|
وجع الركب....!!!
|
بما انو اخوكم حيجر خمسين فى 21 مايو ...وكده بديت اعانى من وجع الركب ... كل شىء فى الحسم ميه ميه بس الركب مجرسانى عديل كده مسكنات مانفعت ادويه مانفعت قلت للوالده وانا بهظر معاها ... يمه اديتينى وجع الركب .. طوالى نكرت وختتها فى الوالد رحمه الله ... ياولدى وجع الركب ده انت ورثتوا من ابوك احمد
الحقيقه طبيعة عملى التى تقتضى التواجد الدائم فى مواقع العمل برضو كان ليها الأثر الأكبر فى وجع الركب .... .... على الطلاج..... القومه من الكرسى بقت بى تلتله يحلوها كيف ياشباب؟؟؟
هرمنااااااااااااااااااا
|
|
|
|
|
|
|
|
Re: وجع الركب....!!! (Re: عبدالحفيظ ابوسن)
|
Quote: الركب هينه كعب يقع فيك النسيان اولادك تكورك لي 3 حتي تذكرو الرابع |
مرحب بالنيل الأبيض ود اب سن الركب هينه وين ياصاحبى ؟؟؟ انا فى القاهره شغال شهر بالله 15 يوم منو انا متجرس ... ولمن جيبت انزل من الحافله فى طنطا ....إلا الناس تكلوووونى ياخ ....
انا الصعب المتكل بالشعب
| |
|
|
|
|
|
|
Re: وجع الركب....!!! (Re: ملهم كردفان)
|
طبعا انتهيت من شغل القاهره ورجعت لى طنطا الحنينه عشان اخد لى ريلاكسايه لمدة اسبوع كده وبعد كده اتحرك نحو الإسكندريه ..وعينكم ماتشوف الاالنور (وفقاً لنظرية الدفاع بالنظر) بالله اخوكم ممدد فى السرير يضم ركبو عليهو يطرقعن لمن يتجرس يمددن يطرقعن زى الفيهن اتنين بفلقوا فى بعض ... كان قلت اقوم اتمشى الروب وكان قلت ارقد قفا اقول الروب ...
غايتو مابقى لينا من الفانيه دى الإ نزحف على كرسى متحرك ... بعد عمر قصير ان شاء الله .... !!!
| |
|
|
|
|
|
|
Re: وجع الركب....!!! (Re: محمد جمعه الخير)
|
يا محمد جمعه الخير الرياضه حلوه مع الماعندهم روماتيزم او خشووونة ركب او إلتهاب حاد
...
زمان الواحد مان شايف نفسو تيرمنيتور .... هسى شايف نفسى ذو ركب مترررررمه
| |
|
|
|
|
|
|
Re: وجع الركب....!!! (Re: ملهم كردفان)
|
خشونة الركبة
خشونة الركبة مرض ينتج عن تآكل الغضاريف الناعمة التى تغطي سطح المفصل و التى تساعد على نعومة الحركة. حيث يحدث ضعف فى تماسك هذه الغضاريف مما يؤدي الى تشقق سطحها ثم تتآكل تدريجيا الى أن يصبح سطح العظمة عاريا من الغضاريف التى تحميه.
أسباب خشونة الركبة: الوراثة: حيث أثبتت عدة دراسات وجود عوامل وراثيه تساعد على حدوث الخشونة. الوزن الزائد: و هو من أهم العوامل التى تؤدي الى الخشونه فى مصر و العالم العربي و خصوصا فى السيدات. حيث أن الوزن الزائد يمثل حملا زائدا على سطح غضاريف المفصل. تقوس الساقين: حيث يؤدي ذلك الى حدوث تحميل زائد على أجزاء محدده من المفصل. العمر: تزداد الغضاريف ضعفا مع تقدم العمر و بالتالي تزيد نسبة الخشونة. جنس المريض: بعد سن الخمسين تزداد نسبة الإصابة بالخشونة فى السيدات أكثر من الرجال. إصابات الركبة: حدوث إصابات بالركبة مثل الكسور و حدوث قطع بالأربطة أو الغضاريف الهلاليه يساعد على حدوث الخشونه. الإجهاد المتكرر للركبة: مثل الإكثار من هبوط و صعود السلالم و الجلوس لفترات طويلة فى وضع القفرصاء الأمراض الروماتيزمية: مثل الروماتويد و النقرس تؤدي الى الخشونة فى الحالات المتأخرة.
العلاج: ينقسم علاج خشونة الركبة الى علاج تحفظي (غير جراحي) و علاج جراحي.
العلاج التحفظي (الغير جراحي): و يتم اللجوء له كعلاج أولي و خاصة فى الحالات المبكره من المرض. و يشمل العلاج التحفظي ما يلي:
تغييرات فى أسلوب الحياة و ذلك بتقليل الأحمال على مفصل الركبه و ذلك عن طريق إتباع الإرشادات العامة لمرضى خشونة الركبة.
الحقن الموضعية فى المفصل و هي نوعان:
1) النوع الأول مواد تساعد على تزييت سطح الغضاريف إلا أن هذه الحقن مكلفة و لا تصلح إلا للحالات المبكرة و عادة ما يكون تأثيرها لفترة عدة شهور فقط.
2) النوع الثاني هو الكورتيزون و هي مادة مضادة للإلتهابات تساعد على تقليل الألم و لكن لفترة مؤقتة و لا ينصح بها إلا فى حالات قليلة جدا على ألا يتم إعطاء أكثر من أربع حقن فى المفصل فى العام الواحد.
الكمادات الدافئة و الدهانات الموضعية.
الأدوية: و هي تساعد على تقليل أعراض المرض حسب حالة المريض و قد تشمل:
الأدويه المسكنة و المضادة للألتهابات مثل الأسبرين و الباراسيتامول لتقليل الألم و التورم
مواد الجلوكوزامين و الكوندرويتين سلفات و هى مواد قد تفيد فى الحالات المبكرة فى تقليل الألم و التورم. و عادة ما يحتاج العلاج بهذه المواد مدة شهور ليعطي نتائج جيدة.
العلاج الجراحي:
و يتم اللجوء له إذا فشل العلاج التحفظي فى التغلب على أعراض الخشونة و لاسيما فى الحالات المتأخرة. و قد يشمل العلاج الجراحي أحد الطرق التاليه:
جراحات المناظير لتنظيف المفصل و معالجة تمزق الغضاريف الهلاليه و ترقيع الغضاريف التالفة
جراحات إستعدال تقوس الساقين
جراحات المفاصل الصناعية إرشادات عامة لمرضى
جراحات المناظير لتنظيف المفصل و معالجة تمزق الغضاريف الهلاليه و ترقيع الغضاريف التالفة
جراحات إستعدال تقوس الساقين
جراحات المفاصل الصناعية
إرشادات عامة لمرضى الخشونة : إنقاص الوزن هو من أهم العوامل التى تؤدي إلي تخفيض الأحمال على مفصل الركبة
تجنب الوقوف لفترات الطويلة والإكثار من صعود و نزول السلالم لأن ذلك يؤدي إلى زيادة الضغوط على مفصل الركبة مما يزيد من خشونة الركبة وآلامها.
تجنب ثني مفصل الركبة أكثر من تسعين درجة سواء بثنيها تحت الكرسي الذي تجلس عليه أو بالجلوس علي كرسي منخفض. تجنب استخدام الدراجة الثابتة أو المتحركة حيث تؤدى إلى زيادة الاحتكاك بين أسطح المفصل المشي بانتظام يؤدي إلى تحسين حالة الغضاريف وأنسجة الركبة وتقوية عضلاتها ولكن يجب أن يتم ذلك بدون إجهاد لمفصل الركبة وفي غير أوقات الألم الشديد وعلى أرض مستوية رخوة مثل أرضية مضمار ملعب النادي
عند صعود السلم استند بيدك دائما علي سور السلم واصعد درجة درجة واصعد بالساق السليمة أولا و العكس عند النزول (إنزل بالساق المصابة أولا)
| |
|
|
|
|
|
|
Re: وجع الركب....!!! (Re: ملهم كردفان)
|
Quote: Omar Mostafa · Denver, Colorado alsalam 3alikom, In the US they have some Joint relieve medication, I will be happy to send you a bottle. just send me you address to [email protected]. رد · 1 · أعجبني · متابعة المنشور · منذ 29 دقيقة |
ياخ تسلم يامصطفى عمر ... ماقصرتا تب والله
| |
|
|
|
|
|
|
Re: وجع الركب....!!! (Re: ملهم كردفان)
|
أهم أعراض التهاب المفاصل تشمل:
الألم، التورم، صعوبة تحريك المفصل، احمرار منطقة المفصل بالإضافة إلى تصلب وخشونة المفصل. الرياضة والعقاقير الملائمة قد تفي بالغرض في تخفيف آلام المفاصل، إلا أنه في الوقت نفسه يمكن الاستعانة بفوائد مجموعة من العلاجات المنزلية الفعالة وسهلة الإستخدام لعلاج أعراض التهاب المفاصل وتخفيف الألم إلى أقصى حد ممكن، وهو ما سنحاول تقديمه في هذا المقال.
8 علاجات طبيعية فعّالة لتتخلص من آلام المفاصل:
1. الزنجبيل علاج رائع لـ التهاب المفاصل :
أحد أهم العلاجات الفعالة لمرض التهاب المفاصل، فهو ذو خواص مضادة للالتهاب. يمكن استخدام زيت الزنجبيل بدهنه على المفصل المتضرر، فاستخدامه بانتظام كفيل بتقليل الألم والتورم والخشونة إلى حدٍّ كبير. كذلك فإن تناول الزنجبيل الطازج يومياً مع كل وجبة يحسن كثيراً من حالة الالتهاب، وذلك لكونه يحسن الدروة الدموية.
2. الكركم:
الكركم من التوابل المعروفة، والتي يمكن أيضاً أن تستخدم كعلاج لالتهاب المفاصل. فالاستخدام المنتظم للكركم ضمن نظامك الغذائي يسمح بتخفيف الالتهاب إلى حدٍّ كبير وكذلك الحال عند تناوله على هيئة كبسولات (يفضل تناول جرعات قدرها 500-1000 ملجم ثلاث مرات يومياً). يمكنك أيضاً تناول مسحوق الكركم ممزوجاً بالحليب، وذلك بمزج مقدار ملعقة كبيرة من الكركم مع كوب من الحليب الدافيء وشربه قبل النوم مباشرة.
3. بذور الكتان:
flax seeds
مصدر غني بأحماض أوميغا-3 الدهنية والتي تحفز انتاج الهرمونات المضادة للالتهابات، ولذا فهي مثالية كعلاج لالتهاب المفاصل. لهذا الغرض يمكنك تناول ملعقة كبيرة من بذور الكتان 2-3 مرات يومياً. يمكنك أيضاً أن تدخل بذور الكتان إلى نظامك الغذائي وذلك بمزجها مع السلطات، والزبادي، والمعجنات، وحتى مع العصير. كذلك فإن زيت الكتان له نفس المفعول، ولذا يمكنك تناول ملعقة صغيرة من الزيت 3 مرات يومياً.
4. الملح الإنجليزي (Epsom Salt)، أو الملح الخشن:
epsom
أحد أهم مصادر الماغنيسيوم، والتي تفيد كثيراً في تعديل مستوى الحامضية في الجسم، ولذا فهو فعال في علاج أعراض التهاب المفاصل. قم بإضافة الملح الخشن (أو الملح الإنجليزي) مع كمية مساوية من عصير الليمون في نصف كوب من الماء الساخن، ثم تناول مقدار ملعقة صغيرة من هذا المزيج مرتين يومياً (صباحاً ومساء). يمكنك أيضاً أن تضيف 3-4 أكواب من هذا الملح إلى ماء الحمام الدافيء وحاول أن تنقع جسدك لأطول فترة ممكنة. ستشعر حتماً بالراحة من آلام المفاصل، كما ستساعدك هذه الطريقة على الاسترخاء.
5. القرفة:
القرفة عنصر آخر يمكن أن يفيد في تخفيف آلام التهاب المفاصل. لعلاج آلام المفاصل يمكنك إضافة 1/2 ملعقة صغيرة من القرفة المطحونة مع ملعقة كبيرة من العسل إلى كوب من الماء الدافيء وشرب هذا المزيج كل يوم على الريق. في حال التزمت بهذا العلاج لعدة ايام ستشعر بالفرق وستتحسن حالتك كثيراً إن شاء الله. يمكنك كذلك صنع معجون من القرفة المطحونة مع العسل وتدليك منطقة الألم به.
6. زيت السمك:
أحماض أوميغا-3 الدهنية الموجودة في زيت السمك لها تأثير مضاد للالتهاب ولذا فهي فعالة في تخفيف آلام المفاصل.ببساطة تناول ملعقة أو ملعقتين صغيرتين من زيت السمك يومياً، سواء بصورة مباشرة أو بإدخالها ضمن الوجبات. يفضل تناول زيت السمك على معدة خاوية لنتائج أفضل. حاول الإكثار من المنتجات الحاوية على أحماض أوميغا-3 الدهنية بشكلٍ عام، لا أن تقتصر على زيت السمك لوحده.
7. زيت الكافور (الأكالبتوس):
قم بتدفئة القليل من زيت الكافور ومن ثم ادهن به منطقة الألم. غلِّفها بكيس بلاستيكي ثم ضع حولها كمادات ساخنة أو دافئة لمزيد من الحرارة، وسرعان ما ستشعر بتحسن حالة مفاصلك. كرر هذه العملية يومياً قبل النوم لنتائج أفضل في تقليل أعراض التهاب المفاصل.
8. الكرز: cherries 2
الكرز مصدر طبيعي غني بالماغنيسيوم والبوتاسيوم. الماغنيسيوم مسكن طبيعي للألم، والبوتاسيوم مضاد للالتهاب لذا فالكرز يعد علاجاً مثالياً في حالة الإصابة بالتهاب المفاصل. اجعل عادتك اليومية تناول 8-10 حبات من الكرز بأي صورة سواء كان طازجاً أو معلباً. يمكنك أيضاً ان تصنع شراب الكرز وذلك بغلي بضعة حبات من الكرز في الماء حتى تتكثف. يمكنك شرب هذا الشراب المحلى يومياً لعدة أشهر كعلاج لذيذ ومغذٍ للتخلص من التهاب المفاصل.
| |
|
|
|
|
|
|
Re: وجع الركب....!!! (Re: ملهم كردفان)
|
الالام الركبه ملف شامل ( الاسباب – التشخيص – العلاج – طرق الوقايه ) [11:48 ص | 11 comments ]
undefined بقلم عبـــد اللـــه
تعد الالام الركبه من اكثر الاعراض شيوعا بين الناس في جميع الاعمار . فقد تحدث الالام الركبه نتيجه لاصابه الركبه أو الاربطه المحيطه ligaments أو الغضاريف Cartilages أو نتيجه لمرض ما اصاب الركبه كتآكل غضروف الركبه ( خشونه الركبه ) Osteoarthiritis أسباب الالام الركبه:- كما ذكرنا مسبقا أن اسباب الالام الركبه قد تكون نتيجه لأصابات أو امراض اصابه الركبه • اصابات الركبه والتي تسبب الالام الركبه Knee Pain - قطع الرباط الصليبي الامامي : وهو عباره عن رباط من اربعه اربطه تصل عظام الساق بعظمه الفخذ وتنتشر الاصابه بالرباط الصليبي بين لاعبي كره السله والتزحلق علي الجليد وبين الرياضين بصفه عامه وتحد الاصابه في الرباط الصليبي نتيجه الالتواء المفاجئ للركبه في اتجاه خاطئ مما يسبب الالام الركبه بالاضافه لحدوث تورم بمفصل الركبه - أصابه غضروف الركبه Tron menisci : وتعتبر الغضاريف اجسام ماصه للصدمات shock absorbers وتسبب اصابه غضروف الركبه في الالام الركبه نتيجه الاحتكاك المتولد بين عظمه الساق والفخذ . - الالتهاب الكيسي للركبه ( التهاب جراب الركبه ) Knee Bursitis : وهو عباره عن كيس يحوي سائل لزج ليقلل الاحتكاك بين الاربطه و الاوتار المحيطه بالركبه وقد يلتهب جراب الركبه knee Bursa نتيجه لبعض الاصابات مما يسبب الالام الركبه - التهاب أوتار الرضفه Patellar Tendinitis : وهو الوتر الذي يصل عضله الفخذ الرباعيه بعظمه الساق وتنتشر الاصابه بالتهاب وتر الرضفه Patellar Tendinitis بين العدائين و الدراجين مما يسبب التهاب وتر الرضفه Patellar tendon الذي يصل العضله الرباعيه بالفخذ و الساق ( صابونه الركبه )
• ثانيا : التهاب المفاصل المسبب لالالام الركبه : - خشونه الركبه Knee Osteoarthritis : وهو عباره عن مرض تآكل غضروف الركبه ويصيب كبار السن غالبا. ويؤدي تآكل غضروف الركبه الي الالام الركبه - التهاب غضروف الركبه الروماتويدي Rheumatoid arthiritis : وهو من اكثر انواع التهاب المفاصل ضراوه وصعوبه في السيطره وهو مرض مزمن قد يصيب الركبه أو أي مفصل اخر من مفاصل الجسد ويسبب الالام بالركبه ( اذا ما اصاب غضروف الركبه ) - النقرس Gout : وهو التهاب المفصل نتيجه لترسيب كريستالات حمض البوليك Uric acid في المفصل واشيع ما يصيب مفصل الاصبع الاكبر للقدم والركبه ( مما يسبب الالام الركبه ) - الاتهاب الصديدي لغضروف الركبه Septic arthiritis : وهو يحدث نتيجه الاصابه بميكروب مما يؤدي لالتهاب الركبه و الاحمرار والالام والتورم بالركبه وحولها هذه كانت بعض مسببات الالام الركبه ولكن هناك اساباب أخري عديده لالام الركبه امتفيت بذكر الاشيع منها فقط لأختصار الوقت
أعراض الالام الركبه knee pain : الاعراض المصاحبه لالام الركبه قد تكون • تورم الركبه • احمرار الركبه • صعوبه في تحريك الركبه • صوت طقطقه أو قرقعه عند تحريك الركبه مصاحب بألم عوامل اللخطر التي تزيد من احتماله الاصابه بالالام الركبه : 1- التقدم في السن 2- زياده الوزن 3- ضعف العضلات المحيطه 4- الاصابات ( بالطبع ) 5- الجنس : فالسيدات اكثر عرضه للمعاناه من الالام الركبه تشخيص الالام الركبه : يتم تشخيص الالام الركبه غالبا عن طريق فحوصات الاشعه الاتيه : - الاشعه العاديه ( اشعه اكس Plain Xray ) وهي تفيد لتشخيص الكسور والتآكلات بمفصل الركبه - الاشعه المقطعيه CT Scans وفيها نقوم بأخذ قطاعات من الركبه ومعالجتها بالكمبيوتر لتكوين صوره ادق و أوضح من الاشعه العاديه - الاشعه التفزيونيه Ultrasound - الرنين المغناطيسي MRI Magnetic Resonance Imaging علاج الالام الركبه : تتنوع علاجات الالام الركبه بأختلاف السبب لألم الركبه - علاجي دوائي للمرض المسبب لالام الركبه كالتهاب غضروف الركبه الروماتويدي Rheumatoid Arthitis - العلاج الطبيعي : وهو يهدف لتقويه العضلات المحيطه بالركبه لتقويتها وزياده الحمايه والثبات لغضروف الركبه - الحقن الموضعي : الكورتيزون : فالحقن الموضعي للكورتيزون داخل مفصل الركبه قد يساعد في تقليل الاتهاب وبالتالي تقليل الالم بمفصل الركبه ولكن بجب ان يتم تحت اشراف طبيب متخصص لتجنب الاصابه بالميكروبات - التدخل الجراحي : يعتمد قرار التدخل الجراجي لحل مشكلات الركبه علي نوعيه الاصابه فبعض الاصابات تستدعي التدخل الجراحي العاجل للعلاج والحفاظ علي مفصل الركبه سلبم • التدخل الجراحي عن طريق منظار الركبه وهو مفيد في حالات اصابه الاوتار والغضاريف المحيطه بالركبه عن طريق شق حراجي صغير وتمرير المنظار من خلاله • التغيير الجزئي لمفصل الركبه Partial Knee replacement Surgery وفيها يتم تغيير الجزء التالف فقط من مفصل الركبه والحفاظ علي الاجزاء السليمه من المفصل والتي تقوم بعملها ولا تسبب الالام • التغيير الكلي لمفصل الركبه Toatal Knee Replacement Surgery وفيه يتم الاستئصال الكامل لمفصل الركبه واستبداله بمفصل أخر صناعي undefined
| |
|
|
|
|
|
|
Re: وجع الركب....!!! (Re: محمد نور عودو)
|
Quote: Abdelazim Mekki · الأكثر تعليقا · TU Berlin ما هي أساليب الوقايه المبكره |
مرحب بالحبيب عبد العظيم هسى ياعبد العظيم مكى لو اخوك كان عارف حكاية الوقايه المبكره دى كان كب الجرس قدر ده
غايتو احسن وقاية مبكره انك ماتهلك شبابك وركبك أوانطه ... انا شغلى مضر جداجدا بالركب وفيهو جانب وراثى
وفعلا الوقايه خير من العلاح
احترامى
| |
|
|
|
|
|
|
Re: وجع الركب....!!! (Re: ملهم كردفان)
|
ملهم كردفان...
اولا سلامتك... وتانيا وجع الركب احيانا بكون من نقص المادة اللزجة اللى بتساعد الركب فى التحرك.. وبالتالى عدم المادة دى بيخلى عضم الركب يحتك ببعضه.. ويسبب الالم.. فى الحالة دى الطبيب بيوصف حبوب او حقن ... وهى تزيل الآلم حالا.. الكلام دا بقوله عن حالة الست الوالدة... وكانت تتلوى وتتوجع.. لغاية ما اخدت الحقن.. والموضوع أنتهى.. ... يعنى شنو ؟ كدى شوف الدكتور بيقول ليك شنو..
والف سلامة ليك يا راجل.. ان شا الله ركب الحكومة ....
| |
|
|
|
|
|
|
Re: وجع الركب....!!! (Re: nour tawir)
|
المناضله الجسوره نور تاور التحيه للوالده وليك ولكل اسرتكم الكريمه
انا شغال حبوب حاليا والحقن فى المرحله القادمه بعد ماركب الحكومة تورم نووووور تسلمى ياستهم
| |
|
|
|
|
|
|
Re: وجع الركب....!!! (Re: ملهم كردفان)
|
Quote: ذكر أبو الحسين بن برهان: عاد رجلاً مريضاً، فقال له: ما علتك؟! قال: وجع الركبتين، فقال: والله لقد قال جرير بيتاً ذهب مني صدره وبقي عجزه وهو قوله: وليس لداء الركبتين طبيب فقال المريض: لا بشرك الله بالخير، ليتك ذكرت صدره ونسيت عجزه. |
سلآمتك يا بطل، وليك علي لو إتذكرت صدر البيت الحقك بيهو ...
| |
|
|
|
|
|
|
Re: وجع الركب....!!! (Re: يحي قباني)
|
Quote: الوزن الوزن يا ملهم ...
خفف الوزن و شيل البطن ...
ما تنسي الركبتين ديل عدادهم مشي كتير ...
تحياتي يا رجل و ما تشوف الا العافيه ... |
ياقبانى على الحراااااام الأوزان البنشوفا فى مصر دى ... انا بالنسبه ليهم
غزال البرى ياراحل حرام من بعدك الساحل
حاشترى لى عجله وامشى مسافات طويله على الكورنيش وكده ولو الحكايه ماجابت همها بفتح فيك بوست عديل كده
ألف مرحب بيك ياقبانى وتسلم ياباشمهندس على الطله المقدره
| |
|
|
|
|
|
|
Re: وجع الركب....!!! (Re: معاوية المدير)
|
Quote: ذكر أبو الحسين بن برهان: عاد رجلاً مريضاً، فقال له: ما علتك؟! قال: وجع الركبتين، فقال: والله لقد قال جرير بيتاً ذهب مني صدره وبقي عجزه وهو قوله: وليس لداء الركبتين طبيب فقال المريض: لا بشرك الله بالخير، ليتك ذكرت صدره ونسيت عجزه. |
حبيبنا ود المدير ...ياخ صدر البيت ده لو صدر جداده ألحقنى بيهو .... اعمل لى منو شوربه وشيه وكفته وفراخ بانيه وكنتاكى والباقى اوزعوا على الفقراء والمساكين
ههههه
| |
|
|
|
|
|
|
Re: وجع الركب....!!! (Re: محمد نور عودو)
|
Quote: سلامة ركبك يا راجل يامحترم نفتش ليك علاج كان لقيتو برسلو ليك ونتمني ليك الصحة والعافية |
الحبيب الفخيم والعملاق محمد نور عودو... شاكر طلتكم المقدره وحسكم الاخوى النبيل
احترامى
| |
|
|
|
|
|
|
Re: وجع الركب....!!! (Re: د.ماجدة ميرغني)
|
الله يسلمك يا د.ماجدة ميرغني ... وشركنا قبضنا بالثابته ياستهم نفرفر نتوجع نعمل رايحين نتوجع
قلتى لى يادكتوره ....لسه شباب....!!! يعنى نبلع حبة شجاعه ووو.....نقدم لنجوووم الغد ؟؟؟
| |
|
|
|
|
|
|
Re: وجع الركب....!!! (Re: ملهم كردفان)
|
سلامتك وهناى داك كرامتك
تعرف كان عندنا باكستانى من النوع الجبلى داك مره طلعونى معاه( سايت سيرفى) من الفجر بعد صلاة الفجر قت ليهو بالعربى الخليجى(كيف ترتيب)يعنى النظام شنو؟ هو موش جرا خمسين يمكن يكون جرا جوكر زولك فوق السبعين ماشاء الله ينطط زى العتوت قالى (سوى سبر)اصبر شوية وبرم العربية وخشى زوقاق عجيب كانك في قندهار ومطعم فاتح من 4 ص خشينا اقل زول فيهم (الحنكوش) خاتى صحن كوارع قدر الضربة يمزمز فيه قالى (سديق (اتفزل) قلت ليهو داخل بلاد مال انا الاسد سيم سيم تايم يفتش شاى بى بسكويت روح مالت عليكم
فا أنا بوصيك بالكوارع
| |
|
|
|
|
|
|
Re: وجع الركب....!!! (Re: يوسف محمود)
|
يا حليلك يا ملهم دخل الماعندوا دواء ههههههههههههه
حاول تخفف وزنك وزنك لزم يناسب طولك والكرش والله الكرش في الرجال شينة شن كمان هههههه
وحاول تمارس الرياضة خاصة السباحة مفيدة جدا والحليب والترمس بتعرف الترمس ههههه
اتمنى لك دوام العافية
| |
|
|
|
|
|
|
Re: وجع الركب....!!! (Re: وضاحة)
|
يا ملهم ياقريبي ان ما خليت وجع ركبك ده ابقي حكوه ابقي كضاب... وين انت قاعد،،الشغلانية بقت اسهل مما تتصور... لقد هزم العلم هذه الكربة،،انت غاتس وين... ان بقيت علي وجع الركب،،يمين ابشر،، الكمدة بالرمدة...وبراسلك في الخاص.
| |
|
|
|
|
|
|
Re: وجع الركب....!!! (Re: عبدالعزيز عثمان)
|
Quote: Galal E Omar · Scottsdale, Arizona يا ملهم اولا شفاك الله ياخي و تانيا اتا من لقبك زول كردفاني والحاجات دي من عندكم و انا مواظب عليها بي شكل روتيني و نحمد الله جرينا الخمسين قبلك و الصحة بمب .. الدخن عصيدة و مديدة .. التمر ان شالله واحدة في اليوم .. الصمغ جرعة من الصباح و علي الريق و حبيبتنا الكوارع زي ما قال اخونا يوسف و الترمس كما قالت الاخت وضاحة ..ثم ركز علي الخضروات كالجرجير و الخص و ابتعد عن اللحوم و الدهنيات بقدر الامكان يمين الله بعد شهر نسمع بيك بطل الجمهورية في الجري او رفع الاثقال و ما بعيد تعمل الاربعة حسب الشرع رد · 1 · إلغاء إعجابي · متابعة المنشور · منذ 4 ساعات |
الحبيب المقدر جلال ا عمر الحاجات دى انت واثق منها ... انا كنت باكل صمغ كل يوم لأنى من الأبيض ومن الربع الأول وجمبنا زريبة الصمغ والدخن كان اساسى فى البيت وكنت زى الفل لمن كنت صغيرونى ... هسى بخاف أكل لى صمغايه تسد الامعاء الدقيقه
وياخ كتر خيرك وبحاول افتش لى منتجاتنا دى فى القاهره ولو مافى برسل يجيبوها لى من السودان عشان نشوف حكاية المارثون دى
احترامى باجلال
| |
|
|
|
|
|
|
Re: وجع الركب....!!! (Re: الفاتح ميرغني)
|
Quote: سلام يا حبيبنا وما يغشاك شر. لو عاوز ركب تويوتا بنرسلها ليك.
محبتي |
معقوووله ياتووووحا ركب تويوتا تركب لى كومر
اهم مافى الموضوع انو الواحد بعافر فى البلد دى عشان يحس بى انو عندو اوجاع زى باقى الناس ما اروع الالم حينما يفجر ينبوع انسانيتنا ياصاحب
احترامى
| |
|
|
|
|
|
|
Re: وجع الركب....!!! (Re: عبدالعزيز عثمان)
|
Quote: يا ملهم ياقريبي ان ما خليت وجع ركبك ده ابقي حكوه ابقي كضاب... وين انت قاعد،،الشغلانية بقت اسهل مما تتصور... لقد هزم العلم هذه الكربة،،انت غاتس وين... ان بقيت علي وجع الركب،،يمين ابشر،، الكمدة بالرمدة...وبراسلك في الخاص. |
الكمده بالرمده لا يا عبدالعزيز عثمان انا داير المسحه فى الركبه او الحقنه فى الركبه او اى حاحه مافيها الكمده بالرمده دى ان شاء الله كيلو كوارع وجردل ترمس
وباخى والله تكون لاماقصرتا لو اديتنى النجيضه فى الخاص او عبر التواصل المباشر 00201281289899 استعملتا جينو فلل وارثروزامين وارتيكو سيف ومراهم ومسكنات لمن قلت بس مع التأكيد انو شغلى ذاتو عباره عن رياضه متواصله
احترامى
| |
|
|
|
|
|
|
Re: وجع الركب....!!! (Re: وضاحة)
|
Quote: يا حليلك يا ملهم دخل الماعندوا دواء ههههههههههههه
حاول تخفف وزنك وزنك لزم يناسب طولك والكرش والله الكرش في الرجال شينة شن كمان هههههه
وحاول تمارس الرياضة خاصة السباحة مفيدة جدا والحليب والترمس بتعرف الترمس ههههه
اتمنى لك دوام العافية |
يعنى ياوضاحه تشتغلينى فوق وتقولى لى اتمنى ليك دوام القفه والعاتيه ... معقوله بس يادكتوره ياخ غايتو العاتيه مابناباها إلا القفه ام اضنين بشيلوها اتنين ...
امليها ترمس وتعالى
اما بالنسبه للسباحه فخليها لمن اخش الجنه بعدين والله اسبح ليك فى نهر العسل والخمر واللبن لمن الحور العين يستغربن ويقعدن يكوركن وااااااااااااااا ملهمااااااااااااااه وا كردفانااااااااااااااه
شكرا على القفه بتاعت الترمس ياوضاحه
| |
|
|
|
|
|
|
Re: وجع الركب....!!! (Re: يوسف محمود)
|
Quote: سلامتك وهناى داك كرامتك
تعرف كان عندنا باكستانى من النوع الجبلى داك مره طلعونى معاه( سايت سيرفى) من الفجر بعد صلاة الفجر قت ليهو بالعربى الخليجى(كيف ترتيب)يعنى النظام شنو؟ هو موش جرا خمسين يمكن يكون جرا جوكر زولك فوق السبعين ماشاء الله ينطط زى العتوت قالى (سوى سبر)اصبر شوية وبرم العربية وخشى زوقاق عجيب كانك في قندهار ومطعم فاتح من 4 ص خشينا اقل زول فيهم (الحنكوش) خاتى صحن كوارع قدر الضربة يمزمز فيه قالى (سديق (اتفزل) قلت ليهو داخل بلاد مال انا الاسد سيم سيم تايم يفتش شاى بى بسكويت روح مالت عليكم
فا أنا بوصيك بالكوارع |
مرحبتين حبابك يا يوسف ... هناى كان بقى عندو وجع ركب تبقى كرامتى مهببه تب الا الكوارع مابناباها ...مش السبقونا قالوا الحله بصل و الركب عايزه تكالة عجله غايتو هنا يا يوسف محمود عندنا واحد بتاع كوارع ولحمة راس انسى بس بس بينى بينك انا لو فتحت فى الكوارع دى بتغك منى والسلك بيضرب اخير لى اقع الترمس
تحليه حأتناول الكوترع من اللليله واشوف النتيجه واديك النجيضه يايوسف حياك الله
| |
|
|
|
|
|
|
Re: وجع الركب....!!! (Re: ملهم كردفان)
|
العزيز ملهم ..
سلامتك .. وكلنا كرامتك ...
اعتقد جو مصر فيه رطوبه زائده وبالذات الاسكندريه .. ودا يمكن له اثر كبير في وجع الركب .. انا كانت عندي الوالده مقيمه في الاسكندريه .. و دائما تشتكي من الركب.. بعرف واحد صديقنا عمل حجامه للركب .. والان في احسن حال ... جرب الحجامه .. واذا ما نفعت .. فعليك بالطلح ......خخخخخ انا غايتو القنقليز ... ظابط معااي ..
تحياتي ,,,
| |
|
|
|
|
|
|
Re: وجع الركب....!!! (Re: محمد مجيدو)
|
يا مريود كردفان تحياتي وشوقي ... وجيدن جيت .
تصدق يا مريود انا غايتو عندي وجع ركبة واحدة يعني كاسرة ركبة هههههههههههه مشيت الدكتور قال لي ركبتك قديمة ياربي يكون خجل ما يقول لي عجزتي ؟ ههههههههههههه يا حبيب ربنا يواليك بالعافية الدايمة ونحن في بلد الخواجات دي الخمسين دي عمر اليوبيل الدهبي ويا دابو الناس بدوا في حياتهم صدقني جد هههههههههههه . عشان كده نحن نايميين قفي يعني حتت عمر دي ما بيناتنا يا فرده ههههههههههه . تسلم يا مريود وبركة الجمعت . ولي قدام .
| |
|
|
|
|
|
|
Re: وجع الركب....!!! (Re: ناصر المحسى)
|
Quote: and#212;بما انو اخوكم حيجر خمسين فى 21 مايو |
لا والله ....عيني بارده عمر الزهور ..عمر الغرام .. عمر المنى تستاهل عرسـه تانيه .. قصّرت معاك ملهم ؟
كل المودة
| |
|
|
|
|
|
|
Re: وجع الركب....!!! (Re: محمد فضل الله المكى)
|
السلام عليكم .. سلامتك يا أخ ملهم وربنا يديك العافية عندي سؤال للمتخصصين أو العندهم معلومات: بنسمع كتير من عامة الناس أن العملية الجنسية لها دور في آلام الركبتين فهل هذا الكلام صحيح؟؟ سؤال جادي .. ولا أقصد به الأخ صاحب البوست وأرجو التعامل معه بجدية كذلك
| |
|
|
|
|
|
|
Re: وجع الركب....!!! (Re: محمد جلال عبدالله)
|
Quote: Nour Khalifa · متابعة · الأكثر تعليقا أخونا ملهم حمدا لله على سلامتك والمثل يقول أسأل المجرب ولا تسأل الطبيب كدى أعمل صورة للعمود الفقرى فأنا كنت أعانى من آلام فى الركب وكنت أقول للطبيب الألم فى الداخل يعنى فى الدم فى النهاية اتضح عندى غضروف انزلاقى فى الظهر بعد ما عملت صور للظهر . فنتمنى لك عاجل الشفاء . رد · 1 · إلغاء إعجابي · متابعة المنشور · منذ 21 ساعة |
مرحب بيك يانور خليفه ... ضهرى زى الفل .... ضغط العمل ونوعيتو زايد الوراثه وكبر العمر هم السبب الاساسى فى وجعى ده الدكتور قال لى بطل تنطيط احنا كبرنا خلاص وادانى حبوب وتمارين للركب وهو ماعارف انو كتر التمارين الإجباريه هى سبب وجع ركبى
احترامى
| |
|
|
|
|
|
|
Re: وجع الركب....!!! (Re: محمد جلال عبدالله)
|
ياجand#65275;ل زمان راجل سال احد الفقهاء
عن ززى سؤلك ده
يعنى يكتر منو وand#65275; and#65275;
قام رد عيهو قائand#65275;
انه ماء عينيك ومخ ساقيك
فاقلل من او اكثر
ولو مand#65275;حظ عندنا قبايل كاملة يعانو من امراض العيون من مشى الكدارى ده and#65275;ن برامجهم ضيق فانت امسك فى كand#65275;مو كويس
الله يخلى ليك عيونك ومخ ساقيك قول امين
| |
|
|
|
|
|
|
Re: وجع الركب....!!! (Re: محمد جلال عبدالله)
|
Quote: السلام عليكم .. سلامتك يا أخ ملهم وربنا يديك العافية عندي سؤال للمتخصصين أو العندهم معلومات: بنسمع كتير من عامة الناس أن العملية الجنسية لها دور في آلام الركبتين فهل هذا الكلام صحيح؟؟ سؤال جادي .. ولا أقصد به الأخ صاحب البوست وأرجو التعامل معه بجدية كذلك |
الله يسلمك ويحفظك يامحمد قيل والعهده على عم قوقل انو الإستمناء له دور فى وجع الركب والله اعلم لو راجعنا سيرة المصطفى وحياته الزوجيه وصحته الطيبه لوجدنا ان الزواج حصن من وجع الركب وممكن تسأل واحد متزوج جوووز عن صحتو ..حتلقاها زى البمب اما وجع ركب أمثالنا فالحكايه تتراوح مابين الوراثه او نتيجه لطبيعة العمل او إصابه امتد اثرها الى حينه زايد الجلكنه النحنا فيها ... وديل كلهن سبب ازاى يامحمد
ربنا يحفظك لى شبابك ويخليك لى اولادك ...قول آمين
| |
|
|
|
|
|
|
Re: وجع الركب....!!! (Re: محمد فضل الله المكى)
|
Quote: لا والله ....عيني بارده عمر الزهور ..عمر الغرام .. عمر المنى تستاهل عرسـه تانيه .. قصّرت معاك ملهم ؟
كل المودة
|
اهلا وسهلا يا محمد فضل الله المكى ووووو الكلام ده كلام زول داير يدبل يا حبيبنا تجى نعملها وننداح سوا ... نرجع كردفان ونقضى لينا شهر فى الأبيض اعرس ليك واعرس انا ذاتى اها رايك شنو ياصاحب البنوت هبطرش ونحنا مشاكلنا الصحيه لم تتجاوز الركب
شاكر طلتك المطيبه يامحمد
| |
|
|
|
|
|
|
Re: وجع الركب....!!! (Re: ناصر المحسى)
|
Quote: شوف ليك نادي رياضي حمام ساونا مع رياضة |
الرياضه ساهله والنادى الرياضى مافى احسن من جمعية صاى وحمام الساونا بستحمى عادى وبعمل مكمدات دافيه للركب يعنى ساونا للركب فقط .......... وربك يهون ياناصر
| |
|
|
|
|
|
|
Re: وجع الركب....!!! (Re: مني عمسيب)
|
Quote: يا مريود كردفان تحياتي وشوقي ... وجيدن جيت .
تصدق يا مريود انا غايتو عندي وجع ركبة واحدة يعني كاسرة ركبة هههههههههههه مشيت الدكتور قال لي ركبتك قديمة ياربي يكون خجل ما يقول لي عجزتي ؟ ههههههههههههه يا حبيب ربنا يواليك بالعافية الدايمة ونحن في بلد الخواجات دي الخمسين دي عمر اليوبيل الدهبي ويا دابو الناس بدوا في حياتهم صدقني جد هههههههههههه . عشان كده نحن نايميين قفي يعني حتت عمر دي ما بيناتنا يا فرده ههههههههههه . تسلم يا مريود وبركة الجمعت . ولي قدام . |
طمنى قلبى الله يطمن قلبك يامنى وخلاص غيرى ركبة وادينى النجيضه
| |
|
|
|
|
|
|
Re: وجع الركب....!!! (Re: ملهم كردفان)
|
لمح ولدنا الراقى الفاتح ميرغنى نمرة موبايلى وحلف بى دينو إلا يتصل ويعرف الشمار شنو
تفتكروا المردود النفسى كان قدر شنو ؟؟؟
ياخ كتر خيرك وكتر خير كل من تداخل فى هذا البوست وو شكراً لهذا النهج الإنسانى النبيل
تسلموا والله
| |
|
|
|
|
|
|
Re: وجع الركب....!!! (Re: ناصر حسين محمد)
|
Quote: الغالي ملهم كردفان ياخ سلامتك ان شاء الله وماتشوف شر ياغالي ... |
ناصر يازول يانيل بالله ماعندك وصفه كده V I M very important medicine for me
والله جنبس بشتنه وجرس اسكت ساى ياصاحب
وشاكر طلتك المقدره
| |
|
|
|
|
|
|
Re: وجع الركب....!!! (Re: ملهم كردفان)
|
ياعجوز كيفك يعني مافيها قيم تنس والله حليل زمن الحبيب راضي
اخوك ياسكو يشكي من النظر
والجاتك في ركبيك سامحتك
والله مشتاقين يا فاتح ياخي ماتطلع عمرة
| |
|
|
|
|
|
|
Re: وجع الركب....!!! (Re: شمس الدين التوم)
|
Quote: ياعجوز كيفك يعني مافيها قيم تنس والله حليل زمن الحبيب راضي
اخوك ياسكو يشكي من النظر
والجاتك في ركبيك سامحتك
والله مشتاقين يا فاتح ياخي ماتطلع عمرة |
تقول لى اطلع عمره بعد ماركبى باظت ياشمس الدين بعدين انا علاقتى مع ربنا جل جلاله حلوه شديد وماعملت ذنوب كتيره وبستغفر طووووالى إلا كان داير تعزمنى لى عمره (بتاعت ركب) فى مستشفيات السعوديه رسل التذاكر بس وسيب الباقى على ولمن الصحه تبقى بمب بعمل لى حجه عديل كده وبلغلك أقل حاجه 3 أقيام تنس وانت تتكتب ليك فى ميزان حسناتك قلت شنووو؟؟؟ سلامه عيونك ياود التوم ... الكمبيوتر بخلى الواحد يلبس نضارة قرايه ما أكتر
احترامى
| |
|
|
|
|
|
|
Re: وجع الركب....!!! (Re: اسامه العريفي)
|
Quote: اخوي ملهم نسال الله لك عاجل الشفاء ابعد عن الرياضة في هذه المرحلة نصيحة مجرب بس ود العريفي |
ألف ألف مرحب بيك يا أسامه العريفى نديدا إسفيريا وقلماً إيجابى الطله وووو صدقت ياود العريفى ...فى نصيحتك
واخوك 1اتو حركتو محدده لحدى ما الالتهابات تخف وبعد كده رياضه خفيفه مع شوية مشى مع رجيم معتدل اشيل بيهو 10 كبلو وارجع للوزن المثالى بإذن الله
رايك شنو فى الكوارع والترمس وهلم جر ؟؟؟!!!
| |
|
|
|
|
|
|
Re: وجع الركب....!!! (Re: ملهم كردفان)
|
عارف يا ملهم كردفان
اجمل حاجه فيك صراحتك…..وعارف كم مره اتونست مع ناس عن بوستك بتاع (التلليجه)
واشتكوا منها….فقلت لهم ايوه….لبدتوا مننا في بوست ملهم كردفان….وخليتنوا وكاننا لوحدنا المكرشين!! ههههههههههههههه
اه حسه يا الحبيب….جيتنا بموضوع الركب…..سلامتك يا غالي…..
وحقيقي لا مفر من تناول امر (انقاص الوزن)….مهما تجرسته منه.
وانقاص الوزن….لا يحتاج للتمارين فقط المتجرس منها دي بل احيانا تغيير النمط الغذائي
يعني تلحق روحك من (فطاير المصرين ديك الخطيره بتاعت القشطه بالسمن)…… والبلاوي المتلتلته ديك…..
وتركز علي الخضروات و الفاكهه…..لو بتحبها….ولو ما بتحبها….أخير تحبها…..لانه لا خيار لدينا…..
ثانيا يا صديقي اعمل حسابك من شقق مصر الرطبه تلك…..واحرص علي التهويه و التدفئه.
ولو وصل الامر لعملية شفط للتلليجيه لما تترد اخير من عملية تغير الركب.
والف عافيه لك يا رجل يا طيب.
| |
|
|
|
|
|
|
|