|
Re: ايها المواطنين العظام - من اصدق المقولات (Re: محمد هاشم ابوزيد)
|
Quote: لاتركن الي السهر والمخدرات |
تحية طيبة
بصراحة لم افهم المقتبس اعلاه ولنفترض حسن الظن بالشباب
الشباب اليوم والذين صورهم النظام كانهم غير مبالين بالواقع هم الاساس لكل اسرة في السودان والالتزامات الحياتية جعلتهم يصلون مرحلة الكهولة متجاوزين عمرهم الحقيقي فشغلتهم الحياة ومتطلبات المعيشة الاساسية حتى عن انفسهم الغلاء الطاحن البطالة الكبت كلها يتحملونها بصبر وجلد يسيرون راجلين طيلة النهار يكدون بجد واجتهاد من اجل توفير لقمة العيش لاسرهم
البنقو ما بشربوا الا زول (مرطب) المدورة تقريبا وصلت ال 7 جنيه والمصدر خاص قزازة العرقي عشرة جنيه
يعني عشان تسطل وتسكر داير ليك عشرة جنيه اضافة لمعينات السكرة بتصل معاك حوالي عشرين جنيه في حين انو ربحك بكون خمسة عشر جنيه وحتى الخمسة عشر جنيه بتروح في المواصلات وكيس (رغيف )
السهر ده اجباري لانو بتكون (مشحوط) من 9 مساء راجي بتاع هايس يوصلك بتخش البيت قريب 11 بتصل (مبتب ) وبتقع السرير جري
ورغم ذلك عليهم دور كبير ومطالبين بالمساهمة في اسقاط نظام لا يجامل في قتلهم ورغم الاتفاقيات والمفاوضات التي باعتهم مرات عدة ومازلوا يباعون بفضل الساسة يعملون من اجل هدفهم حتى يعيشوا بكرامة وعزة
الشباب في بلد يقتل في اليوم مائة مرة مذمة البطالة الصبر على الجوع (النقة الكتيرة) في البيت في الشارع امرق سافر والحصيلة مئات الالاف هاجروا ليعملوا في الخليج وليبيا في مهن لا تلبي طموحاتهم ولكنها افضل من مرمطة السودان والذين جلسوا هناك قسراً يواجهون الصعاب في كل ساعة وفي كل دقيقة ....
الاصلاح الذي ننشده حانت مواعيده جميعنا علينا انجازه من يسكر ومن يسطل والورع والملتزم كلنا نتحمل مسؤولية انجازه
وهنا تتمايز الصفوف
حكمة اليوم
مسطول مصادم خير من تقي مهادن
تحياتي
|
|
|
|
|
|
|
|
|