|
Re: بشرى محمد حامد الفكي تعال بجاي (Re: بشرى محمد حامد الفكي)
|
Quote: حيث انا من مدينة عطبرة وهي بوتقة صهر للديانات والقبائل في السودان |
المشكلة يا دكتورة عندما تكتشفي، انو الكان حاجب منك الواقع القبلى والعنصري في السودان، ليس انتمائك لمدينة مثل عطبرة، ولكن انتمائك القبلي ومن أي عنصر تنحدرين، وأحكي ليك حكاية زمان في سنة واحد وتسعين تم اعتقالي ومعي زميلي من أولاد مدني (ناس مدني الأصليين كما يحلوا لأهل مدني تعريف شخص ما وأرادوا أن يرفعوا من مقامه)، وطبعاً مدني زي عطبرة، ما في زول بيعرفوهو بقبيلتو، المهم الزول القبيح الاسمو عمر نمر الهسي قالوا محافظ الخرطوم دة، كررها عشرمية مرة قدام زميلي دة انو انت زول جعلي البخليك تباري العبيد شنو، وكنا نحن الاتنين بنتعامل مع كلامو على انو هبالة وعبط، وحتى لما أطلقوا سراحنا ظلينا نضحك على العبط والهبل الفيهو الكيزان، وما كنا عارفين يجي يوم يتنكص فيهو الصراع السياسي والاجتماعي في السودان لمستوى يكون فيهو كلام عمر نمر ما كلام عبط ساي، مرت الأيام ووكل سنة بمشي مدني وصديقي كما هو لا يتزحزح قيد أنملة عن مبدئيته، لكن السنة الفاتت حصلت لي قصة، جعلتني أعيد البصر في أمر الظلم الذي تعرضت له مجموعات اثنية بعينها حتى في مدني وفي عطبرة زاتها، النوريك الحصل شنو كنت ضيعت الجنسية السودانية، لكن عندي جواز سفر سوداني قديم وفيهو رقم الجنسية الضائعة، المهم مشيت طلعت شهادة فقدان وشلت جوازي وجنسية الوالد وشهادة الفقدان ومشيت أطلع الجنسية بدل فاقد، طبعا في حكاوي كتيرة ما عايز ازعجك بيها، لكن في النهاية ما قدرت أطلع الجنسية، والسبب انو لما مشيت قالوا ملفاتهم ضاعت لمان كانو راحلين من مكتب لي مكتب، وعشان كدة لازم أجيب أبوي يشوفوهو شوف العين، المشكلة قامت في القسم، وفي غضبي قلت للضابط أنا سوداني غصباً عنك وعن حكومتك البتطلع القوانين الغبية دي، وخلاص خليتها الجنسية، وأنا طالع الضابط كان مغتاظ شديد فقال لي حا تمشي وتجيني راجع تاني، فقمت رديت عليهو قلت ليهو لو جيتك راجع بجي عشان اتنازل ليك منها الجنسية السودانية، المهم مشينا من القسم، ولاقيت صديقي دة وحكيت ليهو وكنت غضبان غضب شديد، المهم هو كان بيقول لي انو ما كان أمشي ليهم كان أديهو الأوراق هو كان جابها لي في البيت، فقلت ليهو نحن زمان لمان طلعناها جانا الضابط في المدرسة، عمل لينا المقابلة وجوا وزعوها لينا في المدرسة، هنا صاحبي قال لي يا بشرى شوف هسي انت زعلان قدر شنو بس عشان قالوا ليك جيب أبوك وحاجة ما بتكلفك شيئ تمشي تجيبوا وتجي راجع، قال لي الوكت الانتو كنتو بيدوكم الجنسية في المدرسة، نحن الضابط لمان جاء، عزلنا منكم وقال لينا انتو لو عايزين الجنسية لازم تجو القسم، ومشينا القسم، وجبت أبوي وعمي حلفوا القسم انو نحن سودانيين، وقال لي ما في دي براها حاجات كتيرة انتو ما بتنتبهو ليها كانت بتحصل لينا وكنا بنتقبلها كأنها شيئ طبيعي ومفروض يحصل طبعاً صدمت صدمة كبيرة جداً، ليس لأن ذلك الفرز والظلم القبلي كان حاضراً طوال ذلك الوقت، ولكن صدمتي في أنني لم أكن منتبهاً له، بل ولم يدر بخلدي أنني وصديقي لسنا واحداً، وأنا وكثير من أصدقائي لسنا سواسية، لقد عشنا التميز القبلي، ولذا رأينا الصورة من منظار هذا التميز، بأن مدني هي بوتقة صهر للديانات والقبائل في السودان وارتحنا لذلك، نعم مثلي ومثلك يا دكتورة، لا تحركهم القبيلة، ولم تكن العنصرية جزء من منطلقاتنا الفكرية، لكن برضو شوفنا للموضوع ما كان دقيق كفاية أها لما جيئنا لأمر التغيير تجلى لنا الأمر يعني أقول ليك بصراحة، لقد تم اعتقالي عدة مرات، ما في مرة واحدة دخلت كنت حاسي فيها انهم حا يغتالوني، في نفس الوكت الفيهو قرية كاملة ممكن تباد من غير سبب زي ما اعترف البشير بنفسو، لأنو أهلها ما عندهم وجيع
|
|
|
|
|
|
|
العنوان |
الكاتب |
Date |
بشرى محمد حامد الفكي تعال بجاي | د.نجاة محمود | 11-26-13, 03:08 AM |
Re: بشرى محمد حامد الفكي تعال بجاي | خالد العبيد | 11-26-13, 04:45 AM |
Re: بشرى محمد حامد الفكي تعال بجاي | د.نجاة محمود | 11-26-13, 05:19 AM |
Re: بشرى محمد حامد الفكي تعال بجاي | خالد العبيد | 11-26-13, 09:55 AM |
Re: بشرى محمد حامد الفكي تعال بجاي | خالد العبيد | 11-26-13, 10:05 AM |
Re: بشرى محمد حامد الفكي تعال بجاي | خالد العبيد | 11-26-13, 10:24 AM |
Re: بشرى محمد حامد الفكي تعال بجاي | خالد العبيد | 11-26-13, 10:46 AM |
Re: بشرى محمد حامد الفكي تعال بجاي | خالد العبيد | 11-26-13, 11:23 AM |
Re: بشرى محمد حامد الفكي تعال بجاي | Muna Khugali | 11-26-13, 11:55 AM |
Re: بشرى محمد حامد الفكي تعال بجاي | د.نجاة محمود | 11-26-13, 02:11 PM |
Re: بشرى محمد حامد الفكي تعال بجاي | د.نجاة محمود | 11-26-13, 02:08 PM |
Re: بشرى محمد حامد الفكي تعال بجاي | بشرى محمد حامد الفكي | 11-26-13, 01:40 PM |
Re: بشرى محمد حامد الفكي تعال بجاي | بشرى محمد حامد الفكي | 11-26-13, 02:21 PM |
Re: بشرى محمد حامد الفكي تعال بجاي | د.نجاة محمود | 11-26-13, 02:32 PM |
Re: بشرى محمد حامد الفكي تعال بجاي | د.نجاة محمود | 11-27-13, 02:58 AM |
Re: بشرى محمد حامد الفكي تعال بجاي | د.نجاة محمود | 11-27-13, 03:10 AM |
Re: بشرى محمد حامد الفكي تعال بجاي | د.نجاة محمود | 11-27-13, 03:12 AM |
Re: بشرى محمد حامد الفكي تعال بجاي | محمد حيدر المشرف | 11-27-13, 07:37 AM |
Re: بشرى محمد حامد الفكي تعال بجاي | د.نجاة محمود | 11-28-13, 01:33 AM |
Re: بشرى محمد حامد الفكي تعال بجاي | بشرى محمد حامد الفكي | 11-28-13, 11:33 AM |
Re: بشرى محمد حامد الفكي تعال بجاي | بشرى محمد حامد الفكي | 11-28-13, 12:22 PM |
Re: بشرى محمد حامد الفكي تعال بجاي | خالد العبيد | 11-28-13, 12:28 PM |
Re: بشرى محمد حامد الفكي تعال بجاي | محمد حيدر المشرف | 11-28-13, 07:15 PM |
Re: بشرى محمد حامد الفكي تعال بجاي | محمد حيدر المشرف | 11-28-13, 07:29 PM |
Re: بشرى محمد حامد الفكي تعال بجاي | بشرى محمد حامد الفكي | 11-28-13, 09:12 PM |
Re: بشرى محمد حامد الفكي تعال بجاي | بشرى محمد حامد الفكي | 11-30-13, 01:13 PM |
Re: بشرى محمد حامد الفكي تعال بجاي | بشرى محمد حامد الفكي | 12-01-13, 02:10 AM |
|
|
|