الفاتح جبرا .. في ذمة الله
نعى اليم ...... سودانيز اون لاين دوت كم تحتسب د. الفاتح يوسف جبرا فى رحمه الله
|
Re: هل أنت نرجسي؟ كيف تعرف؟ (Re: elhilayla)
|
الأخ الحليلة بعد السلام شكراً على المداخلة. هذا هو القول كلاماً حسب ما ورد عن الإمام الشافعي. "رأينا صواب يحتمل الخطأ، ورأي غيرنا خطأ يحتمل الصواب، ومن جاءنا بأفضل منه قبلناه. لكن المهم هل يعمل به النرجسيون؟ الله أعلم. كبـّاشي الصـّـافي
| |
|
|
|
|
|
|
Re: هل أنت نرجسي؟ كيف تعرف؟ (Re: cantona_1)
|
Quote: هل أنت نرجسي؟ كيف تعرف؟ |
ول أبا كباشي تحياتي يا أخي طلعت بينا العالي! هل أنت نرجسي؟ كو ولالا وبتاتا، لكن نرجسي معناها شنو؟ كيف تعرف؟ والله ماني عارف لكن الشينة منكورة والهوناية دي الظاهر عليها شينة. والباقي عليك تجيب لينا جدول أو (إستمارة) بها أسئلة ذكية، وكل واحد يجاوب وبعد التصحيح نعرف الشركو شال واللانبلص منها( الناجي) وتديهو شهادة براءة من الهناية دي..... وتسلم.
| |
|
|
|
|
|
|
Re: هل أنت نرجسي؟ كيف تعرف؟ (Re: حماد الطاهر عبدالله)
|
سلام كباشي الكنكشة فوق رايك وقفل مخك كعب خلاس,, يعني نحن مطالبين نسمع راي غيرنا بذهن مفتوح ودون استباق احكام , فقد يأتيك بالاخبار من لم تزود خشيت اسلم عليك والله وده الهدف الاساسي وقلنا نجدع لينا جدعه يا صابت ياخابت
| |
|
|
|
|
|
|
Re: هل أنت نرجسي؟ كيف تعرف؟ (Re: عبدالحفيظ ابوسن)
|
صاحب الرأي الواحد شخص بليد. فلا يعرف كل شئ إلا الله. ولكن لأنه نرجسي ولا يدري أنه نرجسي فتجده لا يقبل راي غيره حتى لو كان رأي متخصص. ويحاول دائماً فهم الأمر من جانبه الأسود ولا يوجد عنده compromise وعليه عليك بالإبتعاد عنه ما أمكنك ذلك. تحياتي كبـّاشي الصـّـافي
| |
|
|
|
|
|
|
Re: هل أنت نرجسي؟ كيف تعرف؟ (Re: حماد الطاهر عبدالله)
|
ول أبا حماد سلام النرجسية في حد ذاتها ما كعبة لكن الكعوبية الواحد يفكها في روحو ويعمل فيها ابو العريف. تقول ليهو تور يقول ليك أحلبو. أقرأ كتابات الكثيرين في المنبر تجد أن رأيه آحادي لا يخضع للأخذ والرد، يعني غرة يا تشربي يا أكسر قرنك. لك التحايا وكل عيال عطية وحيماد المعاك. تحياتي كبـّاشي الصـّـافي
| |
|
|
|
|
|
|
Re: هل أنت نرجسي؟ كيف تعرف؟ (Re: cantona_1)
|
Quote: كلام في الصميم يا كانتونا ... وفقاً لهذا التعريف، فظني أن معظمنا من قبيلة النرجسيين أن لم يكن جميعنا. عافانا الله من هذه الآفة اللعينة
|
شكراً نزار من الفيسبوك على المداخلة ولكنها الحقيقة التي لا يعرفها الكثيرون عن حقيقة أنفسهم. شفى الله الجميع من هذا الداء اللعين. تحياتي كبـّاشي الصـّـافي
| |
|
|
|
|
|
|
Re: هل أنت نرجسي؟ كيف تعرف؟ (Re: cantona_1)
|
Quote: Sara Hassan Taha · Khartoum, Sudan الثلاثة طبعا هم : 1/ عزام مين كدا ما عارفة 2/ دينق 3/ صلاح غريبة
|
يا سارة يا بتي كدا تكوني جبت Division II Upper لو صلحتِ الإجابة شوية ح تجيبي Division I تحياتي كبـّاشي الصـّـافي
| |
|
|
|
|
|
|
Re: هل أنت نرجسي؟ كيف تعرف؟ (Re: cantona_1)
|
Quote: Sami Ali · Examencursus Leiden انا عارفك انت قاصد صلاح جاداد وناسي نرجسيتك العوج راي والعديل راي في نرجسية اكتر من كدا |
يا سامي علي من الفيسبوك 1- أنت لا تعرف معنى النرجسية. أعرف المعنى وتعال إتفاصح في الفيسبوك. 2- أنا وصّفت النرجسية وطلبت أن يعرف كل زول إن كان نرجسياً أم لا؟ 3- لم أقل فلان نرجسي ولكن لو زول ما واقع ليك وتعتبره نرجسياً ممكن تقول ليهو وما تخاف وقول ليهو دُغري وما تحاول تحشرني في كلام تخاف من أن تقوله بفمك. 4- ألم تسمع بالمثل البقول: (العوج راي والعديل راي) كمثل شعبي يعرفه كل من له معرفة بقليل من الفلكلور الشعبي ولكن باين عليك حنكوشة ش ع. تعلم الفلكلور الشعبي وتعال أقعد قدام المونيتر واتفاصح في الفيسبوك. التعليم ما عيب. تحياتي كبـّاشي الصـّـافي
| |
|
|
|
|
|
|
Re: هل أنت نرجسي؟ كيف تعرف؟ (Re: cantona_1)
|
وّل ابا كّبآشى...
النرجسية دى كعبة بالحيل.. يعنى شوف عمر البشير.. غّرق البلد بالنرجسية بتآعته.. وهو بيفتكر أنه البلد ما فيها رآجل غيره.. سمعته مّرة بيقول: أحنا رآجل وّد مقّنعة كدى بيملا عيننا مآفى.. أها فى نرجسية أكتر من كدى؟ وبعدين هى فى حد ذآتها مرض.. لآنه النرجسى أنسان تعبان بالحيل.. من كتر المجهودآت البيحآول يثبت بيها نفسه..
غآيتو أنا فى رأيى دا وآحد من البوستات الممكن الوآحد يستفيد منها.. كتر خيرك كتير..
| |
|
|
|
|
|
|
Re: هل أنت نرجسي؟ كيف تعرف؟ (Re: cantona_1)
|
Quote: متابعة أمير سعيد لكن من كلامك وتعريفك هم ما تلاتة بس ممكن يكونو اكتر من 70% من الناس البتكتب هنا ، عافانا الله منهم ومن نرجسيتهم ، الله المستعان . والله رايحتنى بكلامك ده شكرا لك. |
شكراً أمير سعيد من الفيسبوك على المشاركة. كلامك ممكن يكون قريب من الحقيقة لكن كان قلنا كدا النار حتشب لينا في هدومنا. قلنا نوضح المعنى ونخلي كل زول يشوف هو واقع وين معانا ولا مع التانيين؟ تحياتي
كبـّاشي الصـّـافي
| |
|
|
|
|
|
|
Re: هل أنت نرجسي؟ كيف تعرف؟ (Re: cantona_1)
|
يا حاج كرتونة سلامات،
Quote: لو آلت لغيرك لما آلت إليك |
لو دامت لغيرك لما آلت لك ;) ___ النرجسية في معناه البسيط هي الإفتتان بالذات، وأراك مفتونا بذاتك لدرجة أن "تبوس" المرآة وأنت تنظر إلى نفسك ;)
| |
|
|
|
|
|
|
|