولملمة اطرافنا.
شكرا لك اخي وربنا يحفظ اخوتنا و اخواتنا بالجنوب.
| |
|
|
|
|
|
|
Re: أحب الوحدة ياخ واحب السودان الواحد wow يوجد فيديو (Re: Tragie Mustafa)
|
Quote: امثالها كثر...أخي الموصلي....ومحزن ان فقدنا كل هذه الكفآت و الطاقات الواعده
ولنواصل الحلم ان يتحاح لنا تجبير كسرونا ولملمة اطرافنا.
شكرا لك اخي وربنا يحفظ اخوتنا و اخواتنا بالجنوب.. |
نعم عزيزتنا تراجي حفظ الله الاخوة بالجنوب من فتنة الفتال بل حفظ الله السودان كله منه ووفر له الاستقرار والحرية والديموقراطبة والمحبة ولك الود
| |
|
|
|
|
|
|
Re: أحب الوحدة ياخ واحب السودان الواحد wow يوجد فيديو (Re: عبداللطيف شريف على)
|
Quote: ان كان فى تالف القلوب املا فبامثالكم والحانكم ...
الموسيقى اللغة العالمية التى تؤلف القلوب ...
ما اجملك اخى الموصلى وما انقاك ...
التحية لكم ولجوقتكم الجميلة والحانكم واشعاركم الشجيه .
|
الحبيب عبد اللطيف شريف "ما اشرفك وانت تحيي الابداع" قول معاي يارب توحد شمال السودان كلو علي الحريه وتوحد الجنوب على الحريه ثم توحدهما سويا على المحبة والعدل بالقسطاس وقول "يالطيف"
| |
|
|
|
|
|
|
Re: أحب الوحدة ياخ واحب السودان الواحد wow يوجد فيديو (Re: Elmosley)
|
سلامات يا أستاذ الموصلي . ومشكور وليك كتير التقدير علي فتح النافذة دي . أستاذ ابراهيم الفنان التربال الدينكاوي الشايقي فنان مظلوم مظلوم من الاعلام . ابراهيم ده وبي شهادة بعض العارفين هو من أمهر عازفين الطمبور في السودان . الله يلعن أبو السياسة والسياسين الماقدروا يلمونا .
| |
|
|
|
|
|
|
Re: أحب الوحدة ياخ واحب السودان الواحد wow يوجد فيديو (Re: Osman Musa)
|
Quote: سلامات يا أستاذ الموصلي . ومشكور وليك كتير التقدير علي فتح النافذة دي . أستاذ ابراهيم الفنان التربال الدينكاوي الشايقي فنان مظلوم مظلوم من الاعلام . ابراهيم ده وبي شهادة بعض العارفين هو من أمهر عازفين الطمبور في السودان . الله يلعن أبو السياسة والسياسين الماقدروا يلمونا . . |
الحبيب عثمان نعم والله ابراهيم أخجلنا ودخلنا في جحرا ضيق تسلم ياصديقي العزيز
| |
|
|
|
|
|
|
Re: أحب الوحدة ياخ واحب السودان الواحد wow يوجد فيديو (Re: Elmosley)
|
الشمس حتطلع شعر يوسف الموصلي من ضي ابنوسا يملا العين قلتيها وصاح يابت يازين الوطن الشامخ بي ناسو مستني اللحظة تعود ومتين يحسب بالثانية ف كراسو أيام الفَقُر الماسمحين يتلاشن ويرجع احساسو لي جية الوطن الصار اتنين فصلوه وغصبا عن عينا في قلوبنا هو واحد إلا حزين والشمس حتطلع من ساسو وحنفرح نحن مع السمحين ------- # كتبت هذه القصيدة كتفاعل مع شابة اسمها نانسي من جنوب السودان في مؤتمر السودانيين الاميركان "سابا" حينما قالت نحن في هذا المؤتمر لسنا بجنوب ولسنا بشمال وانما نحن السودان.
| |
|
|
|
|
|
|
Re: أحب الوحدة ياخ واحب السودان الواحد wow يوجد فيديو (Re: Elmosley)
|
الحب (الشمال - الجنوب - الشرق -الغرب) الحرية
أنظر إلى ما فعلت أيها الفنان خلقت معادلة قوامها الحب والحرية وبينهما التقت جهات السودان الأربعة
الشمس حتطلع شعر يوسف الموصلي
من ضي ابنوسا يملا العين قلتيها وصاح يابت يازين الوطن الشامخ بي ناسو مستني اللحظة تعود ومتين يحسب بالثانية ف كراسو أيام الفَقُر الماسمحين يتلاشن ويرجع احساسو لي جية الوطن الصار اتنين فصلوه وغصبا عن عينا في قلوبنا هو واحد إلا حزين والشمس حتطلع من ساسو وحنفرح نحن مع السمحين
ويا سلام يا سلام
يسعد صباحك يا زين
تحياتي، محبتي واحترامي
| |
|
|
|
|
|
|
Re: أحب الوحدة ياخ واحب السودان الواحد wow يوجد فيديو (Re: بله محمد الفاضل)
|
Quote: الحب (الشمال - الجنوب - الشرق -الغرب) الحرية
أنظر إلى ما فعلت أيها الفنان خلقت معادلة قوامها الحب والحرية وبينهما التقت جهات السودان الأربعة |
ما اجمل السودان الواحد يابله خصوصا ان زرعنا فيه ورد المحبة وضمخناه بعطر الحرية والديمقراطيه
Quote: ويا سلام يا سلام
يسعد صباحك يا زين
تحياتي، محبتي واحترامي |
ياسلام هليكم انتو ياخ تسلم عزيزي بله
| |
|
|
|
|
|
|
|