|
Re: عمارات عوض الجاز في دبي (فيديو) (Re: علي دفع الله)
|
هل تصدق نفسك أيها المتحدث قبل أن نصدقك؟ هل عوض الجاز بهذا الغباء ليسجلها باسمه؟ هل سمعت بقصة فندق إيلا بالعين بالإمارات برضه؟ لو كان حديثك صادقاً فأت لنا بشهادة بحث حديثه – أو كيف ما يسمونها في دبي- تثبت ملكية عوض الجاز أو أي شخص ينتهي اسمه بالجاز لهذه العمارات. من غير شهادات البحث المطلوبة نعتبر كلامك : كلام بنات معديات بنات، يعني بندق في بحر. تحياتي
كبـّاشي الصـّـافي .
| |
|
|
|
|
|
|
Re: عمارات عوض الجاز في دبي (فيديو) (Re: وضاحة)
|
معقول ؟ ابو الجاز العفيف الشريف الصلاى والمؤمن البصلى ب الناس كل يوم جمعة ..البمشى الوزارة بعجلة ومرات رقشة ومرات كدارى ..عوض الجاز الماعندو حق كليو كرعين جداد يتغدى بيهو ..عوض الجاز ال ..محمد صبر سيد الدكان الجنبو عايز منو 22 الف ليها 3 سنة ؟ عوووض الجاز البياكل فد وجبة !!! لا .لا .يا ابو الريش مش ممكن ...
هنا يسكن العبد الفقير عوض الجاز ..ياهو ده بيتو ...فيااا ابو الريش اختشى ...وشكرا ...اين باوقيشن من تلك الاشاعات واين غربيشن غريبة ....استغفر الله
| |
|
|
|
|
|
|
Re: عمارات عوض الجاز في دبي (فيديو) (Re: علي دفع الله)
|
Quote: وش الشبر (( علي دفع الله مركب مكنة الشيخ الصور الراعي الطيب الابا يبيع النعجة)))
وضاحة ازيك |
هلا دفع الله الشبر دا بيت ومسكن ومصير كل البشر الذى تختم فيه حياتوا الابدية فهناك لا واسطة بين وبين ربك ولا رشواى ولا فساد ولا سرقة مال عام ولا خدم ولا حشم عملك هو رصيدك في الدنيا البتاخدوا معاك لمقابلة ربك وبتمشي عرياااااان بس بي كفنك وحتى كفنك مافيه جيبوا
انت فاكر ربنا فاكى الناس دى سااااى كده كل واحد عندوا يوم جايوا وقد افلح من زكاها اسمع الشيخ دا قال شنو
| |
|
|
|
|
|
|
Re: عمارات عوض الجاز في دبي (فيديو) (Re: مني عمسيب)
|
يعني لو لقيت عمارة هنا في السعودي باسم (اي اسم) لكوز على طووول اصورها واجيبها على انها للص من الانقاذ
يا خي ارحمونا سرقة الانقاذ واكلهم لقوت الشعب لا تحتاج لمثل هذه الخزعبلات البدون دليل كانما انعدمت الادلة على سرقتهم لقوتنا وتشريدنا في بلاد الله وداخل السودان
ارحمونا ارحمونااااااااااااااااااااا
| |
|
|
|
|
|
|
Re: عمارات عوض الجاز في دبي (فيديو) (Re: usama Babiker)
|
الذ زول اسامه بابكر
قبض لك شيخ و ضاحه نفسه بالثابته!! ههههههههههههه
يا اسامه ركز معانا وبطل انصرافيه
مالنا نحن و هؤلاء الاعراب ركز لينا في محنا السودانيه دي!!هههههه
الله يجازيكم يا انقاذين…….انتو العلمتوا ما بطلع مننا بالساهل.
الله يكفي شعبنا شركم.
| |
|
|
|
|
|
|
Re: عمارات عوض الجاز في دبي (فيديو) (Re: ود الباوقة)
|
اطالب صاحب البوست ان يعتذر لنا عن مثل هذا الافك ليس من المعقول ان ينشر كل الكذب والخداع لنصبح قطيع يصفق بلا وعي يفترض ويفترض جدا ان يكون المنبر منارة للصدق والنزاهة واحقاق الحق اتوقع اعتذارا عاجلا
| |
|
|
|
|
|
|
Re: عمارات عوض الجاز في دبي (فيديو) (Re: علي الكرار هاشم)
|
اخونا الشفيع و من لف لفه
رغم إنو يبدو أن صاحب البوست له غرض آخر خفي غير نشر هذا الخبر
إلا أنني كمواطن ما فارقة معاي كتير كونوا العمارات دي بالذات تكون حقت الوزير السابق عوض الجاز او لا
ما يفيدني هو أن تكون هنالك حكومة تتمتع بقدر من الشفافية و لها نظم و قوانين محاسبية تضمن عدم إساءة إستخدام المال العام و حينها لا توجد مساحة لأطلاق الشائعات و الإتهامات
ما لم توجد مثل هذه الحكومة يظل عندي كل من شارك فيها مشبوهاً و يقع على الحكومة عبء إثبات نزاهته
و حتى ذلك الحين للمعارضين الحق في إطلاق ما شاءوا من إشاعات.. و لو صدق بعضها فكتر خير المعارض الذي نورنا بتفاصيل الفساد و إن كذبت الشائعات فلا بأس في ذلك عندي فهو لم يستخدم اموالي و لم يستهلك مواردي في كذبه
و للمجنهد أجران إذا اصاب و أجر إذا أخطأ.. فالشكر لكل من إجتهد في كشف الفساد
فشنو يالشفيع و من لف لفه من الكيزان و المنتفعين ما تجوا كل مرة تنفوا لينا إنو العمارة دي ما حقت فلان.. مرة واااااحدة كدا بس قولوا لينا إنو أصلاً النظام المحاسبي في دولة السودان و الرقابة عليه لا يمكن أن يسمحوا أبدا للوزير او أي مسئول بالثراء الغير مشروع
| |
|
|
|
|
|
|
Re: عمارات عوض الجاز في دبي (فيديو) (Re: الشفيع وراق عبد الرحمن)
|
هل تصدق نفسك أيها المتحدث قبل أن نصدقك؟ هل عوض الجاز بهذا الغباء ليسجلها باسمه؟ هل سمعت بقصة فندق إيلا بالعين بالإمارات برضه؟ لو كان حديثك صادقاً فأت لنا بشهادة بحث حديثه – أو كيف ما يسمونها في دبي- تثبت ملكية عوض الجاز أو أي شخص ينتهي اسمه بالجاز لهذه العمارات. من غير شهادات البحث المطلوبة نعتبر كلامك : كلام بنات معديات بنات، يعني بندق في بحر. تحياتي
حسب الفيديو شكيت في أن المقطع من شارع الستين العمارات! الأنجليزي والعربي ده كلو بشكك فيه كلنتونا اندر اسكور!@
| |
|
|
|
|
|
|
|