هدير الإمتاع : او ماذا تفعل و انت خارج من شكلة ، سلاما في الخالدين ماديبا...!!!!

Quote: الي روح نيلسون مانديلا.. و الى حسن موسى و الدرديري محمد فضل ، بلاكم الله بالإبداع ، زي ما ابتليتونا بالدهشة..!! و لكن ماذا تفعل و انت خارج من شكلة؟.. و يا حسن موسي يا صديقي، و انا معاك في جبهة ضد الجميل استاذنا النور حمد و اخرين من عيال البندر و الذي منو ، صحيح الفن لوحة ، لكن برضك المزيكا برضك فن ، و ياليتك انت و عبد الله بولا ، تلقوا الفرصة تسمعوا الردحي الحاصل في هذا الخيط...!! كبر

Quote: لاني سميت المدن النايمة ، وكتين نسبة الإيدز في اوساط شباب الخرطوم وصلت 83% يا قاسم يا امين..!!.. كبر

ذي انا دا المابيعرف يفرق بين الذال والزين يا كبر..
.
.
.
ولا (بيفرعو)
رقيص الرقبة
ولا دق الدلوكة المكردف جلدها
ولا حتي نشلة جركانة المي من مطمورة

غير نقعد كدي، نفلق حراس النواية الكضب!!!
.
.
تعال احكي لينا انت دا، عن دم معدن الغرب .. يا التمبوش
ضهب الشورة، الصاح والغلط
وما تخليك واحد غشاش بياكل في النفس حنك
وقنب يقول سياسة سياسة، نفاسة... وتحت تحت يورنش في بود الحرب
.
.
وعيك بعمق المسافة يا محمد كبر
البينك وبين البندر، كراسات القانون
كتب الحداثة، عضام الحسكنيت، معرفة نسبة الايدز وسط شباب الخرطوم، هيجغل،
ماركس، محمود محمد طه، لينين، قاسم امين ......
اوعاك
اوعااااااااااااااك......... ما بيسوي منك فنجري للقلم، يا التنيبيش..
.
.
بطل اخيا ردحي (المسفقاتية) ده
وتعال نلعب هودنة
نمطيك حبل كلامنا السمح
وما تختشي، اقدل بمهلك في رويسنا ده
اقدل بمهلك في حدود حقك في سقف النضمي الفطس
وافتح نفاجات الهواء الانساني لو الجواك زول يا شيخص.. انت

وبشيش، بشيش خش يا حزن الكرير
عشان نقدر ( نقولها) كلامنا ليك

كلامنا اليا كتلاك غبن، يا خلاك تفذ يا الخازوق معيز
.
.
تعال نحتو معاك دوت
يا البعشوم الفحل اللافي حول نفيسو، ســـوس
تعال يا الحلامان بالعولمة ودولة الغرابة
.
.
تعال اتفنجق يا الكركعوب واسمع صراخ غرابة البندر
المكرفس جلدهم بكول ودك الكلام
تعال اتودك معانا بالهم، يا هم..
ااااااااااااا زول تعال ما تفذ
اااااااااااا زول تعال وبطل جقلبة
اااااااااا زول تعال صنقر
ااااااااا ...... تعال اندل..


.
.
راني السماني