|
Re: عمي اخو ابوي ياك كرهتنا ... (Re: مها عبدالمنعم)
|
اول بت اتعرفت عليها كانت سمر وعرفتني علي بت خالها علا الاتنين جايات من ابوظبي بس مفتحات اكتر مني بعرفن يدخلن في الناس تووش وضحكن في قعادي مع ناس عمي قالن لي يابت اهل شنو التقعدي معاهم اسكني الداخليه زيك زي غيرك بدل وجع الراس انتي في الجامعه ضحكن وقالت سمر يابت اي الاهل حلوين واي شي بس الداخليه تجربه مختلفه جربيها عمي راجل حبوب شديد وبحبني زي بناته صح بس جربي سكنة الداخليه لا لا بابا بزعل كان قلت عاوزه داخليه اصلا قال لمن اصل 19 بوديني الداخليه تمام يازوله نشوفك
| |
|
|
|
|
|
|
Re: عمي اخو ابوي ياك كرهتنا ... (Re: مها عبدالمنعم)
|
امنه دي ما عارفه هل كنت شايفاها صاحبه !نحن اكتر من صاحبات اخوات عدييل انا بت واحده وهي بت واحده بس الفرق انا الكبيره عن بابا وماما وسام واحمد واشرف اصغر مني ولاد اعمي كلهم كبار ..حتي عمي دا طوالي شايفاه بتعمد لمن الصباح اكون مارقه يخلي محمد ولده يوصلني ماكنت حابه د وود اعمي زاتو يصر وشي كلمه ما بقوله لي واصل بس يكلف خاطره بسؤال اجيك الساعه كم ؟ لا ما تجي بمشي بالمواصلات مواصلات شنو يا حبه انتي اول الشارع مابتعرفي تصلي كنت بتغاظ صح بس برسم ابتسامه سخيفه كدا يقوم يقول لي خلاص اتنين اخر شي شال جدولي فمابقي يسالني ..
| |
|
|
|
|
|
|
Re: عمي اخو ابوي ياك كرهتنا ... (Re: مها عبدالمنعم)
|
نهاية السمستر الاول كانت اصعب ماده الفيزياء فالناس بقعدو في الكليه يكسرو الماده مع بعض ...محمد فجاة بقي يطرح وشي طبعا كان شي غريب شديد بس سبحان الله الصباح قبل عمي ما يقول لي القي استحم واتريح كمان ولانو كان ماشايف الا بت عمه الشافعه كان بستقبل معاينتي بطريقة انتي قايله نفسك فاهمه شي ! بس كنت فاهمه سبب التغير دا سمر هي زاته لمن تصل تتعمد تتمحرك في الاستقبال لمن نجي فتجي تستقبلنا وود اعمي زات نفسه يا ظرافه ويا كلام منغم و....و....وفوق دا ما حاسين بي خالص خالص اني منتبهة ...شلتنا صاح كان فيها كم ولد بس يستحيل اقول فلان قدام عمي بس كنت بقول سمر سمر سمر وهمسا مع امنه بترجع انا لي وبحكي قصصنا اليوميه
| |
|
|
|
|
|
|
Re: عمي اخو ابوي ياك كرهتنا ... (Re: مها عبدالمنعم)
|
المهم انو السمستمر الاول خلص بدون احداث تذكر غير اعتراضات عمي علي كل شي بعملو طبعا ...بقيت فعلا امل ملل شديد وبرجع ما بكون عندي مزاج اقدم التقرير بس بقدمو..ود عمي حتي مابقي سالني من سمر ففهمت انو العلاقه خلاص اتوطدت وانا مرقت بره خاصه لم اشوف سمر اونلاين في الواتساب وماترد اللا بعد زمن طويل ..بس طنشت بمزاجي دا يمكن شويه عيني قوت قدام محمد فمابقدر يضيق علي اشان مرقاتنا ودخلاتنا سمر بتكون اساسيه فيهم ...فقلت مسافره الاجازه بابا وافق عمي قال لا لشنو امشي عشره يوم بس واجي اسافر نهاية السنه حنست ما نفع بكيت ما حنن قلب دخلت سمر واسطه ما جابت نتيجة بس قعدت اعمل شنو !
| |
|
|
|
|
|
|
Re: عمي اخو ابوي ياك كرهتنا ... (Re: مها عبدالمنعم)
|
امنه جامعته فاتحه تمرق الصباح وتجي اخر النهار ما حصل شفت عمي ساله مشيتي والا جيتي انا لمن اقول لبابا بقول لي خايف عليك بس لمن تصلي سنه رابعه زيها بتشوفي ..اها مظبطه اموره مع ولد دفعتهم بس عمي ماعارف ولا ملاحظ انها بتشتري احسن لبس واغلي تلفونات بس بتمشي الجامعه بطريقته يعني ما زي حالاتي زي العيال يودوني ويجيبوني مع انه طبعا انا وايمن سمن علي عسل مابنتفرق الا وكتين في الجامعه ووكت النوم بس لازم انق في وضع امنه المابشبهني معقول ياخ انتظر اربعه سنوات بالحال دا بموت اكيد ايمن ود عمي كان نجده لي اتخرج وجا من روسيا ... كان شمعة البيت تحس في روح كدا لذيذ واستايل ووناس وفوق دا من يوم جاء مارق داخل معاي وطبعا عمي يعاين من بعيد لبعيد بس بطنطن مافهمت بقول شنو ولده كان فاهمو بقول ياج مش بت اخوك دي امانه امانه مابتجيها عوجه اطمن انت تحديدا في عوجه البت ما ليك كيف ما لي كدا هس دا ما مواعيد النضم ...فهمت انو عنده علي اعتراض بس قلت يلا اساسا انا ما مفكره الا في اتم 18 سنه بعد شهر ونص ..العطله سرييع خلصت ونزلنا السمستر التاني مع تغير البوصلني راحت علي محمد وسمر ...جات بعد عشره يوم من فتحت الكليه والغريب محمد خالص ماسالني منها ولا هي جابت سيرتو بس وقعت بلسانه وهي بتحكي انو جا محمد لاقاها في المطار ..قامت قالت لي بدون مايسمعه زول ود عمك حيخطبني ما اتفاجات بقدر ما استغربت متين دخلت الجامعه اشان تعرس ! لا لا ما ح اعرس الا بعد اخلص ومحمد حينتظر خمسه سنه؟ اربعه ونص تمام كنت عارفه عمي يستحيل يرضا بالخطوبه الطويله دي ..بس ماقلت لمن حكيت لماما قالت لي خالص ما تدي رائك لا لسمر ولا لود عمك ليه بس اسمعي كلامي بعدين بتفهمي المهم السمستر التاني دا كان نجومه سمر ومحمد مسلسل تركي بس يلا علي قول ايمن الله يسعدهم
| |
|
|
|
|
|
|
Re: عمي اخو ابوي ياك كرهتنا ... (Re: مها عبدالمنعم)
|
الزول مفروض مايتحاسب علي خلقته يعني سمح شين وسط دي كلها تقسيمات ما بيد زول كمان في نفس الوكت مانكون انطباعين بس للاسف دا السائد شديد تاني يوم جيت الكليه لقيت سمر حديث الكليه وماخده كاريكتير اليوم بشكلة امس وهي مدبرسه وزعلانه وناس كسير التلج كتار قمت قلت ليها غايتو احسن شي تعملي عشان تحمي نفسك تعلني خطوبتك !! يابت يعني احمي نفسي بزول مافي ؟ ومحمد !! ود عمك انت البتقدري تسالي بس قصة انا الاقول لي تعال اخطبني !ما بعمله امس علا كلمت ماما بالشكله ليه علا خوافه وفتانه واهلك قالو شنو بابا ما اتكلم معاي بس ما قال ادي كم يوم لو مالقيتي هو او احمد ناطين لي احمد اخوك ؟ ايوه ...الاولاد اتشاكلو انا علاقتي شنو ايه التخلف دا !! نحن في قعدتنا ديك قام قالو يمشو يشربو جبنه بره الكليه ..مشينا شارع النيل اتسكعنا شويه ورجعنا قلت ود عمي الثقيل بحكي ليه لازم الليله
| |
|
|
|
|
|
|
Re: عمي اخو ابوي ياك كرهتنا ... (Re: مها عبدالمنعم)
|
مرقنا انا وسمر وعلا واسراء وتيسير وشريف وقاسم الشله كلها اساسا ماعملنا غير مشينا شفنا النيل شويه وشربنا قهوه وضحكنا ورجعنا ...ونحن راجعين عمي شافنا كيف ما بعرف بس اول وصلت البيت رجاني علي غير عادته قاعد بره سلمت رد من ورا قلبه قلت يلا خير ان شاء الله دخلت كورك لي تعالي اها عملتي شنو الليله ؟ عادي كيف عادي عادي شديد حضرنا اللكشر ومشيت مع اصحابي وقبل اتم قال لي شارع النيل !! ايوه والبت الحمرا المعاكم دي بت منو انت شفتنا ؟ اي واشمعني لفتتك دي تحديدا لا لا بس زي البعرف اهله تشبه ناس سيد احمد ود الحاج منو ديل ما مهم ادخلي ادخلي الصاح خفت قلت يكون متابعنا مثلا ! مباريني يشوفني بمشي واجي من وين ؟ بس نفضت الفكره من راسي بهزه شديده بس لابد نفاتح محمد في القصه ..العشاء كدا لقيتو قاعد في التلفزيون بشوف في كوره قمت قلت لي ممكن احكي ليك شي بمساخة رد سريع بشوف في الكوره طيب ..سمر اتشاكلو فيها ولدين في الكليه قام الاشراف انزره اول ما تميت نط واقف علي حيلو عيدي عيدي السمعتو كيف يعني كدا لو دايره اخطبه عديل يابت ياشافعه انتي قايله نفسك كبرتي خلاص وكمان بتحلي في مشاكل الناس امشي نومي وال تقري حرفين ينفعنك شوف كمان الشويفعات !! تمنتاشر سنه وشايفني شافعه ؟ سمح العزائم والتلفونات لتلايت الليل حامي البت قرايته كانت شنو ؟ فجاة صوتو بدا يكبرلمن عمي جا مارق
| |
|
|
|
|
|
|
Re: عمي اخو ابوي ياك كرهتنا ... (Re: مها عبدالمنعم)
|
ماعارفه محمد وعمي قالو شنو انشغلنا بكم امتحان اعمال سنه وتاني دخلنا جوطة الامتحانات وكل زول برمم في نواقص دفاترو وكسير مواد علي قول علا غمض عين فتح عين نلقي العطله جات ونزور اهلنا ترم ترم يقولو اهلا ترن ترن خلاص قبلنا خلصت امتحانات ولمن جيت مسافره ايمن قال لي تميتي تمنتاشر ونص سنه وانا خمسه عشرين ونص رائك شنو نكلم عمك وعمي واهو زيتنا في بيتنا ! كيف كيف كدا نكلم ابوك نقول دايرين بعض تكوني ما دايراني ؟ لا ياخ دايراك بس يابت اتحشمي ان شاء بالكذب اها يا حداثه وتنوير ! كلم عمي المطار حماه يوصلني قال يوديني محمد لمن احتجيت قال لي تصلي بالسلامه عند ابوك وبتعرفي الخبر اليقين وصلت بعد السلام والاشواق القطيعه مع ماما سالتها من خبر عمي قالت لي عمك من انتي صغيره اتفق مع ابوك يديك محمد ومحمد ياماما بحب سمر
بس كلام ابوك وعمك ليه سنين ياماما ..انا لسه ما تميت تسعتاشر داك ابوك وداك عمك اقول شنو انا ياااااعمي اخو ابوي ياخ ما كرهتنا
| |
|
|
|
|
|
|
|