|
Re: B)arking) (Re: محمد إبراهيم علي)
|
داخل اللجنة * يا جماعة مهم جداً طبعاً يكون في ثقافة بتاعة b)arking) ... احنا عايزين (نبوتق) الثقافة العامة بتاعة الناس - كل الناس - عشان يقدروا يتواكبوا مع الوصلو ليهو ناس دبي و الحتات دي. والله انا في زيارتي المرة الاخيرة دي لدبي لقيت انو الموضوع بتاع الـ b)arking) ده في كل مكان - توقف عربيتك وتمشي تقطع الt(e)cket بتاعة الوقوف - حاجة جميلة خلاص ..ياخ عشان كده احنا عايزين ننقل التجربة وكل التجارب الزيها (رادارات - شوارع بقروش - كباري بقروش) ... وكده ... الناس ديل فطونا شديد اول حاجة كدي خلونا نعمل لوحة (تنوه) لانو في b)arking) في الحته - ممكن بنبدا بـ أبو جنزير - انتو عارفين زحمتو طبعاً ! - خلونا نبدأ بيهو فبالله ابدو لينا في اللوحة دي ... - يا سيادتك اللوحة دي احنا مفروض نعملها كم في كم؟ * كبّر ... كبّر .. كل ما كبّرت يكون كويس .. عشان مافي زول يقول لينا ما شفتها ووالله ما عارف انو الوقوف بقروش ... والكلام ده - نعملها خمسين في متر * قلت ليك كبّر كبّر ياخ - خليها متر في مترين وخليهم يضربوها برتقالي - لون مريح وواضح ! وعقبال ما اللوحة تجهز ممكن الناس تجهز الزي بتاع المتحصلين بتاعين الرسوم - ده اسمو التايم منجمنت - يعني تعملكذا حاجة في نفس الوكت مهم جداً يا جماعة يكون الزي بتاع المتحصلين (يتسق) مع لون اللوحة بتاعة (التنوية) الحا نعملها - أيوه تنوية ما تنبيه ... بالتاء المربوطة طبعاً (الاتساق اللوني) بخلي المواطن يربط طوالي بين المتحصل واللوحة ... وبكده طوالي يمشي يدفع ليهو يا سيادتك - هه هه هه
الصوره دي انا مصورها بموبايلي ... وكده (قبل تلاتة اربعة سنين) ... هسا بنكون حصلنا مرحلة - jaywalking fines - لا محالة
| |
|
|
|
|