|
Re: الخديعة الكــبرى ...!!! (Re: ملهم كردفان)
|
نجى للخطاب ...
Quote: بسم الله الرحمن الرحيم الحمد لله و الصلاة و السلام على رسول الله الأمين و على سائر الأنبياء والمرسلين
الإخوة والأخوات الحضور الكرام .السلام عليكم ورحمةالله وبركاته أُخاطبكم في هذه الليلة وأُخاطب من خلالكم ،جميع المواطنين والمواطنات أُخاطبكم إذ يستشرف السودان مرحلته الجديدة ، ظل يستشرفها منذ توقيع إتفاق السلام الشامل عام 2005
|
كلام مفهوم ومنقط ودبل فيهو ويستشرف ويستشرفون..والحتتين حلوات وزى الفل
نخش على الجزء الوثاب
Quote: .... وكان لابد أن تكون سنوات الفترة الإنتقالية الست ، فترة تمّهل في الوثوب إلي غمار هذه المرحلة الجديدة . سبب هذا التمّهل ، هو أن الحزب وحكومته ، وقد بذلا للجنوب ، عقداً منصفاً وكريماً وناظراً إلمستقبل . كان ينتظر نتيجة هذا العرض الأصيل في وطنيته ، بعد أن يُقّومَهُ إخواننا ومواطنونا في الجنوب . |
يعنى الإنفصال مكسب واهو نتائج الإنفصال ماشاء الله واضحه للعيان والحزب وحكومتو كومو الجنوب بى جمبه عشان يكون كريم معانا ويدينا نفط وده جزء اصيل اديناكم ليهو نحنا كحزب وحكومه
Quote: ولأن العهد معهم كان قائماً على حرية إختيارهم ، هل يقبلونه أم يختارون دولتهم الخاصة في الجنوب ؛ لم يكن الإقبال على وثبة سودانية كاملة تشمل الجنوب ممكناً
|
كلام واضح وزى الفل هل يختارون سودانا واحد ان يختارون دولتهم اختارو يكونوا براهم عشان كده الوثبه مع الجنوب كانت صبعه فاخلونا نثب لوحدنا وكده
سيتوالى تحليل الاحابيل
| |
|
|
|
|
|
|
Re: الخديعة الكــبرى ...!!! (Re: ملهم كردفان)
|
اما هنا ....فقد قال اهم مايمكن قوله
Quote: ، ولكن بسبب ماسبق التلميح إليه ، إستمر تقبض أعضاء الجسم الوطني ، إنتظاراً وترقباً . ورغم أن حالنا اليوم يشهد بعض القضايا العالقة ، إلا أن الإنتظار فترة أخرى على هذا التقبض، يوشك أن يحيل هذه الطاقة الكامنة للوثوب إلى طاقة غير مسددة . لابد من التوكل على خيار الإنطلاق في عالم غير مثالي ، لأن الزمن الذي يمر هو وقتنا ، هو وقت الشعب السوداني ، |
انه وقت الشعب السودانى فقد فشلنا ...!!! أقلبوها ياناس منتظرين شنو؟؟؟
| |
|
|
|
|
|
|
Re: الخديعة الكــبرى ...!!! (Re: ملهم كردفان)
|
Quote: ، الذي أفلتت من يديه الفرصةبعد الفرصة خلال ستين عاماً من عمر الإستقلال .على كريم صفات السودانيين يكون التعويل ، في إجتراح وثبة تضع أهدافها عنند منتهى نظرها ، لا تحت الأقدام .إن تشخيص واقعنا على حقيقته ، والتّعرف الدقيق ، على مافيه من مشكلات ، يجب ألا يتحول إلى إساءة ظن مُقعِدة ، في مقدرة السودانيين على الإرتفاع إلى مستوي التحدي لحل هذه المشكلات . |
هنا قال ليكم ستين سنه الفرص تجيكم فى محلكم وانتو تسيبوها تجلى منكم انتو ناس صفاتكم حلوه وقادرين انكم تمسكوا فرصتكم بيدكم اتطلعوا لى قدام وماتعاينوا تحت كرعينكم .. شخصنا الواقع ودققنا وحللنا كل المشكلات وماتسيؤ الظن فى مقدرتكم كسودانيين ارتفعوا لمستوى التحدى وامسكوها ياخ ..عشان اتحل منكم وانتو تحلوا مشاكلكم بعيد منى
| |
|
|
|
|
|
|
Re: الخديعة الكــبرى ...!!! (Re: ملهم كردفان)
|
Quote: ستين سنه الفرص تجيكم فى محلكم وانتو تسيبوها تجلى منكم انتو ناس صفاتكم حلوه وقادرين انكم تمسكوا فرصتكم بيدكم اتطلعوا لى قدام وماتعاينوا تحت كرعينكم .. شخصنا الواقع ودققنا وحللنا كل المشكلات وماتسيؤ الظن فى مقدرتكم كسودانيين ارتفعوا لمستوى التحدى وامسكوها ياخ ..عشان اتحل منكم وانتو تحلوا مشاكلكم بعيد منى |
يا ملهم مساء الخير فعلا البشير يبحث عن مخارجة فقد وصلت البلاد مرحلة بعيدة من الدمار بحيث لن تستطيع الانقاذ تحمل هذه المسؤولية. ده غير المحاسبة الراجياهم.
| |
|
|
|
|
|
|
Re: الخديعة الكــبرى ...!!! (Re: سيف اليزل سعد عمر)
|
يامرجب بالاديب الحبيب والوطنى المقاتل سيف اليزل
Quote: يا ملهم مساء الخير فعلا البشير يبحث عن مخارجة فقد وصلت البلاد مرحلة بعيدة من الدمار بحيث لن تستطيع الانقاذ تحمل هذه المسؤولية. ده غير المحاسبة الراجياهم. |
سيحاسبهم شرفاء الوطن عن كل ما أصابنا وعن كل ماسلبونا إياه من قيم سويه واستقرار وتلاحم ورحمه والقصاص لابد منه ياصديقى
احترامى
| |
|
|
|
|
|
|
Re: الخديعة الكــبرى ...!!! (Re: ملهم كردفان)
|
Quote: ، وللذين يستخفون بمنافسيهم وخصومهم ، أن بعض هذا الإستخفاف ، موجه إلى الشخصية السودانية في الحقيقة ، تقليلاً من شأنها ، ودافعاً بها إلى شئ من التردد بدأت مظاهرهُ تغزو عقول أجيالنا .
إن نفض الغبار عن المعدن السوداني الأصيل ، لهو أحد أهم ركائز هذه الوثبة ، فضلاً عن كونه هذا المعدن هو الضامن لتحقيق إنطلاقة راشدة ، قاصدة ثم بالغة إن شاء الله مقاصدها .، |
شفتو الكلام كيف ... ماتستخف بى اخوك السودانى وخصومك السياسيين وغيرو لأنو لمكن تستخف بى اخوك السودانى فى حقيقة الأمر بتستخف بى نفسك وبتقلل منشأن نفسك ...(ياسلام ياخ حكم والله)
وعشان ننفض الغبار عن الشخصيه السودانيه دى لابد من الوثبه والواثبين أكيد مابعلق فى بدنهم أى غبار عشان تبدأو إنطلاقه راشده يعنى بلغت شن الرشد وقاصده يعنى ...طريقا معروف وبالغه يعنى زى الجداده البتبيض دهب وكده عشان تبلغوا مقاصدكم ...وتغيرونا ياخ ...
سيتوالى تحليل الاحابيل
| |
|
|
|
|
|
|
Re: الخديعة الكــبرى ...!!! (Re: ملهم كردفان)
|
Quote: وأن تمحو الغيرة على السودان ، الغيرة من الحزب الآخر |
يعنى نفهم من كده انو الغيره بين الأحزاب زى غيرة الضرات ... حرقن القطيه وقعدن يتلفتن..يعنى الأحزاب شركاء فة تدمير الوطن زيهم وزى الحزب بتاعو
Quote: وأن يدار الخلاف السياسي ، بحيث يمكن إدالة السلطة من الذي يتولاها ، بثمن يدفعه هو ، ولا يكون السودان غارماً ، بل يجني ثمرة هذه الإدالة رشاداً وتمكناً من أمره ، سيداً على قراره . فإن يكن هذا النداء موجهاً إلى جميع السودانيين ، فلا غرابة في ذلك ، لأن السودان هو المناديَ المدعو للوثوب ، القادر عليه بإذن الله. |
الإداله دى مقصود بيها تداول السلطه ياجماعه ... وهى كما الإدانه والإماله والكماله وهلم جرا على وزن فعاله وده عربى مقعروكده ياشباب .......... اما بثمن يدفعه هو ...فدى لازم تنتبهو ليها يعنى اقلبوها والميت يموت والحى يحكم والحساب ولد بس ماتخلو السودان يخسر ..موتو عشان الوثبه بس الوطن مايخسر ... (وهل هناك خسران اكبر من موت مواطن ياساده)
Quote: فإن يكن هذا النداء موجهاً إلى جميع السودانيين ، فلا غرابة في ذلك ، لأن السودان هو المناديَ المدعو للوثوب ، القادر عليه بإذن الله. |
ادفعوا التمكن بتاع الوثبه ياشباب بالله لأن النداء موجه ليكم كلكم والسودان بيكم حيين ميتين قدار على الوثبه ...
منطق عجيب والله وعبقرى تب ..اخربوها واقعدو على تلها
قوموا الى وثبتكم رحمكم الله ...!!!
| |
|
|
|
|
|
|
Re: الخديعة الكــبرى ...!!! (Re: ملهم كردفان)
|
Quote: . وخطابنا إلي عضويتنا قبل ذلك وبعد ذلك وأثناءه أيضاً، دعوة لهم أن يحققوا بالعمل والإستجابة ، دعوىَ الِحزب الناهض في الوطن الناهض ، لا لحِزب المَُدَعِي النهوض بالوطن .
إنما نطلبه اليوم من السودانيين ، منظمين أو غير منظمين ، هو عمد غيرُ سهل ، ولكنه لا يمكن أن يوصف بأنه غيرُ منصف ، لأن المؤتمر يبدأ فيه بنفسه أولاً ، ماتستوجبه هذه الوثبة ، من نهي ٍ أو إيجاب ، يتوجه الأمر بهما إلي المؤتمر الوطني قبل أية طائفة أخرى ، ترويضاً للذوات الناشطة كلها |
يعنى كأنوا بيقول نحنا اولى بى لحم تورنا نحنا ناس المؤتمر الوطنى ديل ولنطالب السودانيين المنظمين حزبياً وغير المنظمين (هو عمد غير سهل) يعنى انو الطلب صعب التحقيق وهو طلب منصف تماما لأن المؤتمر سوف يبدأ فى ترويض الناشطين وتوجيههم نحو الوثبه الكبرى حتى يتحقق الغرض من الوثبه فى اجماع وطنى يترأسه الحزب وكده
| |
|
|
|
|
|
|
|