|
جلدك..وضفرك
|
بيتك فوق فى تلك التلة نومك ما عاد نوم فى ديك الحلة نومك قلا كلما تنوم تحلم بى (كلا) تحلم وانت هناك فى قيف العادى تصحى وتسمع فى كل بكان بلادى فى الحلة فى المدرسة فى الجامع فى الرادى بلادى وما فاهم ليش ندهوك منامك جاك من تالا الوجعة المدهون بى لونك شمسك ما طلعت برا الله يكون فى عونك مكتوب فى ضهرك ممدود فى لوح مكتوب فى عيونك ما حك جلدك مثل ظفرك وات مذعور ماسكينك من ايدك وجعك امك مرتك بنتك وجلدك شايلك وشايل دمك وهمك ما فيهم بابك جلدك ما بيعرف ضلك كلك ما كلك الحلم الكان مدخور لى من حنك مرعوب من قولة اهلك تهلك غتوك بى لونا ما لونك خلوك ال بدلك كت فاكر الناس ضهرك آخرك ما ترضع قهرك ما تضحك فى وش الشال من جلدك ويبس ضفرك جلدك وضفرك بابين ما فيهم بابك بابك فاتح فى نبض الشارع يا مشدوه بين قلبك وبطنك حلمك اكبر من جلدك جر جرجر فينى معاك يا تقفل فمى ويا تكتل امى وما بسكت جلدك ما جلدى وضفرى هناك ما ضفرك انت ال تقفل فمك أنعل ام_______ ات من وين جابوك ما بتشبهنا ولا لاقيت فى يوم شبهك جيت من وين واقف فى البيبان شايل البنبان واقف بين جلدى وضفرى غناك مبحوح ايدك مليان يا سجمان واقف بين جلدى وظفرى براك ارجا الراجيك يوم الشمس التمرق برا غناى ينشرا مناى ينفرا انا ما طالع راجع انت التطلع برا
|
|
|
|
|
|
|
العنوان |
الكاتب |
Date |
جلدك..وضفرك | محمد عبد الله حرسم | 11-03-13, 09:52 AM |
Re: جلدك..وضفرك | محمد عبد الله حرسم | 11-05-13, 04:41 PM |
Re: جلدك..وضفرك | عبدالحفيظ ابوسن | 11-05-13, 05:33 PM |
Re: جلدك..وضفرك | محمد عبد الله حرسم | 11-06-13, 04:35 PM |
Re: جلدك..وضفرك | علي دفع الله | 11-06-13, 05:04 PM |
Re: جلدك..وضفرك | محمد حمزة الحسين | 11-06-13, 07:29 PM |
Re: جلدك..وضفرك | محمد عبد الله حرسم | 11-09-13, 07:00 PM |
Re: جلدك..وضفرك | محمد عبد الله حرسم | 11-12-13, 04:34 PM |
Re: جلدك..وضفرك | محمد عبد الله حرسم | 11-07-13, 10:14 AM |
Re: جلدك..وضفرك | محمد عبد الله حرسم | 11-18-13, 09:28 AM |
Re: جلدك..وضفرك | سليمان القرشي | 11-18-13, 10:16 AM |
Re: جلدك..وضفرك | محمد عبد الله حرسم | 11-23-13, 05:57 PM |
Re: جلدك..وضفرك | عبيد الطيب | 11-24-13, 10:34 AM |
Re: جلدك..وضفرك | محمد عبد الله حرسم | 11-26-13, 04:28 PM |
|
|
|