ياخ بالله خليك في حالك بسم الله الرحمن الرحيم مين سالك ؟ مين شاغلك انت دا انا شاغلتك كيف مثلا كتحت التراب في راسك والا شخبت في حيطة مطبخك ! يازوله مهلوسه انتي . لا يعني ولا عملت واحده من ديل طبعا لا ثم انو متين في شيطان بقول بسم الله الرحمن الرحيم لانس ومن شابههم انت دا يازوله هي انت ما شديده وشكلك كدا بتشوفي حاجات م بشوفه غيرك وتجي تحكيها والغريب بصدقوك انا دي اي مش كان خبتي صدرك ونططتي عويناتك انت بتخيل ليك ساي يازول قاصد انا مهسهسه! مابعرف مهسهسه والا ما مهسهسه بس ..ثم ماتقولي يا زول مش انت زول ليك كرعين وايدين وراس ؟ اي بس انتبهي انا ما انا كيف يعني كدا دا امشي نومي كم ساعه او لا امش لدكتور اشان تقدري تنومي وخلينا نتلاقي بعد تلاته يوم في نفس الزمان والمكان مشي وخلاني وحيده ..انوم احلم بيه اصحي القي قاعد جمبي يقرا ليه في كتاب امد يدي المسو ما اهبش شي اخ شنو بحصل معاي ..يا فوت عديل يا خليك عديل ... اليوم التالت مرقت ازور اختي ضرب لي ولدها قال جايين يتقدمو لاختو وانا في نص السكه رجعت قلبي قال لي ليه ماتكلمك هي ...ليه يكلمك الولد ..بكيييت والتلفون قدر ضرب ابيت ارفع ما عندي خلق لزول ..زعلتني اختي ..انا ربيت معاها الولاد ديل من يوم ابوهم مات في الحادث ماقصرت ابدا هسي تجي ماتكلمني بس خلاس اخير اتضبضب في بيتي شايلني .... حتي مروه بتي من يوم اتطلقت ما ختت كراعه في البيت تبعت ابوها وامي المسكينه جات قعدت معاي ...ما بتقدر تطلع تنزل بس قالت المره العذبه ما بخلوها براها .. قد يتبع
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
مها عبدالمنعم
فيس بوك
تويتر
انستقرام
يوتيوب
بنتيريست