|
التقسيمة الجديدة
|
الواحد انشغل بالعيد وفرحة الاطفال وحجاج بيت الله وغاب من المنبر دا فترة بسيطة وما تابع الحاصل .. امس جيت داخل المنبر قلت الواحد يعمل ليهو مراجعة سريعة يقرأ بيها خريطة الموقع .. حقيقي اتفاجأت باللقيتو .. ما عارف كان بكري شك العضوية ووزعها من جديد ولا جا اعصار ماري بالمنبر ولا الحاصل شنو ؟ المهم لقيت التقسيمة الاتعودنا عليها من سنة الفين واتنين ولحدي قريبات دي بقت ما شغالة .. ولقيت انه الحكاية اتقسمت من جديد ..ياخ الحكاية دي ولا في الخيال زاتو الواحد ما فكر فيها اتفاجأ ليك بغزل رفيع بين محمد سليمان وحسين ملاسي ..اي والله حسين ملاسي الواحد دا ومحمد سليمان بتاع الحركات المسلحة وفي ذات الوقت محمد سليمان نفسه واقع مع كمال بشاشا بتاع عزيزه القاري خربشة الف شي بالاضافر وشي شلاليت وشي بونية جنباوية خليك من دا ...تراجي هار سيلف برضو معط شديد مع رسول الهامش اللهو محمد سليمان نفسه ..وتراجي برضو في معركة طويلة الامد مؤجلة من ربع لي ربع مع خالد كودي فنان الهوامش وتراجي ما وقفت علي كدا لقيتها في مكان اخر طابة ليك محمد المشرف كربون لكن هو ما وقف زاتو وقع ليك فيها بلنجة عادي ضاربا عرض الحائط بمثل وقيم يبشر بها بتاعت العنف مع المراة وما تعرف حقوقها ...وبي هناك هباني بفلق في محمد سليمان واظن بشاشا زاتو بنظام الجوز ما خسار ..ودينق واقف ليهو فوق كوم تراب وشغال يكتح فيهم كلهم المعاهو والما معاهو ولما الحكاية تصن شوية بشيل تراب يكندك روحه براهو ويكبو في راسه طيب يا اخونا اسع انحنا نموت بالغبينة يعني ولا نتحاور ليكم مع منو ؟ ولا زول فيكم فاضي يداوسنا تاني ..يعني دايرننا نتشاكل ليكم مع طارق جبريل ولا حبيب نورة ؟
|
|
|
|
|
|
|
العنوان |
الكاتب |
Date |
التقسيمة الجديدة | اساسي | 10-23-13, 06:09 AM |
Re: التقسيمة الجديدة | مازن فيصل هلال | 10-23-13, 06:55 AM |
Re: التقسيمة الجديدة | بدرالدين الطائف | 10-23-13, 06:58 AM |
Re: التقسيمة الجديدة | Deng | 10-23-13, 07:03 AM |
Re: التقسيمة الجديدة | عمر الفاروق | 10-23-13, 08:07 AM |
Re: التقسيمة الجديدة | حمد عبد الغفار عمر | 10-23-13, 08:22 AM |
Re: التقسيمة الجديدة | Kabar | 10-23-13, 08:59 AM |
Re: التقسيمة الجديدة | عصام دهب | 10-23-13, 09:47 AM |
Re: التقسيمة الجديدة | محمد هاشم ابوزيد | 10-23-13, 12:35 PM |
Re: التقسيمة الجديدة | Osman Musa | 10-23-13, 04:20 PM |
Re: التقسيمة الجديدة | tabaldy | 10-23-13, 07:37 PM |
Re: التقسيمة الجديدة | ناذر محمد الخليفة | 10-23-13, 08:16 PM |
Re: التقسيمة الجديدة | Artiga Gilani | 10-24-13, 01:07 PM |
Re: التقسيمة الجديدة | A.Razek Althalib | 10-24-13, 04:07 PM |
|
|
|