|
اليوم تم نشلي رسميا في جهاز المغتربين وشعبيا في المواصلات
|
ورجعت البيت خشمي ملح ملح غايتو بخصوص النشل الشعبي فتحت بلاغ في شرطة الدرجة التالتة واذكرت عمر عثمان لكن النشل الرسمي شكيتم على الله ورجعوا الضرائب ولاقالوا ولا ماقالوا دفعتها من جيب السديري والباقي تم نشله شعبيا من نفس جيب السديري غايتو خروج نهائي بس
مالقيت ايقونة الخشم ملح ملح ختيت ليكم الزول البنفخ دا
|
|
|
|
|
|
|
|
Re: اليوم تم نشلي رسميا في جهاز المغتربين وشعبيا في المواصلات (Re: خالد عبدالوهاب)
|
يا ود بوش ، سلامتك وكويس ما نشلوك أنت ذاتك .
يا زول على التوالي في عام 2011 و2012 تم نشلي وسرقة جوالي ، المرة الأولى في الشوق الشعبي بأمدرمان والمرة الثانية بعد خروجي من المغتربين وركوبي لحافلو متجهة للسوق العربي
يبدو أن نشاط النشالين يدور حول الجهاز ويصطادوننا ، عارفننا ناس ريف ساكت ، شلت يداهم والجاتك في نشلتك سامحتك .
لك ودي وتيك كير في المرات القادمة .
| |
|
|
|
|
|
|
Re: اليوم تم نشلي رسميا في جهاز المغتربين وشعبيا في المواصلات (Re: ولياب)
|
ولياب فعلا كلامك صاح بعرفونا طوالي من بعييييييييييد والغريبة في كل اجازة بقول اعمل تيك كير وكل مرة اتنشل واقوليك حاجة قمت مع الصباح افتش عشان افتش لي شنطة امشي بيها ما لقيت شنطة لقيت واحدة ومشرطة قلت يا ولد السديري دا مضمون وكمان جيبو فيهو سستة ههههههههههههههه شرطو بتحت وخلو السستة في قفلتا
. . يا ولياب اقوليك حاجة لا تيك كير ولا الجدادة فقعت خروج من السودان نهائي وبس . . مالك ما علقت على سرقة الجهاز الضرائب رجعوها اها خموا وصروا ولبعدين انوريك شيطنتم اقوليك 70 ريال مساهمة وطنية طبعا الناس دفعوها فرحانين ولكن في الحقيقة هي مساهمة ايام بس اقل من شهر لانها ضريبة باقي ديسمبر 2013 من تاريخ صدور القرار
| |
|
|
|
|
|
|
رد (Re: عبدالله ود البوش)
|
السلام عليكم يا شيخ عبدالله الجاتك في مالك سامحتك يا بوش كدي وريني تفاصيل النشل الرسمي وخصوصاً موضوع الضرائب دا تحياتي
| |
|
|
|
|
|
|
Re: رد (Re: محمد عمر الفكي)
|
وعليكم السلام يا محمد عمر الضرائب رجعت لان البداية كانت فكرة شييطانية عشان الناس ما تحتج ما عندي جهاز اسكنر لكن بكتب ليك من الورقة القدامي دي
المساهمة العام المقدرة المدفوعة العملة رقم الايصال تاريخ الايصال المتاخرات 2013 70 ر س 3 ش + خ 25 % اسمهان 19/1/2014
طبعا يا محمد عمر الناس دفعوا طوالي وفرحانين لكن في الاخر عفت ان المبلغ المذكور اعلاه من تاريخ صدور القرار وعلى ما اعتقد ان القرار صدر في ديسمبر 2013 وعليه فهي ضريبة ايام فقط يعني ضريبة السنة كم ؟ الله هو العالم ثم ناس الضرائب ثم بعد تجي بعد سنة وتشوف براك ملحوظة هامة : المبلغ دا يخصني انا ووظيفتي محاسب . . النشلة الكبيرة جاتني من ناس الزكاة قالوا لي جيب اربعة مليون والله جد وشيل ودق وشيل دق دفعت ليهم مليون والضرائب والخدمات نص مليون ومليون ونص شرط بالموس لوووووووووووووووووووول
| |
|
|
|
|
|
|
Re: صلاح غريبة. (Re: صلاح غريبة)
|
Quote: والباقي تم نشله شعبيا من نفس جيب السديري |
سديرى يا عمو؟؟ وات دز إت مينز؟ دو يو مين زا بلاك جاكيت؟ يعنى نحن فى الخرطوم نموت ليك؟ تبيعو فى المعيز وتجونا نحن قاعدين نجيكم فى الحارة العتامنه بتاعتك ديك؟ قوم لف بلا نشلونى معاك.. يازول بركة المرقنك كرعينك ساكت انت البوديك لى حته فيها كرار وغريبة شنو؟
| |
|
|
|
|
|
|
Re: صلاح غريبة. (Re: صديق الموج)
|
وهو عمارات خرتومكم ##############ة دي بانينها بشنو يا صديق الموج ؟ مو من بعير حميرنا وأسال ناس الكمائن . . . يا حليلكم يا موج والله اشتقت ليكم بالله عاملين كيف ؟ . . غريبة قال لي تعال النشلة الجاية راحت عليهو غنية وفاتتو مو مسنوح . . والله يا صديق الموج كان حاسبوك بسنين الانقاذ بس اقولوا ليك جيب ستة وسبعين مليون غير حقات نميري والعشرة سنة اللولى لكن اتا حريف انتظرت لمن حكومة نميري انقلبت ومنتظر دي تنقلب . . بالله عاملين كيف ياموج ان شاء الله تشوفوني شديد
| |
|
|
|
|
|
|
Re: صلاح غريبة. (Re: عبدالله ود البوش)
|
حبيب الكل ود البوش ...سلام قدر البلد ..
والبركة في صحتك وربنا اعوضك ابرك واخير وما تنسي ده ياهو حال سودان الانقاذ . ربنا ىوصلك بالف سلامة .
| |
|
|
|
|
|
|
اليوم تم نشلي رسميا في جهاز المغتربين وشعبيا في المواصلات (Re: مني عمسيب)
|
منى عمسيب حبيبة الشعب الطيب اتي دي والله الله يسلمك ويعافيك ولمن تجي اعملي حسابك من ناس المواتر قاليك شنطة اليد ختفت الحدية للسوسيو ودا كلو بسبب الانهيار الاقتصادي في البلد اهو النشلة الشعبية بونستكم اللذيذة دي نسيتا كلو كلو بالاضافة لوصية ناذر الخليفة هههههههههههه لكن النشلة الرسمية بالقانون الجائر دي بتتصاقع ؟
| |
|
|
|
|
|
|
نرجع للموضوع (Re: عبدالله ود البوش)
|
كفارة يا ود البوش ...
أخر مرة اتقابلنا لو كنت قلت لي عندك مشاوير لي جهاز المغتربين كان قلت ليك استخدم سروال الحديد ههههههههههه
| |
|
|
|
|
|
|
Re: صلاح غريبة. (Re: صديق الموج)
|
قال سديري قال انت ماشي المغتربين وللا ماشي تعرض ليك في سبرة عرس !!! زمان كان السفر حار في رمضان وكنت مسافر الخرطوم والدنيا حر شديد والبصات ياها باصات الجزيرة الكحيانة ديك المهم الوالدة والجماعة كلهم قالوا لازم افطر وبعدين اسافر خايفين علينا من العطش لكن راسي كان قوي وحلفت الا اصوم اليوم كله واسافر وصلت الخرطوم وانا صامد بس نزلتي في السوق الشعبي اتنشلت !!! اول حاجة عملتها قطعت قزازة ببسي كاملة فطرت طوالي !!! والله الواحد مابتخيل نفسه انفزر للدرجة دي
اها يعني الضرائي دي 70 ريال في الشهر ؟؟ معناها 900 ريال في السنة 00 الله يستر ان شاء الله يتموا جميلهم ويرجعوا الخدمة الالزامية من مواليد 1950
| |
|
|
|
|
|
|
Re: صلاح غريبة. (Re: ابوحراز)
|
Quote: بتي ساخرة قالت لي عشان كوركت فوقن رسلوا ليك مندوبن ولحقك في المواصلات ههههههههههه |
بس امسك في كلام بتك ده وارجع ليهم بكرة وقول ليهم ادوني ايصال المليون ونص الشلتوهن في المواصلات :)
| |
|
|
|
|
|
|
اليوم تم نشلي رسميا في جهاز المغتربين وشعبيا في المواصلات (Re: ابوحراز)
|
ابو حراز يا جميل ياخي بركة النشلوني وجيت اتا مرة يا ابو حراز كنا في حفلة من حفلات بورداب الرياض وجات اغنية ناس لا لا يا لا حقت عثمان حسين وتلبنا فيها نحن العروب و اصدقاء المزارع بالسديرات والعكاكيز وحميدة مو مسيخ وساخر قال تعالوا هنا ديل بورداب الرياض ول بورداب البطانة ؟ هههههههههههه . . قال تسعمائة ريال قال ونس كان ما مليت عبك قروش ما تجي بركة انا ادفعت حق تسعطاشر يوم وجيت
| |
|
|
|
|
|
|
Re: صلاح غريبة. (Re: ابوحراز)
|
هههه هههههههههه كفارة ليك يا ود البوش لكن بيني وبينك حارة النشلة الرسمية
أكان تقول ليهم هو في تين .... وينها القروش البدفعولا ضرائب وزكاة
| |
|
|
|
|
|
|
Re: صلاح غريبة. (Re: صديق الموج)
|
يا ود البوش صدقني دا اكتر مكان ابتزاز على مستوى الدنيا كلها ،، والشيء المتعارف عليه في جميع الدول بتجي بطيب خاطر وبتدفع ضرايبك وكل ما هو مطلوب للوطن عن طيب خاطر ورضاء لأنك واثق من هذه المدفوعات ستكون في خير الوطن والمواطن وهنا الفرق انت هنا بتدفع ومتاكد 100% انها بتمشي في جيوب لصوص وحرامية واولاد هرمة ،،ودا البخلي الواحد يكره اليوم الخلق فيه سوداني وخاصة في عهد هذا النظام ،، ----------- تحياتي واحترامي
| |
|
|
|
|
|
|
اليوم تم نشلي رسميا في جهاز المغتربين وشعبيا في المواصلات (Re: العوض المسلمي)
|
لو كانت كل الايام في قندهار يا شيخ العوض لمزقت جوازي واسيبا مدني واجي اسكن حداكي يامها بت الابيض ياخي اخجلتمونا بالكرم الفياض يابورداب الخرطوم بقيادة الزعيم شيخ العوض عاين جاي ذكرتني بحكاية الزول البتنقنق فيهو مرتو كل يوم عشان اخلي الصعوط ـ زي وهبة ـ يوم جا داخل البيت وقال ليها سف الصعوط في مكان العمل محرج خلاص عشان كدا خليتو المرة ختت السبابة والابهام فوق خشما دايرة تزغرد قبل ما تزغرد قاليها يا هوي يامرة هوي اتي قايلاني خليت شنو ؟ خليت العمل هههههههههههههه . . خروج نهائي من هنا يا الشيخ مو من هناك ان شاء الله المرة الجاية اجيكم صديق الموج زول ونسنجي خلاص رادي بس لكن البقت علي اضوقا وخشمو ابقى بعر بعر ههههههههههههه
| |
|
|
|
|
|
|
Re: صلاح غريبة. (Re: صديق الموج)
|
Quote: الضرائب رجعت لان البداية كانت فكرة شييطانية عشان الناس ما تحتج |
مش الكيزان ؟ ديل ياخي ينصبوا عليك وانتا تضحك حيلهم لا تنتهي ولهم اساليبهم الخبيثة الناعمة في تمرير النصبة ونحن معشر الشعب الفضل مستسلمين ربنا يخلف عليك
| |
|
|
|
|
|
|
Re: اليوم تم نشلي رسميا في جهاز المغتربين وشعبيا في المواصلات (Re: مهدي صلاح)
|
سلام يا ود البوش اديك التفاصيل لاننا لم توقف مننا الضريبة اصلا الضريبة اصلا 100 دولار او 375 ريال ادوك 25% خصم لانك دفعت المبلغ كامل 70 ريال هي مساهمة 3 شهور بعد الخصم 25% اذن اي واحد يعمل حسابو على انو حيدفع 281 ريال دفع المبلغ كامل قبل تقفيل الميزانية او 375 ريال في حال تاجيل المبلغ اما الزكاة فاصبحو يضيفون البدلات الى الراتب الاساسي (بدل السكن + بدل المواصلات) بل يمكن ان يضيفو لك البونص والكوميشن
| |
|
|
|
|
|
|
Re: اليوم تم نشلي رسميا في جهاز المغتربين وشعبيا في المواصلات (Re: نورالدين بابكر بدري)
|
الأخ/ عبدالله ود البوش تحياتي كفارة يا أخي، الجاتك في مالك سامحتك. بس أنا مستغرب نشلة الحكومة بإيصال ونشلة المواصلات بدون إيصال وكيف إنت والمتداخلين زعلانين من الأولي ومترخصين للثانية، والنتيجة فقد المبلغ....والنصيحة ما تبقي مستهلك بس، قبل ما تعود للسعودية سوي ليك مشيريع صغير يعوضك ( ماعز/ ضأن) الولدة الواحدة توأمين أو ثلاثة والسعر كيف كيفك ولو زاد الدولار تزيد ثمن التويس ولا الحميل ولمن تقبض الثمن تكون لابس جبة وتحتها عراقي وسروال بجيوب، حرامي المواصلات قدر ما يجتهد لن يتخطي كل وسائل الحماية دي، والحكومة قدر ما تفرض ( المعيز) ولادة، وجيبك مليان ضحاكات. رأيك شنو؟؟؟؟؟
| |
|
|
|
|
|
|
Re: اليوم تم نشلي رسميا في جهاز المغتربين وشعبيا في المواصلات (Re: نورالدين بابكر بدري)
|
عبدالله ودالبوش ياحبيب..سلام عليك. والجاتك فى مالك سامحتك.
أول سؤال جاى متى؟؟عشان تحضر لمتنا وتحليها لنا...يوم الجمعة 24يناير إن شاء الله.
الوالدة لعلها طيبة والأولاد إن شاء الله بخير وحسن شادى حيله؟
أها لو فى شى ما تتردد أتصل نحن جاهزين.
لابس ليك سديرى إنت ماشى الزريبه...
النشالين ديل بعرفوا زولهم ولو خطوك فى راسهم ما بسيبوك إلا ينشلوك.
إنت ذاتك إتلقى ماشى وتتلفت.
| |
|
|
|
|
|
|
Re: اليوم تم نشلي رسميا في جهاز المغتربين وشعبيا في المواصلات (Re: نورالدين بابكر بدري)
|
قلت لي البتر أولا ثم الحساب أخيرا ههه حمدا لله على سلامتك وسلامة الوالدة ... والله فعلا نشلة النشالين بالمواصلات أفضل مليون مرة من نشلة جماعة صلاح غريبة وشيخه كرار قدس الله سره ... يازول حيكومة أخلت مدارس الأساس من الأطفال وأجبرتهم على سحب ( الدرداقات) نظير 15ج مقطوعة يوميا والطفل يأكل نفايات الخضر والفواكه جوفه وعقله خاو، بدون رحمة ، وأنت لابس (سديري) وشايل جواز ومغترب ما تدفع ؟؟؟ الشفيع إبراهيم
| |
|
|
|
|
|
|
|