|
كلمات يدمى لها القلب.. الشهداء ماذا كتبوا وماذا كتب أصدقاؤهم وذويهم
|
معظم الشهداء لهم حسابات على الفيسبوك.. اختطف أصدقاؤهم بعض مما خطته أقلامهم قبل الرحيل.. وكتب اصدقاؤهم بعض الخواطر وكذلك ذويهم.. وهذه ملامح من ذلك الحزن النبيل على شباب زى الورد.. _________________________________ سامى حيدر صديق الشهيد مصعب مصطفى.. كتب مخاطباً صديقه وكأنه لم يعد يصدق بعد أنه قد رحل، فقال: هذا ماكتبه حسام حيدر : __________ Quote: مصعب ..نهارك سعيد ..كيفك ياغالي أنت مشكلتك شنو ؟؟؟ أنا أوريك مشكلتك أنك جيت في زمن غلط .. بس أنا عايز أعرف أنت سويت شنو بالضبط ؟؟!! بس ساي كدة يعني جاك الرصاص ..؟! أنت ذاتك لايوق ياخ .. ماتقاطعني .. جنك تقاطع ...بضحكاتك دي .. ماتضحكني معاك .. طوالي لابس سفنجتك الواحدة دي ماتغيرها أبداً ياخ أحسن منك إيدي (عبدالهادي) البيلبس جزم كل واحدة لونها براه ....ههههههههههههههه .. تذكر يوم إيدي جاء لابس فردة خضراء ..وفردة صفراء وهو التوم بتاعه جو لابسين سوا ومبرمين شعرهم ..أنت صاحبهم ماعرفتهم ههههههههههههههههه .. مقلبوك لكن .. تذكر يوم حكيت لي نكتة أدروب وقعدت تضحك في أهلي ههههههههههههههههههههه ..... عارفك ساخر ...أنا ذاتي مستغرب الرصاص هد حيلك هنا كيف؟؟!! بعدين الليلة النهارية زي الساعة 12 كدة جيت جنب جوته مالقيتك المهم ح أمشي وأجي راجع ..الليلة يومك علي ح أعزمك جبنة ظاااااااابطة ..طبعاً ماحصل عزمتك ..لكن الليلة أنت معزوم ..أوع تقول لي ماشي وفي شباب راجيني حركات المثقفاتية والفنانين دي ههههههههههههههه بتغيظك مش يلا أتغاظ ...... وعلي فكرة كل يوم ح أتكلم معاك لو مابزعجك .. بزعجك مش ح أزعجك طيب.. __________ |
|
|
|
|
|
|
|
|
|