|
Re: كلامات هنا وهناك .. حول مفاهيم أساسية جدا (Re: محمد حيدر المشرف)
|
منعم سلامات ..
Quote: دا حزب صغير قدر السودان دا .. الكلام دا قبل الانفصال!!....
|
الخاين نقد قال الكلام ده ؟! رحم الله ذلك الرجل السوداني الجميل والمناضل الصلد محمد ابراهيم نقد ..
الآن تتحرك في الفضاء السوداني العديد من الأحزاب الصغيرة .. الصغيرة قدر السودان ده يا منعم !! واقول ليك كلام .. وعلى مستوى الافراد .. يتحرك في الفضاء الوطني افراد صُغار جدا .. صغار قدر السودان الاكبر من خيالاتنا ديييك ! بهرام, ذلك الصحفي السوداني الذي هز عرش الطواغيت في دارهم .. و شهادة سمر الوديعة.. وقبلهم كان البوشي وكلماته الأجمل على الاطلاق طوال ربع قرن من التيه الوطني .. ومن جوه جاااامعة الخرطوم : يا نافع .. انت أسوأ من مشى على وجه هذه الأرض !! كان ذلك انتفاضة لوحدها يا منعم .. وتأتـي المسادير والاغاني والاشعار والنكت والروايات والقصص والونسة الشعبية الدقااااقه عند قارعة الدروب وفي بيوت البكا وجوه البيوت المقهورة بالضنك اليوماتي ..
ثم ويأتيك من يتحدث عن الثورة المجهضة .. الناس دي ما بتعرف يعني شنو كتابة التأريخ ؟!!
حميد الله يرحمو ما كان زول بعرف يلتق الكلام ساي .. حميد كان بكتب التأريخ بالقصيدة .. محجوب ومصطفي والدوش و وردي و على عبدالقيوم وناس كتاااار زيهم كانوا بحفظوا للشعب ده هوية أجمل واكثر أنسنة و .. موزونه
ابراهيم الشيخ لم يهبط من فراغ في نهاية الامر .. ولا ابو فواز يا عزيزي .. ولا امجد فريد ولا عشاري ناهيك عمن حمل سلاحه !!!
الفيس بوك وسودانيزانونلاين والراكوبة وغيرها كانوا و حيكونو التعبير الامثل للشعب السوداني والهوية الممكنة جدا .. من فضيلي جماع لييي اصغر زول فينا .. للكيزان المعانا وخجلانين من انتمائهم القبيح !
بائعة الكسرى وست الشاى واطفال الاورنيش في السوق الافرنجي وكل الذين لا يملكون وسيلة التعبير السياسي .. لا يعد سكوتهم خصما على الثورة السودانية وده ذاتو ابلغ رد ممكن للذين يتجاوزون مؤسسات سودانية ظلت في منتهى الرسوخ تعبيرا عن مصالح الشعب السوداني في مشهد لا يحتمل أدنى مصالح شخصية .. واهو نقد والتجاني ماتوا على دين هذا الشعب وكفافه .. ليه ؟!!
هذا المشهد العظيم يتجاوز الحديث عن اجهاض ثورة كما يرددون في جهل شديد .. وهذا المشهد العظيم يتجاوز الحديث عن أي محاولة للتقليل من شأن الفداء الثوري في خرطوم المؤتمر الوطني ..
خرطوم المؤتمر الوطني ؟!! هذا مشهد آخر للحديث عن الهامش السوداني والسلاح !!
شكرا يا عزيزي .. وأفهم تماما ما كنت تشير اليه ولا أماريك فيه مطلقا وانما أمارس التداعي والتفكير في دقائق الذي تشير اليه .. والاشارات ملهمة جدا و سوية وشديدة الاتساق .. واهو كلامات !!
|
|
|
|
|
|
|
العنوان |
الكاتب |
Date |
كلامات هنا وهناك .. حول مفاهيم أساسية جدا | محمد حيدر المشرف | 10-08-13, 07:26 PM |
Re: كلامات هنا وهناك .. حول مفاهيم أساسية جدا | محمد حيدر المشرف | 10-08-13, 07:34 PM |
Re: كلامات هنا وهناك .. حول مفاهيم أساسية جدا | طارق جبريل | 10-08-13, 07:36 PM |
Re: كلامات هنا وهناك .. حول مفاهيم أساسية جدا | محمد حيدر المشرف | 10-08-13, 07:44 PM |
Re: كلامات هنا وهناك .. حول مفاهيم أساسية جدا | محمد حيدر المشرف | 10-08-13, 07:47 PM |
Re: كلامات هنا وهناك .. حول مفاهيم أساسية جدا | طه جعفر | 10-08-13, 09:51 PM |
Re: كلامات هنا وهناك .. حول مفاهيم أساسية جدا | عبدالمنعم الطيب حسن | 10-08-13, 10:22 PM |
Re: كلامات هنا وهناك .. حول مفاهيم أساسية جدا | كمال عباس | 10-09-13, 01:33 AM |
Re: كلامات هنا وهناك .. حول مفاهيم أساسية جدا | كمال عباس | 10-09-13, 02:50 AM |
Re: كلامات هنا وهناك .. حول مفاهيم أساسية جدا | عبدالمنعم الطيب حسن | 10-09-13, 05:31 AM |
Re: كلامات هنا وهناك .. حول مفاهيم أساسية جدا | كمال عباس | 10-09-13, 11:53 AM |
Re: كلامات هنا وهناك .. حول مفاهيم أساسية جدا | محمد حيدر المشرف | 10-09-13, 06:26 PM |
Re: كلامات هنا وهناك .. حول مفاهيم أساسية جدا | محمد حيدر المشرف | 10-09-13, 07:20 PM |
Re: كلامات هنا وهناك .. حول مفاهيم أساسية جدا | محمد حيدر المشرف | 10-09-13, 07:42 PM |
Re: كلامات هنا وهناك .. حول مفاهيم أساسية جدا | محمد حيدر المشرف | 10-09-13, 07:56 PM |
Re: كلامات هنا وهناك .. حول مفاهيم أساسية جدا | محمد حيدر المشرف | 10-12-13, 09:29 AM |
|
|
|