بريمة بلل يطهر النساء على سنة العرب !

Quote: صديقي عاصم فقيري...حبابك.. داير النصيحة ولا الجنبها؟.. القال ليك انت ليبرالي.. غشاك..و لو قلتها لروحك براك فانت غشيت روحك..!! اخير يا قريبي ما تفكها في روحك ساكت.. ارجع كن سوداني متلي متلك.. بكل عيوببنا و هفواتنا.. يمكن بكرة نتعلم نكون صاح..!! انتا فتحت البوست ده على اساس غبينة خاصة بيك ( داير تمنعنا قراية السياق كمان؟؟)..!! و طالما فتحت البوست على اساس غبينة خاصة ، فانت و بريمة في سرج واحد يا اخوي..و بطل استهبال نخبة و هيمنة و راندوك السيطرة اياه؟.. نعم هي فضيحة يا عاصم انك تبصم على كلام طراوة..و ترفضوا لمن يقولوهو ناس تانيين...!! و في اخر اليوم ، ارجع اسأل روحك.. ليه انت فتحت البوست ده؟؟..طبعا ح تزوغ لمن يجيك واحد ناطي و يقول ليك انتا فتحت البوست ده من باب الإنتصار لذاتك..و بدون ما تشعر ، في انتصارك لذاتك قاعد تكرس ليهمنة ثقافة بعينها هي ثقافة مركز بعد كل هذه القرون من السيطرة بيحاول يسوق لروحه).. انت و علي عثمان و نافع حاجة واحدة يا اخوي.. وخلونا من الإستهبال على روحنا و على التانيين كمان...!!! ليه ، يا عاصم ،عندك استعداد فطري ان تتنحاز لطراوة..و ترفض كلام كبر ، القال نفس كلام طراوة؟.. يعني فاكر نفسك يا عاصم انك جبت حاجة جديدة؟.. بالواضح يا عاصم..وكتين عندك القدرة انك تبصم على كلام طراوة ، و تقوم تقمع التانيين ، ليه ما تدي التاننيين حقهم في الإصطفاف؟.. ليه يا عاصم انتا عندك استعداد فطري انك تقيف في صف طراوة..و بتمنع ناس كبر انهم يقيفوا في صف بريمة (كما تزعم)؟؟؟ البتسوي فيهو ده فضيحة بالباب العدييل يا عاصم..و كبر لمن دخل هنا..دخل عشان يصحح مفاهيم...مش انحيازا قبلي ولا جهوي...لكن اقولها ليك بكل صراحة.. افضل الواحد يخاصم و يجادل شيوعي و يساري واضح متل احمد طراوة,.. مما يجادل وهم فاكينها في روحها متلك..!! اتحداك يا عاصم انت و دينق.. وين كتبت كلام بيدعم بريمة؟.. ثقافة البقارة يا عاصم يا ليبرالي يا وهم..ليست حكر على بريمة أو عبد الرازق الطالب و انما هي منظومة قيم و اخلاق و جمال اكبر من الإتنين ديل...و انت لو ليبرالي بحق و جقيقة كان فهمت الحاصل بدل تقعد تفنجط انتصارا لذااتك.. بريمة و الطالب يا عاصم لو صفيتهم اخر حاجة تركز عليها انهم حزب امة...و كبر ضد حزب الأمة لو لحس السما بلسانو...و محمد هرون الدخل في الخيط ده حاجة مختلفة خالص... لكن الجامع بينهم انهم بقارة..ليه يا عاصم ما قادر تسأل نفسك أنو كيف حزب امة..و انصاري وجمهوري (ناس محمود محمد طه) ، و اخر كافر بكل وهم التصنيفات في السودان ..ليه خلق زي ديل تتناسي كل خلافاتها ، و تجتمع في الدفاع عن مبدأ واحد.. دعنا نسميه ثقافة البقارة؟ الغيرك كان اشطر يا عاصم.. لمن فليب عباس غبوش أو سعد بحر أو حسن حسين عثمان أو محمد نور سعد يقوم يعمل ليهو انقلاب و تقوم الخرطوم بي صمة خشمها تهر فيهو كما الهر يحاكي صولة الأسد...و تطلعوا مجرد جهوي عنصري؟؟!!!!! باقي ليك يا عاصم لمن تطعنا الليلة حتة جهويين... فاكر ح نزعل منك أو نخاف و ننطم؟..بالعكس ح نفهم انك جاهل و بطوع اراداتك ما داير تتعلم و تفهم حاجة في الوهم الإسمو سودان..!!!!\ا انتا يا عاصم قايل السودان ده ياها حلتكم أو اثنيتكم أو قبيلتكم و بس؟.. بالعكس يا صديقي ، السودان ، و حتى و بعد انفصال الجنوب ، حاجة عريضة و وسيعة و غنية بالتنوع...عشان كده دايرة خيال واسع يقبل قدر التحدي بتاع التنوع فيها...!! احبطت فيك يا عاصم... لأني كنت فاكرك حاجة تاننية ممكن الواحد يدافع عن وجودها بايديهو كرعيهو.. لكن زيك و زيهم جميعا يا صديق... يعلنون المغايرة من باب فقه التقية من اجل تكريس الهيمنة باللفة... ما في فرق بينك و بين علي عثمان محمد طه ، صلاح قوش.. محمد عطا فضل المولي ، نافع علي نافع,,,,عبد الرحيم حسين ، بكري حسن صالح ، قطبي المهدي ..و الوهم حسن عبد الله الترابي..!!! السودان واسع يا عاصم فقيري يا ليبرالي... عندكم القدرة تمرقوا من هلولة البندر بحق و حقيقة... ح تفهموا فيهو حاجة..لآ دايرين تلبسوا لينا عباية المركز.. فعهد البلبلبصة ولى يا صديقي..!! اليوم ، الشيوعيون لو شدوا حليهم شوية يا عاصم ، فهم اكتر من يفهم الواقع السوداني الـــــوقــــــح....يا صديقي .. لأ كما دايرين يستكينوا لهيلمانة العاصمة.. فهم مثلهم و مثل الأخرين.. ما تقول لي امة ولا ختمية ولا بعث ولا حق ولا ليبرالي..كلهم في الهوى سوا... و ربنا يلطف بشعوب السودان التي تحلم بمن يفهمها على حقيقتها... دون محاكمتها بقيم البندر...!! لو الفكرة عندك أنو كبر مصطف للدفاع عن بريمة.. مافي مشكلة يا حبيب... انتك برضك بتعرف الأصطفاف..بريمة قال عندو مشكلة مع ثقافة جلابة... و ممكن تحسب واحد تاني زيادة ،عندو مشكلة مع هيمنة جلابة وهيمنة اسلاموعروبية... المافي شنو على قول قيقراوي؟.... بريمة قال ليك يا عاصم انتا حلبي ، يعني بغلبك تقول ليهو ايوه حلبي و نص و ح اشتغل لسودان يسع الجميع..حلبي ..دنقلاوي..بقاري..نوباوي..فوراي ..فلاتي..زغاوي.. انقسناوي..بيجاوي.. بندراوي..؟!!!! ولا ح تقعد تقضيها ..لان وقف مع فلان على اساس قبلي و جهوي..؟.. نعم يا عاصم أنا بقاري..و سأظل بقاري.... و لكني ساعمل من اجل سودانيلا فيهو معيار قيم من شاكلة بقاري ولا فلاتي ولانوباوي ولا جلابي..اها انتا معانا و لا مع الخيانة؟!!! قال طهور نسوان قال...!!!! كبر