|
|
 Re: حصار الخرطوم .... أن تأتي متأخراً (Re: Amjad ibrahim)
|
سلام جميعا
و كل سنة و انتم طيبين
و القابلة عيد بلا كيزان ووطن سالم و معافى
عزيزي محمد البشرى تحيات
و شكرا على التصويب، و كما قلت التطرف
و إعلان الشريعة ادى إلى صب النار على الزيت
أمامنا الآن فرصة تاريخية لاعادة الأمور إلى نصابها
و التعلم من هذه المحن و الإحن،
يقيني إنه مشوار طويل تبدأه القوى التي من مصلحتها
التغيير من الآن و إلى الأبد، لا يفرق المسمى المهم
حادبين أو حريصين، لازم يكونوا منظمين انفسهم
بحيث حتى بعد سقوط الكيزان المؤكد في نظري
يكون هناك مجموعة ضغط منظمة عشان ما نديها
الطير بعد ما تلبن، و نعيد مآسي ثورة إبريل
عزيزي أيمن محمود
شكرا على الإطراء، الحقيقة دائما هناك
لكن تعمي عنها المصالح، فإذا تراجع المرء
عدة خطوات إلى الخلف ونظر إلى الصورة
بأكملها فسيكتشف مثلا، ان السلطة تستعين
بالفقراء لضرب الفقراء، تعرف هناك امنجية
باليومية 50,000 جنيه لضرب الناس، يعني
علاوة ضرب، و لو ما فقر لما اضطر المرء
لهذه المهنة الإنسان رخيصة
حتى في حروب الامريكان تلقى الجنود
من افقر أحياء امريكا، و فيهم ناس الـ
Green card.
يعني فقراء أمريكا يحاربون فقراء
العراق أو افغانستان، و نخبة العراق
و امريكا تزداد ثراءا، تخيل في وزير
في العراق مختلس مليار دولار
ناسنا في السودان سواء في الامن أو في الشارع
لو ما انتبهوا للمسألة دي حيضيعوا زمن طويل
في الفارغة، فالهدف واضح و هو قيادات الكيزان
و أهلهم ممن اثروا ثراءا حراما، و اي واحد فينا
ممكن يعدد عشرين شخص، يعني نافع و الجاز و علي
عثمان، و البشير و اخوانه، المتعافي و الخضر، قوش،
محمد عطا، محمد ابراهيم الطاهر، مصطفى عثمان،
المعتصم بتاع وزارة التربية، وداد و زمرتها، كرتي
و عوائله، علي محمود و بيوته، كمال عبد اللطيف
يعني اللي فوق ديل لو استهدفتهم و بيوتهم بالطوب بس
يقيني بعد اسبوعين تلقاهم في اكبر طاولة مفاوضات في
الخرطوم يقدموا في التنازلات، دي فطرة انسانية
الحرامي لمن يغني بكون عاوز يخلي قروشوا لاولاده
و إذا اولاده بقوا و بيوته بقوا مهددين لازم يتنازل
يعني مسألة التركيز على عشرين بيت في الخرطوم دي
اسهل ما يكون بدل ما تكون في مطاردات مع ناس الأمن
في الثورة الـحارة 75 أو في امبدات، الجماعة ديل لو فضلت
ليهم الخرطوم القديمة و كافوري من السودان كلو طبعا ما بفرق معاهم
و الله يجبر كسر الناس الفقدوا أولادهم و الدنيا قبايل عيد
|
|
  
|
|
|
|
|
| |
فيس بوك
تويتر
انستقرام
يوتيوب
بنتيريست