المهددات الاستراتيجية للشراكة مع اثيوبيا

Quote: يا بدر في نزوح الايام دي حاصل من أهل النيل الازرق لداخل الحدود الإثيوبية أكيد انت زول رسمي وفي المسأل دي بتفهم أحسن مننا نحنه الناس الاهالي .... أخر غزو جاء من الحبشة لى إثيوبيا ( أكيد الزمن داك كنا مملكة مروي واسمنا في التاريخ إثيوبيا ) كان غزو عيزانا ملك أكسوم تاني التاريخ ما قال لينا كان الشرق مهدد استراتيجي ................. لكين أكيد قال لينا على مدي التاريخ ضاقت الهضبة أهله ينزحوا للسهل ضاق السهل اهلوا بنزحوا للهضبة كلامك الفوق عن إثيوبيا كقوه نامية حاصل يا بدر _ مافي زول قال لينا وقفوا نموكم _ كل الخطاء البحصل تستعدي الما عوز يعاديك .........وفي نفس الوقت ما حتقدر على عداوتوا ( لو فاتت المشاعر السلبية والكلام ) كلامك عن الوضع الداخلى للجيران ومتناقضاتوا صحيح ما بقوليك حاجة وبأمل يفكروا في الفترة الجاية وهم داخلين على انتخابات السنة الجاية يعيدوا النظر في تقسيم الدولة على أساس القوميات الحته دي شاكي منها ناس كتار زي التقسيم العندنا على أساس قبلي بضعف الانتماء القومي كتير ومحل ما تمش بتفتش ناسك يقضوا ليك موضوعك _ أكيد شأن داخلى خاص ببلدهم ويحترم _ ويابدر الدين الاغلبية المقدرة من الناس ديل وحكومتهم ماظن عندهم عداء مع الجيران أو مافي تيار غالب أو ظاهر بحاجة زي دي _ لو تابعته أزمة مياه النيل رغم موقف السودان ((( الرسمي ))) فيها ما أثر الكلام ده على الحكومه ولا الشارع ما زي جيرانا الفي الشمال طوالى قلت الادب بتحصل ... مع الانحياز الرسمي ده بدعوك تراجع كلمه رئيس الوزراء الاثيوبي الكلام القالوا في حق السودان في افتتاح الاعمال الانشائية لسد النهضة ويا بدر أصلوا ما تاخدو مجاملات الناس ديل ما بقولوا كلام إلا وهم قاصدنوا ..................... في الاخر لو كان كلامك ده استراتيجية جديدة أو توجه رسمي ما حاقوليك مشه في الاتجاه الغلط والشاق جدا يا بدر ياخ الهضبة دي طلعته ما ساهلة ولو نزلت ما بنحمله _ خصوصا بوضعنا ده _