|
Re: بالنسبة لأستيعاب الجيش البحريـــنى لامنجية سودانيين (Re: Mohd Ibrahim)
|
والله لو عارف البوست دا بجيبك كان فتحتو من زمن حرب الخليج
عشان تعرف انت بتفكر بالحتة القاعد فيها زاتو اسى منو القال ليك انا مسافر... والله حكمتو بالغة
ياخ اصبر شوية بس شوف السؤال دا سببو شنو....
انت قايل كل الناس زى نوعيتك دى ياخضورة ولا شنو... تعمل فيها مناتل وتاخد ليك صوتين تجري بيهم لى منظمات حقوق الأنسان
واول ما تمرق برة تعملا صبغة وكوفير ومناتلة فى سودانيزاونلاين عشان تثبت انك راجل؟؟ طيب جارى من الأول ليه؟؟ ![](http://www.sudaneseonline.com/db/attention/010_Smile.gif)
انا افتكر انو زول فى عمرك دا بعد دا مفروض يمشى يشوف لى جامع يعتكف فوقو بدل البتسوى فوقو دا
![pBPfh.jpg Hosting at Sudaneseonline.com](http://www.sudaneseonline.info/upload13/Jul13/pBPfh.jpg)
Quote: يعني داير تقنعنا بصلعتك دي دا لون شعرك الطبيعي ؟ ياخ مقدمة راسك بقت عاملة زي الرُكبة هسي يا خال حق الصبغة دا لو لميتو ما كان قضى ليك غرض ؟... كدي بالله خلينا نحسبها شوف عمرك 2011 - 1965 = 46 سنة ويوم 11/11 الجاي دا بتم الـ 47 لكن ما بيناتنا بنحسب ليك 46 نقول انت بديت تصبغ منذ الـ 35 وتصير الحسبة كالآتي : 46 - 35 = 11 بتحتاج تصبغ كل شهر عشان حالك ما ينكشف والمستخبي ما يبانش 11× 12 = 132 شهر/صبغة نقول الصبيغة الواحدة بـ 20 جنيه استرليني بالميت كدا ( لست متأكد) 132صبيغة ×20 = 2460 جنيه استرليني الجنيه الاسترليني بـ 9 جنيه سوداني تقريبا (برضو لست متأكداً) 2460 × 9 = 22140 جنيه سوداني علي الطلاق الـ 22 مليون جنيه سوداني دي كان عرست ليك بت العمدة يازول بطل حركات النسوان دي وابدا فكر جاد في قصة الادخار دي انت ما صغير وباقي ليك من عمر النبوة كلها 14 سنة بس وكدا ما حلو يا قولك |
------------------------- لو جيت قاطع بى هنا تانى بجضمك..... انتو اصلو باقى ليك حبة كدا وتشبه الفلكسواجن
ياخرُنق
| |
![Edit](https://sudaneseonline.com/db/icon_edit.gif)
|
|
|
|
|
|
Re: بالنسبة لأستيعاب الجيش البحريـــنى لامنجية سودانيين (Re: Mohammed Awad)
|
هههههههههههههه اضحك الله سنك ياخضورة
عليك الله تلف لى منها بكرتين اعمل بيهم شنو مثلآ.... غايتو صورتك دى لو عملوها ورق حمام زول فى الدنيا دى حيتــقــشا من خراو مافى؟
انت شكلك اشتهيت البُطان بتاع البورض دا.... اصلو نوعيتك دى يجى ناطى جوز الا ياخد لى محطتين تلاتة حتى البايتة تفك منو (البامية طبعآ ماتفهم غلط)
لو محتاج ممكن اوصف ليك النظام العام بى وين تمشى تاخد نصيبك ولو داير زيادة ممكن يزيدوك تعزيزرى
لكن عارفك حتلف وتجى راجع .... نحنا دقسنا زاتو ماعملنا ليك خُرتاية
بعدين لو عدك لينا معلومة مفيدة ادينا .. ماعندك كمان ادينا عرض كتافك
انت قروش الريدبول البتشربو تجى تخش بى البورض دا احسن توفرو للصبغة.. ولا قلم حواجب
قلت لى اتعينت فى التلفزيون سنة كم؟؟ والعينك منو؟؟ وفصلوك ليه؟؟؟
اها انشالله الأسئلة تثير اهتمامك برضو طالما الجابك هنا سؤال
يا أرنب على قولك
| |
![Edit](https://sudaneseonline.com/db/icon_edit.gif)
|
|
|
|
|
|
Re: بالنسبة لأستيعاب الجيش البحريـــنى لامنجية سودانيين (Re: Mohd Ibrahim)
|
Quote: طبعا في بعض الوكالات بتغش الناس وتجيب ليهم زيارة سياحية للبحرين ويقول ليك انو تمشي هناك وتقدم في الجيش ...والكلام دا ماصاح لازم يكون عندك اقامة عديل قابلة للتحويل مش زيارة ...بعض السودانين جاؤ بهذة الطريقة وخسرو قروشهم كلها ورجعو ... |
تسلم يابو حميد... المعلومة دى براه ممكن تفيد بعض القُراء وبتجاوب لى على السؤال برضو كتر خيرك.... فى بعض الوكالات طارحة الفكرة دى وكتير من الأخوان استعجلوا ودفعوا قروش والجرجرة حاصلة ..
حبيت اقنعهم بس بى print out عديل كدا اسى اودى ليهم البرنت اوت دا عشان يقتنعوا لكن صورة خضر دى اعمل فيها شنو ماعارف ياربى اقول ليهم دى دعاية بتاعة كومر؟؟...
مشكور يابو حميد وماعدمناك
| |
![Edit](https://sudaneseonline.com/db/icon_edit.gif)
|
|
|
|
|
|
Re: بالنسبة لأستيعاب الجيش البحريـــنى لامنجية سودانيين (Re: مهدي صلاح)
|
انت ياخضر بتشوف بى وين بس انا عاوز اعرف
يعنى فجأة وبدون مقدمات تجى ناطى عشان تسوق لى البوست بى طريقة كدايس المطاعم دى وعجبك سؤالى
وبسطك للطقطاق... طيب ياخ باقى الأسئلة دى ماعندك ليها اجوبة ولا عصرت عليك حبة...
انت من قولة تيت تشيل وتدى معاى او ما أديتك الأسئلة بقيت أحوص!!... كتر خير وهبة زاتو عبرك ياخ
وهبة دا هنا ما قبقبك قبل كدا لمن الزبد جا مارق بى نخريك العاملين زى عادم ال ون تو 6 ديل
ياخ انت بعد الاتعمل فيك بقيت تجى خاشى البورض لابس بامبرز من شدة ماخايف تعملا فى روحك
هو لو فى زول مفروض يقيف فى البورض دا نوعك دا اول ناس مفروض يكنسوهم بى مقشاشة
وهبة الشمتان انت فيو دا قابضك سارق كم مرة ولا اجيب ليك قديمك هنا تقوم تغمر لينا تانى
ياحرامى قوقل .... والله صحى الاختشوا ماتوا.... اخص عليكو اخص
![](http://alfaris.net/up/84/alfaris_net_1349597116.gif)
******* ســـرقــة مُبالغ فيها لكن لقيتك خطير *******
| |
![Edit](https://sudaneseonline.com/db/icon_edit.gif)
|
|
|
|
|
|
Re: بالنسبة لأستيعاب الجيش البحريـــنى لامنجية سودانيين (Re: Mohammed Awad)
|
Quote: وبعدين منو القال ليك انا موقف من المنبر .... كدي كان راجل قول لي تعال بفوق عشان اجي انجضك انا براي ما بجيك الا تعزمني يلا ابقى راجل وقول لي تعال ههههههههههههه |
ههههههههه الزول دا ما تعصر عليو اكتر من كدا... البوست دا بقا فيو ريحة كدا زى الطالعة من خضر دا ![](http://www.sudaneseonline.com/db/attention/010_Smile.gif)
Quote: يا طبنجة انا جني وجن الزول البكون ما دافع ويجي يقلب السمكة ... هسي خضورة دا مالك بيهو ؟ لقيتوني ما في واتجدعتو في الفارات خخخخخخخخخ |
خضورة اشتهى البُطان ياوهبة... الظاهر ضهرو ماكلو قلنا ننتجود عليو بى كم محطة كدا ... الغريبة بقا ما قادر يِركِز
اسي يجيك ناطى بى سودان ريبيلز .... انا خايفو يجى شايل جيتار الزول دا زى الضربو زهايمر بعيد عنك تكون الصبغة تغلغلت الى الدماغ؟... لكن خليو ... سوطين تانى بينعشوا ليو الزاكرة خلي يجى بس
| |
![Edit](https://sudaneseonline.com/db/icon_edit.gif)
|
|
|
|
|
|
Re: بالنسبة لأستيعاب الجيش البحريـــنى لامنجية سودانيين (Re: اسامة عثمان السيد)
|
Quote: أوضح سفير السودان لدى مملكة البحرين عبد الله محمد عثمان، إن المملكة لم تطلب أفرادًا سودانيين للتجنيد في الشرطة أو الجيش البحرينى مطلقًا، وأن ما يشاع حول هذا الأمر هو مجرد ادعاءات لا أساس لها من الصحة، مؤكدًا، أن العقود التى يروج لها بعض السماسرة "زائفة" ولا قيمة لها.
ونصح السفير محمد عثمان وفقًا لوكالة السودان للأنباء، اليوم الخميس، المواطنين السودانيين بعدم التعامل مع من يروجون لهذه العقود، حتى لا يكونوا ضحية لعمليات نصب واحتيال، مشيرًا إلى أن أعدادًا من المواطنين السودانيين وصلوا إلى البحرين فعلا، باعتبار أن لديهم عقود دفعوا مقابلها أموالا طائلة ليفاجئوا بأنه قد تم الاحتيال عليهم ولا يزالون يعانون جراء ذلك.
تجدر الإشارة، إلى أن السلطات المختصة فى الخرطوم تلقت عدة بلاغات من مواطنين تعرضوا لعمليات نصب واحتيال، بزعم توفير عقود عمل لهم فى البحرين.
|
| |
![Edit](https://sudaneseonline.com/db/icon_edit.gif)
|
|
|
|
|
|
Re: بالنسبة لأستيعاب الجيش البحريـــنى لامنجية سودانيين (Re: Mohammed Awad)
|
محمد والجميع سلام
حسب علمى بأن هناك شركة سودانية هى من قامت بالترويج لهذه النصبه وهى معروفة لدى جميع أصحاب الوكالات فى السودان. تم تحصيل مبالغ كبيره من أصحاب الوكالات تجاوزت 250ميلون لكل وكالة مقدما كضمان مع الوعد بأعطاءهم عدد 100 تاشيرة لكل وكالة الى حين حضور لجنة المعاينة والكشف من البحرين. لم تحضر أي لجنة وبعض أصحاب االوكالات فضل إرجاع المبالغ المحصله من الشباب السودانيين تجاوز مبلغ الفرد الواحد 10 مليون. والبعض الاخر فضل المشى فى طريق النصب للاخر وقاموا باستخراج تاشيرات سياحيه للبحرين على ان يذهب الشباب ويكملوا إجراءتهم بانفسهم هناك وتفاجاء من ذهب بالرفض وعدم صحة الخبر.
| |
![Edit](https://sudaneseonline.com/db/icon_edit.gif)
|
|
|
|
|
|
Re: بالنسبة لأستيعاب الجيش البحريـــنى لامنجية سودانيين (Re: nazar hussien)
|
Quote: ويبدو ان عملية النصب تمر علي عينك يا شعب |
تعرف يانزار الشعب زاتو بقى ماعارف يميز الخبيث من الطيب لكن الحاجة الكويسة التوجس دايمآ موجود...
الفكرة فى أنو يبدو انو فى جهات ذات نفوذ مُستفيدة جدآ من ترويج الافكار الزى دى وبعد داك على الباغى تدور الدوائر... المُشكلة انو الباغى بيكون المواطن فى الآخر
اها نبقى فى تطلع حقك كيف من الناس دي... ومرات كتير تمشى تسكسك تلقا فى ناس بتحاول تقنًعك من حاجتك (يازول استعوض الله بس) ودى المشكلة الكبيرة ... اللى بيتخلى النصابين ديل يواصلوا فى ممارساتهم الحقيرة دى وضهروا محمى (يقولوا ليك ياخ الزول دا عندو ضهر قوى) والاِعلام دا اصلآ موضوعو مستحمى... يعنى اديك مُقارنة بسيطة جدآ زى برنامج حسين خوجلى دا الناس دى بتفتكر انو الزول دا زول نجيض وبيقول الحق ومش عارف ايه... لكن الأجندة الحقيقة انو البرنامج دا ما هو الا تنفيس للشعب... يعنى انت تحضر البرنامج دا وهو بيقول فى الجواك بالضبط عشان تفتكر انو حسين خوجلى دا حيرجع ليك حقوقك انت كمواطن..... والحال فى حالو .. بس انت نفست شوية من غضبك
اها انقلاب قوش وود ابراهيم ومش عارف مين.... ثم العفو الرئاسي!! تفتكر لو انت طالب فى جامعة الخرطوم شلت ليك يافطة كتبت فيها (انا جعان) وقفت باليافطة دى قدام جهاز الأمن بحُكم انو بياخد 80% من الميزانية... حيحصل ليك شنو؟؟؟
تقول لى عفو رئاسي!! على قول واحد سُكُرجى كلو ما يعصروا اصحابوا (انتو قايلنى جاى من الشكينيبة)
الحكومة بتفتكر انو الشعب السودانى دا كلوا جاى من الشكينيبة بالطريقة دى
| |
![Edit](https://sudaneseonline.com/db/icon_edit.gif)
|
|
|
|
|
|
Re: بالنسبة لأستيعاب الجيش البحريـــنى لامنجية سودانيين (Re: محمد إبراهيم علي)
|
Quote: اسالو ناس الجريدة دي جابو الخبر من وين ؟ لو في اي قضية لمتضرر مفروض يضموهم طوالي لقائمة المتهمين |
\ والله ياهندسة دى مشكلة البلد دي يعنى حقك يروح وحتى لو قامت قايمة على بال ماتصل الحد اللى يضيفو فيهو الجريدة لقائمة الأتهام تكون انت قنعت من قروشك السياسة دى بقت شغالة شديد... الجرجرة لغاية ما قروش المساكين تُهدر بين يدي النصابين
ياخ اسوأ حاجة انك تستثمر ليك فى مشكلة زول لى مصلحتك الشخصية الحاجة دى ########ة شديد....
| |
![Edit](https://sudaneseonline.com/db/icon_edit.gif)
|
|
|
|
|
|
Re: بالنسبة لأستيعاب الجيش البحريـــنى لامنجية سودانيين (Re: بدرالدين الطائف)
|
Quote: محمد والجميع سلام
حسب علمى بأن هناك شركة سودانية هى من قامت بالترويج لهذه النصبه وهى معروفة لدى جميع أصحاب الوكالات فى السودان. تم تحصيل مبالغ كبيره من أصحاب الوكالات تجاوزت 250ميلون لكل وكالة مقدما كضمان مع الوعد بأعطاءهم عدد 100 تاشيرة لكل وكالة الى حين حضور لجنة المعاينة والكشف من البحرين. لم تحضر أي لجنة وبعض أصحاب االوكالات فضل إرجاع المبالغ المحصله من الشباب السودانيين تجاوز مبلغ الفرد الواحد 10 مليون. والبعض الاخر فضل المشى فى طريق النصب للاخر وقاموا باستخراج تاشيرات سياحيه للبحرين على ان يذهب الشباب ويكملوا إجراءتهم بانفسهم هناك وتفاجاء من ذهب بالرفض وعدم صحة الخبر. |
سلامات بدر الدين وكتر خيرك على المعلومة كلامك ينساق مع الواقع يمكن بنسبة 100%
مشكور ياحبيب
| |
![Edit](https://sudaneseonline.com/db/icon_edit.gif)
|
|
|
|
|
|
Re: بالنسبة لأستيعاب الجيش البحريـــنى لامنجية سودانيين (Re: Mohammed Awad)
|
Quote: لابد ان يكون الشخص مقيم ( يجب ان يكون الكفيل بحريني او صاحب المؤسسة ) بعض السودانين اتوا باقامة على شركات اصحاب العمل ليسوا بحرينين بل من دول مجلس التعاون كمثال ان يكون صاحب الشركة من سلطنة عمان او غيرها فهذا لن يقبل في الجيش حتى مع وجود اقامة نظامية داخل البحرين |
شكرآ للأفادة ياحبيب
لتعُم الفائدة انشاء الله
| |
![Edit](https://sudaneseonline.com/db/icon_edit.gif)
|
|
|
|
|
|
|