|
كـتــمـــت شــديــد
|
كتمت شديد الحال صعيب والضيق بزيد واتقسمو الناس الخلوق ناسا سمان نادين جبين وناسا عبيد ناس بتاكل كل يوم من الفطور حد السحور خشوم تلوك من الفواكه والنعيم وناسا تفتش للقديد يا الله زيدهم في الحرام يا الله زيل الفقر من ناس بتعرق بالحلال خاشنين جليد وكتمت عديل وعربات تزيد عند الوزارات الكتار يا ربي هل نحن عايزن الوزارة والا فاقدين الدبارة؟ يا ربي هل من مزيد؟ يا محمد احمد يا عنيد مالك تعاين للكروش مالها الدقون ما خايفة الله وحافطة للدين الجديد دين الجلاليب اللبن والعمة والشال الفريد خليك هناك اقعد بعيد او دخل الجامع استفيد صلى الورد وارجا الفرض وبعد الفرض سنن كتير وارجع عشان اولادك الراجين عشا لو يعرفو طعم العشا آآآآآآآآآآآآه يا زمن بقينا نتمنى العشا ونحلم كمان بوجبة الفول الفطور ونرجع نعيد مالها الدقون والمال مغسل زي صحون الصيني والطلس الجديد وناس نست شكل القروش يا محمد احمد يا بليد يا امحمد احمد يا صليد يا محمد احمد العازة عزة عزك العاند دهاقن الانجليز راجياك ما تزحف بعيد تر لي هنا خليها ليك تغزل تتر توب المعزة ولحفة الناس الكرامة وليك تريد يا محمد احمد يا شديد ضراعاتك النديانة بعرقا نضيف خليك كما النخل السميق ما تنكسر ( لو هز جذعك باشبزق) باكر بعيد لينا الزمن ونفرح نغني من جديد وجد ما بس
|
|
|
|
|
|