|
Re: الاحتيال لحم راس ؟؟ (Re: نور الدين عثمان)
|
اذكر ااننى عندما كنت طالب فى الجامعة ذهبت الى سوق ليبيا بقرض شراء بعض الملابس .. نزلت من المواصلات وانا احمل فى يدى شنطة تمكنا مثل التى كان يحملها شباب الكيزان بتاعين الاتحادات الطلابية فيها شوية كتب وبعض الاغراض وانا حايم وسط الدكاكين فجاة واحد ينزل بيده الى الارض ويفتحها امامى لارى اوراق نقدية فى كفه وفى نفس الوقت يخاطبنى قائلا : طبعا انت شفتنى لمن لقيت القروش دى هنا .. معليش انتظر معاى شوية نبحث عن صاحبها .. فوقفت معه بكل براءة .. بعد عشرة دقائق ( فى العشرة دقايق كان يتحدث بسرعة ويتلفت وفهمت من كلامه انه تاجر من كوستى وجاء بغرض شراء بضاعة واحتمال صاحب القروش محتاجها فى علاج ... ووو .. صورة واحد طيييب) ومشت الكنته فى اخوكم ؟؟؟؟ شوية قال لى نمشى جنب المسجد (راكوبة كبيرة وسط سوق ليبيا فى ذلك الوقت ) ... ونحنا جلوس على الارض جاء شاب وسلم علينا وقال ( بلهفة وتلعثم كده ) ياجماعة شفتو ليكم قروش واقعة ؟؟؟ حاولت التحدث ولكن صاحبنا رد عليه بلا ؟ فاستغربت منه وقبل ان تكتمل دهشتى قال لى وريه القروش المعاك عشان تبين ليه انك ما محتاج... وبكل عبط اخرجت شوية القريشات المعاى ..وهنا حدث شى للان انا مستغرب له ولم اجد له تفسير ؟؟؟؟ الراجل الجالس معاى مس بيده على قروشى وانا ممسك بها ولم اتركها مطلقا وخاطب الشاب بان اوصف تفاصيل قروشك فوصفها له ... وعداها امامى وطلع وصفه صحيحا فاعطاه النقود وودعونى وذهبا وذهبت لحال سبيلى لاكتش انا فلوسى التى اعدتها لجيب الشنطة لم تكن هناك ؟؟؟ اخذها كيف .. ما عارف .
|
|
|
|
|
|