عزيزنا الحليلة سلامات طبعن أنت عارف في الاوكشنات ما بدوك تفاصيل . تقع ساكت وبعدين أنت وحظك . بس 75 في المية القصة ما حتكون كعبة . تدفع كاش وتخم مشترواتك في خلال 6 ساعات من لحظة الدفع . .. وربك كريم تحياتي
03-14-2014, 09:49 PM
محمد هاشم ابوزيد
محمد هاشم ابوزيد
تاريخ التسجيل: 11-10-2011
مجموع المشاركات: 1711
عزيزنا محمد هاشم سلامات أقولك خبر ما كويس كلوكلو . قبل 15 دقيقة دخل وأحد سعودي من جهاتكم جاط الدنيا . الموضوع كان وأقف في عشرين ألف دولار للشغلة كلها . وباقي دقايق للساعة خمسة . عمك الاروش ومن فد كلمة رفع الاوكشن لي 30 ألف دولار . طمم بطن العالمين كلها
03-14-2014, 10:40 PM
محمد هاشم ابوزيد
محمد هاشم ابوزيد
تاريخ التسجيل: 11-10-2011
مجموع المشاركات: 1711
حقيقه اروش رغم انو استيل عندو فرقه كبيره للربح خصوصا اذا كان عدد اللاب توب كبير عموما خيرها في غيرها اشركنا معاك في التفاصيل مستقبلا والتلفون في البروفايل
تحياتي،،،،
03-15-2014, 04:00 PM
Osman Musa
Osman Musa
تاريخ التسجيل: 11-28-2006
مجموع المشاركات: 23082
عزيزنا محمد سلامات جلينا من حمص مولد الدلالة بي سبب أستعجال السعودي المخلوع بس معليش الجايات أكتر من الرايحات وده يا هو حال السوق . المضحك يا محمد بعد ما الاوكشن فرتك عندنا صاحب سوداني سأل السعودي : يا أستاذ العسيري أنت في السعودية شغال شنو ؟ عمك العسيري قالو : شغال في تجارة الكفرات . السوداني قالو : طيب ما تخليك في كفراتك مالك ومال ال DELL ؟
03-15-2014, 07:44 PM
محمد هاشم ابوزيد
محمد هاشم ابوزيد
تاريخ التسجيل: 11-10-2011
مجموع المشاركات: 1711
عزيزنا الحاج حمد سلامات عارف يا الحاج أخوي عمك العسيري أكيد عندو حساباتو وهو فاهم بعمل في شنو بس برضو الاستعجال في قصص الاوكشنات دي تب ما كويس . العسيري جايب معاو هندي أظنو الهندي تكنيشن كمبيوترات وكدي وزول خبير سوق . والهندي هو الدفرو يخت السعر ده وينفض المتنافسين علي كل حال بعد مبلغ ال 30 ألف دولار في منصرفات تانية الشحن + المصاريف + التذاكر .. تحياتي
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة