العمود يِكون وصل الصفحة الرابعة، يجي ( أ ) مِن البشر يعمِل رد في الصفحة رقم (2) لِمُداخلة رقم (12). طبعًا في الصفحة الرئيسة بتلقى إسم ( أ ) موجود وظاهِر في خانة [آخر المشاركة]. تقوم عاوِز تعرِف البني آدم ده كتب شنو، كالعادة طبعًا بتمشي تعفِص على الصفحة الأخير في العمود -يعني الصفحة رقم (4)- وتجررررر السهم وتنزِل لآخِر مُداخلة، تلقاها ما حقتو، ما تلقى مُداخلتو، تطلع فوق، مُداخلة ماف شي، فوق كمان، ماف شي، علشان تكسب زمنك، تجرررر السهم لا فوق وتبدأ الصفحة رقم (4) مِن أولها، مُداخلة مُداخلة، برضو ماف شي، تمرُق كلو كلو وترجع تفتِش العمود في الصفحة الرئيسة، وتفتح الصفحة رقم (3) وتبداها مِن أول مُداخلة فيها، مُداخلة مُداخلة، ماف شي، تمرُق كلو كلو وترجع تفتِش العمود في الصفحة الرئيسة، وتفتح الصفحة رقم (2) تفتِش على إسم دين الحجر ده، مُداخلة مُداخلة مِن أول الصفحة، ماف شي، تمرُق كلو كلو وترجع تفتِش العمود في الصفحة الرئيسة، وتفتح الصفحة رقم (1) وتبداها مِن أول مُداخلة حق سيد العمود ظاطوووو، وتنزِل وتنزِل وتنزِل وتنزِل (حأهريكُم الليلة) وتنزِل وتنزِل (أعمل ليكُم شنو ما ما ظهرت مُداخلة الفقري ده) وتنزِل وتنزِل وتنزِل، وأخيرًا تشوف إسمو، ود الذين.
عليكُم الله ده زول عِنْدو مُخ!
يااااا الما بِتعرِف، مُداخلتك أكْتِبا بعد آخِر مُداخلة في العمود.. إن شاءالله العمود وصلت صفحاتو لـ20 صفحة.. الله لا تاجرك ياخ أكان دايِر تسبِب لينا هشاشة العُضام
والله يا أيمن محمود إنت ألذ زول.. طوالي مُباريني وما بتقول بغِم واحدة
[أحدث مداخلة] دي يا ذكي بتوديني فعلاً للصفحة (2) بس لو في عضو زَيك كِده دخل للإصْطياد، بِتكون مُداخلة ( أ ) الأتكلمت عنو بِفوق راحت شمار في مرقه، ليييه ؟ أقول ليك: لأنو على الأقل قُبال ما تجي إنت كان إسمو ظاهِر في الصفحة الرئيسة للبورد، بس إنت لامِن دخلت، حتى إسمو إخْتفى، شُفت كيف يا أب طايوق
أنا شاعِر يا أيمن محمود إنت عِنْدك حاجة دايِر تقولا، بس ظروفك مُعوِقاك.. طوااااالي شايفك مُباريني وتشيل وتلصِق هههههه، حتى لامِن تصطاد، تصطاد صيد غيرك يا زول يمكِن فطيس تشيل سااااي ههههه.. الصيد زاتو يا خوي دايرلو طايوق
يمين مشتاقين ليك شوق يسل الروح !!! الله لا تاجرك ياخ
اهلنا البطرفكم خبرهم شنو
هههههه ماااا أنا بكْتشِف كِده بعد ما آخُد لفتي في نواحي العمود ههههه
يا زول والله الشوق بِجاي حمانا المقيل عديييل كَدي.. الحِكاية شنو يا زول ما قُلت بتجينا، الفرقا ما بسيطة ياخ، شِد وركب
الليلكم بطرفي والله أصبح حالا يِسُر.. عِلا هي وِوليداتا أبو إلا أن يسْتبيحو أموالي، شاورتهم في تقليص عدد الوجبات في اليَوم والليلة.. علشان نخلِص سقف البيت وكِده.. أبو كلو كلو وقالو حالفين عِلا يِحاكو العالمين 3 وجبات 3 وجبات.. غايتو إتورطت معاكم.. نسب صعب خلاس.. بس يمين بِالله بِت إبراهيم بِقت بترطُن عدييييل كَدي
- الغدا ذاهِب أجيبو ليك؟ - بِشنو؟ - كايمِد - جيبيهو.. عِنْدك بصل؟ - إليه بسم الله
هههههه بِت الذين.. غايتو بتصُد أهلها بتنجِمُمْ ليك
حرّم ما فهمتك غلط -ده لو الكلام لي- والله إنت كتر خيرك.. جيت أرُد عليك وأشْكُرك، لقيت أيمن محمود مرق مُخْلايتو وقنب يِلقِط في الوقع -حسب ظنو- في الشبكة ههههه يا زول حرّم عارِف نيتك بيضا
04-04-2014, 06:16 PM
Nader Abu Kadouk Nader Abu Kadouk
تاريخ التسجيل: 02-19-2007
مجموع المشاركات: 3706
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
عزام حسن فرح
Nader Abu Kadouk
أيمن محمود
Elsanosi Badr
تبارك شيخ الدين جبريل
فيس بوك
تويتر
انستقرام
يوتيوب
بنتيريست