الآن... ما يسمى بالثورية في جحر ضب .....

Quote: المؤتمر الوطني: لا نحتاج مال الدولة في الانتخابات القادمة فاشتراكات العضوية ثمانية مليارات شهرياً ؛------------ على مين على مين على مين على مين؟ تاني الكضبات بي إسم الدين؟ المشكله إنك يا مسكين فاكرنا غَـشَامى وما ناقشين. تفتكروا نسينا (فِـدا التمكين)؟ والناس الجات عادمه القرشين، والساكنه معانا بيوت الطين؟ اليوم غشواتا نواحي الصين هبشاتا بتسرق نُـنِّي العين نشواتا العرسه مع السمحين دشواتا نصوص فاقده التلحين المشكله إنك يا مسكين فاكرنا بننسى وما ناقشين. من وين من وين من وين من وين؟ حتجيب مليون شهري ومن وين، حتغطي فضايح ليها رنين؟ الرشوه الحصلت يا جادين والخزنه اتهبرت يا اسماعين والتِن بيرسنت لوزيرنا الشين غير من أموالنا الكم؟ والوين؟ أموالنا الطفشت في البلدين المشكله إنك يا مسكين فاكرنا نعايم وما ناقشين. لمتين لمتين لمتين لمتين؟ لمتين تلعب لنا بالحبلين؟ ترقص دربكه وطمبورين رافع للدعم الفي البنزين ماكنتم اصلا ليو داعمين دعم انتخبات يا شيخ.. عارفين سِبتَ الأسواق للسعرانين ح تكُب لى حزب الشبعانين فالحزب غني وشايل بلايين؟ والدوله فقيرة تعيش بالدين؟ المشكله إنك يا مسكين فاكرنا بهايم وما ناقشين. بي وين بي وين بي وين بي وين؟ رص الآيتين يا زول بي وين؟ يا زول بي وين لوي الإيدين ؟ خم الغافلين يا زول بي وين؟ يا زول بي وين خج صندوقين ؟ المشكله إنك يا مسكين فاكرنا بهايم وما ناقشين؟ حزبك أصبح فارات داقسين وانت الما ناقش ليكا سنين نحن اتفلهمنا كمان فاهمين إننا من غِـشَّـك مفطومين سِـبنا الهوت دوق أكل ال######ين واكلنا الكاستر بالتركين.