ما فاهمه شي ....اغمض عيوني اسمع اصوات اهلي معاي افتح ما اشوف شي تاني اغمض امي خاته يدها في يدي بس ابيت ما بفتح اقوم ما اشوفه ومسكت يدها لمن نمت بعد مسافه حسيت شي حار في يدي صحيت لقيت دم من يدي صرخت ...امي جرحتيني بخاتمك ...فتحت مالقيت امي لقيت حديدة الدرب واقعه وانا ماسكاها لمن اتجرحت ...بس هنا قلت اكيد في شي ما صاح اها وين الصح !! شنو بحصل وزولي طار رك وين يا رب اخر النهار شفت ناس بعرفوني بس ما بعرفهم قايدني من يدي اظن مودني دكتور ... علي الباب دكتور علي الصادق استشاري امراض عصبيه ونفسيه ضحكت هههه ديل قايلني مجنونه بس يلا كدي نشوف اخرتهم الدخل معاي الدكتور ... ولد شاب حلاة الدنيا فوقو قال للدكتور ...والله يا دكتور ليها اسبوعين بتتكلم براها ....وتتخيل امي الله يرحمه معاها ...الحاله ما طولت بس من يوم اتزحلقت بتها في الحمام واتوفت بقت بتتكلم براها ...اها خبره شنو سكت معقول بتي مروه ماتت ؟ ما مشت مع ابوها بعد طلقني !! لا مجنون هو والدكتور زاته يتبسم براه معناه اكيد في موامره ضدي وبتي مروه وغيث دا ياهو المدبر !! تمت
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة