|
Re: نحن شعب يستحق أفضل من ذلك (Re: Tragie Mustafa)
|
كما الزين
كيفك
كلمة شعب دي كان تختها بين قوسين.
عشان يا شاب شعب دي هي ذاتها المشكلة
الشعب دا يا هم البيطلعوا ياايدو عمر البشير
والشعب ديل يا هم الشايلين سلاح ضد البشير والشعب ديا يا هم البيطلعوا في مظاهرات في مدن العالم
والشعب ديل يا هم الشغالين في جهاز الامن
والشعب ديل يا هم النسوان بتاعين الشاي والشعب ديل يا هم المزارعين
والشعب ديل يا هم الجيش الجرار من وزراء ومحافظين
والشعب ديل ياهم ناس الامة والشيوعي والبعث وووووووووو والشعب ديا عيييييييييييييييييييييييييييييييييييييييييييييييييييك يا قول حفيد آموووووووووووون
قلت لي بيستحقوا افضل من الحكومة دي
يا مان استتمع بي قطر وخلينا نستمتع بأمريكا، وشعوب السودان خليها تستمتع بزمنها.
أها أي شعب في الشعوب الفوق دي وغيرها هو البيحدد خياراته، يعنى قصة أنا ضد البيشيلوا سلاح، وأنا ضد أبوجا، وأنا ضد المعارضةن وأنا ضد الترابي وأنا ضد قرفنا، أو العكس انا مع التحول الديمقراطي وأنا مع السلام وغيرها دي ما بتاكل عيش في موضوع السودان.
الظلم ونظام الإمتيازات الحصل في البلد الإسموا السودان نتيجتوا الطبيعية يا هو القدامك دا.
الحل كل زول يشوف الطريقة البتناسبوا ويعمل بيها، وإلقاء الإتهامات المن غير دليل دا ما مقبول (آيي قاصد كلامك عن محمد سليمان وأنا بختلف مع محمد سليمان في حاجات كتيرة)، لكن تجي تتهموا إنه لورد حرب (من غير دليل)، دا الكلام البيجيب الحرب (غرابي حاقد، وجنوبي عميل كنيسة، وجعلي ود بلد، وود ناس وبت ناس وخدم الموردة وحلب مدني). إنت قايل الحرب دي جات ساكت كدا، ما ياهو بتبدأ بشيطنة الآخر، وقراءة ضميروا فيما هو سياسي، عشان لمن تجي لحظة (القتل) الضمير يكون مرتاح. نديك أمثلة ولا بتتذكر.
يا خي بلد فيها حرب مدورة ليها خمسين سنة وجزء كبير من (الشعوب) بتاعتها ما بتتذكر الحرب إلا لمن تهبش ليها (شعب عندهم بيهو علاقة)، الكرمك وقيسان كمثال أحداث توريت الأولى وغزوة العدل والمساواة وما بينهما من مرتزقة زي ما سموها.
لو ما عندك مشروع بديل يلم الشعوب الفوق دي ويختها تحت مظلة بتضمن ليها العدالة والمساواة والحرية وفقاً لقانون يجمها؟ أخير ليك استمتع بي (قطرك) وونستك مع (هاشم كرار) ووفر على نفسك، ولو لقيت ليك وقت (أنجز مشروعك بتاع الحل الشامل في رواية خيالية).
أنا بحلم (زي صاحبي مارتن لوثر)، بلمة شعوب السودان، مشروعي هسه هو مساعدة أي زول بحلم معاي الحلم دا، لكن ما بتدخل في أدواته، لو ثبت بدليل ارتكابه لأي جريمة، بقيف ليه ألف أحمر، وقصة أقول لي زول الحرب دي ما بتنفع وشيل السلاح غلط، أنا شايف الكلام (مضحك)؟ Who am I عشان احدد، هسه لو لو جاني الجيش السوداني دا ومعاه المليشيات ودخلوا حلتي باقى ليك بقول ليهم (يا جماعة ما نحلها ودي)، مش أشيل سلاح والله استعين بإبليس ذات نفسوا؟
الحرب ما نزهة، والناس البتكاتل دي ما بيكونا قاعدين لحد هسه لو ما في شئ حقيقى بجبرهم على كده.
لمن (شعب المثقفين) يفضى شوية ويكتب عن (التفسيح) وعن البيت الأبيض في جوبا، وعن (الإستخبارات العسكرية)، وعن (التعييين في الوظائف العليا وعن (مقابلة القائد) الكانت بتحدد دخولك للكلية الحربية.
ولمن يكتبوا عن (سبعة بيوت) وعن (كبوش) وعن (الديوم) وعن الكنابي، وعن (الأصل والفصل)، وعن (شعبة استخبارات الزواج) (العريس دا ود ناس منو)، لمن نقدر نكتب عن الحاجات دي بوضوح، حيكون في فرصة لي لمة (شعوب السودان).
سلم لي على هاشم كرار (ألتقيته مرة واحدة في أسمرا وما زال ذلك اللقاء يملأني بالدهشة حتى اليوم، بالله النوع دا في منو تاني؟)
أها شعوب السودان بتستحق الحكومة دي بجدارة، ولو ما دايرة الحكومة دي حتسقطها، نحن كأفراد من الشعوب دي مفروض نساهم مع شعبنا، ولو ما لقينا شعباً يلمنا ممكن نكون شعب من فرد واحد لحدي ما ينكمل باقي شعبنا.
|
|
|
|
|
|
|
العنوان |
الكاتب |
Date |
نحن شعب يستحق أفضل من ذلك | كمال علي الزين | 11-14-13, 03:45 PM |
Re: نحن شعب يستحق أفضل من ذلك | كمال علي الزين | 11-14-13, 03:50 PM |
Re: نحن شعب يستحق أفضل من ذلك | كمال علي الزين | 11-14-13, 04:02 PM |
Re: نحن شعب يستحق أفضل من ذلك | كمال علي الزين | 11-14-13, 04:16 PM |
Re: نحن شعب يستحق أفضل من ذلك | كمال علي الزين | 11-14-13, 04:20 PM |
Re: نحن شعب يستحق أفضل من ذلك | كمال علي الزين | 11-14-13, 04:28 PM |
Re: نحن شعب يستحق أفضل من ذلك | محمد كابيلا | 11-14-13, 04:24 PM |
Re: نحن شعب يستحق أفضل من ذلك | كمال علي الزين | 11-14-13, 04:47 PM |
Re: نحن شعب يستحق أفضل من ذلك | Tragie Mustafa | 11-14-13, 06:08 PM |
Re: نحن شعب يستحق أفضل من ذلك | كمال علي الزين | 11-15-13, 10:12 PM |
Re: نحن شعب يستحق أفضل من ذلك | ايهاب اسماعيل | 11-16-13, 07:59 AM |
Re: نحن شعب يستحق أفضل من ذلك | rani | 11-16-13, 10:46 AM |
Re: نحن شعب يستحق أفضل من ذلك | Frankly | 11-16-13, 11:03 AM |
Re: نحن شعب يستحق أفضل من ذلك | Nasr | 11-16-13, 11:38 AM |
Re: نحن شعب يستحق أفضل من ذلك | Frankly | 11-16-13, 11:50 AM |
Re: نحن شعب يستحق أفضل من ذلك | Nasr | 11-16-13, 12:35 PM |
Re: نحن شعب يستحق أفضل من ذلك | Frankly | 11-16-13, 03:18 PM |
Re: نحن شعب يستحق أفضل من ذلك | Nasr | 11-16-13, 05:33 PM |
Re: نحن شعب يستحق أفضل من ذلك | Frankly | 11-16-13, 05:36 PM |
Re: نحن شعب يستحق أفضل من ذلك | Nasr | 11-16-13, 11:02 PM |
Re: نحن شعب يستحق أفضل من ذلك | Tragie Mustafa | 11-16-13, 05:38 PM |
Re: نحن شعب يستحق أفضل من ذلك | Mohamed Suleiman | 11-16-13, 05:50 PM |
Re: نحن شعب يستحق أفضل من ذلك | باسط المكي | 11-16-13, 06:19 PM |
Re: نحن شعب يستحق أفضل من ذلك | Frankly | 11-16-13, 06:41 PM |
Re: نحن شعب يستحق أفضل من ذلك | كمال علي الزين | 11-16-13, 08:16 PM |
Re: نحن شعب يستحق أفضل من ذلك | Mohamed Suleiman | 11-16-13, 08:32 PM |
Re: نحن شعب يستحق أفضل من ذلك | كمال علي الزين | 11-16-13, 08:54 PM |
Re: نحن شعب يستحق أفضل من ذلك | Mohamed Suleiman | 11-16-13, 09:58 PM |
Re: نحن شعب يستحق أفضل من ذلك | كمال علي الزين | 11-16-13, 10:41 PM |
Re: نحن شعب يستحق أفضل من ذلك | كمال علي الزين | 11-17-13, 09:45 AM |
Re: نحن شعب يستحق أفضل من ذلك | rani | 11-17-13, 10:48 PM |
Re: نحن شعب يستحق أفضل من ذلك | Osman Musa | 11-18-13, 00:22 AM |
Re: نحن شعب يستحق أفضل من ذلك | كمال علي الزين | 11-22-13, 04:52 PM |
Re: نحن شعب يستحق أفضل من ذلك | Mohamed Suleiman | 11-18-13, 04:33 AM |
Re: نحن شعب يستحق أفضل من ذلك | Tragie Mustafa | 11-22-13, 09:15 PM |
Re: نحن شعب يستحق أفضل من ذلك | الصادق اسماعيل | 11-22-13, 10:46 PM |
|
|
|