التغول على الميادين و الفسحات و بيعها من قبل النظام و المسترزقين حوش الرعد ببيت المال مثالاً لذلك

Quote: دعوه صادقه بالمساهمه بالكتابه لكل من: 1/ابناء الحى بالمنبر: a/د.أحمد طراوه b/د.إحسان فقيرى. c/السيد اسماعيل حميم. d/السيد أمين النصرى. e/السيد خالد بابكر النور f/السيد سامى عبدالوهاب h/السيد عاصم البنا i/السيدات والساده ابناء بيت المال الذين لم يتسنى لى الشرف بمعرفتهم. 2/السيدات والساده الذين أرتبطوا/ ن ببيت المال: a/السيد الصــاوى.. b/السيد متولى مالك..

Quote: إداريا منطقة بيت المال تسمى مدينة بيت المال ولها مجلس وجغرافيا تحدد بالنيل شرقاوجنوبا يعتبر آخر نقطه هى سور مدرسة أمرمان الثانويه بنات ومن ثم المرور غربا ببوابة عبدالقيوم وبشارع الدايات وحتى شارع المورده ثم شمالا بالشارع الواقع شرق دارا حزب الأمه ومواصلة حتى الشارع خلف السينما والوطنيه ومواصله حتى أجزخانة ابونخله وركن ميامى والاتجاه شرقا بشارع السيدالمكى مرورا بشارع الترام الذى يفصل بيت المال وابوروف وحتى المنحنى بجوار جامع الضرير.. ملحوظه: هذا ما كان عليه الحال حنى 1989,أرجو أفادتنا بحدود بيت المال بعد ذلك التاريخ..إن وجدت أو تم التعديل

Quote: " فريق أزحف " وهذا الفريق مشهور بميدان حوش الرعد وبعدة اشخاص آخرين من ظرفاء الحي منهم على سبيل المثال لا الحصر الفاتح حولا المرحوم حيدر " كزا موز " عمك الوسيلة( يا دبذ كتذكر جملتو الشهيرة - قال قال ليك يا شاب - هاشم حمام محمد الصادق وأخوه كابوس وأظرفهم واكثرهم شهرة خارج الحي هو عثمان منقة... اولاد الأزهري " وتش وهشام سكيز والسيد أحمد "

Quote: أولا جغرافيا بيت المال كما ذكرت سابقا الحدود الإداريه لمدينه بيت المال.والجانب الغربي منها مرتفع عن الشرقى لذلك تخلها بعض المجارى الطبيعيه(الخيران),التى تصرف مياه الأمطار فى فصل الخريف التى تنساب طبيعيا من هضاب غرب أمدرمان ,ويحدها جنوبا الخور الواقع جنوب كليه المعلمات ويليه الخور المار جنوب الاذاعه ثم خوران صغيران يشقان الملازمين ويصبان فى ميدان البحيره ومنه الى النيل..ثم شمالا كان هناك خور شمال الصهريج ,الا أنه ردم وبنى عليه الشارع الأسفلتى بين الصهريج والمدرسه الصناعيه.بعد ذلك شمالا يأتى خور بيت المال الكبير ويليه شمالا خور الكداويه. أهم الاشجار التى كانت تنمو طبيعيا ,أشجار السنط والحراز والقرض والدوم وذلك قبل العام 1820 .فى الوقت الحالى تنمو نبتات العشر هنا وهناك على أطراف المجارى الطبيعيه خاصه فى منطقه ميدان البحيره الذى بيع ليبقى حديقة.. زرع الانجليز اشجار اللبخ على كورنيش النيل ببت المال وصمدت تلك حتى الثمانينات إلى أن قام بقطعها (ولاة الأمر) فى التسعينات بحج واهيه وباعوها حطبا.. لم تعانى مدينة بيت المال من العطش,وذلك لقربها من النيل وسهوله الحفر فيها, وقديما كانت تحفر الآبار فى البيوت,و(حوش البير ) من أهم الحيشان فى منازل بيت المال القديمه.وتم توصيل بيت المال بشبكة المياه فى الأعوام 1949 وحتى 1952 حسب ما ذكره لى المرحومان عبدالفتاح يوسف بشير ومحمود على محمود,لهما الرحمه..

Quote: احمد طراوة .. يا سلام يا محمد إنت و ناسك ! و اصلا نحنا ما مفروض نتأخر عن بوست بيت المال .. و هوى بيت المال الما انفشا .. وفي الحلة هبوب الرشة .. و إتعشى عشاك و إتمشى .. و اذكرني ولو بقشة ! حتى خليل فرح كان حاتل في تلك الزريبة المجاورة لكبري شمبات ودي شايقى مرقتو محن الدنيا من بيت المال للثورة الحارة اربعتاشر قال لي : شبكوني يا احمد بتحب الكوتشينة يا دي ، بتحب كنكان اربعتاشر يا دي .. لمن سكنوني فيهو ! سنام الظرفاء دي شايقى ، هو و اخوهو ابو الريف ! و قام ود الشايقى قال لصحبو عوض حرمبو : نشيل شلن من عمنا كلس ، و نقول ليهو نحنا بندخل فيلم مانشستا و هرقل في سينما الوطنية امدرمان و بنجي نحكيهو ليك بضبانتو يا عم كلس .. مشوا السينما و جوا يحكو لكلس اشياء من الخيال ما خطرت حتى علي بال المخرج ذاتو .. ولانو عم كلس كان ختمي ، و دي شايقى و حرمبو عاوزين منو شلن الفيلم التاني الشافوهو في المناظر قاموا قالوا ليهو : " تعرف يا عم كلس ، البطل ما نشستا كان لمن يمسك عامود القصر بتاع ملك الروم و يبدأ يقلعوا من تحت كان بقول : علي و على أعدائي يا سيدي الحسن !