محمد سلمان محمد الخير العوض....إلى جنات الخلد أيها اليافع.

Quote: ياحق...الموت حق .......حقيقة بايني مو ساكت لعب إلا الفراق المر وراهو....... مافي غير البُكا والنحب جاني خبرالشؤم نهار .......يبقي ملفوح خبرا كضب ياها الآفة والعوجات .........في كل المروق تأكل تدب محمد رفيق درب الصحاب حفيد الصالحين الزول المحب عشا البايتات اخوي ...........يالحبوب يالراجل التلب شويت الجوف يامحمد .....وبعدك مافي بيتا ما خرب وظني البي يقان حزنا عليك.......كم وكم من زول ضهب يافقيد المشرقين ..........سيرتك سرور مالي الغرب دنياك زى لمحة بصر ........يالاصلو ماشافوك غضب فات الصباح راح السماح ...جانا النواح غصبا غصب مالو السواد كسا للنفوس... وضرع الفرح أبي يتحلب طعم الموية زى النزيف......وحتى اللبن أبي يتشرب جانا الحزن وصِبح الحزن .....من البيوت مرق الدرب فوقنا كيّل للرماد ........وقطّع أوصال العباد إربا ارب أصبح سواد الليل طويل ....قلع الصباح بقو في حرب يارب العباد بيت اركويت..... فيهوالثبات اكشح وكب عاشة ثبتا باليقان ...........لا خوفاً ولاجسماً ينضرب يابنياتي العزاز صبرا جميل ابليس نيرانو فيكن ماتشب امي نورا ياربي الثبات ....والحزن منها يرجع ينسحب دي الدنيا زى كاويق عشرلادايمي لافيها خيرا يتحسب جناح باعوضة ماب تسواهوصح لا دبيب أو حتى جندب سالم ياهو البعيد ......مكلوم وجوفوا زى جوفكم خرب دمعا غزير سد العيون............. خلاهو باكي ومنتحب ليك الرحمة يازينة الشباب..... وعند الله حسنا ينقلب دعانا ليك يادخري الزمان...... من خيرالله تتكسب كسب شربة كوثر آ بتعطش وراها من ايدين ابن عبد المطلب ومن نعيم الجنة تاخد .. ....... لايتعد لاشيتا يتحسب بنات الحور يلاقنك حباب ...ابقي داخل قصرا من ذهب