|
Re: بيت الفنون .. قُتل وحتماً سيعود! (Re: المعز ادريس)
|
بيت الفنون بعيدا عن الكلام المنمق ده للاسف كان بؤرة للكسب المادي وبعض من استنكاح مارستها فرقة الهيلاهوب بطريقة مخجلة بكل اسف.. طارق اللمين عندو مشكلة بتاعت تداخل ما بين المصالح الشخصية والعمل العام .. عن نفسي كتبت بناء على مشاهدات ومواقف مريت بيها في بيت الفنون.. اذكر في واحدة من اجازاتي تسللت خلسة لبيت الفنون بعد اعلان عن انو الفنان محمود عبد العزيز سيكون فنان اليوم وستبدا الوصلة من الساعة تسعة تقريبا.. خشيت وقطعت تذكرة سعرها ما شوية ووقتها كان وبكل اسف منتصر بتاع الهيلاهوب يلعب دور المهرج بي لبس غريب وعجيب ومحاولة لي تخفيف الدم كان فيها اقرب للارجوز وهنا انا بلوم طارق اللمين في طريقة استغلاله للبسيطين من الباحثين عن الشهرة عبر بوابة الفكاهة بافتراض انو طارق اللمين هو من سيكتشفها او هو من سيقدمها..المنظر ما كان حلو ومنتصر مقابل ثمن التذكرة يقدم لي مشروب بتاع اطفال بي شفاطة بيكمل في جغمتين من طفل بعمر 3 سنوات فما بالك بي جغمتي!!! دخلت لا لشي سوى الاعلان عن محمود عبد العزيز اللي اشار ليها طارق اللمين فوق بي انو محمود احد رواد خشبة مسرحه!! العصير طبعا ختيتو فييي حتتو ولااا شربتو.. طلبت كباية شاي سااادة فاذا بالحساب 5 الف جنيه في وقت كانت الكباية بي 500 جنيه اعتقد!! انتظرت محمود فصعد طارق اللمين وقال الليلة ليلة استثنائية بوجود الفنان محمود لكن كدي قبل محمود نسمع فرقة الهيلاهوب شوية.. طلعت الفرقة منقوصة من اشخاص بي صورة عشوائية مع مصاحبة الاورغن .. لكن عن نفسي ذهلت وهم بيضحكو علي الحضور وهم بيشتغلو بي البلاي باك الكان واااضح جدا ..الفرقة تدعي الغنا بينما التسجيل هو الشغال من شريط يا من فلاش يا يا .. المهم انا تابعت الفرقة بي الحتتتة و رغما من حفظهم الا انو ظهرت الهنات بتاعت البلاي باك دي.. مشييتا وقلت عشان محمود نستحمل.. عشرة جات..حداشر جات ومحمود ما جا.. تموها لينا نجوم الغد ومحمود مااا جا.. طارق مسك المايك واعلن عن وجود ضيف مفاجاة جا مخصوص عشان يسمع محمود.. الضيف كان الشريف مبسوط مني بتاع نيجيريا داك.. ولو لم تخني الذاكرة كان جاي معي فريق نيجيري يلعب ضد المريخ في بطولة الكؤوس الافريقية.. ليطل محمود في طريق عودته من تسجيل حفل مسرحي تلفزيوني بمناسبة العيد.. تخيلوا محمود كان شغال حفلة في المسرح القومي كاااملة مكملة .. جا مرررهق تعبااان ما قادر يقيف ووقتها كانت بدايات استهلاك محمود لجسده.. يااااه يا محمود ..الحسنة الوحيدة لبيت الفنون انو كانت اخر مرة اشوفك من بعييد لبعيييد.. طلع غنا ليهو تلاتة لي اربعة اغنيات وكنا علي وشك ان يقلب اليوم التاني.. من يومها وانا علي قناعة بان بيت الفنون ما عندو علاقة بالفنون..تسويق واستثمار باقل مجهود في محاولة لكسب مادي دون اجتهاد...
|
|
|
|
|
|
|
العنوان |
الكاتب |
Date |
بيت الفنون .. قُتل وحتماً سيعود! | Hussein Mallasi | 11-09-13, 04:29 PM |
Re: بيت الفنون .. قُتل وحتماً سيعود! | Adil Isaac | 11-09-13, 05:10 PM |
Re: بيت الفنون .. قُتل وحتماً سيعود! | hafiz Issue | 11-09-13, 08:48 PM |
Re: بيت الفنون .. قُتل وحتماً سيعود! | أسامة العوض | 11-09-13, 10:02 PM |
Re: بيت الفنون .. قُتل وحتماً سيعود! | المعز ادريس | 11-09-13, 11:08 PM |
Re: بيت الفنون .. قُتل وحتماً سيعود! | عمر الفاروق | 11-10-13, 00:30 AM |
Re: بيت الفنون .. قُتل وحتماً سيعود! | عمر الفاروق | 11-10-13, 00:37 AM |
Re: بيت الفنون .. قُتل وحتماً سيعود! | الصادق اسماعيل | 11-10-13, 04:39 AM |
بيت الفنون .. قُتل وحتماً سيعود! | Hussein Mallasi | 11-10-13, 04:51 AM |
Re: بيت الفنون .. قُتل وحتماً سيعود! | عمر الفاروق | 11-10-13, 05:43 AM |
Re: بيت الفنون .. قُتل وحتماً سيعود! | HAYDER GASIM | 11-10-13, 05:49 AM |
Re: بيت الفنون .. قُتل وحتماً سيعود! | عمر الفاروق | 11-10-13, 06:03 AM |
Re: بيت الفنون .. قُتل وحتماً سيعود! | MOHAMMED ELSHEIKH | 11-10-13, 06:11 AM |
Re: بيت الفنون .. قُتل وحتماً سيعود! | نادر النور آدم | 11-10-13, 06:46 AM |
Re: بيت الفنون .. قُتل وحتماً سيعود! | الطيب عثمان يوسف | 11-10-13, 06:30 AM |
Re: بيت الفنون .. قُتل وحتماً سيعود! | عمر الفاروق | 11-10-13, 06:57 AM |
Re: بيت الفنون .. قُتل وحتماً سيعود! | الطيب عثمان يوسف | 11-10-13, 07:07 AM |
Re: بيت الفنون .. قُتل وحتماً سيعود! | الطيب عثمان يوسف | 11-10-13, 07:19 AM |
Re: بيت الفنون .. قُتل وحتماً سيعود! | بله محمد الفاضل | 11-10-13, 07:37 AM |
Re: بيت الفنون .. قُتل وحتماً سيعود! | نادر النور آدم | 11-10-13, 07:31 AM |
Re: بيت الفنون .. قُتل وحتماً سيعود! | عمر الفاروق | 11-10-13, 07:40 AM |
Re: بيت الفنون .. قُتل وحتماً سيعود! | MOHAMMED ELSHEIKH | 11-10-13, 08:58 AM |
Re: بيت الفنون .. قُتل وحتماً سيعود! | عمر الفاروق | 11-10-13, 10:13 AM |
Re: بيت الفنون .. قُتل وحتماً سيعود! | ست البنات | 11-12-13, 10:52 AM |
Re: بيت الفنون .. قُتل وحتماً سيعود! | الطيب عثمان يوسف | 11-17-13, 06:04 AM |
|
|
|