|
اهداء الى ودالباوقة .. وباقي الكيزان
|
رفض المهدي الدعوة لتوحيد الأحزاب ذات الصبغة الإسلامية، وقال : إن حزبه لن يقبل «راية إسلامية إخوانية»، لأنها راية تفكيكية تقود إلى استقطاب يفكك البلاد. مشيرا إلى أن الحوار مع النظام إذا كان هدفه توحيد شقي الإسلاميين السودانيين (مجموعة حسن الترابي ومجموعة البشير) فإنه سيزيد من عزلة النظام الحاكم داخليا وخارجيا، خاصة وأن سمعة الفترة التي كانا فيها متحدين تعد أسوأ الفترات.
|
|
|
|
|
|
|
|
Re: اهداء الى ودالباوقة .. وباقي الكيزان (Re: خالد العبيد)
|
سلام خالد عبيد كده باسطه... تعرف يا حبيبنا القصة من اولها كذب ونفاق بقيادة دجال ما يسمي بالاسلاميين الترابي البداية كانت يا البشير امشي القصر وانا السجن بعد شويه قال ليهو بدل اعارضوك الناس التانيين اعارضك انا وبدأت تمثيلية المؤتمر الشعبي والصادق المهدي لو عارف شغل غازي برضو تمثيليه بعد ان ضاقت عليهم واتقفلت الجهات الاربعه عشان الشارع السياسي اتنفس طلعو بي تمثيلية غازي والاصلاح الان الشغل تشتيت كورة لكسب زمن تقوم الجبهة الاسلامية تنشطر لي كم حزب ثم يوهمو الشعب السوداني ان الخلاص في توحيد الاسلاميين نرجع لي مربع الجبهة الاسلامية اللعبة اتكشفت.. المشكله الترابي مفتكر نفسو ابوالهول ما بموت بنظرية الفلم الهندي الواقع السياسي اصبح مكشوف بلا حوار بلا وهم الناس تتحاور علي شنو البلد الاتقسمت و ل الواقع الاقتصادي المرير أم العزلة الدوليه منو البحاور منو لو اطراف الصراع المسلح رافضين الحوار وشكل الرفض هو شروط الحوار الما بقبلها البشير وجماعتو وما هي نتيجة حوار بين غازي والترابي والبشير واحزاب الفكه كلام للاستهلاك وتمديد عمر النظام المتهالك والمرفوض من قبل الشارع السوداني والمظاهرات الاخيرة هي استفتاء رغم القمع الامني ويوم بكره جاي جاي تحياتي وتقدير
| |
|
|
|
|
|
|
Re: اهداء الى ودالباوقة .. وباقي الكيزان (Re: خالد العبيد)
|
********************************************************* تلاتة كباري وشارعين وسد…... قديتونـــــا قصــادهــــم قــــد… لو جينـا لكشف حساب وجرد… أمسك واحد أول بدء: سرقتو وطن واسع ممـــــتد… فكفـكتوهــــو… وزعزهتوهو… وأرهقتوهــو… وبشتنتوهــو… وهديـــــــتوهو هــــدا هــــد… وهاك التاني أمراً أد : حكمتو شعب كان زي الورد… أفقـرتوهـــــو… وشردتوهـــو… وجهجهتوهو… وعنصرتوهو… وقطعتو حبل كان واصل ود… أُخد التالت لو ترتد: وجدتو مصانع لقيتو مزارع… وسكـــة حديـــد جد بالجــــد… عطلتوهـــا… وفرتقتوهـا… ووقفتوهــا… وشلعتوهـا… وقطعتو رزق عمـال من حد… أحسب رابع وتابع العد: وين تعليمنا ووين ترنـيمــنا؟ وين آدابنــا ووين كتــابنــــا؟ وين رياضتنا ووين ريادتنا؟ مرمطوهـا… وأخرتوها… وأفشلتوها… وطيشتوها… وخلفـــتوها جهـــل عن قصد… شوف الخامس أخذ ورد: كيف وحدتنا وكيف دولتـــنا ؟ كيف عيشتنا وكيف حالتــــنا؟ ووين ثرواتنا؟ ووين أموالنا؟ وين غيرتنا؟ وكيف سمعتـــنا؟ خرمجتوهـا… وبشتنتوهـا… وبـددتوهــا… ولوثـتوهــا… وبي سمعتنا مسحتو الأرض…. هاك السادس ونفسك سد: ((رئيساً راقص)) رقصاً شين… مسئول ((مزواج)) ركاب سرجين… وزارة تجارة وبياعين… ناساً عايشة ومبسوطين… جضوم منفوخة ملمعة زين… كروش ممدودة متر مترين… أيادي طرية نعومة ولين… طالعين ماكلين نازلين بالعين… مناشر تنشر مطحونين… بفقه السترة محميين… ومندسين ومدسوسين… بفقه ضرورة وقوة عين… نهابين ومغتصبين… فساد شفناهو رأي العين… وشميناهو أبو العفين… وناس بهناك دايشين دايخين… بطونهم خاوية وما لاقين… وجوهم هايمة وفقرانين… وعينهم طالعة وكمان صابرين… وليه ساكتين؟؟ ولي متين ساكتين؟؟ بإسم الدين الخداعين… خلو حياتنا زفت وطين… تجار الدين الأفاكين… ملعونين ملعونين… ملعونين لي يوم الدين… غشيتونـــا… وبشتنتونـا… وعذبتونـــا… وجننتونـــا… وبكيتونا دمع ودم ولطخة خد… وتقولي كمان!!!!!!! تلاتة كباري وشارعين وسد!!! بس يــا ود… حيلك شـــد… ويد علي يد… كلنـــــا ضد… ضد العسكر وحكـــم الفرد ************ اللهم ارحم عبدك محجوب شريف
| |
|
|
|
|
|
|
|