|
ارفضـوا منحـة اليابان فإنها مهينـة.
|
دعوا الحكومـة التى ليست حكومـة..
لا تدعوا اليابانين يغيرون دايبرات و حفاظات وزرائكم مهما كان رأينا فى اولائك الوزراء، فهم سـودانيون اولا واخيرا وسترتهم واجبة على الجميـع,
هـذه الحكومـة لا حدود لها فى مرمغـة كرامـة الســـودان فى التراب.. الغريبة قالوا رئيسها جعلى!
اليابان التى ليس لها اى قدر من الموارد الطبيعية أو المواد الخام... ونحن عندنا الارض والماء وجميع انواع المعادن الثمينة والنادرة.. وعندنا الموارد البشرية والمهارات فى جميـع المجالات.. يجو اليابانيين يقولوا لينا ننظف ليكم مجارى عاصمتكم؟ هـذا العار والفشل الذريع يوضع فى عتبـة الحكومـة ولا يتعداها للشعب السودانى الأبى. 15 مليون دى فى جيب ساعـة اى حرامى صغيـر من أعضاء الحكومـة.. وهسى تلقاهم فاتحين خشومهم للخمستاشر دى.
شئ مقرف مقرف مقرف.. هـذه الحكومة لا تعرف العار. فلتقم حملـة شعبيـة لرفض هـذا العار وارجو من بكرى رفع هـذا البوست اعلى المنبر.
|
|
|
|
|
|
|
|
Re: ارفضـوا منحـة اليابان فإنها مهينـة. (Re: فيصل محمد خليل)
|
Quote: شئ مقرف مقرف مقرف.. هـذه الحكومة لا تعرف العار. |
لاتعرف العار ولا يستحون بل وقادتها لا يخافون الله في بلدهم وشعبهم والمؤكد انهم سيقبلون المنحة صاغرين ليس طمعا في ان تكون الخرطوم نظيفة بل طمعا في 15 مليون دولار ماذا تعنى 15 مليون لقوم بلعوا ملايين البترول
| |
|
|
|
|
|
|
Re: ارفضـوا منحـة اليابان فإنها مهينـة. (Re: Abureesh)
|
اسمح لي بوجهة نظر مغايرة
أثمن الدور الياباني في تجميل العاصمة السودانية ونحن جميعاً نقر ونعترف بعدم قدرتنا المادية والبشرية على تغيير حال عاصمتنا بدون العون الخارجي
ونطالبهم بالمزيد من الدعم
كما نطلب من دول الإتحاد الأوروبي والدول الأسيوية والعربية أن تحذو حذو اليابان وتمنحنا المزيد من الآليات ومهندسي الصيانة ودورات تدريبية للمهندسين والعاملين في المكاتب والآليات ودعم الحملة التنويرية للشعب السوداني بمعنى النظافة والمحافظة عليها
شكراً يا يابان
وأحبّك يا سودان
| |
|
|
|
|
|
|
Re: ارفضـوا منحـة اليابان فإنها مهينـة. (Re: Abureesh)
|
Quote: وهل تعترف بعدم قدرة الحكومة على محاسبة الجنجويد ومحاكمتهم، طيب المحكمة الجنائية تبرعت بمحاكمتهم سلموهم المتهمين.. بس تعرف كيف يا فرانكلى، ناس المحكمة ديل غشيمين، لو |
ليس هناك مانع من أن تدعم المحكمة الجنائية الدولية أو أي منظمة أجنبية أو دولة أجنبية للمحاكم المحلية والبوليس والشرطة والجيش
أي جهة تريد أن تدعم هذه الجهات في السودان يا ألف مرحب بها
وأي جهة عايزة تكنس وساخة الخرطوم أو تعلم حكومة الخرطوم وإنسان الخرطوم كيف يكنسوا الأوساخ ما عندي أي مشكلة معاه لأنّ الحكمة تقول
لا تعطني سمكة ولكن علمني كيف أصيد
وهذا ما نريد
والسودان أولاً
وأحبك يا سودان
| |
|
|
|
|
|
|
Re: ارفضـوا منحـة اليابان فإنها مهينـة. (Re: Frankly)
|
الأخ أبو الريش بعد السلام الحكومات الغربية واليابان طبعاً واحدة منها تعرف أن أي مبلغ يدفع نقداً لأي دولة من دول العالم النايمة! يؤكل بواسطة الذين في يدهم الأمر والقلم. لهذا لو تبرعت بريطانيا أو شبيهاتها مثل اليابان بمبلغ أو قدمت قرضاً للدولة فإنها تشترط أن تقوم شركاتها بتنفيذ المشروع الذي من أجله تمّ تقديم القرض. وذلك لسببين: 1- لضمان أن القرض يذهب في مسلكه وغرضه الصحيح. 2- تضمن لشركاتها العمل في المشروع المعني به القرض ومحاربة للعطالة وتحقيق أرباح لشركاتها بطريقة غير مباشرة. عليه نحن موافقون على أن تقوم اليابان بتنظيف شواعنا ويا زول كان عاوزين يحمُّونا عديل ما عندنا مانع بدل القروش ما يأكلها الجماعة الطيبين. تحياتي
كبـّاشي الصـّـافي .
| |
|
|
|
|
|
|
Re: ارفضـوا منحـة اليابان فإنها مهينـة. (Re: Abureesh)
|
Quote: وانتو لسـه ما عارفين تنضفوا عاصمة البلاد بعد 25 من الحكم؟ |
تصحيح
بعد 58 سنة من الحكم, مش ما "عارفين" وبس , لا كمان ما "قادرين" ننظف عاصمة البلاد
نحن عايزين شنو؟ عاصمة نظيفة؟
اليابان عندها القدرة وعندها المعرفة والعلم واطلبوا العلم من اليابان فإنها من أرقى البلدان
جيد اليابانيين قالوا ح نساعدكم كي تنظفوا العاصمة بأنفسكم وتحافظوا عليها نظيفة
شكراً يا يابان وعلى جميع البلدان الإقتداء باليابان من أجل السودان وإنسانه الذي يستحق نظيف المكان
ما عايزين ناس ضاربة الترطيبة في الخارج لا تطقع لا تلم الحجار وعايزة تمنع إنسان السودان من أن يتمتع ببيئة نظيفة بمساعدة أجنبية
لا لا نريد أمثال هؤلاء المخذلين مكسري المجاديف
من يرفض العرض الياباني عليه بتشمير ساعده وأخذ المكنسة في يده لينظف الخرطوم حقيقة لا طقطقة كيبورد
انتهى
والسودان أولاً
وأحبك يا سودان
| |
|
|
|
|
|
|
Re: ارفضـوا منحـة اليابان فإنها مهينـة. (Re: Frankly)
|
Quote: أثمن الدور الياباني في تجميل العاصمة السودانية ونحن جميعاً نقر ونعترف بعدم قدرتنا المادية والبشرية على تغيير حال عاصمتنا بدون العون الخارجي
ونطالبهم بالمزيد من الدعم
كما نطلب من دول الإتحاد الأوروبي والدول الأسيوية والعربية أن تحذو حذو اليابان وتمنحنا المزيد من الآليات ومهندسي الصيانة ودورات تدريبية للمهندسين والعاملين في المكاتب والآليات ودعم الحملة التنويرية للشعب السوداني بمعنى النظافة والمحافظة عليها
شكراً يا يابان
وأحبّك يا سودان |
شكرا فرانكلي الحبيب ابوالريش اليابان لا تمنح الدول النامية مساعدات نقدا ولكنها توفر معدات وآليات وفرص تدريب وخدمات بقيمة المنحة وعادة تقوم بتنفيذ مشروعاتها بنفسها .
تحياتي ووافر احترامي
| |
|
|
|
|
|
|
Re: ارفضـوا منحـة اليابان فإنها مهينـة. (Re: Gaafar Ismail)
|
Quote: اليابان لا تمنح الدول النامية مساعدات نقدا ولكنها توفر معدات وآليات وفرص تدريب وخدمات بقيمة المنحة وعادة تقوم بتنفيذ مشروعاتها بنفسها . |
ودا كلامى يا أخى العزيز جعفـر..
اليابانيين قالوا لينا بلدكم وسـ ـخانــة.. لكن لو أديناكم القروش حتأكلوها عشان كدا زحوا غادى، حننظفها نحن برانا وبقروشنــا.. بمعنى اخر إنتو زاتكم ######ـ ـانين.. فهل هوان أكثر من هـذا؟
دى الحقيقة اللى اخونا فرانكلى قاعد يتغابى عنها..
| |
|
|
|
|
|
|
Re: ارفضـوا منحـة اليابان فإنها مهينـة. (Re: Abureesh)
|
Quote: اليابانيين قالوا لينا بلدكم وسـ ـخانــة.. |
اخي العزيز ابوالريش هذه حقيقة لا جدال حولها . أنا قلت أن سياسة اليابان مع الدول النامية انها تقوم بتنفييذ مشاريعها بنفسها ، وليس السودان استثناء ..ربما لأنها (اليابان) من منطلق تجاربها مع الدول النامية لا تثق في صرف المساعدات النقدية في وجهتها المنتظرة بسبب الفساد المنتشر في الدول النامية وليس السودان أيضا استثناء من هذا الداء ، ولكنها تحب دائما أن تضع بصمتها في تنفيذ مساعداتها ..وشتان بين أداء اليابان وأداء الدول النامية .
مع تحياتي ووافر احترامي
| |
|
|
|
|
|
|
Re: ارفضـوا منحـة اليابان فإنها مهينـة. (Re: Gaafar Ismail)
|
اليابان دولة صديقة للسودان ولافريقيا عموماً وليس لها اي تاريخ استعماري او عدائي في المنطقة. كما ان لهم نظام محاسبة وشفافية عالي جداً . اما بالنسبة لموضوع الشركات اليابانية وانها تجي عشان تنضف الولاية فلا اعتقد ان المشروع مغري او مصدر اهتمام لهذه الشركات التي لا تفضل الا المشاريع العملاقة وال 15 مليون دولار لا تثير شهية شركة يابانية صغيرة ناهيك عن المتوسطة او الكبيرة. اما يا ابو الريش بخصوص حكومتنا وقبولها للمعونات فما جديدة عليهم ويكفي اننا كنا بنشحد زي ما قال احدهم تحياتي لك ولضيوفك الكرام
| |
|
|
|
|
|
|
Re: ارفضـوا منحـة اليابان فإنها مهينـة. (Re: Frankly)
|
Quote: ليابانيين قالوا لينا بلدكم وسـ ـخانــة.. لكن لو أديناكم القروش حتأكلوها عشان كدا زحوا غادى، حننظفها نحن برانا وبقروشنــا.. بمعنى اخر إنتو زاتكم ######ـ ـانين.. فهل هوان أكثر من هـذا؟
دى الحقيقة اللى اخونا فرانكلى قاعد يتغابى عنها.. |
و علي اليابان كذلك تولي إدارة نظافة العاصمة للأبد حيث لا يمكن تسليم مهمة كنس الزبالة مرة أخري لسلطة زبالة ذي المعتمد بتاع الكيزان دة
---------------- نظام و سخان شكلاً و موضوعاً
| |
|
|
|
|
|
|
Re: ارفضـوا منحـة اليابان فإنها مهينـة. (Re: Frankly)
|
Quote: (.. الغريبة قالوا رئيسها جعلى ! ) مالذى يحدث فى المنبر هذه الأيام ..! |
الأخ ياسـر باشــرى، سلام...
من جانبى لا يحدث شيئـاً فإن الرئيس السودانى ينسبه الناس الى الجعليين، ولا يمكن لجعلى ان يرضى بهـذه الشروط.. فهم أهل إبـاء وشمم وإعتداد بالنفس.
هـذا كان قصـدى..
| |
|
|
|
|
|
|
Re: ارفضـوا منحـة اليابان فإنها مهينـة. (Re: Abureesh)
|
الأخ ابو الريش, هسي عليك الله الإهانة الحقيقية وينا؟ قروش اليابانين ولا عاصمة بلد شوارعها مليانة بالأوساخ وأكياس النايلون تطاير في كل مكان وبكل حرية, وناس الصعاوت توووووووف في أي حتة وباقي السجائر يرمى به في أي مكان , ومجاري الصرف الصحي على قلتها تطفح في شوارع العاصمة والأمطار ترقد في الشوارع لأسابيع, شوارع الخرطوم مباحة في رمي الأوساخ. حيوان ساي لو مات بكون قاعد في المحل المات فيهو لحدي ما يتحلل والروائح الكريهة تنتشر في كل مكان. حماماتنا العامة حدث ولا حرج. مرة أنا شفت واحد صيني في داخل حمامات الجامع الكبير ومغطني نخرينه بي منديل من العفن.
| |
|
|
|
|
|
|
Re: ارفضـوا منحـة اليابان فإنها مهينـة. (Re: Abureesh)
|
يا أبو ريش أمثالك ومضاربها كلها فيها خلط كبير بين العمل العام وإدارة شؤون الهم العام وبين الشخصي والفردي والقبلي
أنا لو وقفت قدام باب المسجد أطلب المساعدة للعمل العام ومساعدة الناس كل الناس لا يوجد شخص عاقل يستنكر علي ذلك بالعكس هذا مصدر فخر واعتزاز لي ولمن يتصدق علي من غير منٍ ولا أذى
هذا عكس لو سألت الناس لشخصي فمهما كانت حاجتي سأتحرج من الأمر جداً
بعيدين بخصوص الشخصي
Quote: ولا يمكن لجعلى ان يرضى بهـذه الشروط.. فهم أهل إبـاء وشمم وإعتداد بالنفس. |
مبروك عليك بقيت "جعلي" فأنت لا ترضى هذا الأمر مع أنّه ليس شخصي بل عمل عام يفيد الناس كل الناس
يعني اليابان دي لو جابت لينا مكنات غسيل فشل كلوي كنت ح ترفض لأنها تصفنا بأننا فاشلون كلوياً عشان ما نظيفين وبناكل أكل غير صحي ويجب رفض هذه المنحة؟
ولو جابت لينا معدات إجلاس مدرسي ولابتوبات ومعها مدربين ح ترفض وتقول اليابان تصفنا بأننا جهلة وغير متعلمين؟
ولو جابت معدات للزراعة وتقنيات جديدة للزراعة ترفضها لأنّك تتصور أنّ اليابان تنعتنا بالجهلة الماقادرين يزرعوا ويطورا زراعتهم عشان كدا ما لاقيين يأكلوا
ولو جابت لينا حفارات آبار جوفية ومعدات تنقية مياه الشرب ترفض ذلك وتقول هي قاصدة نحن عطشانين وبناكل بالموية الوســخة؟
ولو جابت للنازجين زيوت وطعام سترفضها نيابة عنهم وهم المحتاجين لأنّ سيادتك ترى أنّ في هذا الأمر إهانة لهم بأنهم جوعى ومفلسين واليابان تريد إهانتهم بذلك؟
لو نظر أبوريش المثقف للأمر من هذا المنظور الضيق فما بالعوام من الناس؟
لقد ضيّقت واسعاً
| |
|
|
|
|
|
|
Re: ارفضـوا منحـة اليابان فإنها مهينـة. (Re: Frankly)
|
Quote: لأنّ سيادتك ترى أنّ في هذا الأمر إهانة لهم بأنهم جوعى ومفلسين واليابان تريد إهانتهم بذلك؟ |
لا بقى ما تخلط الأوراق يا فرانكلى.. الناس الضحايا لا لوم عليهم حتى لو طلبوا من أى أحـد، والموشك على الهلاك يأكل الخنزير.. ولكن المهانين هم ناس الحكومة لأنهم فقدوا ثقة العالم فى حسن إدارة المنح.. حتى المنح (العطيـة) المتجهـة الى الضحايا يأكلونها.. لذلك مرمغوا سمعة السودانيين الذين يتهافت مسؤولوه لأكل أموال المحتاجين التى تاتيهم منحة من العالم، فسحب العالم منهم هـذا المهمة بعد ان سحبوا الثقـة منهم، ولكنهم قبلوا بهـذه المهانـة لعل بعض من الـ 15 مليون يجدون منها شئ!!! شفت كيف.. ما بيعرفوا العيب ولا الضمير بس القروش والدولارات..
صحح شعارات ناكل مما نزرع لتكون ناكل مما نعطى.. ونلبس مما نمنح.
| |
|
|
|
|
|
|
Re: ارفضـوا منحـة اليابان فإنها مهينـة. (Re: Abureesh)
|
Quote: الناس الضحايا لا لوم عليهم حتى لو طلبوا من أى أحـد، والموشك على الهلاك يأكل الخنزير.. ولكن المهانين هم ناس الحكومة لأنهم فقدوا ثقة العالم |
ما كلنا ضحايا للأوساخ المالية العاصمة يعني أنت عشان عايز تدافع عن الحكومة وما عايز إهانتها ترفض المنحة باسم الضحايا
الكلام دا ما عيب؟
الحكومة في العمل العام دا زيي أنا الواقف قدام باب المسجد بشحد للهم العام
المهم
منحة اليابان ليس فيها إهانة للمواطن السوداني ولكنهك ترى فيها إهانة للحكام لذلك تدافع عن حرمان الضحايا لتحمي الحكومة من الإهانة
وضحت جداً
بعدين الحكومة دي ما تتهان وتنذل ما دام هي جات وقالت ح تشتغل من أجل المواطن
الدول الغربية كلها عندها بند خاص في الميزانية لإهانة الحكام في الدول النامية حسب قولك ومساعدة الضحايا
أختر عن أيهما تدافع!!
| |
|
|
|
|
|
|
Re: ارفضـوا منحـة اليابان فإنها مهينـة. (Re: Frankly)
|
Quote: أختر عن أيهما تدافع!! |
يا فرانكلى الجاب سيرة الضحايا منو اساسا.. البوست دا عن الحكومة ووزرائها فقط... ثم انى لا ادافع عن الحكومـة، وإنما عن الكرامة السودانية التى تتمرغ فى التراب كل يوم.. حتى صرنا أضحوكة امام العالم.. اليسوى والما يسوى يكتم سخرية لما تقول ليه انك سودانى.. لا أدافع عن الحكومة لو الامر داخلى.. جوة السودان نتعارك نتكاتل اى شئ، ولكن فى الخارج هم سودانيين شئنا ام ابينا، والإهانات التى تصلهم تطالنا ايضـا..
ما قلت صلحتو الشعارات بتاعة ناكل مما نزرع ونلبس مما نصنع؟ ام كان ذلك سجـع..
| |
|
|
|
|
|
|
Re: ارفضـوا منحـة اليابان فإنها مهينـة. (Re: Abureesh)
|
يا ايو الريش سلااااااام
والله قدر ما قريت البوست ده ما فهمت سبب رفضك للمنحة معاك انها حكومة وس خ ان ة وتحتاج الشعب يرميها في مزبلة التاريخ لكن دي منحة زي اي منحة ونحن محتاجين ليها حقيقي وكتر خيرهم انهم نظروا للشعب السوداني وجاييين بنفسهم للمهمة دي وما خلوها للحرامية
اتفق مع فرانكلي في معظم نقاطه
| |
|
|
|
|
|
|
Re: ارفضـوا منحـة اليابان فإنها مهينـة. (Re: Abdelslam Malik Ali Elhag)
|
الإهانة التى تتبع هـذه المنحة يا عبد السلام.. الناس ديل قاعدين يقولوا لينا إنتو ما بتعرفوا تكنسوا شوارعكم.. وغير مخلصين لوطنكم لو اعطيناكم القروش.. الناس ضمايرها ماتت عشان كدا بقوا لا يعرفوا كرامة لا يعرفوا سيادة.. طيب ليه معترضين على القوات الأجنبية ما برضو جات عشان تساعد.. هل تذكرون خطب الرئيس الناريـة وقسمه ان لا تدخل طاقية زرقاء السودان.. لكن ثملما بلعوا موقفهم ذاك سمحوا لليابانيين بكنس شوارع الخرطوم.. وكلها انتهاك للسيادة زمان واحد صينى قال المسؤولين الســودانيين الوحيدين الذين يخونون وطنهم.. قال المسؤول يقول ليك داير 10% فى حسابه الخاص. طبعا ال 10% دى تضاف على السعر
| |
|
|
|
|
|
|
Re: ارفضـوا منحـة اليابان فإنها مهينـة. (Re: Frankly)
|
اقترح أن تصنع الحكومة في جيد عدد من القرعات الضخمة و تضع قرعة امام مبنى الامم المتحدة في نيويورك و امام مقر الاتحاد الاوروبي و امام مقر اسيان و في كل واحدة من عواصم الدول الغنية، و يمكن تعيين بعض الكيزان كمسؤولين عن القرع ، كل واحد يتولى قرعة و يمكن أن يفصل لهم يونيفورم عبارة عن جلابية فيها بعض الرقع للرجال و فردة دمورية للنساء
| |
|
|
|
|
|
|
Re: ارفضـوا منحـة اليابان فإنها مهينـة. (Re: سيف النصر محي الدين)
|
Quote: الإهانة التى تتبع هـذه المنحة يا عبد السلام.. الناس ديل قاعدين يقولوا لينا إنتو ما بتعرفوا تكنسوا شوارعكم.. وغير مخلصين لوطنكم لو اعطيناكم القروش.. |
الاخ ابو الريش
سلام
مثل الاخ عبد السلام لم افهم سبب دعوتك لرفض المنحة
"الخرطوم وسـ ـخانــة و فشلنا في نظافتها" و دي حقيقة لا يمكن إنكارها
فهل الإهانة في كون أن الخرطوم فعلاً وسـ ـخانــة ام الإهانة في كون إنو اليابانين قالوها لينا؟
حفظ كرامتنا يا ابو الريش يبدأ برفض كل الاسباب الأدت للوسـ ـخ
فشلنا في بناء مدن و قرى نظيفة و صحية ليس إلا مظهر من مظاهر عجزنا في تأسيس دولة
الوجعة و الإهانة و الإنكسار موجودات طالما أننا دولة فاشلة و وسـ ـخانــة سواء قبلنا المنحة اليابانية ام رفضناها
أما رفض المنحة بهذه الطريقة التي تدعو لها يا أخ ابو الريش فكأنك تريدنا أن نقول للعالم نحن وسـ ـخانــين و بنحب الوسـ ـخ و يا عالم هوي خلونا في وسـ ـخنــا دا
| |
|
|
|
|
|
|
Re: ارفضـوا منحـة اليابان فإنها مهينـة. (Re: Mannan)
|
التحية للأخ أبو الريش بعيداً عن اتفاقنا مع الحكومة أو اختلافنا معها ما يهمنا هو مصلحة البلد أتفق مع كثير من الآراء التي تميل إلى أن اليابان لا تقدم منح عينية بل تقدم معدات وأدوات انتاج ، وعلى ما اعتقد هكذا الصين . كثير من الدول استفادت من المنح والقروض اليابانية والصينية بما في ذلك الولايات المتحدة نفسها دون أن تمس كرامتها بشيء . قد يكون للأمر أهداف وهيمنة إقتصادية في قراءات مستقبلية بعيدة المدى ولكن استبعد أن تكون هناك أهداف استعمارية وإلا فالمستعمر الحقيقي هم الأمريكان . اليابان قدمت منحة لإنشاء خط إضافي لمترو الأنفاق بالقاهرة بتكلفة مقدارها مليار دولار والمشروع الآن قيد التنفيذ .... فلماذا قبل المصريون ذلك العرض ونرفض نحن عرض لا يتجاوز ملايين الدولارات ؟! هل نحن أكثر وطنية منهم ؟!
| |
|
|
|
|
|
|
Re: ارفضـوا منحـة اليابان فإنها مهينـة. (Re: Abureesh)
|
معليش يا ابو الريش ولكني لا اتفق معك في هذا الامر
وما اورده الاخ جعفر اسماعيل حقيقي بانه هذا طبع اليابان ما معانا لوحدنا بل مع العالم كله.
وهاهم ينفزون مشاريع في الجنوب الآن بانفسهم ,واخوتنا الجنوبين ايضا غاضبون مثلك.
ولكن كثر خير اليابان التي رفضت تمنحهم القرض المالي و فضلت تنفذه لوحدها.لانه كان لحق بقية القروض التي منحت لهم و لم يتم اي انجاز حقيقي.
| |
|
|
|
|
|
|
Re: ارفضـوا منحـة اليابان فإنها مهينـة. (Re: Tragie Mustafa)
|
أبو الريــش تحياتي
تعرف انا أتمني ان تقبل الحكومة هذه المنحة المشروطة بالرقابة والإشراف علي التنفيذ
لان السلطه الحاكمة في الخرطوم فشلت في القضاء علي الفساد ... لان السلطه الحاكمة هي أًصل الفساد لان الحكومة ستبدد أموال المنحه .. لانها ستقوم بصرف أموال المساعدات في عمليات القتل الإبادة .. أتمني أن تحذو كل الدول حذو اليابان في مساعداتها للشعب السوداني بأن تتجاوز الحكومة الفاسدة وأن تقدم مساعدات مباشرة للشعب السوداني ..
حكومة لم تستطع أن تكسب ثقة اليابان في منحة مجاري (قاعدة تسوي شنو)
| |
|
|
|
|
|
|
Re: ارفضـوا منحـة اليابان فإنها مهينـة. (Re: Tragie Mustafa)
|
أبو الريش أنت من الجمهوريين، فأكتب بثقل وزنهم ولا تكتب بخفة ما كنّيت نفسك به. تقول بأن الوزراء والمسؤولين لصوص، ولكنهم بني عمومتنا ويجب أن نصطف معهم ضد المنحة اليابانية الغريبة، يا زول هوي النكلمك ضحى يا عملات الجريفاوي: اليابانيون والإسرائيليون والشيطانيون ذاتهم كان دايرين يحاربو أولاد عمومتنا اللصوص ديل نحن ما بنقيف ضدهم، ناهيك من أن نقف ضد من يريد أن يقدم شيء ترجع فائدته للإنسان من نظافة وصحة وبيئة، وأزيدك من التملص من هؤلاء البني عمومة ملصة، لو المستعمر ذاتو جايينا راجع تاني بنستقبلو بالأناشيد والورود.
| |
|
|
|
|
|
|
Re: ارفضـوا منحـة اليابان فإنها مهينـة. (Re: Yassir Tayfour)
|
موت قلب اي مسؤول فى الحكومة شئ متوقع ومعروف موت قلب المواطن السوداني ده المامفهوم ابدا!! ياخ مساعدات فى اطار المصالح المشتركة دي ما بختلفوا فيها اتنين واخونا ابوريش ما غبي عشان الناس تجي تشرح ليهو الكلام ده! ياخ الجيران فى الحله فى السودان بساعدو بعض بمنتهى ادب وزوق بس كمان كل شئ عنده حدود، منو البقبل انو يجو الجيران لبيته مالاشاءالله فيهو رجال ونساء يهزوا الحيط ويقولوا ليهم بصراحة بيتكم ده وصل مرحلة لابد من انو ننظفوا ومعليش اسمحوا لينا اننا نشرف على عملية النظافة دي ؟ انتو مفتكرين دول زي اليابان والصين والهند وسنغافورة قدروا ينهضوا كده ساااي دي دول قياداتها وشعبها كرامتها فى الاول والاخر ما بتسمح ليها تصل لمرحلة من الاعتماد على الغير بالشكل الضعيف(ماحاقول مهين عشان ما تجوا تتفلسفوا لي هنا) ده. ابوالريش يعني ما بهموا شوارع الخرطوم تتهذب مثلا وقاصد انو يضرب الحكومة باي وسيلة ويعطل اي مساعد جايه للشعب السوداني مثلا؟ الزول ده كلامه واضح بقول بالدارجي كده المفروض نشعر باستياء على الاقل ياخ. خاصة انو كلنا عارفين انو الحكومة حتقبل بالمساعدة بالفعل. لا كمان ما ممكن نقول اي والله كتر خيرهم والبلد محتاجة واليابان حتشرف على المساعدة وحتكون فى نتيجة كويسه. ياخ على الاقل اقبلوها واظهروا شئ من الخجل وخلوا الحكومة تعرف انو الناس موافقة على مضض مثلا. ده جانب والجانب التاني كلنا عارفين انو اليابان ولا غيره مجرد ما يصلوا الخرطوم المشروع ادارته سوف تفقد الكنترول تماما وتبقى بس عايزه تخلص من الموضوع ده باي شكل 15 مليون دولار شنو الحاتنجز شئ حقيقي لبنية تحتية مفقودة اصلا والله المبلغ ده ما يعمل بنية تحتية للكلاكلة بس.
الاخ منان سرد كم هائل لمساعدات جاتنا من بره من ضمنها معدات نظافة للعاصمة والحال فى حالو يعني ده اصبح ديدن الشعب السودان وهنا ما حافصل الحكومة من الشعب لانو تحدث الاخ منان عن مساعدات من 50 سنة يعني بالعربي ما ترك لنا اي فرصة للفصل بينا وبين الحكومات لان الحكومات دي مننا وفينا نتاج طبيعي لفكرنا وطبعنا كسودانيين. اها كده راس السوط هبشنا كلنا مش حكومة الانقاذ وبس كده كويس؟ النظافة دي سلوك بالعربي كده بيت مبشتن او مكتب مبشتن راجع نفسك طوالي ما عايزه لف ولا دوران ياخ خليتو لينا شنو والله بكره نسمع بدولة بتطالب انو تحمينا عديل جوه بيوتنا واحد واحد. ياخ معقول وصلنا لمرحلة من عدم الاحساس بالمستوى ده ؟؟؟؟؟
| |
|
|
|
|
|
|
Re: ارفضـوا منحـة اليابان فإنها مهينـة. (Re: alsngaq)
|
السنجك، يخضر ضراعك ياخ وينصـر دينك.. الناس دى لو قرأت المكتوب لما خرج كل واحد بإكزت غلط وداس الأبنص للاخر. ومعارضتى للإنقاذ ليست مجال هـذا البوست، وأنا عارضت الإنقاذ منذ ان كانت بذرة تحت الأرض.. وضـد، ليس فقط قراراتها وإنقلاباتها كما يفعل مستجدى المعارضـة، على وزن مستجدى النعمـة.. وإنما الأرض التى نبتت فيها وغذتهـا.. والمنهج المتمسـح بالدين الذى تخدع به الشعب وتقتات عليه.. الأمر عندى ليست موضوع مساومات غدا ومؤتمرات جامعة موش عارف شنو تانى وإنما توعيـة الشعب، التوجـه ل(سيـد القضيـة) المواطن البسيط فى الأرياف والمدن والمساهمة فى توعيته حتى يسحب بساط الدين من تحت هؤلاء الدجالين المتاجرين ويستقل بمسؤولية القيام بأمر دينه ووطنـه.. هـذا المجال لا يعمل فيه أحـد اليوم إلا أقل القليل..
موضوع البوست كتبت تفاصيله اعلاه فى عدة مداخلات على الأخوان، وأى كتابة مستأنفـة ستكون تكرارا.. والردود التى ترى لا علاقـة لها بالموضوع، وإنما هى كلام عام عن المنح والمساعدات الدوليـة وكيف تستفيـد منها دول العالم الثالث.
شكرا ليك مرة أخرى.
| |
|
|
|
|
|
|
Re: ارفضـوا منحـة اليابان فإنها مهينـة. (Re: Abureesh)
|
أتمني أن تكون المنحة منحة حقيقية .. وأتمنى أن توظف لنظافة العاصمة .. وأتمني أن تشرف الحكومة اليابانية او من يمثلها من شركات على هذا الموضوع ..
المسألة الوحيدة التي علقت في بالي هي ضآلة هذا المبلغ المرصود .. ف 15 مليون دولار تكاد تماثل ميزانية مؤسسة صحية تضم 4 او 5 مستشفيات على أكثر تقدير !!!!
| |
|
|
|
|
|
|
Re: ارفضـوا منحـة اليابان فإنها مهينـة. (Re: محمد حيدر المشرف)
|
Quote: أتمني أن تكون المنحة منحة حقيقية .. |
الحبيب محمد حيدر المشرف المنحة حقيقية وقد أعلن عنها قبل أيام السفير الياباني في الخرطوم وهي بنفس الشروط التي منحت بها االيابان السودان مساعدات منذ سبعينات القرن الماضي كما تفضل الأخ منان وهي نفس الشروط التي تطبقها اليابان مع جميع دول العالم . وبالمناسبة يأتي لليابان كل ثلاثة او خمسة شهور وفود من السودان لتتلقى دورات تدريبية في إطار مساعدات وكالة اليابان للتعاون الدولي (JICA) و ترسل هذه الوكالة من حين لآخر خبراء إلى السودان للتدريب وتنفيذ بعض المشروعات الصغيرة .
تقبل تحياتي ووافر احترامي
| |
|
|
|
|
|
|
Re: ارفضـوا منحـة اليابان فإنها مهينـة. (Re: Gaafar Ismail)
|
Quote: وبالمناسبة يأتي لليابان كل ثلاثة او خمسة شهور وفود من السودان لتتلقى دورات تدريبية في إطار مساعدات وكالة اليابان للتعاون الدولي (JICA) |
شكرا جعفر
وبرضو شئ معيب..
اليابان وصلت لما وصلت اليه لأنها بمواردها وحسن إدارتها، كانت ترسل الطلبة الى اوروبا وأمريكا ليتدربوا على التقنية العاليـة، وفق خطة قومية، ثم عادوا وبنوا وطنهم.. مهاتير رئيس مليزيا سلك ذات الطريق بأن إبتعث طلبة ماليزيين الى اليابان وامريكا واوروبا، وهم الذين بنوا نهضـة ماليزيا حين عادوا.. لم تكن هذه منح من اوروبا (او اليابان فى حالة ماليزيا).. والأخطر من ذلك إن هـذا الذى عليه الحكومة يوضح انها لا خطـة لها للتنمية، الاخرون لا ينفذون خططك وإنما ينفذون خططهم هم.. بعدين مافى شئ لوجـه الله.. الحرب الباردة اليوم هى حول افريقيـا، وهى بين أمريكا والصين واليابان واوروبا.. من يسيطر ويستميل اكبر عدد من اقطار افريقيا.. لأن القارة هى الوحيدة الباقية عذراء ومواردهـا الطبيعية ضخمـة وخصبة لم تمسها يد الإنســان.
| |
|
|
|
|
|
|
Re: ارفضـوا منحـة اليابان فإنها مهينـة. (Re: محمد حيدر المشرف)
|
فى منتصف سبعينات القرن الماضى وكذلك فى اوائل الثمانينات كنا نشارك فى اجتماعات وزارة التخطيط عندما تناقش القروض والمعونات الأجنبية باعتبار ان وزارة الخارجية هى الوزارة المشرفة على متابعة تنفيذ الإتفاقيات ومراقبتها مثل ###### الحراسة watch dog وكان ذلك يضايق الكثيرين فى الوزارات الأخرى بينما وزارات كانت تشكر الخارجية على اهتمامها ومتابعتها لتنفيذ الاتفاقيات دون الدخول فى تفاصيل الجوانب الفنية وأذكر ان اللواء تاج الدين عبدالله فضل اتصل بوزارة الخارجية كى تطلب ( وبطلب من الرئيس نميرى) من الحكومة الصينية ان تفرج مبلغ 5 مليون دولار لرصف الطرق الداخلية لنادى الضباط وبناء مسرح لنادى الضباط وكنت قائما بأعمال الإدارة الآسيوية آنذاك والسفيرأن الأمين عبداللطيف مدير عام الشؤون السياسية والسفير محمد الأمين عبدالله مدير التعاون الفنى والاتصال وعندما جاءنى الطلب علقت عليه بأن القرض الصينى المخصص لتعلية طريق مدنى القضارف ينص على ان يصرف القرض فقط على اغراض القرض (بدون فوائد) وهنا استشاط وكيل الخارجية (المرحوم هاشم عثمان) غضبا وطلب منى تغيير تعليقى فاعتذرت له واتصل اللواء مندهشا واستفسر عنى وكنت فى ذلك الوقت من ناشئة السلك الدبلوماسى وقلت للسيد الوكيل انا ما خايف ولو عاوز تفصلنى افصلنى وكنت فى ذلك الوقت على وشك الاستقالة من وزارة الخارجية والهجرة بعقد مريح الى سلطنة عمان مترجما فى مكتب السلطان لولا ان وقف بعض المسؤولين ومن بينهم السفير محجوب رضوان ومنعونى من الإستقالة وهددوا بالكتابة الى سفير السودان بمسقط لإلغاء عقد عملى... يعنى الناس طبعا متخيلين انو الدبلوماسيين كانوا مدلعين... والله العظيم شفنا الأمرين ولدى ذكريات كثيرة سأحكيها إذا مد الله فى العمر... لم يصدقنى بعض الأصدقاء عندما حكيت قصة السفير الراحل جعفر ابوحاج عندما دبلوماسيا صغيرا فى الهند وكان السفير يساهر به وفى الصباح يمر من امامه بسيارته المرسيدس ولا يأخذه معه ويصل قبله الى السفارة ثم يلفت نظره على التأخير عن مواعيد العمل وكان يراه كل يوم سائرا "كدارى" من مكان سكنه حتى مبنى السفارة واضطر السفير الراحل جعفر ابوحاج الى شراء حمارهندى بسرج وبرذعة وذهب الى السفارة وربط الحمار خارج مبنى السفارة واستعدل كرفتته ودخل الى مبنى السفارة ومكتبه وسط ذهول العاملين!!!!!
| |
|
|
|
|
|
|
Re: ارفضـوا منحـة اليابان فإنها مهينـة. (Re: Mannan)
|
فوق.. نسيت ان أذكر ان اليابان قدمت ايضا منحة اخرى بإقامة مركز للتدريب المهنى فى ام درمان ولا أدرى حال هذا المركز الآن.. المهم ان العون اليابانى اثبت نجاحا كبيرا ولعل تجربة مستشفى ابن سينا فى الخرطوم وجامعة الجزيرة (كليتى تكنولوجيا النسيج وتكنولوجيا الأغذية) تقف شاهدا على ذلك...
| |
|
|
|
|
|
|
Re: ارفضـوا منحـة اليابان فإنها مهينـة. (Re: Mannan)
|
يوجد في الخرطوم مكتب خاص بوكالة اليابان للتعاون الدولي(Japan International Cooperation Agency (JICA) يتم عبره دراسة احتياجات السودان من المساعدات اليابانية وتنفيذ المشروعات اليابانية . حاليا تقوم وكالة اليابان للتعاون الدولي بتنفيذ عدة مشاريع في برامج مساعدات اليابان للسودان . على سبيل المثال لا الحصر يجري العمل الآن في المشاريع التالية:- ولاية كسلا - في مجال مياه الشرب والزراعة . ولاية نهر النيل : الزراعة . ولاية الجزيرة وولاية القضارف : في مجال الصحة . تأهيل التدريب المهني في كل من :كسلا ، الخرطوم الأبيض ، شمال دارفور ، النيل الأبيض ، سنار . ولاية الخرطوم : الصحة ومشروع النفايات وجاري العمل في دراسة مشروع الصرف الصحي والمياه ..الخ
| |
|
|
|
|
|
|
|