|
|
 عييييك مرقتها في وادي صالح
|
فتشت شمال يمين
شرق غرب
ما لقت ايييي خبر مظاهرات
اتلفتت فوق تحت
مافي شي
التعليمات لازم خبر مظاهرات
اها نسوي شنو؟
وطبعا كانت تأمل في يوم الجمعة
قامت مرقتها في وادي صالح
وادي صالح !!
وجابت معاها صور من مظاهرات امدرمان حقت سبتمبر
------------------------------------
وعشان هي طلقة واحدة
ح اكتب الرد التحت على المتداخلين البجو ناطين جوز
انا الشفيع وراق ادين قتل المتظاهرين السلميين
ادين االعنف االمفرط تجاه االمتظاهرين السلميين
الشرطة وقوات الامن السودانية لم تقتل اي متظاهر سلمي
وربما سقط البعض نتيجة العنف واالتخريب ومهاجمة مراكز الشرطة
وهو ايضا مدان من قبلنا اشد الادانة
قتل اي نفس لا يجوز ابدا
الجبهة المتمردة ساهمت بصورة كبيرة في القتل والتخريب والدمار
|
|
 
|
|
|
|
|
|
|
|
Re: عييييك مرقتها في وادي صالح (Re: الشفيع وراق عبد الرحمن)
|
الشفيع الله بسألك من الشهادة على الأقل قول ما عارف أو ما متأكد من وين حسمت بشكل قاطع أن قوات الأمن و الشرطة لم تقتل اي متظاهر سلمي
أنت لم تكن حاضر أو موجود لحظة قتل اي شهيد لكن غيرك نقل شهادات شهود عيان كانوا حاضرين و شكل الإصابات في الراس و العنق واضح أنها قنص بغرض القتل و جثمان علم الدين الملقى في الخور و الذي اغتيل بعد نهاية المظاهرات وغيرها وغيرها من الشواهد كلّها توحي بما حدث فالأفضل أن تكتفي بإدانة القتل و طعّمها بإدانة التخريب كمان عشان تسكت ضميرك لكن لا تصدر شهادات براءة زور و تحمل وزرها بدون سبب
| |
|
|
|
|
|
|
|
|
Re: عييييك مرقتها في وادي صالح (Re: ناصر المحسى)
|
يالشفيع،ما السودان ياهو السودان،،وصالح من يهتم بوجع وادي صالح..
الشفيع،ليه بتوري عينك الماشافتو،وتنكر علي الناس ماراوه من صدق،وانت يا دفعتي لم تري.خبروني .....
من تري من قتل اولادنا
من تراه ذلك الوحش الذي
فجر الرصاص فيهم
وروي الطرقات بالدم المقدس
عطر الوطن بفوح الدم والبارود
قطع الاكباد للامات
يبس الدمع في مقل الاباء
حول الافق جثامين
جثامين
دماء وبكاء
انه الوطن الحزين
يلبس الاسود شارات
ويتنفس مواويلا
واولادا تغني رغم كل الحزن
والدم
والبارود
تغني له للفجر
لصحو وضياء
خبروني ايها الحكام
الستمو حكامنا
من تري قد قتل الاولاد في الطرقات
اسقطوا سهوا...
فاجاتهم سكتة قلبية من هول ما عاشوا
فقرروا الموت الجماعي
ام اصدر السلطان مرسوما بشرعنة الموت
ايها الحكام عفوا
لم تعودوا اابدا حكامنا
انما قتلة
سيخرجكم نشيد الشعب
من احلامنا
وسيري القاتل
كيف تنتصر الحياة
| |
|
|
|
|
|
|
|
|
 Re: عييييك مرقتها في وادي صالح (Re: عبدالعزيز عثمان)
|
Quote:
الشفيع الله بسألك من الشهادة على الأقل قول ما عارف أو ما متأكد من وين حسمت بشكل قاطع أن قوات الأمن و الشرطة لم تقتل اي متظاهر سلمي
أنت لم تكن حاضر أو موجود لحظة قتل اي شهيد لكن غيرك نقل شهادات شهود عيان كانوا حاضرين و شكل الإصابات في الراس و العنق واضح أنها قنص بغرض القتل و جثمان علم الدين الملقى في الخور و الذي اغتيل بعد نهاية المظاهرات وغيرها وغيرها من الشواهد كلّها توحي بما حدث فالأفضل أن تكتفي بإدانة القتل و طعّمها بإدانة التخريب كمان عشان تسكت ضميرك لكن لا تصدر شهادات براءة زور و تحمل وزرها بدون سبب |
محمد البشرى يا حبيب،
أسأل الله أن يجعل إجتهادك في ميزان حسناتك، وينعم عليك بالصبر
الجميل ويلزمك إياه ويجعلك من الصابرين دوماً علي صروف الدهر
والإبتلاءت. أسأل الله سبحانه وتعالى أن يجعل السِنر متواجد في بقالآت
حيّكم وفي الدكاكين القريبة من بيتكم حتي يعينك علي فك اللزاجة،
وإماطة اللياقة.
نصيحتي ليك أخي ود البُشرى، أقصِر، فوالله الذي لآ إله غيره بعد
أن تدور في هذه الحلقة عِدة دورآت سيكون حالك حال المُنبت
لا أرضاً قطع، ولا ظهراً أبقى.
أقول قولي هذا واستغفر الله لي ولك وللجميع.
أهو فرصة الوآحد يبارك ليك العيد. أصلي متلوم معاك
ويفترض إتصل عليك وانشد من خبرك.
العيد يتبارك عليك وعلي وِليدآتك،
ولك مني السلآم...
| |
|
|
|
|
|
|
|
|
|
Re: عييييك مرقتها في وادي صالح (Re: معاوية المدير)
|
Quote: ود البشرى سلام يغشاك
برضك لقيت ليك فرقة دخلت :)
وسؤال ليك جاوبه بصراحة:
ما هي مصلحة الحكومة بقتل متظاهر سلمي لم يسبب خطورة على الامن؟
اي طفل صغير بيعرف انو المعارضة بتبحث عن شهداء
ومعروف انو قتل المتظاهرين بزيد الطين بلة
وايه البيمنع انو تكون هناك عناصر من الجبهة المتمردة وانها من قام بالاغتيالات |
وعليكم السلام يا شفيع
اتجاوز عن إشارة الفرقة و الدخلة وأتمنى ألاّ تكون قصدت ما فهمته فأي دخلة وأي فرقة يا خوي على دماء الناس التي حرّم الله قتلها إلاّ بالحق و التي زوال الكعبة أهون عنده من ازهاقها ظلما, و المسالة تجاوزت السياسة و الإنتماءات و أضحت إنسانية وصدق مع النفس في المقام الأول
بالنسبة لسؤالك مصلحة الحكومة في الإرهاب و تخويف الناس و رسالة للآباء و الأمهات أن أمسكوا أولادكم فمن يخرج للشارع ليس لدينا له سوى الرصاص
و بالنسبة لناسك يا الشفيع ما في حاجة اسمها متظاهر سلمي لا يشكل خطورة على الأمن لأنو مفهومهم للامن ليس كباقي دول العالم المحترمة الأمن يعني أمن الدولة و ممتلكاتها و المواطنين فالأمن عندهم هو امن النظام و الإستقرار يعني استمراره في السلطة, فالمتظاهر الذي يهتف بإسقاط النظام مسلحا بحنجرته و صدره العاري عندهم أخطر من ذلك الذي يحمل بندقية ولا تشفع لديهم سلميته فقتله حلال طالما يشكل خطورة على النظام.
وبالنسبة للمعارضة وكواسة الشهيد فأنت قبل غيرك تعلم ان خروج الناس في سبتمبر لا علاقة له بمعارضة أو غيرها بل و المعارضة تفاجات مثل الحكومة واحد بما حدث, فلا تلصق جرائم الحكومة بغيرها
يا الشفيع المسالة اكبر من مماحكات منابر و اسافير هناك دماء سالت و امهات ثكلن و آباء تقتل الحسرة قلويهم كل يوم فلا تزيدها عليهم بالدفاع عن القتلة وتمييع الجريمية بمثل هذه الأسئلة و الشهادات الزور
اهلا ود المدير وكل عام وانتم بخير
| |
|
|
|
|
|
|
|
|
|
Re: عييييك مرقتها في وادي صالح (Re: محمد البشرى الخضر)
|
كل سنة وانت طيب يا الشفيع والقابلة نجتمع في سودان معافى خالي من الظلم والقتل الجماعي المجاني والفساد
العربية هي أن تخاف أكثر
وجود مظاهرات في وادي صالح انت تراه غير مهدد
ولكن بالعكس هي أخطر من مظاهرات الخرطوم لأنها بتثبت إنو جذوة الثورة قاعدة ما خمدت وإنو قاعدة الناس البدأوا يعرفوا حقوقهم في اتساع
وإنو البسطاء الذين يسهل خمهم ما عادوا أولئك البسطاء وإنو رماد السودان الخلفتو الإنقاذ يومض بنيران الغضب
| |
|
|
|
|
|
|
|
|
|
Re: عييييك مرقتها في وادي صالح (Re: حمد عبد الغفار عمر)
|
الشفيع .. سلام وكل سنه وانت طيب ..
طيب الشفيع بنفس منطقك الامن السودانى لم يطلق اى طلقه ضد الشعب العساكر القدامك ديل جبهه ثوريه برضو ؟؟
طريقة ضرب هؤلاء الثوار تفضى الى تعمد تسبيب الموت او الاذى الجسيم ومن يتعمد تسبيب الاذى الجسيم يمكن ان يقتل
وهى بنفس مفهوم الاخ الكريم ود البشرى ارسال رساله للشباب الماشين بجانب العربات وكنوع من انواع الارهاب
لهم لانهم ببساطه ح يحكو عن الموقف ال######## البائس الشافوهو ... طيب سؤال اخر عناصر الامن وميلشيا النظام
كانت تمتطى سيارات وبداخلها مدفع دوشكا .. هل المتظاهرين العزل يتم التسلح لهم بمدافع ؟؟؟ وهل عقوبة
التظاهر هى هذا التعذيب الشفناهو ده واذا افترضنا جدلا ان عقوبة التظاهر هو الجلد هل هم الجهه التى تحكم على هؤلاء
المتظاهرين وتنفذ الحكم بنفسها ؟؟ دى كلها تساؤلات مشروعه يا الشفيع .. ناس مقيده داخل العربه ما الذى يخشونه
منهم عشان ينهالوا عليهم بالضرب كده .. مافى قانون فى الدنيا يبيح انك تضرب بشر الا فى محاولة مقاومة موظف
عام اين المقاومه هناا ؟؟ وناس مربطه وملقيه على ظهورها ....
يا الشفيع كلام الحق ما بيتخاف منو فى الهجوم على هجليج لم اجبن ولم اتخازل وقلتا راى بكل شجاعه ولقيت
ما لقيت من اساءات وشتائم لكنها كلمة الحق بحق السودان واهل السودان رغم مقتى وكرهى للمؤتمر الوطنى
لم يثنينى كرهى للنظام عن الوقوف معه ضد من بغى واستباح ارضنا .. بنفس القدر يا الشفيع كن امينآ مع نفسك
وقول كلمة الحق .. انتا مالك عايز تبقى ملكى اكتر من الملك كل من ينتمى الى المؤتمر الوطنى ويملك
فى قلبه ذره من الانسانيه ادان اسلوب التعامل من قبل الشرطه والامن ... انتا ليه مصر على الاستفزاز ؟؟
| |
|
|
|
|
|
|
|
|
|
Re: عييييك مرقتها في وادي صالح (Re: حسين عوضاى)
|
| Quote: عييييك مرقتها في وادي صالح |
وانت يا الشفيع وادي صالح دي في أفريقيا الوسطي وما جزء من السودان؟
أم لأن القتل والسحل الممنهج والإغتصاب مكتوب فقط على ناس دارفور ولا يهم باقي السودان كما تعتقد ويعتقد نظامكم المجرم؟
قلنا ليكم مليون مرة إنها ثورة الهامش وما تتضايق بس (خلي المدارس والجامعات تفتح أبوابها) في الخرطوم!!!!
| |
|
|
|
|
|
|
|
|
|
Re: عييييك مرقتها في وادي صالح (Re: Imad Khalifa)
|
Quote: في لقاء جمع وزير الداخلية ووالي الخرطوم عبدالرحمن الخضر مع أعضاء من مجمع الفقه الإسلامي وجمعية الإمام مالك الفقهية، قال وزير الداخلية أن الشهداء الذين سقطوا في الأحداث الأخيرة لم تستهدفهم الشرطة!! بل أصيبوا عن طريق طرف ثالث هو جهاز الأمن الوطني.
وقال بالحرف الواحد: (نحنا ما أمرنا قواتنا بأستخدام الرصاص، ولكن قوات جهاز الأمن ومليشيات تابعه له هي التي استخدمت القوة، ويوم الأحداث نحنا تفاجأنا بقوات جديدة في الميدان). |
| |
|
|
|
|
|
|
|
|
|
Re: عييييك مرقتها في وادي صالح (Re: Dr. Ahmed Amin)
|
الشفيع سلام مجددآ
Quote: اما موضوع االدوشكا فواضح انو الجهات الامنية كانت تعلم ان هناك مندسين من الجبهة الثورية
وتخطط للاسوأ، وهو ما يؤكد كلامي
والا ما هو المنطق في مواجهة مظاهرات سلمية بالدوشكا
|
طيب يا باشمهندس مادام ان الامن يعلم ان هنالك عناصر مخربه بالبلاد ليه انتظر دخولهم فى الاحتجاجات وسط المحتجين
لماذا لم يتم اعتقالهم باعتباره عمل امنى استباقى تحفظآ وتحوطآ .. جانبك الصواب فى هذا المنطق الغير مقبول ..
Quote: ما الذي تتوقعه من رجل شرطة يحرس مركز تهاجمه مجموعة مسلحة باسلحة بيضاء او حتى نارية
كيف يتصرف؟
جاوبني وارد عليك
|
يا الشفيع اذا كان سقوط الشهداء حول مركز الشرطه او امام مركز الشرطه كان يكون دفعك مقبول
اين سقط الشهيد صلاح سنهوري واين سقط الشهيد هزاع وغيرهم وغيرهم وهل كانوا يحملون اى سلاح
كلنا شاهدنا لحظة سقوط الشهيد صلاح سنهوري واستجداء من كان معه من الثوار للعناصر الامنيه
بضروره اسعافه ورفضهم او عدم حضورهم رغم مشاهدتهم فى حد ذاته يؤكد فرضيه قتله من قبل عناصر
الامن و سوء القصد والا لماذا لم ياتوا لاسعافه وهذا فى حد ذاته مخالفه لتعاليم الاسلام الذى يتشدقون به عطفا على مخالفته
للقوانين الوضعيه والانسانيه والعرف والتقاليد والنخوه .....
واستنادآ على ما اقتبسه الدكتور احمد امين اعتراف صريح بماهية من قتل الشهداء وعن لسان وزير الداخليه الذى
اكد انه لا يعى ما هيه واجباته والا كان قد تقدم باستقالته او امر بالقبض على اولئك القتله فورآ ولكن بتصريحه
هذا اكد ان البلاد لا يوجد فيها من يحق الحق لا فى اجهزه عدليه او قضائيه او تنفيذيه
فا يا سيدى كل الدلائل والبراهين واضحه ان من قتل الشهداء هو النظام سواء امن بوليس ميلشيات
| |
|
|
|
|
|
|
|
|
|
Re: عييييك مرقتها في وادي صالح (Re: حسين عوضاى)
|
Quote: ببساطة لاني سبق وقلت ليك "عناصر مندسة"
يعني ما جو لابسين فنايل كاتبين فيها الجبهة الثورية
ولو قامت الجهات الامنية بحملة اعتقالات احترازية تسمع العيك والعاك
فالمسألة الامنية زي ما قلنا تتراوح بين الافراط والتفريط
|
هههههههه طيب ليه سموهو امن ومخابرات وين شغلهم ووين مصادرهم ووين معلوماتهم
ولا فالحين بس يتلبوا فى البيوت ويرهبوا المواطنين والنساء والاطفال .. تعليقك يلبسوا
تيشرتات ولا يعلقوا شارات ده برضو ما مقبول ..
الشفيع انا بتكلم معاك من ناحيه قانونيه ووقائع
Quote: علمت من مصدر ان بعض الشهداء سقطوا برصاص من مواطنين ايضاً كانوا في حالة دفاع عن النفس بسبب الاعتداءات التخريبية
والبعض كما ذكرت سقط غيلة باستهداف مباشر من مجرمي الجبهة الثورية |
حق الدفاع الشرعى او الدفاع عن النفس مش مطلق كده ساااي عشان اى واحد يقول انا قتلتا وكنتا بدافع عن نفسي
ومالى وعرضى فى سلطه عامه يتم اللجوء اليها ده واحد اتنين ما سمعنا ابدا انو فى اشخاص تصدوا للمحتجين
بل كانوا يهتفون والنساء كن يزغردن والكلام ده نقلوهو اخوه محامين وحتى وكلاء نيابه مما لا نشك فى اقوالهم
يا الشفيع اخوي والله ووالله الكلام ده موثق وموجود وشهود عيان بل من داخل جهاز الامن ااكدو على اطلاق
الرصاص الحى على المتظاهرين دون الافصاح على انه تم القتل ام لا .. وعندما يتم اطلاق الرصاص النتيجه
الحتميه هى الموت ... فياخى ما تكابر وتدافع عن القاتل وانت لم تكن حاضرآ ولم تشاهد ولا تعلم هذه ارواح
فاضت وامهات اتثكلن وزوجات ترملن اتقى الله اتقى اتقى الله بحق الدماء التى سالت ...
وانت تتعمد طمس الحقيقه بدافع الولاء .. فليكن ولاءك للحق والعدل يا سيدي ....
اللهم ارنا الحق حق وارزقنا اتباعه وارنا الباطل باطلا وارزقنا اجتنابه ....
والسلام عليكم ورحمه الله
| |
|
|
|
|
|
|
|
|
|
Re: عييييك مرقتها في وادي صالح (Re: حسين عوضاى)
|
الاخ الشفيع نكرانك للجرائم التي ارتكبتها اجهزة الامن ومليشيات النظام تحت مرأي الشهود يحير ويذكرني بشهود نادي العمال في الخرطوم زمان لو سمعت بيهم ، لكن ديل دي مهنتهم اي زول مزنوق في قضية ومحتاج شاهد وما عندو ضمير بمشى نادي العمال ويقاول ليهو ليه شاهدين ويلقنم الموضوع ليشهدوا له زورا ، لكن شهود الزور هؤلاء كانوا عندهم شوية قيم لانهم برفضوا الشهادة المتعلقة بجنايات كبيرة مثل القتل وخلافه ، لكن يؤسفني اشبهك بشهود الزور ديل ويمكن اعتذر ليهم لانهم لا يمكن ان يشهدوا بنكران مثل الاغتيالات التي شاهدها عدد غير قليل من السودانيين وبعضها وثق بالفيديو . يا اخ صقور الحكومة اختشوا شوية وترحموا على الشهداء وقالوا حيشكلو لجنة تحقيق ، بالطبع لا اعرف لك موقف لك في السابق بشهادة الزور لكن مواقفك منذ بدأ انتفاضة سبتمبر قد تضعك في مثل هذا التصنيف .
بعدين يا هندسة وادي صالح دي داخل الحدود السياسية والجغرافية للسودان وفقا للمقرر الجفرافيا في الابتدائي. لكن في احتمال يكون تم حذفها ضمن مقررات الاستاذ / حمدي وزير المالية الاسبق ومدير مقرر الجفرافيا حاليا .
بعدين يا هندسة تمعن الكلام القالو ليك ود البشرى انو موضوع اغتيال الشهداء اضحى موضوع اكبر من المماحكات في البورد ده و بقى حساس جدا لو تعلم ويمس وجدان عدد كبير من السودانيين فنصيحتي شوف ليك موضوع اخر غيره .
| |
|
|
|
|
|
|
|
|
|
Re: عييييك مرقتها في وادي صالح (Re: hafiz Issue)
|
| Quote: موضوع اغتيال الشهداء اضحى موضوع اكبر من المماحكات في البورد ده و بقى حساس جدا لو تعلم ويمس وجدان عدد كبير من السودانيين |
خليه يكتب ويكذب ويزور. ومنتظرينوا في اول اجازه مع اولاده عشان الحساب ولد.
| |
|
|
|
|
|
|
|
|
|
Re: عييييك مرقتها في وادي صالح (Re: عمر نملة)
|
مؤسف يا الشفيع إننا نكون بنتغالط في عدد الشهداء بعد أول يوم كم و في من قتلهم كأننا نتحدّث بدم بارد عن ضربة جزاء هل هي صحيحة أم لا Quote: ما حدث في اليوم الاول لم يكن باي حال تظاهرة سلمية
ولا يمكن يكون حدث جماهيري عفوي
ده كان شغل منظم ومخطط وتم الترتيب له |
ليه خروج الجماهير في تلاتة وعشرين كان غير عفوي, الاستفزاز الفي خطاب البشير يوم اتنين وعشرين و اصراره على تنفيذ القرارات و اليأس من أي حلول أخرى - حتى بعد رفع الدعم - يكفي وقودا ومحفزا لأي ثورة أو إحتجاج
وقصة عمل منظم و مدبر و تخريب و مندسين قتلوا الشباب هذه ليست إلاّ مسكنات ضمير تصر على ترديدها علّها تساعد في إخماد صوته
وتضيف عليها شوية جبهة متمردة و ابوكرشولا و هلم فزّاعات ما عادت تنطلي إلاّ على من رغب
سيبك من دا كلو و شوف اللقطات دي من ميدان في شمبات - حيث لا قسم شرطة او محطة بترول - وليست في اول ايام الثورة
هل اطلاق الرصاص بهذه الكثافة له تبرير!
| |
|
|
|
|
|
|
|
|
 Re: عييييك مرقتها في وادي صالح (Re: عمر نملة)
|
الشرطة وقوات الامن السودانية لم تقتل اي متظاهر سلمي
سلام يا الشفيع
الفوق دا كلامك. ولكنك لم تشاهد بعينك ، وإذا كان النظام ينفي أشياء أثبتتها الكاميرات، وتم بسببها اخذ هاتف سمر وضربها لأنها صورت حادث اطلاق نار على متظاهر في بحري الصافية، فهل يمكنك ان تقول:
من قتل المتظاهرين العزل في كجبار وبورتسودان؟؟
من الذي قتل الطلاب في العيلفون؟؟
الحكومة دي متعودة على القتل.
ياسر
| |
|
|
|
|
|
|
|
|
|
Re: عييييك مرقتها في وادي صالح (Re: Yasir Elsharif)
|
ول ابا الشفيع وراق..حبابك
كل سنة و انت طيب,,
يا اخوي كترت المحلبية..و الكلام ده عيب شديد يا الشفيع... البلد في مطب قاسي..
انت قلت:
Quote:
الشرطة وقوات الامن السودانية لم تقتل اي متظاهر سلمي
وربما سقط البعض نتيجة العنف واالتخريب ومهاجمة مراكز الشرطة
|
انت صادق في حكاية شرطة ولاية الخرطوم لم تقتل متظاهر سلمي..!!!
و البشير صادق لمن قال ما كان عارف مخطط اغتيال حسني مبارك في اديس ابابا..
و الجيش السوداني صادق لمن قال لم يتصدى لجيش العدل و المساواة لمن دخل العاصمة في 2008..
و البشير كان صادق لمن قال ما عندو علم باندلاع الحرب في جنوب كردفان..!!
طيب..الموضوع يا صديقي داير عقل و مش عاطفة..!!
البلبصة و اللخبطة الشغالين بيها الكيزان طيلة الخمس و عشرين سنة الفاتت ماها فايته على عقل زول.. باقي ليك بلبصة اليوم ممكن تفوت على عقل الناس؟!!
القتل و حرق العشرين طلمبة جاز تم من قبل مليشيات من النظام (غير الشرطة و الأمن)..و المليشيات دي كانت بتسد في منشآت حيوية..و تم استبدالها بكوادر من اثيوبيا و الصومال و تشاد ( ناس تشاد الف مقاتل تم استجلابهم بطائرات خاصة في مفاهمات مع ادريس ديبي)..!!!
عمر البشير ابان الأحداث مرقها في كنانة .. علي عثمان مرقها في حتة تانية (نحجم عن ذكرها الآن) ، على محمود و الحاج ادم مرقوها في حتة تانية (نحجم عن ذكرها الآن)..باقي ليك العالم دي لو ما عارفة انو ح تحدث لخبطة.. كان مرقت من الخرطوم؟..
الفكرة.. كلما تحدث جوطة الناس دي بتسيب الخرطوم..و الحقيقة التي تزعجهم كثيرا انهم معروف قاعدين يمشوا وين..!!!
بنفس المنطق يا الشفيع.. اذا ناس الحكومة عاملين فيها لسع اللخبطة ح تجيب حقها.. مافي مشكلة.. فقط ليفهموا أنو البلد مليان سلاح.. يعني السلاح ليس محصور فقط في الجبهة الثورية و الحكومة و قواتها و مليشياتها.. السلاح برضك موجود عند ناس تانيين و ح يتدخلوا في الوكت المناسب..وقتها لا ينفع الندم و التعضر.. (مش البشير قال الخرطوم حارسنها رجال؟.. مافي رجال ارجل من رجال)..!!
خطاب الدغمسة غير مجدي في هذه اللحظة بالذات.. و النظام لو داير يتفاهم مع شعوب السودان احسن يكون واضح مع نفسو و يتفاهم مع جماهيرو.. لأ كما ن لسع عاملين فيها حريفين و دايرين ينططوا على عدة حبال في نفس اللحظة.. على بالحلال ريحتهم تبقى طير طير..!!!
و صدقني الناس بتعرف راس الحية وين.. ممكن تبداها من الترابي و ابراهيم السنوسي و نافع على نافع و علي عثمان محمد طه.. يعني البشير اخر اولويات العنف القادم..الشعب خلاص زهج تماما.. و البقت في الصومال ح تبقى في السودان ، لكن السودان لحمو مر.. راس الترابي و معاهو في نفس الوكت راس دويلة قطر..و بعدهما الشيعي الوهم بتاع ايران.. خلصونا بالتي هي احسن..و لنكن سودانيين و لو لمرة واحدة في حياتنا..!!!!!
كبر
| |
|
|
|
|
|
|
|
|
|
Re: عييييك مرقتها في وادي صالح (Re: Kabar)
|
وادي صالح او اي بقعة في السودان هي بقعة عزيزة ومكرم هم اهلها وكل شبر من الارض السودانية كلمة مواطنه تعني الكثير ولها قيمتها تماما
وخروج الناس في وادي صالح او في اضان الحمار من اجل حقوقهم هو مكسب كبير للوعي الشعبي ودلالة علي تجذر الغضب والثورة السودانية ووصولها الي الجخانين السودانية في كل اتجاهاتها..
والثورة يا الشفيع هي حرااك والليلة قووومة هنا وبكرة قووومة هنووووووووووك
والاستخفاف الموجود في مخيخكم بانسان هذه الارض السودانية هو الح يجيب اجلكم وقريبا
وهي نفس العقلية التي تنظر الي الارض والانسان السوداني باستهتار وعدم تقدير وورجغة...
| |
|
|
|
|
|
|
|
|
|
Re: عييييك مرقتها في وادي صالح (Re: محمد الطيب محمد)
|
الشفيع الشيطان الأخرس !
قالها سيد الخلق عليه أفضل الصلاة والسلام ( الساكت عن الحق شيطان أخرس)
وقال عليه الصلاة حين أتاه جبريل عليه السلام ليعلم المسلمين دينهم , فقال المصطفى لصحابته في مجلسهم: جاء الوحي جبريل فأوصاني من ربي ب: فعدد كل الوصايا وكان متكئا وحين وصل الي شهادة الزور وقول الحق اعتدل في جلسته لهيبة كلمة الحق.
وحين اتاه رجل ليشهد علي امراة زنت أخذه المصطفي من يده وأشار الي الشمس وقال لمن جاء يشهد: تشهد كمثل هذه( أي تشهد علي شيئ رأيته بوضوح كوضوح الشمس) فما كان من الرجل والذي جاء ليشهد زورا , الآ أن قال : اعفني يا رسول الله . لآن الرجل خاف من عقاب الله !
ألا تخاف الله يا الشفيع وقد أعمتك جاهليتك وموالاتك لعبد ظالم أفاك من عبيد الله بني حزبه وعصابته علي الضلال واستخدام دين الله مطية ليبلغون بها دنيا خربة ؟
ألجاه أم دراهم قذرات تبيع ذمتك ؟
ألم يكن صمتك خير لك من ظلم الناس ؟
هل كفر حزبكم بيوم الحساب ؟ أم انكم لاهون ؟
تبت أياديكم يا اخوان ابي لهب !
والله انك بأفاعيلك هذه تفقد كل يوم احترام خلق الله , وستتلبسك الذلة والمهانة أينما حللت !
سيجيئ يوم يقابلك فيه الاخوة هنا ولن تجد من يرد عليك السلام والتحية تماما كما حدث لكبيركم في موقف الحج حيث تم تجاهله من الخاص والعام!
وستتم محاسبتكم يوم الموقف العظيم حين نقف جميعنا عراة ذليلين أمام مليك عادل قائل في محكم تنزيله( حرمت الظلم علي نفسي).
اللهم قد بلغت .
ملحوظة:
الرجاء من جميع الشرفاء مقاطعة بوستات وعدم التداخل مع الآتية أسماءهم ردا لشرف الشهداء وتطييبا لخواطر ذويهم الذين يتأذون مما يكتبون :
1- الشفيع.
2- ودالباوقة.
3- صلاح غريبة.
4- ملاسي.
د. نجاة.
وقد خابرني بعضهم والعبرة تخنقهم مما كتب هؤلاء ! وقالت لي سيدة فقدت ابنها : انهم يقتلون أولادنا مرتين !!
ست البنات.
ست البنات
| |
|
|
|
|
|
|
|
|
|
Re: عييييك مرقتها في وادي صالح (Re: محمد أبوالعزائم أبوالريش)
|
سلام ست البنات
| Quote: الشفيع الشيطان الأخرس ! قالها سيد الخلق عليه أفضل الصلاة والسلام ( الساكت عن الحق شيطان أخرس) |
ياليته اكتفى بذلك بل تمادى في الزور والتشفي
| Quote: وقد خابرني بعضهم والعبرة تخنقهم مما كتب هؤلاء ! وقالت لي سيدة فقدت ابنها : انهم يقتلون أولادنا مرتين !! |
ست البنات اسمعي جيران الشنيع بيقولوا شنو
وقالت السيدة / عديلة محمد مصطفى ضرار والدة الشهيد : ( مصعب أصغر أولادى عمره 28 سنة ..حنين على شديد ، بسوقنى لى اى مشوار
ومابنوم كان ما اتأكد انه اتعشينا ، هو المسئول عن البيت ، حمالتنا من بعد الله كانت عليهو ضهرو القدوهو بالرصاص ده كان شايلنى وشايل
البيت ده كله (تبكى) وتتدخل زوجة أخيه ان مصعب يعول أسرته ويساعدنا نحن أيضا).
بدأ الأب مصطفى محى الدين حديثه عن الشهيد فقال: كان مصعب ابنى تشكيلى فنان يرسم لوحات رائعة الجمال وكان مهتم بالعمل الانسانى
وهو من المؤسسين والمساهمين بشكل ثابت فى كل نشاطات (عديل المدارس)
الناس ديل الشنيع اكل وشرب معاهم، بس المصالح غلابه. المشكله مافي الشنيع لانه فات فيه الفوات المشكله في ابنائه لو بنفس العقليه.
الشنيع ماقدر حتى يتداخل في ود جيرانهم ويقول كلمة رحمه.
| |
|
|
|
|
|
|
|
|
|
Re: عييييك مرقتها في وادي صالح (Re: عمر نملة)
|
حقا يا الشفيع الحق ابلج و الباطل لجلج، انا لم ابتر كلامك بل اقتبسته وعلقت عليه والاقتباس واضح: ما حدث اول يوم ما كان عفوي بل كان منظم. انت النسيت كلامك وناقضته براك ودا. بسبب انك ما مقتنع بيه فقط بتجادل كانك في ركن نقاش او حلقة مكاواة هلال مريخ!
انا لم اعلق اصلا على الجزء الجبته تحت. لأنو محض ورجغة - اسمح لي يعني - اذا كان محصلة (الحكومة رخت) قرابة الخمسين شهيد - حسب مدير مشرحة مستشفى امدرمان- و اربعة وثلاثين حسب الوالي قبل انا يخجل ويرفعها لسبعين! اذا كان دا و الحالة الحكومة (رخت قليلا) طيب كم شهيد مفروض يقتل وكم يبلغ نصاب الدماء عندك حتى ترى شدة الحكومة و جبروتها؟
| |
|
|
|
|
|
|
|
|
|
Re: عييييك مرقتها في وادي صالح (Re: محمد البشرى الخضر)
|
Quote: الشرطة وقوات الامن السودانية لم تقتل اي متظاهر سلمي
وربما سقط البعض نتيجة العنف واالتخريب ومهاجمة مراكز الشرطة |
الشفيع الله لا شفع ليك لا فى الدنيا لا فى الاخرة
وحق اخوى صلاح نشوفوا فيكم فى صحتكم وفى اولادكم قادر يا كريم
ينتقم منكم فى الدنيا اشر انتقام و من اولاد الحرام الكيزان وكلاب الامن
المتربين فى الشوارع عديمين النخوة والرجالة الكلاب
يا منافق يا كذاب
| |
|
|
|
|
|
|
|
|
|
Re: عييييك مرقتها في وادي صالح (Re: وضاحة)
|
Quote: الشفيع الله لا شفع ليك لا فى الدنيا لا فى الاخرة
وحق اخوى صلاح نشوفوا فيكم فى صحتكم وفى اولادكم قادر يا كريم
ينتقم منكم فى الدنيا اشر انتقام و من اولاد الحرام الكيزان وكلاب الامن
المتربين فى الشوارع عديمين النخوة والرجالة الكلاب
يا منافق يا كذاب |
آمين
| |
|
|
|
|
|
|
|
|
|
Re: عييييك مرقتها في وادي صالح (Re: ابوعبيدة النعمان)
|
Nada Hassan Ahmed
شاحدة الله حرقة حشا الجنا تضوقو في ولدك مصعب تدهسو عربية او يطعنو واحد او يمسكو مرض يكتلو
عشان تضوق في رويحتك فقدان الجنا و بعد دا ما تكتب كتابات مستفزة يا اخى ناس هزاع و السنهورى و مصعب
اولاد صغاااار ما شافو شئ في الدنيا دى تجى انت العجوز الشايب العايب تكتب كلام واطى زى دا يا اخى حتى والى
الخرطوم يترحم عليهم الله يقرفك و يخمك و ياخدك اخد عزيز مقتدر
Quote: الشفيع الله لا شفع ليك لا فى الدنيا لا فى الاخرة
وحق اخوى صلاح نشوفوا فيكم فى صحتكم وفى اولادكم قادر يا كريم
ينتقم منكم فى الدنيا اشر انتقام و من اولاد الحرام الكيزان وكلاب الامن
المتربين فى الشوارع عديمين النخوة والرجالة الكلاب
يا منافق يا كذاب |
ياسميع يامجيب ياعزيز ياقتدر
| |
|
|
|
|
|
|
|
|
|
Re: عييييك مرقتها في وادي صالح (Re: عمر نملة)
|
Quote: وانا اقصد تحديدا امثال المدعو عمر نملة
قاااعد ومرتااااح ومبسوووط في هولندا
اقاصي الارض
وخاتي اولادو ومرتو في حضنه
ويحرض ليس فقط للتظاهر وانما لحمل السلاح في الاحياء
|
كذاب وحرامي
| |
|
|
|
|
|
|
|
|
|
Re: عييييك مرقتها في وادي صالح (Re: عمر نملة)
|
ادناه هي حصيلة مشاركات الفيس
نسختها كما هي
الشفيع عبد الرحمن · مهندس اتصالات في Stc
ود البشرى سلام يغشاك
برضك لقيت ليك فرقة دخلت :)
وسؤال ليك جاوبه بصراحة:
ما هي مصلحة الحكومة بقتل متظاهر سلمي لم يسبب خطورة على الامن؟
اي طفل صغير بيعرف انو المعارضة بتبحث عن شهداء
ومعروف انو قتل المتظاهرين بزيد الطين بلة
وايه البيمنع انو تكون هناك عناصر من الجبهة المتمردة وانها من قام بالاغتيالات
رد · أعجبني · متابعة المنشور · أمس في الساعة 02:32 مساءً
الشفيع عبد الرحمن · مهندس اتصالات في Stc
عبد العزيز يا دفعة
العبرية طالحة وكالحة وما ممكن تكون صالحة
لا تريد الخير لا للسودان ولا لاهله
قناة صهيونية متأمركة
رد · أعجبني · متابعة المنشور · أمس في الساعة 02:49 مساءً
Omer Ali · متابعة · Riyadh, Saudi Arabia
قرضنا جدلا انه الجبهة الثورية هى من قتلت المتظاهرين وين الحكومة وين الامن الزى تقول انه من انجازات الانقاذ التعيسه
رد · أعجبني · إلغاء متابعة المنشور · أمس في الساعة 02:49 مساءً
الشفيع عبد الرحمن · مهندس اتصالات في Stc
نعم ممكن يا عمر نسجل ادانة لقوات الامن لتقاعسها
لاحظ انو اغلب الشهداء سقطوا في اليوم الاول
من اليوم التاني وبعد تدخل الامن وفرض سيطرته لم يسقط شهداء بالرغم من استمرار التظاهر الى يوم الجمعة
رد · 1 · أعجبني · أمس في الساعة 03:00 مساءً
Omer Ali · متابعة · Riyadh, Saudi Arabia
مافي شي اسمو ادانه والحاجه الثانيه لو اصلو في سيطره ما كان في شهداء سقطو في الايام التاليه
رد · أعجبني · أمس في الساعة 03:17 مساءً
الشفيع عبد الرحمن · مهندس اتصالات في Stc
عدد الشهداء السقطوا في الايام التالية لا يقارن بالاول يا عمر
ولبقية كلامك، راجع ردي لود البشرى فوق
رد · أعجبني · أمس في الساعة 07:07 مساءً
Shawgi Abdalla · Manchester Community College
انت غير انسان ألبتة
رد · 1 · أعجبني · متابعة المنشور · أمس في الساعة 03:12 مساءً
Abdelazim Mekki · الأكثر تعليقا · TU Berlin
ال###### ذ ما واحد من كلاب الأمن البطلق النار علي المتظاهرين
ويجي هنا يكمل الباقي
بستغرب لناس البتحاوره
رد · أعجبني · منذ 22 ساعة
الشفيع عبد الرحمن · مهندس اتصالات في Stc
ود المدير
لولا الاقتباس كت اعتبرتها مداخلة طاشة
رد · أعجبني · متابعة المنشور · أمس في الساعة 03:32 مساءً
Abubkr Mohammad · الأكثر تعليقا
يا شرفاء الاون لاين قاطعوا بوستات انصار النظام الفاشى
رد · 1 · أعجبني · متابعة المنشور · أمس في الساعة 04:08 مساءً
Idris Khalifa Alam Elhuda · الأكثر تعليقا · King Abdulaziz University
ورجغ ورجغ ورجغ
رد · 1 · أعجبني · متابعة المنشور · أمس في الساعة 05:57 مساءً
الشفيع عبد الرحمن · مهندس اتصالات في Stc
ود البشرى
ياخي كلامي عن الفرقة اوضح من الوضوح
ولو كنت قرأت زيل مداخلتي الاولى ما كنت تحتاج لما ختمت بيهو مداخلتك دي
انا لا يمكن ابدا ان اتفهم او اتسامح مع ازهاق اي روح بريئة
ولو تذكر شهيد التربية المنسي محمد موسى، انا فتحت بوست وادنت الحكومة بصوت عالي واضح
ما حدث في اليوم الاول لم يكن باي حال تظاهرة سلمية
ولا يمكن يكون حدث جماهيري عفوي
ده كان شغل منظم ومخطط وتم الترتيب له
وايادي الجبهة الثورية واااضحة
تم استهداف محطات البنزين والبنوك والكهرباء
ده ما بيذكرك بي شيء
الم يكن نفس ما حدث في ابكرشولا؟
الى هذا اليوم الجميع وربما بما فيهم انت كلت اللوم للحكومة بانها لم تحمي ابكرشولا وام روابة
ولو لم تتدخل لتكرر نفس السيناريو ويوم الاتنين الاسود ليس ببعيد
ما تم كان هو الخيار الوحيد لحفظ الامن
وصدقني لو كنت في الخرطوم لحمدت الحكومة وشكرتها
حفظ الامن والاستقرار ليس بالشيء السهل
في تفريط وافراط
وبينهما الانضباط والفوضى
ونعم الحكاية بدأت باحتجاجات شعبية عفوية متوقعة من الكل
حكومة و معارضة بشقيها مدني وعسكري
الحكومة "رخت" شوية عشان الناس "تفضفض"
المعارضة شحنت بعض الشباب لصناعة انتفاضة وثورة شعبية
الحركات المتمردة جندت بعض منسوبيها للخلق فوضى
هل تعقل او تصدق انو جماهير شعبنا ممكن تتسبب في الخراب والتدمير الحدث؟
حرق لعشرات محطات البنزين
تدمير وحرق لعشرات مراكز الشرطة ونقاط بسط الامن
عشرات البنوك والمؤسسات
ده خلاف العربات والبصات
هل يعقل يا ود البشرى انو ده كان عفوي ومن مواطنين اسوياء؟
الجبهة الثورية هي من كان وراء ذلك
وهي قطعاً من قامت باغتيال البعض
وتخيل معي ما الذي كان سيحدث لو لم تتدخل الاجهزة الامنية
ولو كان عم الخراب والفوضى كنت انت اول من سيلوم الحكومة
اذن
الشغلة ح تكون كده
دايرين امن واستقرار، ده هو الطريق الوحيد
دايرين فوضى وتخريب كما حدث في ابكرشولا برضو قولوا
رد · 1 · أعجبني · متابعة المنشور · أمس في الساعة 06:59 مساءً
الشفيع عبد الرحمن · مهندس اتصالات في Stc
هلا بيك اخونا وحبيبنا حمد عبد الغفار
ونقول آآآمييين لكامل دعوتك
ونعم
مدخلك ذكي قوي وجميل
ورسالتك واضحة
بس عليك الله سؤال:
هل تظن ان عربية خالد عويس نظرت ليها بنفس النظرة؟
انا وانت لا نظن
شكراً
رد · أعجبني · متابعة المنشور · أمس في الساعة 07:04 مساءً
Khalid Al-Mubarak · متابعة · الأكثر تعليقا · Economics
كل السودانيين اقتنعو في اليوم التاني انو التقتيل ما من قوات الامن و القوات النظامية الا سودانيز اونلاين الحاقدين عايزين يضللو الشعب و يدمروا البلد لكن قول ليهم الشعب بقى واعي و عرف من هو عدوه الحقيقي و ما بنفرط في البشير و حكومة المؤتمر حتى ولو بقت الرغيفة بي دولار لانو حكومة البشير مافي معناها سودان مافي و انما حرب عرقية لا يسلم منها لا القاصي و لا الداني و عصابابات و قطاع طرق و نحن مابنبدل الامن بي قطعة خبز ، و انتو اقعدو لوكو في وهمتكم لغاية ماربنا يبتليكم بي عقار و لا عبدالواحد ،،، و سير سير يا بشير الشعب جندك للتعمير و لا نامت اعين الكذابين المضللين
رد · أعجبني · إلغاء متابعة المنشور · أمس في الساعة 08:32 مساءً
الشفيع عبد الرحمن · مهندس اتصالات في Stc
تسلم خالد المبارك
قول ليهم بالله
رد · أعجبني · أمس في الساعة 09:11 مساءً
الشفيع عبد الرحمن · مهندس اتصالات في Stc
حبابك اخونا عوضاي
وانت بالف خير يا اخي
يبدو انك كما توقعت لم تقرأ ردي الاستباقي
في زيل مداخلتي الاولى قلت:
{ادين االعنف االمفرط تجاه االمتظاهرين السلميين}
وهنا انا ادين واستنكر ما تم في هذه العربة
اما موضوع االدوشكا فواضح انو الجهات الامنية كانت تعلم ان هناك مندسين من الجبهة الثورية
وتخطط للاسوأ، وهو ما يؤكد كلامي
والا ما هو المنطق في مواجهة مظاهرات سلمية بالدوشكا
وانا لم اقل ان القوات الامنية لم تطلق الرصاص عليهم
قلت:
{وربما سقط البعض نتيجة العنف والتخريب ومهاجمة مراكز الشرطة
وهو ايضا مدان من قبلنا اشد الادانة
قتل اي نفس لا يجوز ابدا}
هل تنفي يا عوضاي انه تمت مهاجمة مراكز الشرطة وحرقها؟
ما الذي تتوقعه من رجل شرطة يحرس مركز تهاجمه مجموعة مسلحة باسلحة بيضاء او حتى نارية
كيف يتصرف؟
جاوبني وارد عليك
فكما تفهمت هجليج يجب عليك ان تتفهم هذا
ما حدث من تخريب ودمار يوم الثلاثاء لا يمكن اطلاقاً ان يقرأ كحدث عفوي معزول عن ما يحاك ضد السودان في هجليج وابكرشولا
رد · أعجبني · متابعة المنشور · أمس في الساعة 08:41 مساءً
Riyad Saad · Medical Doctor في الزمالة المصرية
لا افهم لماذا يحدد السيد بكري ابوبكر عدد البوستات والمشاركات لصاحب البوست وبعض الاعضاء الاخرين فقط بسبب انتمائهم السياسي .....اين الديمقراطية هنا.؟؟ وهل تظن انك بذلك قد اسكت اصواتهم ؟؟ منبرك هذا من المواقع السودانية المشهورة ولكن بالتاكيد ليس هو الوحيد......هذا ليس عدلا يا باشمهندس.....ويشكك كثيرا في مصداقية الموقع.....
رد · أعجبني · إلغاء متابعة المنشور · أمس في الساعة 08:52 مساءً
Awad Mohamed Ahmed · متابعة · الأكثر تعليقا
و هل يتيح اهل الانقاذ الحرية لاحد من الناس في الصحف و الميديا الاخرى ثم ان الاسافير فاتحة فقط اوقف بكرى سخفهم و استفزازهم للناس هنا
و الله بعد ما فعلوه في المظاهرات الاخيرة فالاصح هو قتلهم و سجنهم كما يفعل البطل المغوار السبسى في ارض الكنانة حفظه الله و رعاه و سدد خطاه و وهبنا بعشرة من مثاله في سوداننا الحبيب
رد · أعجبني · أمس في الساعة 09:18 مساءً
الشفيع عبد الرحمن · مهندس اتصالات في Stc
شكرا وتسلم اخوي رياض سعد
هم لا يريدون سماع الحقائق
واهو انت شايف المنبر
اصبحت الردود في شاكلة:
شكرا
ما قصرت
جزاك الله خير
وهكذا
رد · 1 · أعجبني · منذ 13 ساعة
الشفيع عبد الرحمن · مهندس اتصالات في Stc
مراحب عمدة
بس خلي ......
بس خلي ......
بس خلي .......
الاسطوانة دي يا عماد مدورة من سنة 94
والله صحي
وممكن اجيب ليك عشرة محطات توقيت اتقالت
واخرها كان قلتو بس خلي الجنوب ده يتفصل
الجامعات ما كانت شغاااالة قبل العيد
وفي نص الانتفاضة والثورة
ما اعلمه يقينا انو جامعة السودان لم يتظاهر فيها فرد واحد
ودي متأكد منها تمام لانو ولدي ففيها وبتابعه لحظة بلحظة
وحتى لو فرضنا انها شكلت تهديد
ما ممكن تتقفل في خمسة دقايق...مشاهدة المزيد
رد · أعجبني · متابعة المنشور · أمس في الساعة 08:54 مساءً
الشفيع عبد الرحمن · مهندس اتصالات في Stc
المصدر يا د.امين
المصدر لو سمحت
لا نقبل حريات والراكوبة
رد · أعجبني · متابعة المنشور · منذ 23 ساعة
الشفيع عبد الرحمن · مهندس اتصالات في Stc
حبابك تاني اخونا عوضاي
كلامي في نحله بخصوص الدوشكا ولم يجانبه الصواب
ببساطة لاني سبق وقلت ليك "عناصر مندسة"
يعني ما جو لابسين فنايل كاتبين فيها الجبهة الثورية
ولو قامت الجهات الامنية بحملة اعتقالات احترازية تسمع العيك والعاك
فالمسألة الامنية زي ما قلنا تتراوح بين الافراط والتفريط
الدفاع عن مراكز الشرطة ذكرته كمثال
وممكن يكون الدفاع عن اي شيء
علمت من مصدر ان بعض الشهداء سقطوا برصاص من مواطنين ايضاً كانوا في حالة دفاع عن النفس بسبب الاعتداءات التخريبية
والبعض كما ذكرت سقط غيلة باستهداف مباشر من مجرمي الجبهة الثورية
اقتباس د.احمد امين تم الرد عليه
فانت او هو جيبو لينا المصدر
فالخبر واضح انو مفبرك واشم ريحة حريات
رد · أعجبني · متابعة المنشور · منذ 23 ساعة
Salah Salaburim · Umdurman
بالله يا الشفيع ضميرك مات للدرجة دى ؟؟ بالله بتقدر تاكل وتشرب وتنوم بالك مرتاح زيك وزى البنى ادميين ؟ ممكن تتخيل واحد من ابناءك ( لاقدر الله)استشد . هل سيكون هذا موقفك ورأيك ؟؟ انت لاتقل اجراما ودموية من القاتل الذى اطلق رصاصه على المتظاهرين ؟؟ انت شريك فى الجريمة فعلا!!
رد · أعجبني · إلغاء متابعة المنشور · منذ 19 ساعة
الشفيع عبد الرحمن · مهندس اتصالات في Stc
سعدت بمرورك يا صلاح
ولا تعليق
رد · أعجبني · منذ 13 ساعة
Nada Hassan Ahmed · متابعة
شاحدة الله حرقة حشا الجنا تضوقو في ولدك مصعب تدهسو عربية او يطعنو واحد او يمسكو مرض يكتلو عشان تضوق في رويحتك فقدان الجنا و بعد دا ما تكتب كتابات مستفزة يا اخى ناس هزاع و السنهورى و مصعب اولاد صغاااار ما شافو شئ في الدنيا دى تجى انت العجوز الشايب العايب تكتب كلام واطى زى دا يا اخى حتى والى الخرطوم يترحم عليهم الله يقرفك و يخمك و ياخدك اخد عزيز مقتدر
رد · أعجبني · إلغاء متابعة المنشور · منذ 13 ساعة
الشفيع عبد الرحمن · مهندس اتصالات في Stc
وانا شاحد الله يحفظك ويحفظ اولادك اذا كان لك منهم شيء
ولا يريك مكروه في من تحبين يا ندى حسن احمد
رد · 1 · أعجبني · منذ 13 ساعة
اسامة بابكر · متابعة · الأكثر تعليقا
الشفيع عبد الرحمن والله يا الشفيع منظرك بائخ ودفاعك اخرق ... ياخي انت زول شكلك محترم ما ممكن تدافع عن مجرمين بالشكل ده ... بعدين ياخي حنك الجبهة ومدسوسين هم الذين اغتالوا الثوار دي ما بتنطلي علي شفع الروضة ... ناهيك عن ناس ناضجين بناقشوا فيك ... ياخي خلي ليك باقي وجه الناس تحترمك بيه ... ماممكن ياخي الناس حزنانة وزيته طالع انت جايب ليك كلام مستفز وبايخ ... الله اهديك غايتو ...
رد · أعجبني · منذ 12 ساعة
الشفيع عبد الرحمن · مهندس اتصالات في Stc
مرحب اخونا اسامة
وانا مقدر الظرف البمروا بيهو الناس
ومتفهم غضبهم
ومتعاطف شديد جدا مع اهالي الشهداء الماتوا بدون ذنب
وبقول ليك بصراحة شديدة
والله العظيم
دم الشهداء ديل معلق في رقبة كل شخص حرض على التظاهر والانتفاضة والثورة
وبالذات الناس القاعدين خارج السودان وخاتين اولادهم في حضنهم ويجازفوا بي اولاد الغلابة الفي السودان
ده هو رايي
سخطهم وغضبهم ناتج من احساسهم بالذنب
وانا اقصد تحديدا امثال المدعو عمر نملة
قاااعد ومرتااااح ومبسوووط في هولندا
اقاصي الارض
وخاتي اولادو ومرتو في حضنه
ويحرض ليس فقط للتظاهر وانما لحمل السلاح في الاحياء
يا اسامة:
هل تستطيع ان تنفي مشاركة الجبهة الثورية في اعمال التخريب التمت؟
رد · أعجبني · منذ 11 ساعة
الشفيع عبد الرحمن · مهندس اتصالات في Stc
يا عوضاي
اذا نويت تتكلم عن تقصير الامن والمخابرات في القيام باجراءات احترازية كان يمكن ان تمنع ما حدث من فوضى وتخريب
فلا بأس
ونعم نطالب الحكومة بالتحقيق في ما تم من تقصير
نعم حق الدفاع الشرعي ما مطلوق، لكن موجود
وطبعا انت لا تقصد انو تهاجمك مجموعة دايرة تحرق بيتك او دكانك وتقوم تتصل على 999 وتنتظر، اليس كذلك؟
وكونك لم تسمع بيها لا يعني انها لم تحدث، انا ووالله العظيم سمعت بيها، اها !!!
وياخي نعم شفنا رجال بيهتفوا ويكبروا ونسوان بيزغردوا، بس ديل لم يكونوا من تم الاعتداء على ممتلكاتهم
وانا اذكر انو الفضائية جابت بعض البيوت التم حرقها
ما محتاج تحلف يا عوضاي
نعم ناس الامن اطلقوا رصاص حي وده من حقهم كما ذكرت لود البشرى
وعليكم السلام، بس راجع اداناتي الشديدة الكتبتها
رد · أعجبني · متابعة المنشور · منذ 13 ساعة
الشفيع عبد الرحمن · مهندس اتصالات في Stc
حبابك اخونا حافظ
وعامك مبارك
انا لم اقدم اي شهادة زور
ذكرت حقائق مبنية على وقائع وتحليلات
انا ايضاً ترحمت على الشهداء وطالبت باجراء تحقيق
وادنت العنف المفرط مقدماً
ولم ولن اتفهم ابداً ازهاق اي روح
رد · 1 · أعجبني · متابعة المنشور · منذ 13 ساعة
الشفيع عبد الرحمن · مهندس اتصالات في Stc
{ ومنتظرينوا في اول اجازه مع اولاده عشان الحساب ولد}
يا الاخو
انا ما ناوي امشي اجازة هولندا
ولو بتقصد السودان، فاعلم انو اولادي الاتنين موجودين هناك
علاء بيدرس في جامعة السودان
واحمد في جامعة كرري
وكلاهما موجود في الرابعة وكانوا في نص المظاهرات
وده بيؤكد لي انو ما عندك اي علاقة بالرابعة
رد · أعجبني · متابعة المنشور · منذ 13 ساعة
الشفيع عبد الرحمن · مهندس اتصالات في Stc
ود البشرى ما تبتر كلامي ياخي
انا لم اقل انو المظاهرة لم تكن عفوية سلمية
ده كلامي هنا:
{ونعم الحكاية بدأت باحتجاجات شعبية عفوية متوقعة من الكل
حكومة و معارضة بشقيها مدني وعسكري
الحكومة "رخت" شوية عشان الناس "تفضفض"
المعارضة شحنت بعض الشباب لصناعة انتفاضة وثورة شعبية
الحركات المتمردة جندت بعض منسوبيها للخلق فوضى}
رد · أعجبني · متابعة المنشور · منذ 12 ساعة
الشفيع عبد الرحمن · مهندس اتصالات في Stc
اموت واعرف يا ود البشرى
ات والمعنون الفيديو عرفتو كيف رصاص حي؟؟؟
رد · أعجبني · متابعة المنشور · منذ 12 ساعة
الشفيع عبد الرحمن · مهندس اتصالات في Stc
يا دكتور ياسر
سلام يغشاك
انت ايضاً لم تشاهد الشرطة تقتل متظاهرين سلميين لم يخربوا ويحرقوا
وسمر ايضا
والكل
ولو عايز توديني العيلفون خلينا نغشى يوم الاتنين الاسود في الطريق
رد · أعجبني · متابعة المنشور · منذ 11 ساعة
الشفيع عبد الرحمن · مهندس اتصالات في Stc
حبابك ول ابا كبر
وربنا يحقق الاماني ياخي
بس كمان يا اخوي كبرت اللفة شديييد
يعني التخريب والحرق ده كوووله عملوهو التشاديين
ياخي قول كلام يخش العقل
الترابي والسنوسي اديناكم ليهم
ما خسارة فيكم :)
رد · أعجبني · متابعة المنشور · منذ 10 ساعات
الشفيع عبد الرحمن · مهندس اتصالات في Stc
حبابك كيكي
واي ننعم
وادي صالح ارض عزيزة
واهلها كرام عزاز
ولكن، هل تدري العبرية ذلك؟
مطلوب منهم ينزلوا خبر المظاهرات ككوتة كل يوم
وعويس هو المقاول
رد · أعجبني · متابعة المنشور · منذ 8 ساعات
الشفيع عبد الرحمن · مهندس اتصالات في Stc
حبابك محمد الطيب
ياخي عندي زميل كنا في التلفزيون اسمه محمد الطيب محمد ادم
رد · أعجبني · متابعة المنشور · منذ 8 ساعات
الشفيع عبد الرحمن · مهندس اتصالات في Stc
اختنا ست البنات
لا تنه عن خلق وتأتى مثله ...عار عليك إذا فعلت عظيم
ليه بتنهي الناس عن التداخل معانا وات اول من يأتي ويتداخل
هل هي نوع من الوصاية؟
هل انت تجيدي التحاور وغيرك لا؟
من فضلك امسحي مداخلتك فانا لا اجادل المنافقين
رد · أعجبني · متابعة المنشور · منذ 7 ساعات
الشفيع عبد الرحمن · مهندس اتصالات في Stc
اشكر لك رفع البوست اخونا ابوالريش
رد · أعجبني · متابعة المنشور · منذ 6 ساعات
Hisham Ali Hamza · الأكثر تعليقا
الشفيع يريد ان يجد له موطئ قدم وسط الاحداث
بعد ما تم تحجيم وجوده من خلال كوته مداخلات محدوده
يقوم باثاره مثل البوست الذى يكذب فيه دون حياء يثير ذلك حفيظه الاحرار من اعضاء البورد
ويكون وقع مداخلااتهم كوقع مركوب اشرف على نافوخ نافع ....... ويبتسم هذا الشفيع
وهو يرى بوستاته تتصدر المنبر رغم صعوبه تواجده
غير عابئ بتعريه النظام المتهالك وفضح ممارساته وجرائمه من قبل الحضور
رد · 1 · أعجبني · متابعة المنشور · منذ 5 ساعات
الشفيع عبد الرحمن · مهندس اتصالات في Stc
وانا بعيد ليك كلامي هنا يا ود البشرى
بعض اطياف الشعب خرجت عفوياً للتعبير عن رفضها لرفع الدعم
الجبهة الثورية المتمردة استغلت الظرف ودست افرادها ليقوموا بالتخريب والحرائق
لا اظن في اوضح من كده، وسؤال يا ود البشرى: هل تستبعد ان تكون الجبهة المتمردة هي من قام بالتخريب؟
رد · أعجبني · متابعة المنشور · تم التعديل · منذ 4 ساعات
الشفيع عبد الرحمن · مهندس اتصالات في Stc
اتفهم غضب كل من دخل شاتماً لاعناً داعياً
الحقيقة دايماً مرة وما بتنبلع دفعة واحدة
ما كتبته هو رايي الاول والاخير
وارى انه يمثل راي كل الشعب على الارض
رد · أعجبني · متابعة المنشور · منذ 3 ساعات
| |
|
|
|
|
|
|
|
|
|
Re: عييييك مرقتها في وادي صالح (Re: الشفيع وراق عبد الرحمن)
|
فضـــيحه جديده ....
د/اسعد عبدالله حسن
اتصل بي قبل قليل صديق عزيز من المدينة المنورة واخبرني انه عقب صلاة العشاء بالحرم المدني الشريف
شاهد البشير ووفده المرافق وزير الدفاع عبدالرحيم الليمبي و وزير شؤون الرئاسه بكري حسن صالح وعدد
من جهاز امنه بزي مدني يرافقهم من الجانب السعودي فقط 4 عساكر (ولا حتى ضباط) خرجوا جميعا من باب
الملك فهد بالمسجد ولم تكن هناك سيارات ضيافه لتقلهم الى مقر اقامتهم! فدقوا الكدراوية زي الما حصل شي!
صديقي المتصل تملكه الفضول فباراهم حتى وصلوا الى (دار الايمان كونتننتال) وتفاجأ بأن نزلهم به وليس في
احد قصور الضيافة الملكية!! المهم دخلوا جميعا الى بهو الفندق وكانوا يأكلون في بلح وفول حاجات ويتونسو!
كان البهو مكتظا بالنزلاء من الحجيج والزوار وكان هناك ازدحام حول المصعد الكهربائي (الاسانسير).. طالبهم
احد العسكر بالانتظار فنظروا الى بعضهم البعض بنظرات تعجب لا تخلوا من الغباء.. عيون الناس كانت ترقبهم
والاصابع تشير اليهم بوضوح لدرجة انهم توقفوا عن تجاذب اطراف الحديث ولاذوا بصمت مدقع حتى جاء دورهم
فدخل البشير ومعه حرسه ولكن بعض الحجيج ايضا دخلوا معه فلم يتثنى لبكري وعبدالرحيم أن يصعدا.. فقال لهما
العسكري خلاص انتظروا الدور الجاي.. فجلسا في البهو بعمامتيهما المكرفستين يتلفتان يمينا وشمالا وسط تهامس
الناس بصوت عالي (من هذا؟! هذا البشير رئيس السودان؟! لا لا البشير اللي طلع من شوي.. حسبي الله عليه)
وبعد قليل هبط المصعد الى البهو ليخرج منه العسكري السعودي وينادي عليهما بصوت عالي: (يا هييه.. انت.. يالله تعال ونادي معك خويك)
الشفيع عبد الرحمن
اخونا عبد الله كيفنك
وعامك مبارك وسعيد
ما عاش من يذل ريسنا ياخي
ذل ريسك وتاج راسك على رووس الاشهاد بتقدر تقول بغم؟ ولو عنده ذرة كرامه يقطع الحج ويقطع العلاقات
معهم. فعلا اسد علي
حمد لله مجيب الدعوات .قول آمين ياشنيع تنذله والكل يشهد
| |
|
|
|
|
|
|
| |
الشفيع وراق عبد الرحمن
محمد البشرى الخضر
ناصر المحسى
عبدالعزيز عثمان
معاوية المدير
حمد عبد الغفار عمر
حسين عوضاى
Imad Khalifa
hafiz Issue
عمر نملة
Yasir Elsharif
Kabar
عبدالكريم الامين احمد
محمد الطيب محمد
ست البنات
محمد أبوالعزائم أبوالريش
ابوعبيدة النعمان
وضاحة
حامد بدري
فيس بوك
تويتر
انستقرام
يوتيوب
بنتيريست