الشعب بين حكومة القتلة وبنات آوى

Quote: كلام صحيح اما يمشي النظام بصناديق الاقتراع عبر اصلاحا دستورية جذرية في المحكمة الدستورية العليا والمفوضية العليا للانتخابات والقرار 2046 وبمبادرة نافع/عقار او تنهار الدولة السودانية في فراغ عدمي بعدين لو في اي واحد ما عاجبه الكلام ده وعايز يعمل لينا مناحات ووصاية على الناس في البورد يجاوب السؤال هل انتو قريتو اتفاقية نيفاشا ودستورها الانتقالي؟ بعدين لي الناس فرت من انتخابات 2010..هل لانها ما نافعة ولى لانهم ادوهم قروش؟؟ الم لانهم لا يؤمنون بنيفاشا لانه افكار جنوبيين ذى اديس ابابا 1972 طيب جرائم ضد الانسانية وهي قتل المواطنين وصناعة الملشيات..هل امر خاص بالمؤتمر الوطني ام هناك احزاب اخرى لها نفس المخازي وهل موت 200 شخص في الخرطوم والله يرحمهم فعلا يعادل موت 2 مليون شخص في الهامش وحرقهم في عربات القطار اوضربهم بالانتوف في جبال النوبة ودارفور منوالبجيب لينا انتفاضة..المؤتمر الشعبي ام حزب الامة ام الشيوعيين؟!! انا جيت البوست ده عشان ابشر بي الديموقراطية