|
سؤال فني للمختصين الله يساعدكم؟
|
المرّة دي السؤال المحيرني سؤال فني عن الكمبيوتر .. الناس الفاهمين يحاولوا يشرحوا لينا بالمبسّط عشان دخل الما بداوا. في حاجة اسمها ال Pop UP دي عاملة لي منخوليا... أفتح المنبر تجيني ناطة دعاية تقول لي: Download adobe etc.. وتحلف ببل قيت ما تروح إلا أغلق الصفحة وأبدأ تاني من قولة تيت. الحكاية دي بتتكرر كتير ومع دعايات كلها عن الDownload لحاجات وبرامج ما طلبتها وما عندي ليهو وقت ولا جو! الله يرحمكم وروني أعمل شنو عشان الداونلودات دي ما تظهر لي؟ تحياتي
.
|
|
|
|
|
|
|
|
Re: سؤال فني للمختصين الله يساعدكم؟ (Re: cantona_1)
|
أها لقيت زولي المتخصص عشان يساعدني الله يديه العافية الإبن سامي عبد المطلب .. الله يديك العافية .. شوف سؤالي الفوق دا ووريني أعمل شنو؟ ال Pop Up دا ما عرفت ليهو صرفة أصرفه عني صرف الله عند المرض والمصائب. تحياتي
.
| |
|
|
|
|
|
|
Re: سؤال فني للمختصين الله يساعدكم؟ (Re: cantona_1)
|
ول أبا كباشي سلام بس شوف القصة دي واحد عند اولاد مابريدوا المراسيل اها قال يريحهم جاب ود اخته وسكن معاه جاء مواعيد العشا جاب الصينية والجماعة أتعشوا ومرسال الصينية رجعها خاله قال ليه ياولد شيل الصينية رجعها البيت قال ليه ياخال ادوها ضهوركم اها يا ول أبا اعمل منها نائم ومر
| |
|
|
|
|
|
|
Re: سؤال فني للمختصين الله يساعدكم؟ (Re: أحمد محمد موسى)
|
الأخ أحمد محمد موسى بعد السلام عملت كليك.. فتح وندو جديد .. قال لي أعمل داونلود.. لكن هنالك تحذير يقول: 1- It will access your data in all websites. 2- It will access your tabs and browsing activities. أها النقطتين الفوق ديل ما الراي العوج ذاته! أسوي شنو يا أحمد الله يبارك فيك؟ تحياتي
.
| |
|
|
|
|
|
|
Re: سؤال فني للمختصين الله يساعدكم؟ (Re: cantona_1)
|
Quote: الأخ أحمد محمد موسى بعد السلام عملت كليك.. فتح وندو جديد .. قال لي أعمل داونلود.. لكن هنالك تحذير يقول: 1- It will access your data in all websites. 2- It will access your tabs and browsing activities. أها النقطتين الفوق ديل ما الراي العوج ذاته! أسوي شنو يا أحمد الله يبارك فيك؟ تحياتي |
سلامات يا أخ كانتونا
الموقع والابليكيشن مضمونيين عن تجربة شخصية ورأي فني
اتوكل وinstall
| |
|
|
|
|
|
|
Re: سؤال فني للمختصين الله يساعدكم؟ (Re: Nader Abu Kadouk)
|
(( من المؤمنين رجال صدقوا ما عاهدوا الله عليه فمنهم من قضى نحبه و منهم من ينتظر و ما بدلوا تبديلاً ليجزي الله الصادقين بصدقهم و يعذب المنافقين إن شاء أو يتوب عليهم إن الله كان غفوراً رحيماً و ردّ الله الذين كفروا بغيظهم لم ينالوا خيراً و كفى الله المؤمنين القتال و كان الله قوياً عزيزاً و أنزل الله الذين ظاهروهم من أهل الكتاب من صياصيهم و قذف في قلوبهم الرعب فريقاً تقتلون و تأسرون فريقاً )) سورة الأحزاب آية 25
و كفى الله المؤمنين القتال
سلام ياكباشي واحمد
قلت أعمل بوب أب بلوكر لكلمة شر البتنط دايما في هذه الآية.
| |
|
|
|
|
|
|
Re: سؤال فني للمختصين الله يساعدكم؟ (Re: Ridhaa)
|
عن حاجات ال update دي مابتقيق خالص ....اذا ظهرت ليك في الفايرفوكس تقفلها عادي ومابتأثر خالص ................. لي مدة طويلة بستعمل الفايرفوكس كمتصفح وعن تجربة شخصية مالاقتني أي مشاكل خالص ....
بالتوفيق .
| |
|
|
|
|
|
|
Re: سؤال فني للمختصين الله يساعدكم؟ (Re: خالد عبد الله محمود)
|
والله ياكباشى أنا بعانى من نفس المشاكل دى كل شوية حاجة كده تجى ناطة ليك فى الشاشة .... لكن الله يلعنى كان أكون فهمت حاجة من كلام حبايبنا خبراء الكمبيوتر ديل . ياشباب براحة علينا وفهمونا الشغلانة بالسيسى يعنى حتة حتة وشكرا ليكم على صبركم معانا .
| |
|
|
|
|
|
|
Re: سؤال فني للمختصين الله يساعدكم؟ (Re: cantona_1)
|
Quote: كباشي ازيك يا حبيب.........
جرب ال adblock
https://adblockplus.org/en/chrome |
أد بلوك دا جميل وما بتجيك عوجة أنا مع الشباب
بتذكر حبيبنا ملهم كردفان كان طرحو مرة هنا كحل لمشكلة إعلانات سودانيز الكتيرة والمعيقة الخ
| |
|
|
|
|
|
|
|