|
Re: عشان حق الشهداء والمعتقلين مايروح،،وقع العريضه (فيديو) (Re: عليش)
|
نص العريضه باللغه العربيه:
شهد شهر سبتمبر and#1634;and#1632;and#1633;and#1635; خروج أطياف مختلفة من الشعب السوداني الي الشارع في احتجاجات سلمية عقب قرار الحكومة السودانية الخاص برفع الدعم عن المحروقات، في وقت يعاني فيه الشعب من عسر حاد في توفير لقمة الحياة اليومية. جاء رد فعل الحكومة السودانية علي الاحتجاجات السلمية بإطلاق الرصاص الحي علي المحتجين العزّل من السلاح مما أدي الي مقتل ما يزيد عن and#1634;and#1632;and#1632; مواطن غالبيتهم من الشبان والشابات . الاصابات كانت في مجموعها إصابات مباشرة في الرأس و الصدر و العنق مما يوضح الرغبة الأكيدة في إزهاق أرواح المواطنين العزل. المسؤولين في الحكومة السودانية لم يبدو اي درجة من التعاطف او المسؤولية الانسانية و الأخلاقية تجاه هذه الجرائم . إضافة لما سبق تقوم الحكومة السودانية باعتقالات تعسفية في حق الناشطين السياسيين و المحتجين حيث يوجد حاليا في معتقلات أمن النظام ما لا يقل عن and#1640;and#1632;and#1632; معتقل يتعرضون للتعذيب المستمر و الإرهاب و لا يسمح لهم بمقابلة أسرهم أو محامييهم في انتهاك واضح لحقوقهم الانسانية و الدستورية. كما تمارس الحكومة السودانية تعتيما متعمدا وحجرا على حرية الصحافة بحسب إفادة الاستاذ فيصل محمد صالح، الحائز على جائزة بيتر ماكلر للشجاعة "وقد ازدادت الضغوط على الإعلام خلال التظاهرات الشعبية في شهر سبتمبر الماضي، حيث تم الزام أجهزة الإعلام السودانية، الحكومية والمستقلة، بعرض وجهة نظر الحكومة فقط" ونظرا لتاريخ الحكومة السودانية في انتهاكات حقوق الانسان ، وفي ظل هذا التعتيم على الاحداث، فأننا نخشى علي المئات من المعتقلين السياسيين من عمليات التعذيب و المعاملة الغير إنسانية في معتقلات أمن الحكومة السودانية حيث انه يُمنع عنهم مقابلة محامييهم و ليس بوسعهم الاتصال بأسرهم كما لم يتم الإفصاح عن مكان وظروف إعتقالهم او التهم الموجهة لهم. هذه العريضة تحتوي علي ثلاث مطالب أساسية: #الافراج الفوري عن كل المعتقلين السياسيين ووقف الاعتقال التعسفي #محاسبة كل من ساهم في عمليات قتل المتظاهرين و محاكمتهم. #وقف التعتيم الإعلامي و ضمان حرية الصحافة حرية التعبير. بذات الأهمية علي دول قطر ،الصين و إيران مراجعة الارتباطات السياسية و الاقتصادية مع الحكومة السودانية حيث أن استمرار التعاون يعني مساهمة هذه الدول المباشرة في انتهاكات حقوق الانسان التي تمارس علي الشعب السوداني. سيتم تسليم العريضة للمبعوث الامريكي الخاص للسودان السيد/ دونالد بوث ، السكرتير العام للأمم المتحدة/ بان كي مون،المندوب العام للاتحاد الاوروبي السيد/ بارونس كاثرين اشتون ، رئيس الاتحاد الأفريقي السيدة/ د. ديلاميني زوما ، رئيس جامعة الدول العربية السيد/ نبيل العربي بالاضافة الي منظمة العفو الدولية و منظمة حقوق الانسان. للمساهمة في جذب الاهتمام المطلوب لهذه العريضة و تضامنا مع أسر المعتقلين و الشهداء ستقوم مجموعة من الناشطين في الولايات المتحدة الامريكية بالاعتصام أمام البيت الابيض ابتداءا من and#1634;and#1633;/ اكتوبر و حتي and#1634;and#1637; / أكتوبر ممتنعين عن الطعام وبرفقة معرض متحرك يوضح حجم الانتهاكات المرتكبة في حق الشعب السوداني.
| |
|
|
|
|
|
|
Re: عشان حق الشهداء والمعتقلين مايروح،،وقع العريضه (فيديو) (Re: أسامة العوض)
|
الاخ اسامه بعد التحيه والاحترام، المشاركه من كل النواحي بتساهم في التغيير اذا كانت العريضه الاولي او العريضه التانيه دي،،بس لو ركزت شويه في الاخيره،،اي العريضه النزلتها هنا،،المطالبه في العريضه مختلفه من العريضه الاولي والتي عدد الموقعين فات الand#1640;and#1632;and#1632;and#1632; الي الان،،بعدين في العريضه الاولي تجد انو مافي استحداث لعدد المعتقلين اي ماف تجديد،،في عدم تواصل او في نقص حقيقي في المعلومات البتخص الاعداد،،،كمان بتتكلم عن المظاهرات وحاليا ملفي مظاهرات،،نحن هنا في العريضه دي قد نكون استفدنا من اخطاء العريضه الاولي،،ومطالبها مختلفه،،اولها الافراج عن المعتقلين فورا،،وحريه الصحافه ومحاسبه المجرمين المتسببين في قتل الابرياء محاسبه قانونيه،،،، كدا اخد من وكتك شويه واعمل مقارنه بين العرايض دي او العريضتين (لغويا)،،، الاهم من كدا انو لا اري انو في مشكله في تقديم الف عريضه مختلفه المطالب ودي في راي بتوصل صوتنا الغايب من الخارطه السياسيه ،،نحن صوتنا ياخوي مامسمووووع،،عايزين نوصلو كان بالعريضه او بغيرو من الوسايل ...ماف تشتيت للمجهود بالعكس،،كلما تكتر العرايض،،كلما انتبهت المنظمات الدوليه بحجم المشكله،،،، اتمني اكون اوضحت ولو قليلا... يابكري ابوبكر ياخ ماترفع لينا البوست ده فوق شويه،،خلي الناس يوقعوا ...ولاشنو؟ محبتي
| |
|
|
|
|
|
|
Re: عشان حق الشهداء والمعتقلين مايروح،،وقع العريضه (فيديو) (Re: عليش)
|
فكرة الاضراب حققت هدف له (ما بعده) خلق فعل جمعي. انضمام اسر المعتقلين اداها مصداقية ووجه انساني، انضمام المدونين، الناشطين سودانين وغير السودانين، الامهات، الآباء، الاصحاب المتضمنين .. مشاركتهم اسهمت في نشر الانتهاكات الحاصلة في السودان واكدت انو حقوق الانسان هم بيتعدى الحدود والجغرافيا والعرق واللون والدين والقرابة. الجامع المشترك الانسانية ومشروعية المطالب. مجموع المضربين امس تجاوز الستين من كل الفائات المذكورة دي. كون انو زول يمنع نفسو من الاكل تضامنا مع آلام زول تاني ما فكرة حالمة، دي بترمي اساس شبكة الثقة في الفعل الجمعي وبتدي الزول شعور بالمسؤولية تجاه البيحصل ليهو بالتالي بيتحمل مسؤولية تغيرو .. من العرفتو الليلة انو في زول عندو فشل كلوي واضرب عن الطعام اربع ساعات، انضمت ام واحد مضرب عن الطعام واضربت معاه باقي اليوم. لو كل زول كلم زول تاني انو مضرب وعلشان ليه، بيكون حقق الهدف المرجو من الاضراب. الشافعي وهيثم طوال يوم امس اتكلمو مع اي زول مر بالبيت الابيض، حكو القصص والانتهاكات من شرق السودان لغربه ومن جنوبه لشماله، شالو صور الجرحى والمعتقلين والشهداء في اكتفاهم في معرض متحرك، كانو شهود، بالحكي والصور. لو في زول واحد بس عرف شيء عن السودان كان ما عارفه كفاية ... لو زول واحد بس رسخت في باله صور التعذيب والانتهاكات ونظرة عيون الشهداء، كفاية. الشاهد، علشان تنول حقك، اعرفو اول انو حقك، اؤمن بأنو حقك ... وتاكد انو طول ما بتطالب بيهو، ما حيضيع .. #اضراب-للسودان #Strike4Sudan
| |
|
|
|
|
|
|
|