|
Re: انفراج تام لازمة الخبز والوقود والغاز ...... (Re: ود الباوقة)
|
انفراج ازمة الخبز والطلمبات تتسلم حصتها من البنزين اكدت ادارة المخزون الاستراتيجي التابع للبنك الزراعي ان موقف القمح الموجود بالمخازن والسفن الواصلة لميناء بورتسودان مطمئن جدا وان امداد المطاحن مستمر فيما كشف اتحاد عام الغرف الصناعية عن انفراج ازمة الدقيق بعد فك احتجاز بواخر القمح بميناء سواكن والذي ترحيله وتوصيله للمطاحن بالخرطوم ... قال مساعد المدير العام للمخزون محمد علي ان مخزون القمح في البلاد لا توجد به اشكالية مضيفا بان امداد المطاحن مستمر ولا توجد به ايه مشكلة بتاتا ، وكشف عن وصول بواخر محملة بالقمح من ميناء بورتسودان تنفيذا للاعتمادات المتعاقد عليها في السابق بالاضافة الي توفر كميات كبيرة بالمخازن .واكد بدر الدين الجلال امين عام اتحاد المخابز استلام حصة الددقيق بالولاية والشروع في توزيعها الي كافة المخابز بالولاية مضيفا ان المطاحن التزمت بتكثيف جهودها بشان توفير الدقيق وتسليمه الي المخابز خلال نهاية اليوم بغرض حل المشكلة وتخفيف العبء علي المواطن .وفي سياق متصل اعلنت محلية عطبرة بولاية نهر النيل عن جملة من التدابير والاجراءات الفنية لاحتواء ازمة الشح في الخبز والمواد البترولية التي شهدتها المحلية مؤخرا .وفي السياق كشف مصدر مسئول بوزارة النفط السودانية للاهرام اليوم ان البنزين سوف ينساب لجميع الطلمبات بصورة طبيعية معتبرا ان ما يحدث الان من ازدحام مفتعل لان النفط المنتج محليا من حقي بليلة وهجليج يكفي احتياجات البلاد 100% ويصدر الفائض واستبعد بشدة وجود اي علاقة بالاحداث الجارية في الجنوب علي انسياب نفط حتى لو توقف نهائيا لان نفط الجنوب علي انسياب حتي لو توقف نهائيا لان نفط الجنوب يصدر للخارج ولايستفيد السودان سوي رسوم العبور وعزا التزاحم وصفوف البنزين بسبب حالة الهلع والخوف التي اصابت المواطنين الامر الذي ادي لشراء المواطنين للبنزين بكميات كبيرة تحسبا لاي طارئ .
| |
|
|
|
|
|
|
Re: انفراج تام لازمة الخبز والوقود والغاز ...... (Re: ود الباوقة)
|
Quote: محمد عوض ... باذن الله تعالى سنودع كل هذه الضائقات المؤقتة الى الأبد |
تعرف ياود الباوقة قصة التعشيم دى بقت مابتاكل عيش مع الناس لأنو عيش زاتو مافى....
فانت اسى بتقول بأذن الله تعالى وعارفين الشغلة حتجوط فى الآخر بحكم الوضع الراهن اليوم
عشان بعدين تجى تقول قدر الله وماشاء فعل؟؟
ولا الفهم كيف؟
تعرف اكبر مأسآة شنو ياود الباوقة انو الحكومة بتستخدم اجندة وضـــيــعة جدآ فى استغلا نفوذا الا وهى (نحنا موفرين ليكم الأمن)
صنقر وفكر فى كلامى دا مرتين تلاتة
بعد داك نشوف ازمة التعليم ولا أزمة الصحة ولا ولا ولا ولاولا
| |
|
|
|
|
|
|
Re: انفراج تام لازمة الخبز والوقود والغاز ...... (Re: Mohammed Awad)
|
Quote: ازمة عابرة وعدت ولله الحمد والشكر.... |
كل مشاكلنا عابرة ..مافى تخطيط..ليه قبل المخازن ماتفضى يكون البديل متوفر....بس نقول الحمدالله بلدنا ماشة بالبركة.
يحتلوا المتمردين مدينة...يحرروها يحتفلوا ويهللوا كأنه عملوا كسب جديد..
قالوا عمر البشير فى الحمام والصابون مغرقو
قال للعسكرى شغل الموتور....قال ليهو الكهرباء قاطعة..قال ليهو أركب العربية أمشى ناس الكهراباء قال ليهو بنزين مافى..
عمك البشير زعل وطنطن....قال ..أقسم بالله العظيم وعلى بالطلاق لو ماكنت رئيس كان قلبت الحكومة دى....
| |
|
|
|
|
|
|
Re: انفراج تام لازمة الخبز والوقود والغاز ...... (Re: ismeil abbas)
|
أول مرة تقول كلمة صحيحة (أزمة) وليتك قلت (أزمات) لكن ما قلت عدُت كيف يعني ؟ جماعتكم عملوا (شيرين) من المال المسروق المنهوب وأشتروا كم سفينة دقيق ؟ ولا أعادوا مطاحن المرحوم فتح الرحمن البشير والباقير وكبرو والمزارعين للانتاج ؟؟ أها الغاز كيف؟ قبل المغادرة عندكم شنو ما عملتوه أو جربتوه في حق هؤلاء الغلابة ؟ ألا يكفي ربع قرن ؟؟؟؟ ومن أجل استكمال النهضة والدين قد عملنا تحياتي الشفيع
| |
|
|
|
|
|
|
Re: انفراج تام لازمة الخبز والوقود والغاز ...... (Re: حمد عبد الغفار عمر)
|
Quote: وكشف عن وصول بواخر محملة بالقمح من ميناء بورتسودان |
حنشيد نحنا بلاااااادنا .. ونفوق العالم أجمع .. فلنأكل مما نزرع ... ولنلبس مما نصنع ..
والعالم لازم يسمع فلنلبس من ما نزرع ولنشرب مما نصنع ولنسكت لامن نقنع
عن خير اكلوهو جماعة عاملة الاسلام شماعة الدين عارضاهو بضاعة مطلوب بس سمع وطاعة اذعان لي يوم الساعة ............ نحن الخرفان ونعاج مطلوب عدم الازعاج مطلوب نسمع ونردد الحان اغنية ممجوجة فيها الكلمات معووجة ح نردد وقولوا معانا
الناس كلها مرتاحة لا حَر لاموية بتقطع لا باعوض لا كتاحة مافيش ولاواحد عاطل ولا زول بيحلف بالباطل لو زول سلمتو امانه لا بينكُر لا بيماطل كيفن ينكر ويماطل ما زول ما عرف الحوّجة عنده الاطفال والزوجة ووظيفة ودخل اضافي وما بعرف كلمة مافي لا تأشيرات ومنافي اطفال ما حسو الجوع ما جربوا لحس الكوع ما شايفين ذُل وُخنوع اطفال ما شافو مجاري بس شافو سدود وكباري ............ في قُفْة غذاء العالم الناس رايقة بتتسالم لكن القُفة كبيرة والناس الفيها كتيرة قطعوها بسكين حادة ناس يقعواب قد القُفة وناس هايمة بتبكي وحادة ......................... السوق بقى ما زي اول الاسعار ما بتتحول مافي بضاعة بتتجوّل ورغيف الفرن الآلي نضيف والحجم مثالي ولا اللحم العجالي تقريباً بالمجاني وارضنا الخصبة بتهتف يا المصري الجاي شان تختف اولادي هديل بيغنوا نلبس من ما نزرع ونشرب من ما نصنع
القصيدة من الفيس بوك على الرابط https://www.facebook.com/a3medt.alsohof.alsodania/posts/681820151830024
المهم ..
| |
|
|
|
|
|
|
Re: انفراج تام لازمة الخبز والوقود والغاز ...... (Re: ود الباوقة)
|
استحكام ازمة الخبز والغاز والوقود بالخرطوم
في انتظار الظفر بجالون وقود 01-20-2014 11:27 PM إستحكمت ازمة الخبز والوقود والغاز بالعاصمة الخرطوم اليوم بطريقة لافتة، وشوهدت السيارات بكافة انواعها مصطفة في طوابير طويلة امام محطات التزود بالوقود لساعات في انتظار الظفر بجالون وقود وتدخلت الشرطة لتنظيم الصفوف خشية وقوع احتكاكات بين اصحاب السيارات، والعمال بالطلمبات. ورصدت مصادر"الراكوبة" استحكام ازمة الخبز في الولاية، ولايكاد يخلو مخبز من الصفوف، فيما شهدت اطراف الولاية انعدام الخبز بصورة نهائية. واستفحلت ازمة غاز الطهي التي ظهرت منذ الجمعة الماضية وسط حيرة المواطنين.
| |
|
|
|
|
|
|
Re: انفراج تام لازمة الخبز والوقود والغاز ...... (Re: محمد علي عثمان)
|
Quote: في انتظار الظفر بجالون وقود 01-20-2014 11:27 PM إستحكمت ازمة الخبز والوقود والغاز بالعاصمة الخرطوم اليوم بطريقة لافتة، وشوهدت السيارات بكافة انواعها مصطفة في طوابير طويلة امام محطات التزود بالوقود لساعات في انتظار الظفر بجالون وقود وتدخلت الشرطة لتنظيم الصفوف خشية وقوع احتكاكات بين اصحاب السيارات، والعمال بالطلمبات. ورصدت مصادر"الراكوبة" استحكام ازمة الخبز في الولاية، ولايكاد يخلو مخبز من الصفوف، فيما شهدت اطراف الولاية انعدام الخبز بصورة نهائية. واستفحلت ازمة غاز الطهي التي ظهرت منذ الجمعة الماضية وسط حيرة المواطنين. |
باوقة سلام ... وين كنت مختفي ؟؟ وظهرته في قمة الأزمة !!!!!!
| |
|
|
|
|
|
|
Re: انفراج تام لازمة الخبز والوقود والغاز ...... (Re: ود الباوقة)
|
انت انسان منافق وكذاب ومريض ،، شنو انفرجت وانبجت وكضب وشغل حكامات انت قايل الازمة دي امبارح يا اخي الناس بتموت من حق الدواء والبنات بقعوا في الشوارع من الجوع بطل نفاق وخليك في بوستات التلمس وشغل الحكامات يا كضاب ، والله كنت بحترمك وبرتاح لغقفشاتك الشبه عفوية ولكني مع الوقت وجدتكانك انسان سبهلل وعاوز ترقص على جراحات الوطن بتجميل اقبح واتــفه نظام على وجه الارض يا اخي والله والله والله الازمة لا اتحلت ولا حا تتحل الوضع اصبح لا يطاق ولو سالت اهلك حا تلقى الاجابة لكنك منافق وكذاب وعاوز تجمل القبح البائن ،، عليك الله استحي واخجل وانت رجل كبير واحتمال تكن جد فشوية احترام لسنك البورد دا مقرؤ وصدقني انت في نظر كثييييير من الناس انسان عوير وملان هبل وعبط لو مستفيد من النظام ولا ما مستفيد ،، لا تحدد وانت خارج الوطن انفراج الازمات التي عجز عن حلها تيسك الرقاص بكل منظومتو الحقــيرة طيلة 24 سنة قرف يقرفك
| |
|
|
|
|
|
|
Re: انفراج تام لازمة الخبز والوقود والغاز ...... (Re: عزالدين عباس الفحل)
|
Quote:
محمد أبوالعزائم أبوالريش سلام ود ابو العزائم ، الامور عادية ، لا ترقي الي درجة الأزمة ، العيش متوفر ، والبنزين متوفر ، و الأزمات دائماً تستمر ، الي عدة أيام ، اذا كانت في أزمة ، الهدوء التام ، يعم العاصمة المثلثة ، الخير وفير، دا السودان ، ،،،،
|
شكرا شيخ العرب
وانت كشاهد عيان
ناس ابو الريش ديل ضارباهم الزيفة وما جايبين خبر
| |
|
|
|
|
|
|
Re: انفراج تام لازمة الخبز والوقود والغاز ...... (Re: ود الباوقة)
|
اخي المحترم ود الباوقة،،تحية واحترام،،وبعد... اتصلت واتواصل يوميا مع اهل واصدقاء،،واعيش الماساة واستفحالها وتضاعفها كل يوم،،،لقد وصلنا مدي من التعب والله لا يتحمل... يا ود الباوقة اختي مزارعيه،،كان لها تامين صحي لشهرين فقط الغوه،،ثم اجدبت ارضها لان مشروع الحزيرة عجز عن سقياها،،يعني دخلها زيرو،،،حسنا ،ليست هذه هي المشكلة... لديها مشكلة صحية ،،العام السابق كانت تكفيها 500 ج شهريا،،،الان نفس كل شي،،-1500ج لا تكفيها,,, تضاعفت احتياجات اهلي ذاتها ضعفين هذا العام،،،وبلغت هذا الاسبوع حدا لا يطاق... ثم ان حواشتنا لم تقم فيها شتلة قمح واحدة،،،ذلك بانها طلعت مضروبة... صرت علي المستوي الشخصي اعجز عن تلبية لقمة عيشهم... تقول والدتي الثمانينيه ،،،الله اصرفن،،يبسوها،،واقول انا،،الصبر يمه،، ثم تقول لي فترنا،،،ربنا يسوقنا من السنين الصعبة دي.. يا ود الباوقة يا اخي،،كيف لي بالله ان اكذب دمعة امي ووجع اختي،، واقول معك،،،الوطن بخير... ونحن ياود الباوقة علي كل الاصعدة،،،في هلاك وجحيم.. مع احترامي للجميع.. الالف ج،،،مليون بالقديم.
| |
|
|
|
|
|
|
Re: انفراج تام لازمة الخبز والوقود والغاز ...... (Re: أيوب خليل)
|
Quote: ناس ابو الريش ديل ضارباهم الزيفة وما جايبين خبر |
ناس أبوالريش خليهم ..... علي دفع الله ده رايك في كلامو شنو؟ علي دفع الله قاعد في السودان، ما جاء إجازة جيبو مليان دولارات.
ويا أيوب خليل .... فسر لينا التاريخ الفي صورتك ده، مع مقارنة التاريخ في الصورة دي:
| |
|
|
|
|
|
|
Re: انفراج تام لازمة الخبز والوقود والغاز ...... (Re: محمد أبوالعزائم أبوالريش)
|
Quote: الجيـــــش الإلكترونـــي للــدفــاع عــن الســودان وصول باخرة محملة بالغاز الي ميناء بورتسودان وإنتهاء أزمة البنزين منذ الأمس بالخرطوم .
وصلت باخرة محملة بالغاز الي ميناء بورسودان وتم تفريغ الحمولة وتوجيهها لتغطية الفجوة في سلعة الغاز في الخرطوم والولايات ، من جهة اخري إختفت نهار الامس ظاهرة صفوف البنزين في محطات الوقود في الخرطوم .
من المسؤول من صناعة الأزمات في الخرطوم ؟! أزمة سكر أزمة خبز ودقيق أزمة بنزين وجازولين وغاز !؟
السؤال هل هناك تيارات تعمل علي صناعة أزمات ومشكلات ظرفية لأغراض سياسية ؟! وماهي مراكز القوة الاقتصادية التي تتحكم في قوت المواطن واحتياجاته الاساسية وأسماها البرلمان بـ"مراكز القوة الاقتصادية"
|
| |
|
|
|
|
|
|
Re: انفراج تام لازمة الخبز والوقود والغاز ...... (Re: محمد أبوالعزائم أبوالريش)
|
الجيـــــش الإلكترونـــي للــدفــاع عــن الســودان وصول باخرة محملة بالغاز الي ميناء بورتسودان وإنتهاء أزمة البنزين منذ الأمس بالخرطوم .
وصلت باخرة محملة بالغاز الي ميناء بورسودان وتم تفريغ الحمولة وتوجيهها لتغطية الفجوة في سلعة الغاز في الخرطوم والولايات ، من جهة اخري إختفت نهار الامس ظاهرة صفوف البنزين في محطات الوقود في الخرطوم .
من المسؤول من صناعة الأزمات في الخرطوم ؟! أزمة سكر أزمة خبز ودقيق أزمة بنزين وجازولين وغاز !؟
السؤال هل هناك تيارات تعمل علي صناعة أزمات ومشكلات ظرفية لأغراض سياسية ؟! وماهي مراكز القوة الاقتصادية التي تتحكم في قوت المواطن واحتياجاته الاساسية وأسماها البرلمان بـ"مراكز القوة الاقتصادية"
| |
|
|
|
|
|
|
| |