|
|
 إمام مسجد سوداني حرامي في كندا مقبوض بالثابتة
|
الحكم بالسجن 33 شهرا على سوداني إمام مسجد مدينة يلونايف في #كندا ورئيس المركز #الاسلامي بالمدينة بتهمة الاحتيال! حيث استغل الشيخ محمد باشا اسم المركز لجمع تبرعات لبناء مسجد في حين كانت تذهب تلك الأموال لمصلحته الشخصية! وقد تسببت هذه الفضيحة بصدمة للمجتمع المسلم بالمدينة الذين كانوا يثقون به! ولا حول ولا قوة الا بالله..
مزيد من التفاصيل في شبكة CBC NEWS
المصدر
المصدر
|
|
 
|
|
|
|
|
|
|
|
Re: إمام مسجد سوداني حرامي في كندا مقبوض بالثابتة (Re: محمد عثمان الحاج)
|
سؤل الإمام عبد الله بن المبارك
عن الملوك فقال هم الزهاد
وعن الناس فقال هم العلماء
وعن السِفلة فقال هو الآكل بدينه .أهـ
أما هذا فهو يسرق بدينه
في السعودية وباقي دول الخليج أكثر
وظيفتان يفضل فيهما السوداني على غيره
هما وظيفتي المحاسبة والطب
لأن النفس والمال أعز شي عن أصحابهما
لا يؤمن عليهما إلا الثقة ...
المخلي الحال في دول الخليج حتى الأن لم يتحول
للواقع الشنيع في سمعة السوداني ولسع الوضع محافظ
هو أنه اللصوص في السودان لهم مكانة مرموقة ووظائف
وفرص تجعلهم يزهدون في الوظائف في دول الخليج
ولكن أوربا فيها شوية رقشة وتغري بعضهم.
ولو خرجت تماسيح الداخل للخارج ستتصبح سمعة
السودان في الحضيض.
ولكن رغم ذلك هناك افرازات ليست قليلة نرجو من الله الستر.
| |
|
|
|
|
|
|
|
|
|
Re: إمام مسجد سوداني حرامي في كندا مقبوض بالثابتة (Re: Sameer Kuku)
|
الأخ أسامة
ماهي الفائدة المرجوة من هذا البوست؟
ماذا تستفيد انت؟
ماذا نستفيد نحن الأعضاء ؟ القراء؟
ألم يكن الأفضل العمل بالحديث الشريف الذي يحض علي ستر المسلم؟
أرجو لو تفضلت سحب البوست فهو بحق
لا يخدم اي قضية
أرجو الا تزعل مني فاني لا اعرف الشخص المعني من قريب او بعيد سوي انه سوداني
سأكون شاكرا لك يا اسامة لو استجبت لطلبي
وإلا فأنت حر طبعا فيما تري
_______
الحليلة
| |
|
|
|
|
|
|
|
|
Re: إمام مسجد سوداني حرامي في كندا مقبوض بالثابتة (Re: elhilayla)
|
| Quote: ألم يكن الأفضل العمل بالحديث الشريف الذي يحض علي ستر المسلم؟ |
عندي ليك سؤال استاذنا الحليلة، بغض النظر ان جنسية الزول ده سوداني و لا تشادي،
هل السترة المقصوده هنا تشمل الامام ده لوحده، ام تمتد لتشمل اي مسلم حتى من يسرقون البلاد؟
و هل السترة لأنه كان امام مسلم، ام المفترض يمتد و يشمل الطبيب المسلم الفاتحين ليهو بوست مجاور؟
و ماذا عن المسلمين المشوا للشرطة الكندية و فتحوا فيهو بلاغ بالنصب و الاحتيال، و جعلوا منه
ماده اعلامية في وسائل الاعلام الكندي و الغربي و امتد ليشمل العالمين العربي و الاسلامي؟
و شكرا،،،،،،،
| |
|
|
|
|
|
|
|
|
|
Re: إمام مسجد سوداني حرامي في كندا مقبوض بالثابتة (Re: Sameer Kuku)
|
Quote: عندي ليك سؤال استاذنا الحليلة، بغض النظر ان جنسية الزول ده سوداني و لا تشادي،
هل السترة المقصوده هنا تشمل الامام ده لوحده، ام تمتد لتشمل اي مسلم حتى من يسرقون البلاد؟
و هل السترة لأنه كان امام مسلم، ام المفترض يمتد و يشمل الطبيب المسلم الفاتحين ليهو بوست مجاور؟
و ماذا عن المسلمين المشوا للشرطة الكندية و فتحوا فيهو بلاغ بالنصب و الاحتيال، و جعلوا منه
ماده اعلامية في وسائل الاعلام الكندي و الغربي و امتد ليشمل العالمين العربي و الاسلامي؟
و شكرا،،،،،،، |
شكرًا باشمهندس سمير
مع الاتفاق والاختلاف معك في بعض ما أوردت
يظل الحديث الشريف معناً ومضموناً قائماً
مع كامل المودة والتقدير
______
الحليلة
| |
|
|
|
|
|
|
|
|
|
Re: إمام مسجد سوداني حرامي في كندا مقبوض بالثابتة (Re: Sameer Kuku)
|
أسامة
يعني شنو تجيب خبر شين ذي دا
ياها دي مشاركتك
عيب وإستحي
والتاني الإسمو محمد عثمان القائل ( أنا لا أرتاد المساجد ) متجنباً الصلاة خلف الوهابية حسب قوله
يا أخي إنت بتصلي لي نفسك ،،، يعني بتفتخر إنك لا ترتاد المساجد
غايتو أرض الله دي فيها نوعية من البشر ،،،، !!!!!!
مرضتونا الله يمرضكم
| |
|
|
|
|
|
|
|
|
|
Re: إمام مسجد سوداني حرامي في كندا مقبوض بالثابتة (Re: usama Babiker)
|
ياسيف الدين محجوب أيوه أنا بفتخر إني ما بصلي وراء أي إنسان!
مش كده وبس، دولة ما فيها حرية رأي وانتخابات حرة ما بصلي فيها صلاة جماعة!
ومش كده وبس ياسيف الدين، أنا السودان ذاتو ما ختيت فيهو رجلي مما حكمو عمر البشير!
فعلا نحن عينة بشر غريبة، لكن أعجب منها العينة البتتغش لتجار الدين والبسببهم ضاع دين السودانيين وأخلاقهم!
| |
|
|
|
|
|
|
|
|
|
Re: إمام مسجد سوداني حرامي في كندا مقبوض بالثابتة (Re: ترهاقا)
|
سـيخرج علينا بعض المتنطعين ببيان إنه الأسلام والمسلمين مستهدفين من الدول الصليبية الكافرة وقوى الصهيونية والماسونية العالمية .
ثانيا أود أن أسأل اولئك الذين يطالبون بالستر لذلك اللص , أليس من نصوص الشريعة الأسلامية نصا ملزما بقطع يد السارق على مرأى من الناس ؟ أين السترة هنا ؟ أم أذا سرق فيهم الشريف ( سـتروه ) وإذا سرق فيهم الضعيف ( شهروا به ) ؟.
| |
|
|
|
|
|
|
|
|
|
Re: إمام مسجد سوداني حرامي في كندا مقبوض بالثابتة (Re: قلقو)
|
محمد عثمان
يعني شنو السودان ما ختيت فيهو رجلك من جا عمر البشير
خلاااااااص والله السودان قاعد راجيك
جيت ولا ما جيت
وزنك شنو؟؟؟!!!! قفة ولا أضان قفة ؟؟!!!
نعمل ليك شنو إكان مقطوع من شجرة ولا تعرف شئ إسمو صلة الرحم
مهما كانت الحكومة كعبة ،،لكن عندنا رحم لازم نصلهُ
بعدين كونت تفتخر بعدم صلاتك ،،، وكونك تجاهر بالمعصية
دي ما شطارة
دي ,،،!!!!!
قال ماجيت السودان قال
خير ياطير يعني شنو ؟؟؟ !!!! ننكس ليك الأعلام
محمد عثمان ،،،،، قوم لف
| |
|
|
|
|
|
|
|
|
|
Re: إمام مسجد سوداني حرامي في كندا مقبوض بالثابتة (Re: elhilayla)
|
Quote:
الأخ أسامة
ماهي الفائدة المرجوة من هذا البوست؟
ماذا تستفيد انت؟
ماذا نستفيد نحن الأعضاء ؟ القراء؟
ألم يكن الأفضل العمل بالحديث الشريف الذي يحض علي ستر المسلم؟
|
الأخ الحليلة
كيف تسأل سؤال زي ده الفايدة شنو
الفايدة واضحة جدا وهي :
الطعن في الإسلاميين وأئمة المساجد والناس المتدينين عموما
والطعن بطريقة غير مباشرة في الدين الإسلامي ذاتو
| |
|
|
|
|
|
|
|
|
|
Re: إمام مسجد سوداني حرامي في كندا مقبوض بالثابتة (Re: محمد جلال عبدالله)
|
Quote: الأخ الحليلة
كيف تسأل سؤال زي ده الفايدة شنو
الفايدة واضحة جدا وهي :
الطعن في الإسلاميين وأئمة المساجد والناس المتدينين عموما
والطعن بطريقة غير مباشرة في الدين الإسلامي ذاتو |
يابتاع سلفيا انت ... احيييييييييييييييييييييييي انا ياسلفيا السلفي المودرن بالله عليك الله جيب لي وين انا طعنت في الدين ... هو امام مسجد حرامي كيف اكون متدين ؟؟؟ انت قائل الدين ده لحيه وجلابية قصيرة ؟؟؟؟
| |
|
|
|
|
|
|
|
|
|
Re: إمام مسجد سوداني حرامي في كندا مقبوض بالثابتة (Re: usama Babiker)
|
هو مال اخوانهم في الدين
ما قصروا منوا
بتسالوا من مال الكفار كمان عندهم
(( فهو بالنسبة لهم حلال حلال ))
وغنيمة لهم ليس المال وحده
بل هم انفسهم
اما فيما يخص سجن الحكومة الكندية لهذا الامام
فما هي الا مجاهدات وابتلاء يحسب لهذا الخارج في سبيل الله والعلم
في ميزان حسناته
ولو مات في سجنه فهو شهيد شهيد تزف له الحور العين
| |
|
|
|
|
|
|
|
|
|
Re: إمام مسجد سوداني حرامي في كندا مقبوض بالثابتة (Re: يحي قباني)
|
Quote: اخي الحليله ...
اولا ... الاخ اسامه اتي بخبر منشور في كل الجرايد الكنديه و الميديا ...
يعني يستر الرجل من منو ؟ من الجاليه السودانيه.
ياخي الرجل .. ما ستر نفسو مع ربه ...
و قبل مال المسلمين علي نفسه بغير حق ...
و قبل علي اسرته مال حرام ..
يا الحليله هناك اشياء كثيره مسكوت عنها من باب الستره ...
و الكثير من الاعمال غير القانونيه و التي لن تنهض باي مجتمع ...
ولا اري ان الناس ( اعتبرت ) ...
بل الاعداد في تزايد ... و اصبح هناك متخصصين في كيفيه الــ System Abuse
(عدل بواسطة يحي قباني on 09-02-2014, 08:20 PM) |
الأخ قباني
لن أختلف معك في فكرة أن الرجل لم يراع نفسه ولا الله عندما فعل ما فعل
وكون أن الخبر منشور في جرائد أجنبية - كندية علي وجه التحديد- يجب ألا يوقفنا من
ستر الأخ في الإسلام مراعاة لحال أسرته
أظنه قد أخذ ما يستحق من عقاب دنيوي وذلك بالحكم عليه بالسجن كما ورد
ويبقي هم أسرته وهو الأهم : لو نظرنا لوضع زوجته وأبنائه بعد نشر الخبر في
موقع بإنتشار سودانيزأونلاين أعتقد سنتفهم مقصد الستر
ويا أخ قباني في الإسلام تتم مفاضلات بين الفوائد والأضرار
وأحسب أن الضرر الواقع علي باقي الأسرة حجمه أكبر
مع أكيد إحترامي لوجهة نظرك في فهمنا الخاطيء
لبعض المسكوت عنه في السودان
نهارك سعيد
ــــــــــــــــــــ
الحليلة
| |
|
|
|
|
|
|
|
|
|
Re: إمام مسجد سوداني حرامي في كندا مقبوض بالثابتة (Re: elhilayla)
|
افهمونى حاجة:
الزول دى ما خاف الله و مد يدو على ما ليسوا له و خائفين عليه من الناس.
انتو بالجد الزول اللا بيهموا ماذا سيقول الناس عنه فى الدنيا يهمه ما فى الاخرة. المنطق عندكم معوج ان كنتم اصلا تؤمنون بان هناك شئ اعظم من ما لدينا من الخيرات و ملذاتها فى الدنيا.
| |
|
|
|
|
|
|
| |
usama Babiker
معاوية عبيد الصائم
خضر حسين خليل
nour tawir
منتصر عبد الباسط
Mahjob Abdalla
elhilayla
Salah Zaghawa
سيف الدين محجوب
Mohammed Alhasan Mohammed
يحي قباني
ترهاقا
قلقو
محمد جلال عبدالله
HAYDER GASIM
Kostawi
فرح الطاهر ابو روضة
Zakaria Joseph
Tragie Mustafa
Deng
فيس بوك
تويتر
انستقرام
يوتيوب
بنتيريست