منبر الهامش(بين العلمانين الافارقه) و(انتهازية الحركات) المدعين ب(العلمانيه) وغارقين في (قبليتهم)!

Quote: الاخت تراجي كلامك ده اخدتو من بوست مجاور و عايز احاورك فيهو يا تراجي لاي تنظيم عشان ينجح لازم ياخد اطار سياسي واسم سياسي و برنامج سياسي السياسي يعني الناس بتجي بأفكارها و يكونو تصوراتهم علي المبدأ الفكري. عشان كده قمنا لقينا احزاب مثل الشيوعي و الاخوان المسلمين و في الزمن القريب ده لقينا احزاب مثل الليبرالي و حزب الخضر و في البلدان العايشين فيها دي مثل المحافظين و الليبرال و الديمقراطيين و الجمهوريين. و ديل كلهم بمثلو خط محدد اسسوهو ليهم ناس العلوم السياسية كحد ادني لممارسة سياسة محترمة ممكن تساهم في بناء مجمتمع سياسي مستقر (يمين - وسط - يسار) الجزء الاول في تكوينكم الجديد قلتو علماني (كويس) - ده ببشر انو بحمل معلم سياسي. الجزء الثاني (افريقي) - ده شنو؟ الاجابة او الذي يتبادر الي ذهني تبدو كانها صيغة استثناء لبعض الناس و مش كدا و بس بل هو استثاء لناس سودانيين. و لكن الاهم ما هو الافريقي! من هنا الاستناج البطلع بيهو واحد زي انو انتو بتحاولو انتاج بضاعة قديمة الناس اتجاوزتها منذ عام 1798 (نابليون) بتكوين اول دولة جمهورية قامت علي اساس سياسي و اللي بتدار بيهو النظام العالمي الحالي. نحن السودانيين قاعدين نحاول نهرول عشان نصل لنقطة 1798 و بعداك نمشي مع بقية سكان العالم في مركب واحد حتي لو في المقاعد الخلفية. دحين انتو جايين تنتجو تنظيم لا اساس له من الصحة وعشان كدا من اول ملف بديتو تطلعو بيانات اعفاء و غيرو لانو تنظيم لا يرضي طموحات الاعضاء السياسية. ناس كانو بحملو فكر سياسي (اسلامي او شيوعي) قلتو ليهم ارمو البقج السياسية بتاعتكم دي و تعالو لينا (افارقة جل). ده شئ طبيعي و ما مفترض تتفاجئ بيهو و ياها شكلة اسافير الناس في الاول بتكون عندها برنامج سياسي و تنظيم سياسي بعداك بتجي مرحلة تانية هل التنظيم يتبني العمل المسلح او المعارضة المدنية او البديل السلمي كما يقولاه عادل عبدالعاطي والصادق المهدي. كمثال لهذا التنظيم السياسي هو حزبي الشيوعي و الجبهة الاسلامية الذان تبنيا طريق االدبابة للوصول للسلطة في عام 69 و 89. يا تراجي لو عايزة تمارسي عمل سياسي بنتائج ايجابية تجاه الوطن لابد و ان تتضمي لتنظيم سياسي او انشاء تنظيم سياسي جديد زي عادل عبدالعاطي و امنة مختار. و لو عايزة الجد الافضل انو تدمجو برنامجكم السياسي مع عادل و امنة مختار او اي تنظيم يحمل جزء من المقاربات بحد ادني خصوصا في الوضع الحالي للسودان ده لانو ما ممكن تنجز اي عمل بدون الحد الادني. سياسة فرق تسد و ارجاع الناس للمنافذ الجهوية هذه لن تؤتي اكلها ايضا لانو لزول زي او اي سوداني ان التقي فكريا مع شخص من شرق السودان او نوبي او نوباوي لانجاز مهمة سياسية تجاه الوطن و ان لم يحدث او لو جيتي قلت لي "انت مسكين" او "يا حليل زمن السياسة الزي ديك فات" نبقي متعبين نفسنا في شنو! ما اي قرد يطلع شدرتو و خلاص __________________ نفسي انزل من الحصان و ارتاح