|
|
 غندور الملظلظ
|
يحكي لي صديق كان في زول في الحي معاهم دائما يتحسر علي الزمن المضي وهو اجمل من الزمن الحالي زمن أي بيت فيهو عجلة رالي وعشرة رغيفات كان ما شيلته معاك قفه ما بتقدر تجيبهم البيت ولوح الثلج تشتريهو الظهر وتجيبو معاك البيت المغرب ما تسيح منو كباية.
أها الراجل كل ما الناس تتكلم في موضوع ما يعجبهم ومن خلال الونسه .... بالله يا فلان تذكر زمان المنقه كنا بنشتريها بالشوال ناكل والباقي نديهو الغنم .....
إرد الراجل يا سلااااااااااااااااااااام ده زمن البنقو كان نضيف !!!!!
مساعد الرئيس غندور نظيف وملظلظ يا ربي عايش معاناة الشعب وما عندو غاز وبقيف في صف الرغيف ... لله في خلقه شئون.
قالو راجل بتاع طشه معذب اولادو عذاب الله اكبر كل يوم واقف طيط وعامل ليهم فضائح مع ناس الحي اجتمعو بوالدهم وقالو ليهو يا ابونا انت خلاس كبرته حكاية الطشه خليها اعمل ليك عمل للاخره احنا قررنا ندويك الحاج.
اخدو ابوهم وإتوجهو بيهو للحج في الطواف الراجل قبض في ستارة الكعبه وقعد اجعر جاتو التفاته شاف ست العرقي مكنكشه هي ذاتا في الكعبه وتبكي !!!
قال ليها يافلانه الجابك هنا شنو ؟؟؟
وقت اتلاقينا في الكعبه عليك الله تاني كان تذيدي لينا في العرقي مويه.
الجماعه قالو فات نافع علي نافع جاهم الملظلظ لابس جلابية نافع .....لله في خلقه شئون
|
|
 
|
|
|
|
عباس الدسيس
عبدالحفيظ ابوسن
فرح الطاهر ابو روضة
فيس بوك
تويتر
انستقرام
يوتيوب
بنتيريست